
遍知贝玛嘎波大师教言集PK33བཀའ་བརྒྱུད་ཀྱི་བཀའ་འབུམ་གསིལ་བུ་རྣམས་ཀྱི་གསན་ཡིག་བཞུགསོ།།
4-287
༄༅། །བཀའ་བརྒྱུད་ཀྱི་བཀའ་འབུམ་གསིལ་བུ་རྣམས་ཀྱི་གསན་ཡིག་བཞུགསོ།།
༄། །བོད་ཀྱི་བཀའ་བརྒྱུད་པ་ཞེས་གསོལ་བའི་རྗེ་བཙུན་ཆེན་པོ་རྣམས་ཀྱི་བཀའ་འབུམ་གསིལ་བུ་ཇི་ལྟར་ཐོབ་པའི་ཚུལ།
༄༅། །བཀའ་བརྒྱུད་ཀྱི་བཀའ་འབུམ་གསིལ་བུ་རྣམས་ཀྱི་གསན་ཡིག་བཞུགསོ།། ༄༅།།སངས་རྒྱས་སྤྲུལ་སྐུ་ཉག་གཅིག་པའི། །དཀར་བརྒྱུད་གྲལ་རིང་ལ་བཏུད་ནས། །གང་གསུང་ཆོས་ཀྱི་སྙིང་ཕྱུང་བ། །ལག་རྩེར་ལོན་པའི་ངོ་མཚར་ཤོད། །རྒྱ་བོད་ཀུན་ན་ཉི་ཟླ་ལྟ་བུར་གྲགས་པའི་བརྒྱུད་པ། བོད་ཀྱི་བཀའ་བརྒྱུད་པ་ཞེས་གསོལ་བའི་རྗེ་བཙུན་ཆེན་པོ་རྣམས་ཀྱི་བཀའ་འབུམ་གསིལ་བུ་ཇི་ལྟར་ཐོབ་པའི་ཚུལ་ནི། བླ་མ་རྣམས་ཀྱི་རྣམ་ཐར་གསེར་གྱི་འཕྲེང་བ་ལྟ་བུ། ལོ་ཙ་བ་ཆེན་པོ་མར་པས་མཛད་པའི་རྒྱུད་བཤད་མན་ངག་གི་ཡི་གེ་སོ་སོའི་ནང་དུ་བསྟན་ཟིན་པས་རྣམ་པར་ཐར་པ་རྒྱས་པ་དང་མགུར་འབུམ། དེ་བཞིན་རྗེ་བཙུན་གྱི་རྣམ་མགུར་ངམ་རྫོང་པ་དང་། རས་པ་བཅུ་གཉིས་ཀྱིས་བསྒྲིགས་པ་གཉིས་ལ་ཚད་མར་བྱེད་ལ། 
4-288
དང་པོ་དང་གཙང་སྨོན་ཧེ་རུ་ཀས་བསྒྲིགས་པ་ཕལ་ཆེར་མཐུན་ལ། ཕྱི་མ་ལ་རེ་རེ་ཙམ་མིན་པ་ལྷད་མེད་པས་དེ་ཡང་ལེགས་པར་མཐོང་ངོ་། །དུས་ཕྱིས་རྗེ་བཙུན་གྱི་གསུང་ཐོར་བུའོ་ཞེས་སླར་དཔེར་བཀོད་པ་རྣམས་ནི་སྙིང་པོ་མེད་པ་རྐྱང་སྟེ་ཡིད་རྟོན་པར་མི་བྱའོ། །རྗེ་ཟླ་འོད་གཞོན་ནུའི་བཀའ་འབུམ་སྒམ་པོར་པར་དུ་བཞུགས་པ་ལའང་གསུང་གཙང་མ་སྒྲིག་མ་འཚལ་བ་དང་། བསྲེ་འཕོ་ལ་སོགས་པའི་གཞུང་ཐོར་བུ་འཚངས་པ་དང་། གཞན་གྱིས་བྱས་ངེས་པ་འདིར་བཅུག་པ་སོགས་སྣང་བས་ལོགས་སུ་དཔྱད་རྒྱུ་བཞག །རྣམ་ཐར་ཉེ་གནས་ཆ་བཞིས་བསྒྲིགས་པ་འདི་རང་ལེགས་པར་མཐོང་། རྨོག་ཅོག་པས་མཛད་པའི་བསྡུས་པ་ཞིག་ཀྱང་སྣང་ངོ་། །རྗེ་ཕག་མོ་གྲུ་པའི་བཀའ་འབུམ་ལའང་། ཁྲིད་མན་ངག་སོ་སོར་བརྫངས་རྗེས་ལམ་རིམ་འགའ་དང་རྣམ་ཐར་སོགས་འདི་ལའང་དཔེ་གཞན་སླེབ་པ་མང་ངོ་། །རྗེ་རས་ཆུང་པའི་རྣམ་ཐར་སྔོན་གྱི་ཞལ་སློབ་རྣམས་ཀྱིས་བསྒྲིགས་པ་ལས། སངས་རྒྱས་དགའ་བདེར་གྲགས་པ་ཆོས་རྗེ་སྤོས་སྐྱ་པའི་ཞལ་སློབ་དེས་ཆུན་དུ་བསྒྲིགས་པ་འདི་ལའང་། སྒྲིག་ཚོམས་ཀྱི་དུས་སུ་གོ་རིམ་ལོག་པ་འགའ་རེ་སྣང་། རྗེ་གླིང་གི་བཀའ་འབུམ། ཆོས་རྗེའི་བཀའ་འབུམ། སེང་གེ་དགུ་ཚར་ལ་དུམ་བུ་སྣང་། ཕྱིས་རྒྱལ་དབང་རྗེ། ངག་དབང་ཆོས་ཀྱི་རྒྱལ་པོ། འཇམ་དབྱངས་ཆོས་ཀྱི་གྲགས་པ། 
4-289
ཀུན་སྤངས་རྗེ་རྣམས་ཀྱི་གསུང་ངག་ཁྲིགས་སུ་བཀོད་པ་ལས། མར་པ། ཆོས་རྗེ། རྒྱལ་དབང་རྗེ་རྗེ་རང་གི་གསུང་རྣམས་ཀུན་མཁྱེན་འབྲུག་པ་རིན་པོ་ཆེ་འབྲུག་ཆེན་ཡིན་ངེས་པ་དེའི་གསུང་རང་ལས་ཐོས། གཞན་རྣམས་རྗེ་ངག་གི་དབང་ཕྱུག་གི་ལྗགས་སྟེབས་ནས་རྗེ་གོང་མ་དཔོན་སློབ་ཀུན་སྤངས་རྗེའི་གསུང་ལས་ཐོས་ལ། བརྒྱུད་པའང་སྔ་མ་སྔ་མ་ནས་ཕྱི་མ་བརྒྱུད་ཆོག་གི་དེ་ལས་བརྒྱུད་པ་ལོགས་སུ་འཚོལ་བ་དོན་མེད་པ་ཡིན་ནོ། །དེ་ཡང་རྗེ་བཙུན་རྣམས་ཀྱི་གསུང་གཙང་མ་ཕྱོགས་གཅིག་ཏུ་སྡེབ་པར་འདོད་པས་སོ་སོའི་དཀར་ཆག་ལས་ཆོས་ཚན་དུ་བཞུགས་རྟོགས་པར་བྱའོ། །རྒོད་ཚང་པའི་རྣམ་ཐར་མགུར་འབུམ། ཨུ་རྒྱན་པའི་རྣམ་མགུར་འཕྲེང་སྐོར་སོགས་དང་། ཡང་དགོན་པའི་རྣམ་མགུར་རྣམས་ཞིབ་པར་རྟོགས་པ་རྒྱལ་ཚབ་དམ་པ་ལས་ཐོབ་དེ། རྒོད་ཚང་པའི་རྣམས། ཨུ་རྒྱན་པ། ཟླ་སེང་པ་ནས་བསྙེན་སྒྲུབ་དང་མཐུན་པར་བྱས་པ། རྒྱལ་དབང་རྗེའི་གསན་ཡིག་དང་མཐུན། འབའ་ར་བའི་རྣམ་མགུར་ཙམ་ཀུན་སྤངས་རྗེ་ལས་ཐོས་སོ། ། ལོ་རས་བཀའ་འབུམ། ཙ་རི་རས་པ། རྟོགས་ལྡན་མགོན་ཡེས་ཀྱི་རྣམ་མགུར་རྣམས་བརྒྱུད་པ་ཐུབ་ལྔ་དང་མཐུན་པ་ཡིན་ནོ་ཞེས་ཤེས་པར་བྱའོ།། །།དཔལ་འབྲུག་པའི་སྒྲུབ་ཐབས་སྐོར་ལྔ་ལས་བདེ་མཆོག་དངོས་གྲུབ་ཀྱི་སྐོར་གྱི་ཡིག་སྣའི་གསན་ཡིག་གོ། །ཞལ་བཞིས་རྡོ་རྗེ་ཡན་ལག་མ་ཉིད་དང་། །
4-290
བཅུ་གཉིས་སྤྱན་གྱིས་ཕག་མོའི་རིགས་བྱུང་མ། །རྣམས་ལ་རྗེས་ཆགས་བསྐུལ་བའི་ཧེ་རུ་ཀ །བདེན་དོན་རྣམ་པའི་ཕྱག་ཅན་དེ་ལ་འདུད། །འདིར་དཔལ་འབྲུག་པའི་སྒྲུབ་ཐབས་ཀྱི་སྐོར་ལྔ་ལས། བདེ་མཆོག་དངོས་གྲུབ་ཀྱི་སྐོར་འདི་ནི་འཁོར་ལོ་སྡོམ་པ་བཅུ་གསུམ་མ། བཤད་པ་རྩ་རྒྱུད་ཉུང་ངུ་། འཆད་བྱེད། རི་སྟེང་སྣ་ཚོགས་པདྨ་ཡི། །ལྟེ་བར་ཨཱ་ལི་ཀཱ་ལི་སྐྱེས། །དཀར་མའི་བདག་པོ་རྣམ་གནོན་ཅིང་། །རྡོ་རྗེ་དྲིལ་བུས་སྐུ་ལ་འཁྱུད། །ཉི་ཤུ་རྩ་བཞིའི་ཕྱེད་ལྡན་པའི། །དཔའ་བོ་རྣལ་འབྱོར་མ་ཚོགས་བསྐོར། །ཞེས་པ་དང་། ཨ་བྷི་དྷ་ནར། དམ་ཚིག་གི་དཀྱིལ་འཁོར་ཞེས་གསལ་བར་བཤད། དེ་ལ་རྡོ་རྗེ་རྣལ་འབྱོར་མས་སྒྲུབ་ཐབས་མཛད། ནཱ་རོ་པས་དབང་གི་ཐོ་ཡིག་དང་། པྲཛྙཱ་རཀྵི་ཏ་ཞེས་པ་དེའི་དངོས་སློབ་ཀྱིས་མཛད་པའི་ལག་མཆོད། ཕྱི་རོལ་མཆོད་པ། གཏོར་མ་གསུམ་སྟེ་ལྔ་ལུགས་འདི་ལ་གཙོ་བོ་ཡིན་ཀྱང་སྙན་བརྒྱུད་ཀྱི་གླེགས་བམ་དུ་ཡོད་པས་དེས་ཐུས་པར་མཛད་ནས་འདིར་མ་བཅུག །དེ་ནི་ནཱ་རོ་ལུགས། མཻ་ཏྲི་པས། སྒྲུབ་ཐབས། དབང་བསྐུར་རོ་བསྲེག །རབ་གནས་བཞི་མཛད་པ་འདི་ཤ་ཝ་ར་ནས་འོངས་པས་ཤ་ཝ་རའམ་མཻ་ཏྲི་པ་ཆེན་པོའི་ལུགས། ཇོ་བོ་ཨ་ཏི་ཤས་མཛད་པའི་གཞུང་། དེས་དྷ་རི་ཀའི་སློབ་མ་བྲམ་ཟེ་སྡོམ་པ་བཟང་པོ་ལ་གསན་པ་ཇོ་བོ་ལུགས། 
4-291
རྗེ་བཙུན་གླིང་གིས་མཻ་ཏྲི་པའི་གཞུང་ལ་འགྲེལ་པ། རང་ཉིད་ཀྱི་སྒྲུབ་ཐབས། ཞིབ་མོ་བཀོད་པར་གྲགས་པའི་དབང་ཆོག །རབ་གནས་སྦྱིན་སྲེག །རོ་སྲེག །རྩ་ལྟུང་རྣམ་བཤད། རབ་གནས་ཀྱི་ཆ་ལག་རྣམས་མཛད་པ་ལུགས་གསུམ་ཀ་འདུས་པར། ཆོས་རྗེས་མཛད་པ་སྒྲུབ་ཐབས་ཚོགས་མཆོད་དཀྱུས་མ། དབང་གི་ཐོ་ཡིག །ཇོ་ཡེས་ཀྱི་ཞུ་ལན། སངས་རྒྱས་དཔོན་གྱིས་མཛད་པ་མཻ་ཏྲི་པའི་སྒྲུབ་ཐབས་ཀྱི་འགྲེལ་པ། ཆོས་རྗེ་ཀུན་དགའ་སེང་གེས་མཛད་པའི་སེམས་དབང་། སྒོམ་པ་ཆོས་གྲགས་ཀྱིས་དབང་གོང་མའི་ཟིན་བྲིས། དེ་དག་གི་ས་སྤྱད་སོགས་སོ། །དེ་ལྟ་བུའི་སྒྲུབ་ཐབས་འདི་བསྐྱེད་ཆོག་འབྲིང་པོ། སྒོང་སྐྱེས་སྦྱོང་བྱེད་ཡིན་ཀྱང་། དེ་ལ་རུ་སྦལ་ཁོག་པ་དང་སེམས་ཅན་དུས་གཅིག་ལ་གྲུབ་པ་དང་། བྱ་སྒོང་ང་དང་པོར་གྲུབ། བྱེའུ་ཕྱིས་ནས་གྲུབ་པ་ལྟ་བུ་གཉིས། བདེེ་མཆོག་གི་རྒྱུད་ལ་བཞུགས་པའི་ནཱ་རོ་ལུགས་དང་པོ། འདི་ལ་ལྷ་དང་གཞལ་ཡས་ཁང་སྟབསུ་སློང་དགོས། མཻ་ཏྲི་ལུགས་ཕྱི་མ་འདི་ལ། སྔར་གཞལ་ཡས་ཁང་དེ་གྲུབ་པ་དང་། དེའི་ནང་གི་ལྷ་སློང་། དེས་ན་སྤྲོས་པ་ཅུང་ཆེ་དམིགས་པ་བསྒོམ་བླ་བས་དེ་གཙོ་བོར་བཏོན་པས་ན་མཻ་ཏྲི་ལུགས་སུ་གྲགསོ། །ཇོ་བོ་ཡང་སྔ་མའི་ལུགས་བཞིན་ནོ། ། ཕྱིས་པཎ་ཆེན་ནགས་རིན་ནས་དབང་རྒྱུན་འདི་དེའི་ལུགས་ཀྱི་གཞུང་གཉིས། དེ་ལ་ནཱ་རོ་ལུགས་ཀྱི་བརྒྱུད་པ་ནི། 
4-292
རྡོ་རྗེ་འཆང་། རྣལ་འབྱོར་མ། ཏིལླི་པ། ནཱ་རོ་པ། མར་པ་ཆོས་ཀྱི་བློ་གྲོས། དབང་ཕྱུག་མི་ལ་རས་པ། རས་ཆུང་པ་དང་སྒམ་པོ་པ་གཉིས། དང་པོ་ལ་དཔལ་ལྡན་སྐུ་མཆེད་རྣམ་གསུམ། ཕྱི་མ་ལ་ཕག་མོ་གྲུ་པ། སྐུ་མཆེད་གསུམ་དང་ཕག་གྲུ་ལ་གླིང་རས། དེ་ལ་ཆོས་རྗེའོ། །མཻ་ཏྲི་ལུགས། མར་པས་དེ་ཉིད་ལ་གསན་པར་འདུས་མོད་ཀྱང་། འདིར་གོང་མ་རྣམས། རྡོ་རྗེ་འཆང་། ཕྱག་རྡོར། བྱང་སེམས་བློ་གྲོས་རིན་ཆེན། ཤ་ཝ་རི། མཻ་ཏྲི་པ། ཏི་བུ་གསང་སྔགས་ཀྱི་སྡོང་པོ། དེས་རྗེ་རས་ཆུང་པ། ཏི་བུ་འདི་ལ་འགའ་ཞིག །སྲས་མདོ་སྡེས་གྲོང་འཇུག་མཛད་པ་དེ་ཡིན་པར་སེམ་པ་ནི་ནོར་བའོ། །ཇོ་བོ་ནས་བརྒྱུད་པ་ནི། བདེ་མཆོག །ལུ་ཡི་པ། དྭཱ་རི་ཀ་པ། སྡོམ་པ་བཟང་པོ། ཨ་ཏི་ཤ །ལོ་ཆེན་རིན་ཆེན་བཟང་པོ། དེས་རྒྱ་བརྩོན་འགྲུས་ཤེས་རབ་དང་། འཛངས་དར་མ་བློ་གྲོས་གཉིས་ལ། དེ་གཉིས་ཀྱིས་རྒྱ་ལྕགས་རི་བ་ལ། དེས་དྭགས་པོ་རིན་པོ་ཆེ་ལའོ། །ཆོས་རྗེས་སངས་རྒྱས་དཔོན། ཆོས་རྗེ་གཞོན་ནུ་ཉི་མ། རྡོ་རྗེ་གླིང་པ། སྤོས་སྐྱ་པ། བཅུ་གསུམ་པ། ཀུན་དགའ་སེང་གེ། དེས་མཁན་པོ་དང་། བླ་ཆེན་པ་གཉིས་ལ། དེ་གཉིས་ཀྱིས་བློ་གྲོས་སེང་གེ། དེས་ཤེས་རབ་སེང་གེ། དེས་ཡེ་ཤེས་རིན་ཆེན། དེས་ནམཁའ་དཔལ་བཟང་། དེས་ཤེས་རབ་བཟང་པོ། 
4-293
དེས་རྒྱལ་དབང་རྗེ། དེས་ངག་དབང་ཆོས་ཀྱི་རྒྱལ་པོ། དེས་འཇམ་དབྱངས་ཆོས་ཀྱི་གྲགས་པ། དེས་ཀུན་སྤངས་རྗེ། དེས་པདྨ་དཀར་པོ་ལའོ། །ནགས་རིན་ལུགས་ནི། ཤ་ཝ་ར། ནགས་རིན། རྒྱལ་དབང་རྗེའོ།། །།
༄། །དཔལ་འབྲུག་པའི་སྒྲུབ་ཐབས་སྐོར་ལྔ་ལས་ཕག་མོ་བྱིན་རླབས་སྐོར་གྱི་གསན་ཡིག།
༄༅། །དཔལ་འབྲུག་པའི་སྒྲུབ་ཐབས་སྐོར་ལྔ་ལས་ཕག་མོ་བྱིན་རླབས་སྐོར་གྱི་གསན་ཡིག ། གཏན་ལ་དབབ་བྱ་བདེན་པ་གཉིས་ནི་ཞལ། །འབེབས་བྱེད་མཚན་མེད་བདེ་བར་རོལ་བ་གང་། །གཅེར་མོ་ནུ་མ་བྷ་ག་རྒྱས་བའི་སྐུས། །ཕབ་འབྲས་ལང་ཚོའི་དགང་ཀ་སྟོན་དེར་འདུད། །འདིར་དཔལ་ལྡན་འབྲུག་བའི་སྒྲུབ་ཐབས་ཀྱི་སྐོར་ལྔའི་ནང་ནས་ཕག་མོ་བྱིན་རླབས་ཀྱི་སྐོར། དེ་ལ་རིགས་མང་པོ་ལས་འདི་གང་ཡིན་ཞེ་ན། ཞལ་གཉིས་མ་ཕྱག་གཉིས་མ་རྩ་བ་ཡིན་པས། འདི་བསྟན་ནས། སྡོམ་པ་རྒྱ་མཚོའི་རྒྱུད་དུ་དྷ་རི་ཀ་པས་བཤད། ཉམསུ་ལེན་པའི་གཞུང་འདི་ལ་སྔ་རབས་པ་ཁ་ཅིག །སྡོང་ངར་བས་མཛད་ཟེར་དེ་སུ། ཤ་ཝ་ར་འོ། །ལ་ལ་སྟོང་ཉིད་ཏིང་འཛིན་གྱིས་མཛད་ཟེར་དེ་སུ། མཻ་ཏྲི་པའི་སློབ་མ་རྒྱལ་པོའི་རིགས་རཱ་མ་ཕ་ལའོ། །དེས་ཨུ་རྒྱན་ཙི་ཏ་མ་ཎིའི་རྒྱལ་ཁམས་སུ་སྦྱར་བའོ་ཟེར་ཏེ་ནོར་བ་འབའ་ཞིག་ཡིན། རྒྱུ་མཚན་འདི་མཛད་པ་པོ་འགྱུར་དག་པར་ཨིནྡྲ་བོ་དྷི་ཆེན་པོས་མཛད་པ་རྫོགསོ་ཞེས་དང་། དཔལ་དང་ལྡན་པ་རབ་ཏུ་བསྔགས་པའི་གནས་ཨུ་རྒྱན་ནས་བྱུང་བའི་དགོངས་པ་བླ་ན་མེད་པ་ཞེས་འབྱུང་བ་དང་། 
4-294
འདི་ཉིད་ཀྱི་འགྲེལ་པ་སློབ་དཔོན་ཆེན་པོ་དཱ་རི་ཀ་པས་མཛད་པར། ཕྱག་རྒྱ་ཆེན་པོའི་དངོས་གྲུབ་སྒྲུབ་པའི་ཐབས་ཀྱི་རྒྱལ་པོ། ཨིནྡྲ་བོ་དྷི་ཞབས་ཀྱིས་རང་གི་རྟོགས་པར་འགྱུར་བའི་ལམ་གྱི་མཚན་ཉིད་མཁའ་འགྲོའི་གསང་པ་མངོན་པར་བརྗོད་པས། དང་པོ་དོན་ཆེན་པོའི་དངོས་གྲུབ་ཀྱི་རྒྱུ་དང་། འགྲོ་བ་འདུལ་བར་བྱེད་པོའི་ཐབས་རྡོ་རྗེ་རྣལ་འབྱོར་མའི་སྒྲུབ་ཐབས་དང་། དེའི་སྔགས་བཏུ་བ་དང་། བཟླས་པའི་ཆོ་ག་དང་། འཁོར་ལོ་མཆོད་པའི་ལས་རྣམས་དང་། ལྷག་མས་མཆོད་བའི་མཚན་ཉིད་ཀྱང་བརྗོད་དོ། །ཞེས་འབྱུང་བས་སོ། །ཡང་སྟོང་ཉིད་ཏིང་འཛིན་ཀྱང་སློབ་དཔོན་ཆེན་པོ་ཏོག་རྩེ་པའི་མཚན། དེའི་བླ་མ་བཟང་པོ་པ་ཡིན་པས། དེ་ཁོ་ན་ཉིད། ཡེ་ཤེས་གྲུབ་པ་ཞེས་པ། འདི་ཉིད་ཀྱི་ཕྱི་རོལ་མཆོད་པ་ལ་སོགས་པ་སྟོན་པའི་གཞུང་སྟེ། དེར་དཔལ་འཇམ་པའི་དབྱངས་ཀྱིས་བྱིན་གྱིས་རླབས་པ། མཁས་པ་ཆེན་པོ་བཟང་པོ་པའི་ཞལ་སྔ་ནས་ཀྱི་ཞབས་རྡུལ་ལ་རེག་པ། པཎྜི་ཏ་སྟོང་ཉིད་ཏིང་འཛིན་གྱིས་མཛད་པ་ཞེས་འབྱུང་བ་དང་། བཞི་ཆོས་ཀྱི་ལོ་རྒྱུས་རྙིང་མར། ཏོག་རྩེ་པ། ཤ་ཝ་རའི་བླ་མར་བཤད་པ་གུང་མཐུན་པས་གཞན་དུ་མ་དོགས་ཤིག །དེ་བས་ན་གཞུང་འདི་ཨུ་རྒྱན་དུ་སྔགས་གཞུང་གྲུབ་པའི་སློབ་དཔོན་དག་གིས་མཛད་པའི་སྔ་ཤོས་ཡིན་ཅེས་གྲགསོ། །དེ་ལྟ་བུའི་ཆོས་དེ་ལ་དབང་དང་བྱིན་རླབས་གཞུང་དེ་དང་། 
4-295
དེ་ཁོ་ན་ཉིད། ཡེ་ཤེས་གྲུབ་པ། སྔགས་ཀྱི་དེ་ཁོ་ན་ཉིད་ཀྱིས་བྱིན་གྱིས་བརླབས་པ། རྒྱལ་པོ་ཨིནྡྲ་བོ་དྷི་འབྲིང་པོས་མཛད་པ། རྩ་བའི་འགྲེལ་པ། རྣལ་འབྱོར་གྱི་རྗེས་འབྲེང་པ་ཞེས་པ་དང་། ཚེས་བཅུའི་རྟོག་པ། རྣལ་འབྱོར་མ་མཆོད་པའི་ཆོ་ག་གསུམ་དཱ་རི་ཀ་པས་མཛད་པ། དབང་བསྐུར་དང་སྦྱིན་བསྲེག་ཤ་ཝ་རས་མཛད་པ། བསྟོད་ཆེན་མཻ་ཏྲི་པས་མཛད་པ་རྣམས་བདེན་གཉིས་ཞལ་ཕྱག་གཉིས་མ་ཁོ་ནའི་ཡི་གེ། །རྩ་བའི་བླ་མའི་མན་ངག་ལམ་གྱིས་ནི་རིམ་པ་རྒྱས་པ་རྟོགས་པར་བྱ། ཞེས་བསྟན་པ་ལས། ཡེ་ཤེས་དབབ་པ་ཞེས་པ་ཏོག་རྩེ་བས་མཛད་པ་དང་། རྡོ་རྗེ་རྣལ་འབྱོར་མའི་བདེ་བ་མཆོག་གི་སྡོམ་པ་འཇུག་པ་ངེས་དོན་གྱི་དཀྱིལ་འཁོར་ཞེས་པ་མཻ་ཏྲི་པས་མཛད་པ་དང་། བོད་དུ་གླིང་གི་འགྲེལ་པ། ཆོས་རྗེའི་སྒྲུབ་ཐབས། ཚོགས་མཆོད། བྱིན་བརླབ་བསྡུས་པ་རྣམས་ཀྱི་བརྒྱུད་པ་ནི། རྡོ་རྗེ་འཆང་། ཨིནྡྲ་བོ་དྷི་ཆེན་པོ། དེ་ལས་ཆོས་ཀྱི་པ། བཟང་པོ་པ། ཏོག་རྩེ་པ། ཤ་ཝ་རའམ། ཨིནྡྲ་བོ་དྷི། ཀླུ་ལས་གྱུར་པའི་རྣལ་འབྱོར་མ། ས་ར་ཧ། ཀླུ་སྒྲུབ་བམ། རྒྱལ་པོ་ཨིནྡྲ་བོ་དྷི་ནས། རོལ་པ་མོ། དཔའ་བོ་རྡོ་རྗེ། དམ་ཚིག་རྡོ་རྗེ། པདྨ་རྡོ་རྗེ། པཎྜི་ཏ་བདུད་རྩི་དགའ་བའི་འབྱུང་གནས། དེས་ཨིནྡྲ་བོ་དྷི་འབྲིང་པོ། དེས་ལེགས་སྨིན་ཀ་ར། 
4-296
བཟང་པོ་པ། དེ་ལས་ཏོག་རྩེ་པ། ཤ་ཝ་རི། ལཱུ་ཡི་པ། དཱ་རི་ཀ་པ། དེ་ལས་ཏིལླི་ནཱ་རོ། མཻ་ཏྲི། མར་མིའམ། རི་ཁྲོད་པ། མཻ་ཏྲི། །ཏི་བུ། རས་ཆུང་པ། སྐུ་མཆེད་རྣམ་གསུམ། གླིང་ངམ། རས་ཆུང་པ། སྒམ་པོ། ཕག་གྲུ། གླིང་། ཇོ་བོ་ལུགས་ཀྱི་ལོ་རྒྱུས་དང་། །དེས་མཛད་པའི་སྒྲུབ་ཐབས་ནཱ་རོ་པ་ནས། ཇོ་བོའམ་དྷ་རི་ཀ་པ། བྲམ་ཟེའི་སློབ་དཔོན་སྡོམ་པ་བཟང་པོ། དེས་ཇོ་བོ། དེས་ལོ་ཆེན་རིན་ཆེན་བཟང་པོ། དེས་རྒྱ་བརྩོན་འགྲུས་ཤེས་རབ་དང་། མཛངས་དར་མ་བློ་གྲོས། དེ་གཉིས་ཀར་རྒྱ་ལྕགས་རི་བ། དེས་དྭགས་པོ་ལྷ་རྗེ་ལའོ། །གླིང་ནས། ཆོས་རྗེ། དབོན། གཞོན་ནུ། ཉི་མ། རྡོར་གླིང་པ། སྤོས་སྐྱ་པ། བཅུ་གསུམ་པ། ཀུན་དགའ་སེང་གེ། མཁན་པོ་དང་། བླ་ཆེན་གཉིས། བློ་གྲོས་སེང་གེ། ཤེས་རབ་སེང་གེ། ཡེ་ཤེས་རིན་ཆེན། ར་སྨྱོན། ཤེས་རབ་བཟང་པོ། རྒྱལ་བའི་དབང་པོ་ཀུན་དགའ་དཔལ་འབྱོར། ཡང་ན། བློ་གྲོས་སེང་གེ། མཁྱེན་བརྩེ་རྟོགས་ལྡན། སྒྲུབ་ཆེན་རྣམ་གསུམ། དེ་གསུམ་ག་ལ་འཁྲུལ་ཞིག་རིན་པོ། དེས་རྒྱལ་དབང་རྗེ་དང་། གྲུབ་ཆེན་ཤཱཀ་འཕེལ་པ། རྒྱལ་དབང་རྗེ་ལ་འབྲུག་པ་རིན་པོ་ཆེ་ངག་གི་དབང་པོ། དེས་གོང་མ་མིའི་དབང་པོ། དེས་ཙཎྜ་ལི་པ། དེས་པད་དཀར་པོ་སྒྲུབ་ཆེན་པས། རྗེ་བླ་མ་དང་། འགྲོ་མགོན་ཆོས་སྐྱབས་པ་ལ། 
4-297
དེས་ཁམས་དབྱངས་ཆོས་ཀྱི་གྲགས་པ་ལའོ། །པཎ་ཆེན་ནགས་རིན་གྱི་ལུགས་བྱིན་རླབས་སྒྲུབ་ཐབས་དང་བཅས་པ། ཤ་ཝ་རི། ནགས་རིན། རྒྱལ་དབང་རྗེའོ། །དེ་ལྟ་བུའི་རྡོ་རྗེ་རྣལ་འབྱོར་མའི་སྒྲུབ་ཐབས་ལས་ཚོགས་དབང་། རྫོགས་རིམ་རིམ་པ་བཞི་པ་རྣམས་བདག་པདྨ་དཀར་པོས་གཏན་ལ་ཕབ་པ་བརྒྱུད་པ་ནི་དེ་དག་ཁོ་ནའོ། །ཡང་། བླ་མའི་མན་ངག་ལམ་གྱིས་ནི། །རིམ་པ་རྒྱས་པ་རྟོགས་པར་བྱ་ཞེས་པ་ལས་འཕྲོས་པ་ཕག་མོ་གཞུང་དྲུག་ཏུ་གྲགས་པ་ཞལ་གཉིས་མ་ཆེ་བ་ཆུང་བ། དོན་གྲུབ་མ་ཆེ་ཆུང་། དབུ་བཅང་མ་ཆེ་ཆུང་། དེ་དག་གི་དོན་འགྲེལ་དམར་ཆུང་མ། ཀེང་རུས་ཏྭ་ར་ཎའི་སྒྲུབ་ཐབས་མན་ངག་བྱིན་རླབས་དང་བཅས་པའི་བརྒྱུད་པ་ནི། རྡོ་རྗེ་འཆང་། རྣལ་འབྱོར་མ། ལྕམ་ལེགས་སྨིན་ཀ་ར། དཔལ་བིརྦ་པ། ཨ་ཝ་དྷཱུ་ཏཱི་པ། ལྡོང་ངར་བ། བསོད་སྙོམས་པས། སངས་རྒྱས་སྦྱིན། དེ་བ་ཨཱ་ཀ་ར། མ་ཧཱ་བྷ་རོ་གསུམ་ལ་བསོད་སྙོམས་པ། ཡབ་སྲས་བཞི་ཀས་བལ་པོ་ཧ་དུ་དཀར་པོ། དཔྱལ་ཀུན་དགའ་རྡོ་རྗེ། མངའ་རིས་སྐྱིད་སྟོན། ལྷ་རྗེ་སྟོན་པ། ཞང་དར་མ་བསོད་ནམས། ཀོ་བྲག་ཆོས་རྗེ། རི་ཁྲོད་དབང་ཕྱུག །ཐུགས་སྲས་ཆོས་རྗེ། རི་ཁྲོད་པ་གཞོན་ནུ་རྒྱལ་མཚན། རྡོ་རྗེའི་མཚན་ཅན། བྱང་ཆུབ་བཟང་པོ། སྨྱུག་ལ་ཆོས་རྗེ་ངག་དབང་གྲགས་པ། མཁས་པའི་དབང་པོ་འབུམ་རབ་འབྱམས་པ་རིན་ཆེན་ཆོས་དབང་། 
4-298
སློབ་དཔོན་རིན་པོ་ཆེ་ཆོས་རྒྱལ་ལྷུན་གྲུབ །དེས་པདྨ་དཀར་པོ་ལའོ།། །།
༄། །དཔལ་འབྲུག་པའི་སྒྲུབ་ཐབས་སྐོར་ལྔའི་གྱ་བ་གཏུམ་པོ་ནུས་མཐུའི་གསན་ཡིག་བཞུགསོ།།
༄༅། །དཔལ་འབྲུག་པའི་སྒྲུབ་ཐབས་སྐོར་ལྔའི་གྱ་བ་གཏུམ་པོ་ནུས་མཐུའི་གསན་ཡིག་བཞུགསོ། །རྒྱུད་ལུང་གསེར་སྦྱངས་སྤུག་གིས་སྤྲས་པ་ནི། །ཐོགས་ཕྱིར་རྣ་བ་བྱེ་བ་རིར་གྱུར་དང་། །དོན་སྡེབས་མུ་ཏིག་དོ་ཤལ་འཛིན་པས་ན། །སྙིང་ག་དཔལ་ལྡན་ཀུན་ལ་ཕྱག་འཚལ་ལོ། །འདིར་བོད་སྤྱིས་གཏུམ་པོ་ཁྱུང་གིས་ཆེ་བ་ཞེས་བྱས་པ་དང་རས་ཆུང་ཞབས་ཀྱིས་མན་ངག་གཤམ་བུ་ཅན་བཅོ་བརྒྱད་དུ་གྲགས་པ་ལས་ཕྱག་རྡོར་ཁྱུང་གཤམ་ཅན། དཔལ་འབྲུག་པའི་སྒྲུབ་ཐབས་ལྔའི་ནང་གི་གཏུམ་པོ་ནུས་པའི་སྐོར། ཇི་ལྟར་ཐོབ་ཚུལ་གླེང་ངོ་། །འདིའི་རྩ་རྒྱུད་གསང་བ་བསྟན་པ། རྡོ་རྗེ་སེམས་དཔའ་ཉིད་རྡོ་རྗེ་གཏུམ་པོ་འདིར་བསྟན། ཐུགས་ཀའི་རྡོ་རྗེའི་ལྟེ་བ་ནས་ཡུམ་རྡོ་རྗེ་བདེ་མ་སྟོན་ཏེ། དེས་ཞུས་པའི་ངོར་གསུངས། བྱང་ཆུབ་སེམས་པ་པ་ཕྱག་ན་རྡོ་རྗེས་བསྡུས་ཏེ། བཻ་ཌཱུརྻའི་ཤོག་བུ་ལ་གསེར་ཞུན་མས་བྲིས་ཏེ་གླེགས་བམ་སོར་བཅུ་དྲུག་པའི་ཚད་དུ་བྱས་ནས་རྒྱ་རིམ་པ་བདུན་གྱིས་བཏབ་སྟེ་ལྕང་ལོ་ཅན་དུ་མཆོད་པས་ལྷའི་རིགས་འཕེལ་བར་གྱུར་ཏོ། །དེ་ཡང་སྟོན་པ་དང་སྡུད་པ་པོ་དྲང་པའི་དོན་དུ་ཐ་དད་པ་དང་། ངེས་དོན་དུ་གཅིག་པས་ཕྱག་རྡོར་དང་རྣམ་འཇོམས་ལྟ་བུའོ། །གཞན་སྐུ་གསུང་ཐུགས་བསམ་གྱིས་མི་ཁྱབ་པའི་རྒྱུད་གསུམ། 
4-299
རྡོ་རྗེ་རྩེ་མོ། རྡོ་རྗེ་ས་འོག །འབྱུང་འདུལ། དྲག་པོ་གསུམ་འདུལ། ཉི་མ་ཁྲག་སྐེམས། ཟླ་བ་ཆུ་འཛག །མེ་ལྕེ་འཕྲེང་བ། རྡོ་རྗེ་བེ་ཅོན། འདི་ཁྲོས། ཟླ་རྒྱན་གསེར་མིག་འཁྱིལ་བ་དག་གླེགས་བམ་གཅིག་ཏུ་བྱས་ནས། རྗེ་རས་ཆུང་པས་ཕྱིས་ཝ་ལ་ཙནྡྲ་ལ་གསན་ནས་རྒྱབ་ཆོས་སུ་གནང་ངོ་། །དེ་ཡང་ཁྱུང་མང་། གཏམ་ཆུང་མེ་འབར་སོགས་དེ་དག་གནས་བསྟན་པའང་ཡོད་པས་ཆ་མཐུན་སྡེབས་པའོ། །འཛམ་བུའི་གླིང་པ་ལ་དེ་དག་སྤྱོད་ཡུལ་དུ་བྱས་ཆོག་པ་ནི། གླན་ལོ་ཙཱ་བ་ན་རེ། ཙི་ལུ་པ་ཡིན། དེའི་ལོ་རྒྱུས་འདི་ལྟར་འཆད། ཤར་ཕྱོགས་བྷངྒ་ལར་རྒྱལ་པོ་ཉེ་ཐར་བསྟན་རྒྱལ་སྲིད་སྐྱོང་བའི་དུས་སུ་ཡུལ་དེ་ན་རྣལ་འབྱོར་མ་ཆང་ཚོང་མ་གཅིག་ཡོད་པ་ཟླ་མཚན་དང་ལྡན་པའི་སྐབས་ཤིག །རྣལ་འབྱོར་པ་མདོག་སྔོན་པོ་མིག་གསུམ་ཡོད་པ་ཤིང་ཤིར་ཤ་ཁའི་རྡོ་རྗེ་ཐོགས་པ་ཅིག་གིས་ཆང་ཉོས་དེ་ནུབ་རྣལ་འབྱོན་མ་ལ་ཆགས་པ་སྤྱད་ཐོ་རངས་ཁོ་གར་སོང་མི་སྣང་། ཤུལ་ན་རྡོ་རྗེ་དེ་འདུག་པ་བླངས་པ་དང་འོད་སྔོན་པོར་གྱུར་ནས་ལག་པ་ལ་ཐིམ་སོང་། ལོ་དུས་ན་བུ་གཅིག་བྱུང་། ལོ་བདུན་ལོན་པ་དང་དེ་ཁྲིད་བྱང་ཕྱོགས་ཤམ་བྷ་ལར་ཕྱིན་པའི་ལམ་དུ་དགེ་སློང་གཟུགས་བཟང་བ་དུལ་བ་ལྟ་ན་ཆོག་མི་ཤེས་པ་གཅིག་དང་ཕྲད་ནས་བུ་འདི་ང་ལ་བསླང་ཟེར། 
4-300
བྱིན་པས། དེས་དགེ་ཚུལ་བསྒྲུབས། དབང་བསྐུར་ཆོས་བཤད་པས་ཉི་མ་རེ་ལ་ཤློ་ཀ་བདུན་སྟོང་བདུན་སྟོང་ཟིན་དོན་ཁོང་དུ་ཆུད་པ་ཅིག་བྱུང་ཏེ། དགེ་སློང་ན་རེ། ངའི་ཆོས་གོས་ཀྱི་གྲྭ་ལ་འཇུས་ཟེར་འཇུས་པ་དང་འཕུར་ཏེ་ལྕར་ལོ་ཅན་དུ་ཕྱིན། ཉི་མ་བརྩེགས་པའི་ཁང་པ་ན་ཕྱག་ན་རྡོ་རྗེ་བཞུགས་པ་དང་མཇལ། དབང་བསྐུར་རྒྱུད་འདི་དག་གི་གླེགས་བམ་ལ་སོགས་མང་ཞིག་ཞུས་ནས། ཤམ་བྷ་ལར་བྱོན་དུས་འཁོར་རྒྱུད་སྡེ་མཐའ་ཡས་བླངས། དགེ་སློང་ན་རེ། ཁྱོད་ཀྱི་གདུལ་བྱ་རྒྱ་གར་ལྷོ་དང་དབུས་ཕྱོགས་ན་ཡོད་པས་དེར་སོང་ཟེར་མི་སྣང་བར་གྱུར། ཕྱག་ན་རྡོ་རྗེས་བྱིན་གྱིས་བརླབས་པས་གྲུབ་པ་མཆོག་བརྙེས་ནས་ལུང་བསྟན་བཞིན་ལྷོ་ཕྱོགས་ཀངྐ་ཤ་ར་བྱ་བར་རྒྱལ་པོ་ཤིང་རྟའི་འཁོར་ལོ་ཞེས་བྱ་བའི་ཡུལ་དུ་བབས་བློན་པོ་ཨུ་ན་བི་ཏ། བྲམ་ཟེ་དི་རི་པ་ནི། སྒྲ་མཁན་སུ་ན་ཤྲཱི་བྱ་བ་གསུམ་ལ་དུས་འཁོར་བཤད་པས་སྒྲ་མཁན་གྱིས་བཤད་པ་བྱུང་། བྲམ་ཟེ་སྒྲུབ་པ་བྱུངོ་། །བློན་པོས་གང་ཡང་མ་བྱུང་། དེ་ཙ་ན་ཡུལ་དེར་སྟག་གཟིག་པའི་དམག་བྱུང་། ཕྱག་ན་རྡོ་རྗེའི་སྐོར་ཁྱེར། འགྲེལ་པ་སྐོར་གསུམ་སོགས་དོང་དུ་སྦས། ཕྱིས་དམག་ལོག་ནས་བལྟས་པས་འགྲེལ་པ་གཉིས་ཀྱི་སྨད་དུས་འཁོར་རྒྱུད་མ་ཚང་ཐུགས་ན་བཞུགས་པས་བྲི་བར་ཞུས་པས། 
4-301
མཁའ་འགྲོས་མ་གནང་པ་ཡིན་གསུངས་སྐབས་མ་ཕྱེད། དེ་ནས་རྒྱ་གར་དབུས་སུ་བྱོན། ཀོརྐ་ཌིངྒིའི་ཞབས་སོགས་ལ་ཕྱག་རྡོར། ནཱ་རོ་པ་ལ་དུས་འཁོར་ཕྱག་རྡོར་སོགས་བསྟན། པཎ་ཆེན་ལྔ་བརྒྱས་གཙུག་ཏུ་བཀུར་དེའི་ཚེ་ནཱ་རོ་པ་ལ་ཁྱོད་བཤད་པ་བྱོད་ཀྱི་འདུག་པས་ཤོད་གསུངས། སློབ་མ་རྣམས་གཏད་དེ་གར་བྱོན་མི་སྣང་། འདི་ལ། རྗེ་རིགས་མི་ཕམ་རྡོ་རྗེའི་བུ་བསྐྱེད་འཕེལ་ཞེས་བྱ་བས་ལོ་བཅུ་གཉིས་ལོན་པའི་ཚེ་ནམ་མཁའ་ནས་སྒྲ་བྱུང་སྟེ། བསྐྱེད་འཕེལ་ཁྱོད་ནི་ཁྱིམ་པའི་རིགས་མ་ཡིན་གྱི་རབ་ཏུ་བྱུང་ལ་ཕྱག་ན་རྡོ་རྗེ་སྒྲུབས་ཤིག་ཅེས་ལུང་བསྟན། ཙི་ལུ་པ་ལ་ཕྱག་ན་རྡོ་རྗེའི་མན་ངག་ཞུས་ས་ལའི་ཕུག་ཏུ་ལོ་གཅིག་བསྒྲུབས་པས་ཞལ་མཐོང་། དེ་ནས་ཀྱང་ལོ་གཉིས་བསྒྲུབས་པས་གྲུབ་པ་བརྙེས་སློབ་དཔོན་ལ་དུས་འཁོར་བདེ་དགྱེས་སོག་ཀྱང་གསན། ནཱ་རོ་པ་སྤྱོད་པ་ལ་འབྱོན་པའི་དུས་སུ་བདག་མེད་མའི་དབང་སྒྲུབ་ཐབས་ཞུས། མཚན་ཀུ་སུ་ལུ་བཛྲ་པཱ་ཎི་ཟེར། སྤྱོད་པ་བྱས་སྔར་དབང་ཞུ་དུས་དབང་རྟགསུ་ཤིང་ཤིར་ཤ་ཀའི་རྡོ་རྗེ་གཅིག་གནང་བ་དེས་དམག་དཔུང་བཟློག་པ་ལ་སོགས་པའི་ལས་ཐམས་ཅད་མཛད་པས་ལས་ཀྱི་རྡོ་རྗེ་ནགས་ཁྲོད་དུ་བཞུགས་ནས་རྒྱལ་པོའི་བཙུན་མོ་དགུག་པ་ལ་སོགས་པ་མཛད་པས་བླ་མ་ནགས་ཁྲོད་པ་གྲགས། གསང་བསྟན་གྱི་རྒྱུད་དོན་སྡེབས་ནས་ཕྱི་ནང་གསང་བའི་སྒྲུབ་ཐབས། 
4-302
རིགས་ཀྱི་ཁྲོ་བོ་ཕོ་ཉ་འཁོར་སྒྲུབ་ལ་སོགས་པ་མན་ངག་གི་ཡི་གེར་བཀོད་དེ། བྲམ་ཟེའི་རྣལ་འབྱོར་པ་ཐང་ཤིང་གི་སྟེང་དུ་ལོ་གསུམ་བསྒོམ་པ་ཕྱག་ན་རྡོ་རྗེའི་གྲུབ་པ་ཐོབ་པ་ཅིག་ལ་གནང་། དེས་རིགས་ངན་གྱི་རྣལ་འབྱོར་པ་ཤིང་པ་ལ་ཤའི་ལོ་མས་འདོམས་དཀྲིས་བྱས་པ་དཔལ་སྒྱུ་མ་ཆེན་པོའི་གྲུབ་པ་བརྙེས་པ་གཅིག་ལ་གནང་། དེས་ཡུལ་དབུས་བྷེ་ར་བའི་རྗེ་བཙུན་ཀརྞ་རི་པ་བྱ་བ་ལ་གནང་། དེས་རང་གི་སྲིང་མོའི་བུ་ཝ་ལ་ཙནྡྲ་ལ་དབང་བསྐུར་རྒྱུད་བཤད་མན་ངག་ཚང་བར་བྱིན་གསུང་པས། འདི་བཀའ་བཞི་གྱ་བར་འདྲེན་པ་འདྲེས་པར་གོ །ཝ་ལ་ཙནྡྲ་ཡུལ་སྐད། དེ་ཉིད་ཀྱི་སློབ་མ་རྣམས་ཟླ་བ་བཟང་པོ་ཞེས་བསྒྱུར་བ་ཡིན། ཏི་བུའི་སློབ་མ་ཡིན། བླ་མ་དེ་ལ་གླན་ལོ་ཙ་བ་དར་མ་ཚུལ་ཁྲིམས་ཀྱིས་གཏུགས་ནས་གཞུང་མན་ངག་ཕལ་ཆེར་བསྒྱུར། དེས་རྗེ་བཙུན་མི་ལ་དབུས་གཙང་དུ་མ་བྱོན་གོང་སྐུ་གཞོན་ཤར་གྱི་དུས་སུ་གནང་། རྣམ་ཐར་ནང་ན་ཀླུ་ཆོག་མཁན་གཅིག་ལ་གཏུགས་ཟེར་བ་དེ་ཡིན། དབུས་གཙང་འཁོར་དུས་ཁོང་མི་བཞུགས། དེའི་སློབ་མ་ཞང་ཚུལ་གཞོན་གྱིས་ཀྱང་རྗེ་བཙུན་ལ་ཕྱིས་གཏུགས། དེས་ཞུས་ནས་རྗེ་བཙུན་གྱིས་མན་ངག་ཞལ་ཤེས་འགའ་དཔེར་བཀོད། རྗེ་བཙུན་རས་ཆུང་པ་སྐུ་གཞོན་ནུ་ལ་སྙུང་མཛེ་བྱུང་བ་གསོ་བའི་ཕྱིར་བླ་མ་ཝ་ལ་ཙནྡྲ་ལ་གཏུགས་ནས། 
4-303
ཕྱི་སྒྲུབ། ནང་སྒྲུབ། ཁྱུང་མངས་གསང་སྒྲུབ་འབྲིང་པོའི་མན་ངག་དང་བཅས་པ་ཞུས། སྙུང་བ་གསོས་སླར་གཏང་རག་གི་དུས་མན་ངག་མེ་འབར་རྫོགས་རིམ་གསུམ་ཡང་གསང་བྱིན་ཡ་ཀའི་སེར་བ་སོགས་གསན་བསྐྱེད་རིམ་གྱི་མན་ངག་རྒྱས་པ་འདི་རྗེ་བཙུན་མི་ལ་ལ་གསན་ཏེ་ཡོངསུ་རྫོགས་པ་ཡིན། རྗེ་བཙུན་རས་ཆུང་པས་གསན་པའི་གསང་སྒྲུབ་མན་ལོ་ཙ་བ་ལ་མེད་དོ། །དེ་ལ་ལོ་རྒྱུས་རིམ་པ་གཉིས། ཕྱི་སྒྲུབ། དེའི་ཡིག་སྣ། ཁྱུང་ལྔའི་སྒྲུབ་ཐབས་དང་བྱིན་རླབས། དབང་གི་ཆོ་ག་བཟང་པོ་ཡོངས་བཟུང་ལ་བརྟེན་པ་རིགས་བསྡུས་ཁྱུང་ཉེར་གཅིག་པའི་དབང་བཞི་རྫོགས། ཆོ་གའི་གཞུང་གསུམ། དེའི་དོན་འགྲེལ། ལས་སྦྱོར། སྦྱིན་སྲེག །ཚོགས་གཏོར། གཞུང་གཉིས། གསང་སྒྲུབ་རྒྱས་པ། དེའི་ཡིག་སྣ། འབྲིང་པོ། ལག་ལེན་རིམ་པ་གཉིས། གནང་གདམས། བསྲུང་བ་གཉིས། ཟློག་པ་ལས་བཅུ། གསང་སྒྲུབ་བསྡུས་པ། ནད་བརྟག་པ། གསོབ་ལ། ཀླུ་ཆོག །ཀླུ་གཏོར། གཏད་ཕྱུག་གཏད་འགྲོལ། བྱ་བ་ཆོ་ག །གཏད་ཕྱུང་། ལྡེ་མིག །ཚ་ཚ། རྫས་ཀྱི་མཛེ་གསོ། འཁོར་བཞི་སྒྲུབ་ཐབས། དོན་འགྲེལ་དང་བཅསཔ། ཁྱུང་སྒྲུབ། སྒྲུབ་ཡིག་ཞལ་གདམས་གཉིས། གནོད་སྦྱིན་ལྕམ་དྲལ་གྱི་སྒྲུབ་པ། ལྷན་ཅིག་སྐྱེས་པའི་སྒྲུབ་ཐབས་གཉིས། འཁོར་དང་ཕྱི་མའི་རིགས་པ་གཏད་པ་སྟེ། འདི་རྣམས་རས་ཆུང་པས་རྒྱལ་བ་ལོ་དང་སུམ་པ་ལ་གནང་། དེ་གཉིས་ཀྱིས་གྲུབ་ཐོབ་གླིང་། 
4-304
དེས་ཆོས་རྗེ། དེས་དབོན། གཞོན་ནུ་ཉི་མ། རྡོར་གླིང་པ། སྤོས་སྐྱོ་པ། བཅུ་གསུམ་པ། ཀུན་དགའ་སེང་གེ །བསམ་རྒྱལ་ཁ་ཆེ། བློ་གྲོས་སེང་གེ །ཡེ་ཤེས་རིན་ཆེན། ནམཁའ་དཔལ་བཟང་། ཤེས་རབ་བཟང་པོ། རྒྱལ་དབང་རྗེ། རྗེ་བླ་མ་ངག་གི་དབང་པོ་རྒྱལ་ཚབ་དམ་པ་ག ཅུང་རིན་པོ་ཆེ། དེ་ལ་དབང་རྒྱུད་མན་ངག་རགས་པ་གཅིག་ཐོབ། ཕྱིས་དབང་མན་ངག་ཞིབ་མོ་རྒྱུན་ཆད་ཀྱིས་དོགས་ནས། རྗེ་བླ་མ་ལས་རྡོ་རྗེ་འཛིན་པ་ཆོས་ཀྱི་མགོན་པོས་གསན། དེས་སྐུ་ཕྱག་ན་རྡོ་རྗེ་རང་མཇལ། གསུང་དུང་ཕྱུར་ཕྲག་གཉིས་སུ་བསྙེན། ཐུགས་ནུས་པ་མངོན་གྱུར་དུ་གྲུབ་པ་དེ་ལ་ཞུས་པས་ལག་ལེན་དང་བཅས་པ་ཁ་སྐད་དུ་མ་བཞག་གོ། དེ་ལ་གསང་བསྟན་གྱི་རྒྱུད་འགྲེལ། བསྐྱེད་རིམ་ཁྱུང་གཤམ་ཅན། དཔའ་གཅིག་ཁྱུང་ལྔ། རྫོགས་རིམ་གཞུང་གསུམ་བདག་གིས་ཞལ་གདམས་ཡི་གེར་བཀོད་པ་ཡིན་ནོ། །བརྒྱུད་པའི་རྣམ་གྲངས། ཆོས་རྗེ་ནས། དབོན་རས། རྒོད་ཚང་པ། ཨུ་རྒྱན་པ། གྲོགས་དགོན་པ། མདོ་ཁ་རས་པ། ཨ་རེ་དགའ། སངས་རྒྱས་མགོན་པོ། འཁྲུལ་ཞིག་ཆེན་པོ་ནམཁའ་འོད་ཟེར། ནམཁའ་བདེ་ཆེན། བདེ་བ་རླུང་ཡིན། ཤེས་རབ་དབང་ཕྱུག །སངས་རྒྱས་བཟང་པོ། རྡོ་རྗེ་འཛིན་པའོ། །ཡང་ཆོས་རྗེ་ནས་ལོ་རས། ཙ་རི་རས་ཆེན། སངས་རྒྱས་གླིང་པ། མཁན་ཆེན་མོན་གྲྭ་པ། །ལྷོ་བྲག་ཕྱག་རྡོར། 
4-305
སྐྱེས་མཆོག་སྨོན་ལམ་པ། ལུང་མངས་པ་ཡོན་ཏན་བཟང་པོ། གྲགས་པ་དཔལ་འབྱོར། གཡུལ་རྒྱལ་རྫོང་པ་ཆོས་ཀྱི་ཤེས་རབ། རྡོ་རྗེ་འཛིན་པའོ། །གཏུམ་པོ་མེ་འབར་མ། ལྷོ་བྲག་ཕྱག་རྡོར་པ་ཚུན་མཐུན་ལ། དེས་གྲུབ་ཐོབ་ནམཁའ་མདོ་སྡེ། ནམཁའ་གྲགས་པ། གཡུལ་རྒྱལ་རྫོང་པ། ཡང་ན། གཡུལ་རྒྱལ་བ་ནས། ངག་དབང་ལྷུན་གྲུབ། རྡོ་རྗེ་འཛིན་པའོ། །ཡང་། རས་ཆུང་པས། ཡར་ཀླུངས་ཀྱི་སྙགས་དམར་པོ། ཡོན་ཏན་བཟང་པོ། གཉོས་ཨང་སེང་། གན་པ་རིན་རྒྱལ། རིན་ཆེན་སེང་གེ། ཀུན་དགའ་སེང་གེ། སྐྱེས་མཆོག་སྨོན་ལམ་པ། ཡང་གསང་གི་བརྒྱུད་པ། རས་ཆུང་པ། འབྲོམ་སྟོན་རས་པ། སྟོན་པ་དར་བཟང་། རྒྱ་ལྕགས་རི་བ། དོལ་བུ་བ། སྒོམ་ཤེ། རྡོ་རྗེ་སེང་གེ། རྡོ་རྗེ་དཔལ། དཀོན་མཆོག་རྒྱལ་པོ། བཀྲ་ཤིས་སེང་གེ། བཀྲ་ཤིས་རྒྱལ་མཚན། སྟག་ཞིག་པ་ཆོས་དཔལ་བཟང་པོ། སྤྱོད་པ་སངས་རྒྱས་དཔལ། འཇམ་དབྱངས་བཤེས་གཉེན། ཀུན་སེང་འཇམ་གཞོན། ཀུན་དགའ་ལྷུན་གྲུབ། དེས་རྡོ་རྗེ་འཛིན་པ་ཆོས་ཀྱི་མགོན་པོའི་མཐུ་ཆེན་དཔའ་པོར་གྲགས་པ་ལའོ། །དཔལ་འབྲུག་པའི་སྒྲུབ་ཐབས་སྐོར་ལྔ་ལས་ལྷན་སྐྱེས་ཀུ་ས་ལིའི་སྐོར་གསན་ཡིག། །མཆོག་གི་འོད་གསལ་ལས་ལོངས་ཟུང་འཇུག་སྐུ། ལྷག་མེད་ཡང་དག་མཐའ་དེར་སྦྱང་བའི་ཕྱིར། །བདག་བྱིན་བརླབ་པའི་སེང་གེའི་སྒྲ་སྒྲགས་འདིས། །ཕྱོགས་འཛིན་བཅོས་མའི་རི་སྐྱེས་ག་ཤེད་འཐོར། །དེ་ཕྱིར་གང་གིས་གང་ལ་ཕྱག །
4-306
ཇི་ལྟར་འཚལ་བྱ་མ་དམིགས་ནས། །ཆུ་ལ་ཆུ་བཞག་ལྟ་བུ་ཡི། །གཉིསུ་མེད་འདི་ཕྱག་ཏུ་བྱས། ། འདིར་དཔལ་ལྡན་འབྲུག་པའི་སྒྲུབ་ཐབས་སྐོར་ལྔ་ལས། ལྷན་སྐྱེས་ཀུ་ས་ལིའི་སྐོར་ཅེས་པ། བྱིན་རླབས་རྒྱས་བསྡུས། དབང་པོ་རྣོན་པོའི་བསྐྱེད་རིམ་གྱི་སྐལ་པ། བདག་བྱིན་གྱིས་བརླབ་པའི་མན་ངག་ལ་ལོ་རྒྱུས་སྒྲུབ་ཐབས་རྒྱལ་པོ་ཨིནྡྲ་བོ་དྷི་འབྲིང་པོས་མཛད་པ། ཤ་ཝ་རའི་གསུང་། རྡོ་རྗེ་དྲིལ་བུ་པས་མཛད་པ། ཏིལླི་པས་མཛད་པ། ཨ་བྷ་ཡཱ་ཀ་ར་གུཔྟས་མཛད་པ། དཔལ་རྒྭ་ལོས་མཛད་པ། དེ་དག་གི་དོན་འགྲེལ་དུ་འགྲོ་བ་རྒྭ་ལོ་ཙ་བའི་གསུང་། ཁམས་པ་ལོ་ཙ་བ་གཞོནུ་གྲགས་ཀྱིས་ཟིན་བྲིས་མཛད་པ། གླིང་གི་དེ་ཉིད་བསྡུས་པ། ཆོས་རྗེའི་བཅུ་པ། པདྨ་དཀར་པོའི་རིམ་པ་གཉིས་པའི་ཁྲིད་རྣམས་ཀྱི་བརྒྱུད་པ་ནི། བདེ་མཆོག །ཨིནྡྲ་བོ་དྷི། ལྕམ། བཟང་པོ། ཏོག་རྩེ་པ། ཤ་ཝ་རིའམ། བདེ་མཆོག །དྲིལ་བུ་པ། ཨ་ཝ་དྷཱུ་ཏཱི་པ། སྤྱོད་མཛད་ཆོས་ཀྱི་རྡོ་རྗེ། བྱང་ཆུབ་བཟང་པོ། རྡོ་རྗེ་གདན་པ་ཆེན་པོ་རཏྣ་ཨཱ་ཀ་ར་གུཔྟའམ། དྲིལ་བུ་པ། ཏཻ་ལོ་པ། ནཱ་རོ་པ། རྡོ་རྗེ་གདན་པ་ཆེ་བ། རྡོ་རྗེ་གདན་པ་ཆུང་བའི་རྣམ་གནོན་གྱི་མཁས་པ་ཆེན་པོ་ཨ་བྷ་ཡཱ་ཀ་ར་གུཔྟ། རྡོ་རྗེ་གདན་པ་ཆེ་ཆུང་ལས་ཙ་མི་སངས་རྒྱས་གྲགས་པ། 
4-307
ཕྱི་མ་དེ་གཉིས་ལ་དཔལ་རྒྭ་ལོ་ཀུ་མཱ་ར་ཤྲཱིས། དེས་ཕག་གྲུ་དང་ཞང་ཚལ་པ་གཉིས་ལ། གཉིས་ཀས་གྲུབ་ཐོབ་གླིང་ལ། དེས་ཆོས་རྗེ་ལ། སངས་རྒྱས་དབོན། གཞོནུ། ཉི་མ། རྡོར་གླིང་པ། སྤོས་སྐྱ་པ། བཅུ་གསུམ་པ། ཀུན་དགའ་སེང་གེ། བསམ་རྒྱལ་ཁ་ཆེ། བློ་སེང་། ཤེས་སེང་། ཡེ་རིན། ར་སྨྱོན། ཤེར་བཟང་། རྒྱལ་དབང་རྗེ། ངག་དབང་རྗེ། ཆོས་ཀྱི་གྲགས་པ། ཀུན་སྤངས་རྗེ། པདྨ་དཀར་པོའོ། །ཡང་ལྷན་སྐྱེས་ལྷ་ལྔའི་དབང་སྒྲུབ་ཐབས། དཔལ་རྒྭ་ལོ་ནས་བླ་མ་ཞང་དཔལ་ཕག་མོ་གྲུ་མན་འདྲའོ།། །།
༄། །བྱ་རོག་མ་བསྟན་བསྲུང་གི་སྐོར་གྱི་བརྒྱུད་ཡིག་བཞུགས་སོ།།
༄༅། །བྱ་རོག་མ་བསྟན་བསྲུང་གི་སྐོར་གྱི་བརྒྱུད་ཡིག་བཞུགསོ། །ཐུབ་དབང་ཞལ་གྱི་པདྨོའི་ཚལ། །ཀུན་དགའི་ཕྱིར་འཛུམ་གེ་སར་རྩེར། །ལེགས་བྱས་སྨིན་པའི་དབྱངས་ཅན་མ། །བླ་མ་རྣམས་ཡིན་དེར་འདུད་དོ། །ཨེ་མ་དཔལ་ལྡན་འབྲུག་པ་ལ། །བསྟན་པའི་རྫོགས་ལྡན་མ་ཡོལ་བ། །རྩོད་དུས་འཇོག་བྱེད་གཏན་ཚིགས་ཀུན། །ལུགས་འདིར་ཆགས་བྲལ་གྱུར་ཀ་དཔང་། །ཤྲཱི་དྷ་ནྱ་ཀ་ཊ་ཀར་བཅོམ་ལྡན་འདས་ཀྱིས་གསང་བ་སྔགས་ཀྱི་འཁོར་ལོ་ཆེན་པོ་བསྐོར། དེའི་དུས་སུ་བསྟན་པ་དེ་བསྲུང་བའི་ཕྱིར། བདུད་ཀྱི་གཡུལ་ལས་རྒྱལ་བར་བྱེད་པའི་ཆོས་ཀྱི་སྡེ་ཆེན་པོ་ཞིག་གསུངས་ཏེ། དེ་ལས་སྙིང་པོ་བཀའ་བསྡུ་བ་དང་འཛིན་པའི་ཤིང་རྟ་ཆེན་པོ་དག་གིས་ཕྱུང་ནས། དཔལ་འབྲུག་པའི་ཉམས་བཞེསུ་གདན་ཆགས་པ། བྱ་རོག་མ་བསྟན་བསྲུང་གི་སྐོར་ཇི་ལྟར་ཐོས་པའི་ཡི་གེ་འགོདོ། །
4-308
དེ་ལ་འཇིགས་བྱེད་ཆེན་པོ་དཔལ་ཧེ་རུ་ཀ་ཕྱག་བཞི་པ་འདི་ལ། དབང་རྒྱུད་མན་ངག་གི་ཆོས་སྡེ་གསུམ། བརྒྱུད་པ་ལའང་། བྱིན་གྱིས་བརླབས་པ་མཁའགྲོ་མའི་བརྒྱུད་པ། ལུང་བསྟན་པ་གཏེར་གྱི་བརྒྱུད་པ། བཀའ་དག་པ་སངས་རྒྱས་ནས་བརྒྱུད་པ་གསུམ་འཆང་། དང་པོ་བརྒྱུད་བྱིན་གྱིས་རློབ་པར་བྱེད་པ་དབང་ཡིན། དེ་གང་ལས་གཙོ་བོར་བྱུང་བ་དེ་ལ་དེ་སྐད་བརྗོད། གཉིས་པ་མགོན་པོ་ཉིད་ཀྱིས་ལུང་བསྟན། འཕགས་པ་ཀླུ་སྒྲུབ་ཀྱིས་ཆོས་བཟང་སྤྲིན་གྱི་ཡང་རྫོང་ནས་མགོན་པོའི་རྒྱུད་བརྒྱ་རྩ་བརྒྱད་སྤྱན་དྲངས་པ་དེ་ཡིན། གསུམ་པ་རྫོགས་པའི་སངས་རྒྱས་ཉིད་ཀྱིས་གསུངས་པ་བླ་མ་རྣམས་ཀྱིས་མན་ངག་ཏུ་བསྡེབས་པ་ཞལ་ནས་ཞལ། སྙན་ནས་སྙན་དུ་རིམ་པར་བྱོན་པ་དང་། དཔལ་མགོན་པོ་ཉིད་ཀྱིས་དངོས་སུ་གནང་བ་སྦྱིན་ནས་བརྩམས་པ། ཕྱི་མ་དག་ཀྱང་དེར་གཏོགས་སོ། །དེ་ལས་དང་པོ་ལ་ཨ་སེང་ཕག་མོ་གྲུ་པ་གཉིས་ཀར། ཕྱི་སྒྲུབ་ལ་རྗེས་གནང་། ནང་སྒྲུབ་ནས་དབང་བཞི་རྫོགས་རྒྱས་པ། གསང་སྒྲུབ་བྱིན་རླབས། རིགས་བཞི་ལ་མགོན་པོ་དཀར་པོ་རྟག་པའི་རྡོ་རྗེ་ལ་ཚེ་དབང་། གཞན་གསུམ་ལ་རྗེས་གནང་རེ་མཛད་པ་ལས་བཞི་རྫོགས་ཀྱང་ལྷ་མངས་ལ་བརྟེན་པ་སྟེ། འདིའི་ལྷ་ཡང་རྒྭ་ལོ་ཉིད་ཀྱིས་མངོན་རྟོགས་རིམ་པ་གཉིསུ་བྱུང་བ་དེ་ཡིན། དེ་ལའང་ཨ་སེང་ལྷུག་པ་ལྟར་དང་། 
4-309
ཕག་གྲུ་ཚིགས་བཅད་མ་ལྟར་དུ་མཛད་ལ། དེ་གཉིས་ལའང་ཅུང་ཟད་ལྷའི་འགྱུར་བ་སྣང་ངོ་། །དེ་ཐམས་ཅད་བརྒྱུད་པ་གཅིག་ཏུ་འདོད། དེ་ཡང་། བཅོམ་ལྡན་འདས་རྡོ་རྗེ་འཆང་ཆེན་པོ། ཕྱག་རྡོར། ཨིནྡྲ་བོ་དྷི། ཀླུ་ལས་གྱུར་པའི་རྣལ་འབྱོར་མ། ས་ར་ཧ། ཀླུ་སྒྲུབ། དེས་ཨརྻ་དེ་ཝ་དང་། ཀླུ་བྱང་དང་། རྡོ་རྗེ་དྲིལ་བུ་པ་གསུམ། དང་པོ་གཉིས་ཀྱིས། དུས་ཞབས་པ་ཆེ་བ། དུས་ཞབས་པ་ཆུང་བ། རྡོ་རྗེ་གདན་པ་ཆེ་བ་མཚན་རཏྣ་ཨཱ་ཀ་ར་གུཔྟ། སཽ་རི་པའང་ཟེར། ཆུང་བ་(རྡོ་རྗེ་གདན་པ་ཆུང་བའམ། བི་ཀྲ་མ་སུ་རི་ནའམ།)[*]འཇིགས་མེད་འབྱུང་གནས་(དུས་འཁོར་བའང་ཟེར།)[*]སྦས་པ་དང་། ཙ་(ཙི་ན་པཎྜི་ཏའང་ཟེར།)[*]མི་གཉིས། དེ་གཉིས་ཀྱིས་དཔལ་ཆེན་པོ་རྒྭ་ལོ། དེ་ལ་བླ་མ་ཨ་སེང་དང་བདེ་གཤེགས་ཁམས་པ་ཆེན་པོ་གཉིས་ཀྱིས་གསན། ཕག་གྲུས་ཨ་སེང་ལ་ཡང་ཞུས་སོ། །ཕག་གྲུ་ནས། གྲུབ་ཐོབ་གླིང་། ཆོས་རྗེ། སངས་རྒྱས་དབོན། གཞོན་ནུ། ཉི་མ། རྡོ་རྗེ་གླིང་པའམ། མཚན་གཞན་རྒྱལ་སྲས་བྱང་གླིང་པ།(རྒོད་ཚང་པའི་གདན་ས་པ་ཡིན།)[*] དེས་སྤོས་སྐྱ་པ། དེས་བཅུ་གསུམ་པ། དེས་ཀུན་དགའ་སེང་གེ། དེས་མཁན་ཆེན་རྡོར་རིན་པ་དང་། བླ་མ་བསམ་རྒྱལ་ཁ་ཆེ་བ་གཉིས་ལ། དེ་གཉིས་ཀྱིས་བློ་གྲོས་སེང་གེ། དེས་ཡེ་ཤེས་རིན་ཆེན། དེས་ནམཁའ་དཔལ་བཟང་། 
4-310
དེས་ཤེས་རབ་བཟང་པོ། དེས་རྒྱལ་དབང་རྗེ། དེས་འབྲུག་པ་རིན་པོ་ཆེ་ངག་དབང་ཆོས་རྒྱལ། དེས་གོང་མ་ཆོས་ཀྱི་གྲགས་པ། དེས་རྡོར་གླིང་པ་མཐུ་སྟོབས་ཞབས།(ཡོན་ཏན་ཡེ་ཤེས་ཟེར།)[*] དེས་པདྨ་དཀར་པོ། འབྲུག་པ་རིན་པོ་ཆེས། པདྨ་དཀར་པོ་འམ། ཡང་ན་རྒྱལ་དབང་རྗེ། དགེ་སློང་རིན་ཆེན་རྣམ་རྒྱལ། ཆོས་ཀྱི་གྲགས་པའོ། །ཆོས་ཀྱི་གྲགས་པ་ནས། དེ་ཉིད་ཀྱི་གཅུང་བྱ་པཎྜི་ཏ་བཀྲ་ཤིས་རྣམ་རྒྱལ། དེས་ཀྱང་པདྨ་དཀར་པོ་ལའོ། །སྨད་འབྲུག་ལུགས་ནི། ཆོས་རྗེ་ནས། ལོ་རས། དེས་ཙ་རི་རས་ཆེན། དེ་ལ་སངས་རྒྱས་དབོན་པོ་དང་། རྟོགས་ལྡན་མགོན་ཡེས་གཉིས་ཀྱིས་གསན། དེ་གཉིས་ཀས་དོ་པ་ཆོས་རྗེ་ལ་གནང་། དེས་མཁས་པ་དཀོན་མཆོག་དབང་པོ། ནམཁའ་རྒྱལ་མཚན། སངས་རྒྱས་བཟང་པོ། གཙེང་ཆེན་(ཆོས་ཀྱི་དབང་ཕྱུག །)[*]པ། རྗེ་བཙུན་དབང་ཕྱུག་རྒྱལ་མཚན། རྗེ་མཐུ་སྟོབས་ཞབས་ཡོན་ཏན་ཡེ་ཤེས། དེས་པདྨ་དཀར་པོ་ལ། ཡང་རྒྱལ་དབང་རྗེ་ནས། སྐུ་བསྲུངས་པ་རྒྱལ་མཚན་ལྷུན་གྲུབ། དེས་རྡོ་རྗེ་འཛིན་པ་ཆོས་ཀྱི་མགོན་པོ། པདྨ་དཀར་པོ་ལའོ། །ཚལ་དགས་པོ། ལུགས་ལ། དྲིལ་བུ་པའི་དབང་བཞི་བསྡུས་པ་རྩ་བར་མཛད་པའི་དབང་བཞི། འདི་ལ་ཀླུ་སྒྲུབ། རྡོ་རྗེ་དྲིལ་དུ་པ། ཨ་ཝ་དྷཱུ་ཏཱི་པ། ཆོས་ཀྱི་རྡོ་རྗེ། བྱང་ཆུབ་བཟང་པོ། རྡོ་རྗེ་གདན་པ་ཆེ་ཆུང་། ཙ་མི། རྒྭ་ལོ། 
4-311
བླ་མ་ཞང་ངམ་ཡང་ན། ཀླུ་སྒྲུབ། ཀ་ཚ་ཊ་པ་སྟེ་དྲིལ་བུ་པ། དེས་རྒྱལ་པོ་སྙིང་པོའི་སྟོབས་ཏེ་ཛ་ལནྡྷ་རི་པ། དེས་དཔལ་ཀརྞ་ཧ་སྟེ་དགའ་བའི་རྡོ་རྗེའམ། སྤྱོད་མཛད་ཆོས་ཀྱི་རྡོ་རྗེ། དེས་ཨ་ཝ་དྷཱུ་ཏཱི་པ་ཕྱི་མ། དེས་ངག་གི་དབང་ཕྱུག་གྲགས་པ། དེས་ཛེ་ཏ་རི་དགྲ་ལས་རྣམ་རྒྱལ། དེས་རྡོ་རྗེ་གདན་པའམ། ཡང་ན་ཨ་ཝ་དྷཱུ་ཏཱི་པ། ཁ་ཆེ་བྱང་ཆུབ་བཟང་པོ། དེས་ཀུ་སུ་ལི་པ་ཆེན་པོ་ཙརྱ་པ།(འདི་མར་པའི་བླ་མ་དེ་ཡིན།)[*] དེ་ལ་ཙ་མི་ཨ་བྷྱ་གཉིས་ཀྱིས་སོ། །ཞེས་ཞང་གི་གདན་ས་པའི་ཡི་གེར་སྣང་ངོ་། །རྒྱུད་ལ་ཐོག་མར། མགོན་པོ་དངོས་གྲུབ་འབྱུང་བ་ལེའུ་ཉེར་ལྔ་པའི་བརྒྱུད་པ། ཙ་མིའི་བར་དབང་གི་བརྒྱུད་པ་དང་པོ་དང་མཐུན་པར་ཅིག །གཞན་མགོན་པོ་ཀླུ་སྒྲུབ། ཨཱརྱ་དེ་ཝ། རྟ་དབྱངས། ཨ་ཝ་དྷཱུ་ཏཱི་པ། ནག་པོ་སྤྱོད་པ་ཆོས་ཀྱི་རྡོ་རྗེ། སོ་རྀ་བ་བྱང་ཆུབ་བཟང་པོ། རྡོ་རྗེ་གདན་པ་ཆེ་བ་མན་འདྲ། ཐུགས་རྗེ་འབྱུང་བ་རྩ་བའི་རྒྱུད་ལེའུ་བཅུ་བདུན་པ། གསོད་བྱེད་སྲོག་(མཚོན་ཆ་སྣོལ་མ་ཆེ་བ།)[*]གི་སྤུ་གྲི་གསང་བའི་རྒྱུད་ལེའུ་ཉེར་གསུམ་པ། འཕགས་པ་སྤུ་གྲི་ཀླད་གཟེར་ནག་པོ་དངོས་གྲུབ་འབྱུང་བའི་བརྒྱུད་ཆེན་མོ་ལེའུ་བཅུ་བདུན་པ། ཐོད་པ་ནག་པོའི་རྒྱུད། ལེའུ་ཉེར་གསུམ་པ། 
4-312
ཁྲག་མཚོ་ཁོལ་མ་ཆུང་བའམ། གསོད་བྱེད་སྙིང་འབྱིན་ནག་པོའི་རྒྱུད་ལེའུ་ཉེར་གཉིས་པ། སྲོག་གཟེར་ནག་པོའི་རྒྱུད་ལེའུ་བཅུ་བདུན་པ། གསོད་བྱེད་དམར་མོ་རྩ་འཇིབ་མ་དུག་རླངས་ཁོལ་མས་བསད་པའི་རྒྱུད་ལེའུ་བཅོ་ལྔ་པ་རྣམས་ཀྱི་བརྒྱུད་པ་ནི། དབང་བརྒྱུད་གོང་མ་དང་གཅིག་པ་ལ། ཡེ་ཤེས་རིན་ཆེན་ནས། འགྲོ་མགོན་ཡེ་ཤེས་བཟང་པོ། །ལུང་མངས་པ་ཡོན་ཏན་བཟང་པོ། རྒྱལ་དབང་རྗེ། ངག་དབང་ཆོས་ཀྱི་རྒྱལ་པོ། དེས་རྒྱལ་ཚབ་དམ་པ་ངག་གི་དབང་ཕྱུག །པདྨ་དཀར་པོའོ། །ཡང་རྒྱལ་དབང་རྗེས། སྐུ་བསྲུངས་པ་རྒྱལ་མཚན་ལྷུན་གྲུབ། དེས་བྱ་བཏང་ཤེས་རབ་དབང་པོ། འཇམ་དབྱངས་ཆོས་ཀྱི་གྲགས་པ། ཀུན་སྤངས་ཤེས་རབ་རྒྱ་མཚོ། དེས་པདྨ་དཀར་པོ། ཡང་ན། ལུང་མངས་པ། རྫ་སྣ་བ་གྲགས་པ་དཔལ་འབྱོར་རིན་ཆེན་བཟང་པོ། ངག་དབང་བཟང་པོ། མེ་མདོ་བ་ཀུན་དགའ་ལྷུན་གྲུ བ། རྒྱལ་ཚབ་དམ་པ་ངག་གི་དབང་ཕྱུག །ཡང་ན། ཕག་གྲུ། འཇིག་རྟེན་གསུམ་མགོན། རྗེ་སྤྱན་སྔ་བ། རྒྱལ་བ་རིན་པོ་ཆེ། རིན་ཆེན་རྡོ་རྗེ་འོད་གསལ་གངས་པ། གྲགས་པ་རིན་རྒྱལ། རྒྱུད་བླ་བ་རྡོ་རྗེ་རིན་ཆེན། མགོན་གཞོན་པ། རྡོ་རྗེ་ཡེ་ཤེས། གཞན་སོང་བ། རིན་བཟང་། བསོད་ནམས་བཀྲ་ཤིས། ལྷུན་བདེ་བ་འཇམ་དཔལ་ལྷུན་གྲུབ། རྡོར་འཛིན་བསྟན་པ་རྒྱ་མཚོ། འབྲུག་པ་ངག་དབར་བསྟན་པ་རྒྱལ་མཚན། དེས་དེ་ཉིད་ཀྱི་གཅུང་རྒྱལ་ཚབ་དམ་པ་ལའོ། །
4-313
གྲི་གུག་བརྩེགས་པ་རྩ་བའི་རྒྱུད་ལེའུ་ཉེར་བཞི་པ། ཀླུ་སྒྲུབ། རྡོ་རྗེ་དྲིལ་བུ་པ། པིཎྜོ་ཨ་ཙརྱ། ལས་ཀྱི་རྡོ་རྗེ། ཐང་ལོ་པ། ཤིང་ལོ་པ། རྡོ་རྗེ་གདན་པ་ཆེ་ཆུང་། ཙ་མི། རྒྭ་ལོ། བྱ་རོག་བརྩེགས་པ་དམ་ཚིག་བསྟན་པ་སྤྱིའི་རྒྱུད་ལེའུ་ཉེར་གཅིག་པ། ཀླུ་སྒྲུབ། ཀླུའི་བྱང་ཆུབ། དུས་ཞབས་ཆེ་ཆུང་།ཀརྞ་རི་པ། རྡོ་རྗེ་གདན་པ་ཆུང་བ་དང་། ཙ་མི་གཉིས། དེ་གཉིས་ཀྱིས་རྒྭ་ལོ། ཁྲག་མཚོ་ཁོལ་མ་ཆེ་བ་ལེའུ་བརྒྱད་ཅུ་རྩ་གཅིག་པ། ཀླུ་སྒྲུབ། རྡོ་རྗེ་དྲིལ་བུ་པ། ཨཱ་ནནྡ་བཛྲ། དེ་ལ་རྡོ་རྗེ་གདན་པ་ཆུང་བ་དང་ཙ་མི། དྲག་པོ་མཚོན་ཆ་བསྣོལ་བ་ཆུང་བ་ལེའུ་བཅོ་ལྔ་པ། བཞི་སྙིང་གསང་བ་སྲོག་གཟེར་སྦས་པའི་རྒྱུད་དམ་ཁ་ཏནྟྲའི་རྒྱུད་ཀྱང་ཟེར་བ་ལེའུ་བཅུ་བདུན་པ། མགོན་པོ། ཙཎྜི་ཀ །ནག་པོ་པ། ཙ་མི། རྒྭ་ལོ། ནམཁའ་དང་མཉམ་པ་དགོས་འདོད་འབྱུང་བ་ལེའུ་ལྔ་བཅུ་རྩ་གཉིས། ནག་པོ་ཆེན་པོ་སྙིང་རྗེ་ཁྲོས་པ་ལེའུ་བཅུ་དྲུག །མེ་ལྕེ་འབར་མ་ལེའུ་ཉེར་གཉིས། འཇིག་རྟེན་ཕུང་བྱེད་སྔགས་རྒོད་ནག་པོའི་རྒྱུད་ལེའུ་བཅུ་གསུམ་པ་རྣམས། ཨཱརྱ་དེ་ཝ། དཔའ་བོ། མར་མི་མཛད་བཟང་པོ། རྡོ་རྗེ་གདན་པ་ཆེ་བ་ཤ་ཟ་བརྩེགས་པ་ལེའུ་བཅུ་པ། དྲག་པོ་མཚོན་ཆ་བསྣོལ་བ་ཆེ་བ་གསོད་བྱེད་སྲོག་གི་སྤུ་གྲིའི་རྒྱུད་ལེའུ་ཉེར་གསུམ་ལས་གསང་ཆེ་བ་ལེའུ་ཉེར་གསུམ། 
4-314
ཨཱརྱ་དེ་ཝ། རྡོ་རྗེ་དྲིལ་བུ་པ། ཨ་ཝ་དྷཱུ་ཏཱི་པ། ཆོས་ཀྱི་རྡོ་རྗེ། བྱང་ཆུབ་བཟང་པོ། རྡོ་རྗེ་གདན་པ་ཆེ་ཆུང་། ཙ་མི། རྒྭ་ལོ། བླ་མ་སོག་པ། ཕག་གྲུའོ། །ཨ་སེང་ལའང་གསན་ཟེར། ཨེ་ཀ་ཛ་ཊིའི་སྔགས་རྒྱུད་ལེའུ་བདུན་པ། མ་མོ་འཇིག་རྟེན་གཙུག་ལག་གི་རྒྱུད་ལེའུ་དགུ་པ། ལས་ཚོགས་འཕྲེང་བ་ལེའུ་བདུན་པ། མཁའ་འགྲོ་སྙིང་པོ་བསྡུས་པའི་རྒྱུད་ལེའུ་བརྒྱད་པ། ཀླུ་སྒྲུབ། ཤཱཀྱ་བཤེས་གཉེན། ཛ་ཡ་དི་ཝ། ཞེ་སྡང་རིག་པ་གྲགས། ཀུ་ས་ལི་ཆེ་བ། ཀུ་ས་ལི་ཆུང་བ། སཽ་རི་པ། ཙ་མི། རྒྭ་ལོ། དགེ་བཤེས་ཤག་ཐང་པ་ཟེར། བླ་མ་སོག་པ་ཡིན། དེ་ལ་ཕག་གྲུས་ཞུས། གྲི་གུག་བརྩེགས་པ། ཐུགས་རྗེ་འབྱུང་བ། ནམཁའ་མཉམ་པ། སྙིང་རྗེ་ཁྲོས་པ། ལས་གསང་ཆེ་བ། མཚོན་བསྣོལ་བ་ཆེ་བ། ཁྲག་མཚོ་ཁོལ་མ་ཆེ་བ་རྣམས། རྒྭ་ལོ། བླ་མ་ཞང་། ཆོས་རྗེའོ། །དངོས་གྲུབ་འབྱུང་བ། ལས་གསང་ལེའུ་བཅོ་ལྔ་པ། སྤུ་གྲི་ཀླད་གཟེར་ནག་པོ་གསུམ། ཙ་མི་ནས་སྟེང་ལོ་ཚུལ་ཁྲིམས་འབྱུང་གནས། དེས་གྲུབ་ཆེན་གླིང་ངམ། ཙ་མི། རོང་ལིང་ལོ་ཙ་བ་རྡོ་རྗེ་དབང་ཕྱུག་གམ། ཙ་མི་ནས་ཁེ་གད་འཁོར་ལོ་གྲགས། དེ་གསུམ་ག་ལ་ལྷོ་བྲག་པ་དར་མ་སེང་གེ། དེ་ལ་རླུང་ཇོ་ཡིས། དེ་ལ་ཆོས་རྗེ་གཞོན་ནུ་སེང་གེས་གསན། 
4-315
མཁའགྲོ་དྲུག་བསྐོར། རྒྱ་གར་གྱི་དུར་ཁྲོད་ཆེན་པོ་སྲོག་ཤ་ཝ་རི་ཞེས་བྱ་བར། སློབ་དཔོན་ཆེན་པོ་རྡོ་རྗེ་ཐོག་རྒོད་རྩལ་ལ་མཁའགྲོ་མ་དྲུག་གིས་དངོསུ་གནང་། དེས་པཎྜི་ཏ་གསང་བའི་མཆོག །དེས་བུདྷ་ཀུནྡ། དེས་བཛྲ་སིདྷི། དེས་ཨཱ་ཙརྻ་སྤྲིན་གྱི་ཤུགས་ཅན་ལ། དེ་ལ་ཨ་བྷ་ཡ་དང་བླ་མ་མེ་ཉག་གིས་གསན། དེ་ལ་རོང་ལིང་པ་དང་ཁེ་གད་ཀྱིས་ཞུས་སོ། །དེ་གཉིས་ལ་ལྷོ་བྲག་པ་དར་མ་སེང་གེ། དེ་ལ་རླུང་། གཞོནུ་སེང་། ཡང་། དེ་དག་དུག་རླངས་ཁོལ་མ་རྩ་བའི་རྒྱུད། རོ་ལངས་ནག་མོ་བཤད་པའི་རྒྱུད། སྒྲོལ་བྱེད་ནག་མོ་མན་ངག་གི་རྒྱུད། ཐོད་འཕྲེང་ནག་མོ་སྐྱེ་རྒྱུད། ཁྲག་མཚོ་ཁོལ་མ་ལས་ཚོགས་སྟོན་པའི་རྒྱུད། ཟླ་གསང་ནག་མོ་གནད་འགག་སྟོན་པའི་རྒྱུད་སྟེ། ཡུམ་རྒྱུད་དྲུག་ཏུ་འཆང་། བརྒྱུད་པ་དྲུག་སྒོར་དང་མཐུན། ཚལ་ལུགསུ་བགྲངས་བའི་རྒྱུད་རྣམས་ལ་རྒྱལ་དབང་རྗེ་ནས། འབྲུག་པ་རིན་པོ་ཆེ་དང་སྐུ་བསྲུངས་པ་བརྒྱུད་པ་གཉིས་ཀ་ཡོད། གཞན་རྣམས་ལ། ལུང་མངས་པ་ནས། རྫ་སྣ་བ་གྲགས་པ་དཔལ་འབྱོར་མན་བརྒྱུད་དགོས་པ་ཡོད་དོ། །འདི་ལ་དངོས་གྲུབ་འབྱུང་བའི་རྒྱུད་དང་མཁའ་འགྲོ་དྲུག་བསྐོར་མན་མེད། དེ་མན་རྒྱལ་དབང་རྗེ་ནས་སྐུ་བསྲུངས་པ་ཆེན་པོ་ལའོ། །རྒྱུད་དེ་དག་གི་དོན་གཏན་ལ་ཕབ་པའི་མན་ངག་ལས། ཐོག་མར་ཕྱི་སྒྲུབ་ཀྱི་རྒྱ་གཞུང་ཀླུ་སྒྲུབ་ཀྱིས་མཛད་པ་འདིའི་བརྒྱུད་པ། 
4-316
རྫོགས་པའི་སངས་རྒྱས། རྒྱལ་པོ་བི་སུ་ཀལྤ། བྲམ་ཟེ་སྒྲ་གཅན་འཛིན། སློབ་དཔོན་ཀླུ་སྒྲུབ་སྙིང་པོ། ཨཱརྱ་དེ་ཝ། དུས་ཞབས་པ་ཆེ་ཆུང་། རྡོ་རྗེ་གདན་པ་ཆེ་ཆུང་། དུས་འཁོར་བ་སངས་རྒྱས་གྲགས་པ། རྒྭ་ལོ་ཙ་བ་གཞོན་ནུ་དཔལ། དཔལ་ཕག་མོ་གྲུ་པ་རྡོ་རྗེ་རྒྱལ་པོ། གླིང་རས་པདྨ་རྡོ་རྗེ། འགྲོ་བའི་མགོན་པོ་གཙང་པ་རྒྱ་རས། སངས་རྒྱས་དབོན་མན་དབང་བརྒྱུད་གོང་མ་བཞིན་དང་། དེའི་འགྲེལ་པ་རྒྭ་ལོས་མཛད་པ། ལས་ཀྱི་མན་ངག་ཨ་བྷ་ཡཱ་ཀ་རས་མཛད་པ། ནང་སྒྲུབ་ཀྱི་གཞུང་། ཨཱརྱ་དེ་བས་མཛད་པ་དང་། བཀའ་སྡོད་ཅན་དུ་སྒྲུབ་པ་ཚིགས་བཅད་ལྷུག་པ། གསུང་གི་སྙིང་པོའི་སྒྲུབ་པ། དབང་བཞི་རྫོགས་ཀྱི་ཆོ་ག་བཞི་རྒྭ་ལོས་མཛད། ཐོད་ནག་གི་གཞུང་གཉིས་ཨཱརྻ་དེ་ཝ། ངེས་དྲུག་མ་ཙ་མིས། གཅེས་བརྒྱད་རྩ་འགྲེལ། བེ་བུམ་གསུམ་གསང་བ་ཐུགས་སྒྲུབ་ཀྱི་བསྙེན་སྒྲུབ་ལས་སྦྱོར་གྱི་ཐོ་ཡིག །གསང་སྒྲུབ་ཀྱི་དབང་ཆོག །ཞུ་ལན་ཉི་ཤུ་པ་རྣམས་ཕག་མོ་གྲུ་པའི་ཟིན་བྲིས། འདིའི་སྒྲུབ་པའི་ཐོ་ཡིག་འཁོར་ལོ་བཞི་ཁྲིད་ཡིན། སྦྱོར་བའི་འཕྲེང་བ་ཙ་མིས་མཛད་པ་རྣམས་ལ་མཛད་པ་པོ་ཕྱི་རབས་པར་འདུག་ཀྱང་། གོང་མའི་ཞལ་ནས་ཞལ། སྙན་ནས་སྙན་དུ་བབས་པ་རྐྱང་ཡིན་པས་བརྒྱུད་པ་གོང་བཞིན་འདོད་དོ། །ཡི་གེ་དེ་དག་དང་། ཕྱི་སྒྲུབ་ཀྱི་ཕྲ་མོ་དགུ། 
4-317
ཐོད་ནག་གི་ཕྲ་མོ་ཉེར་གཅིག །དེ་དང་འབྲེལ་བའི་ཡི་གེ་སྲོག་གཟེར་རྒྭ་ལོ། འགྱུ་བྱེད། རྩ་འཇིབ། སྒྲོལ་བྱེད་མ་གསུམ་གྱི་སྒེར་སྒྲུབ་ཀླུ་སྒྲུབ། བཤན་པ་བྱ་གདོང་གི་སྒྲུབ་ཐབས་ཀླུ་སྒྲུབ་ནས། དབོན་རས་ཚུན་གོང་མ་དང་མཐུན། གཡག་རས། བདེ་མཆོག་སངས་རྒྱས། སྤྲུལ་སྐུ་ཤེས་རབ་ཡེ་ཤེས། རྫ་རི་རས་པ། རྩོད་མེད་ཡོངས་གྲགས། བླ་མ་སངས་གཞོན་པ། སྐྱེས་མཆོག་སྨོན་ལམ་དཔལ། ལུང་མངས་པ་ཡོན་ཏན་བཟང་པོ། རྒྱལ་དབང་རྗེ། སྐུ་བསྲུངས་པ་ཆེན་པོའམ། རྒྱལ་དབང་རྗེ། སྒྲུབ་ཆེན་ཤཱཀ་འཕེལ་བ། བསྟན་པ་རྒྱལ་མཚན། ཕྱག་ཆེན་དཔལ་རིན་པ། སྐུ་བསྲུངས་པ། དེས་དྲན་མཆོག་ཤེས་རབ་དབང་པོ། དེས་འཇམ་དབྱངས་ཆོས་ཀྱི་གྲགས་པ། དེས་ཀུན་སྤངས་ཤེས་རབ་རྒྱ་མཚོ། དེས་པདྨ་དཀར་པོ། ཡང་སྐུ་བསྲུངས་པས། མགོན་པོའི་མན་ངག་ལྷག་ཆད་ཡོད་རི་དབུ་སྙིང་བཞེས་ནས་གནང་པ་ནི། རྡོ་རྗེ་འཛིན་པ་ཆོས་ཀྱི་མགོན་པོ་ཡིན་པས། དེ་ལ་ཡང་པདྨ་དཀར་པོས་ཆེད་དུ་གཉེར་ཏེ་ཞུས་སོ། །དཀར་པོ་སྐུའི་སྒྲུབ་པ་མགོན་དཀར་རྟག་པའི་རྡོ་རྗེར་གྲགས་པ། གཞུང་རྡོ་རྗེ་གདན་པ་ཆེན་པོས་མཛད་པ་དང་། དེའི་ཚེ་དབང་། བདུད་ཀྱི་ཞགས་གྲོལ་རྣམས་ཀླུ་སྒྲུབ་ནས། ཀླུ་བྱང་། དེས་རཏྣ་ཨཱ་ཀ་ར་ཤཱནྟི་པ་སྔ་མ། དེས་མར་མེ་མཛད་བཟང་པོ། དེས་རྡོ་རྗེ་གདན་པ། དམར་པོ་གསུང་གི་སྒྲུབ་པ། 
4-318
དེའི་དབང་། ལས་ཚོགས་རྡོ་རྗེ་དྲིལ་བུ་པས་མཛད་པ། རྗེས་གནང་དང་བཅས་པའི་བརྒྱུད་པ། ཀླུ་སྒྲུབ། རྡོ་རྗེ་དྲིལ་བུ་པ། ཨ་ཝ་དྷཱུ་ཏཱི་པ། ཆོས་ཀྱི་རྡོ་རྗེ། སོ་རི་པ་བྱང་ཆུབ་བཟང་པོ། རྡོ་རྗེ་གདན་པའོ། །སེར་པོ་ཡོན་ཏན་གྱི་སྒྲུབ་པོ་སློབ་དཔོན་ས་ར་ཧས་མཛད་པ། ཀླུ་སྒྲུབ་ནས་ཨཱརྱ་དེ་ཝ། རྟ་དབྱངས། ཛ་ལནྡྷ་རི་པ། ནག་པོ་སྤྱོད་པ། སོ་རི་པ་བྱང་ཆུབ་བཟང་པོ། རྡོ་རྗེ་གདན་པ། ལྗང་ཁུ་འཕྲིན་ལས་ཀྱི་སྒྲུབ་པ་ཀླུ་སྒྲུབ་ཀྱིས་མཛད་པ། ཀླུ་སྒྲུབ། རྡོ་རྗེ་དྲིལ་བུ་པ། ཨཱ་ནནྡ་བཛྲ། རྡོ་རྗེ་གདན་པ་ཆུང་བ། ཙ་མི། དུག་གསུམ་མགོན་པོའི་སྒྲུབ་ཐབས་ཨ་ཝ་དྷཱུ་ཏཱི་པ་ཕྱི་མས་མཛད་པ། མགོན་པོ། ཨ་ཝ་དྷཱུ་ཏཱི་པ། དེས་ངག་གི་དབང་ཕྱུག་གྲགས་པ། དེས་ཛེ་ཏ་རི་དགྲ་ལས་རྣམ་རྒྱལ། དེས་རྡོ་རྗེ་གདན་པ་ཆེ་བ་དང་ཆུང་བ། ཙ་མི། རྒྭ་ལོ། ཕག་གྲུ། འདི་རྣམ་ཕག་གྲུས་རྒྭ་ལོ་རང་ལ་གསན་པ་རྣམས་ཡིན། གནད་ཆིངས། སྒྲུབ་ཐབས་གསུམ་གྱི་ཞལ་སྒྲིགས་གསེར་ཁུག་མ། གནད་བཞི་མ། དེའི་ཞལ་གདམས་གཉིས། ཞལ་མྱུར་བལྟ། གཏོར་མའི་དག་བསང་ཆུང་འབྲིང་ཆེན་པོ་གསུམ་ཙ་མིས་མཛད་པ། དེའི་ཞལ་ཤེས་གཉིས། དམ་ཚིག་གི་གཏོར་མ་རྒྭ་ལོས་མཛད་པ། སྲོག་ཕུར་གྱི་གཞུང་། ནག་པོ་ཆེན་པོ་དང་ཨེ་ཀ་ཛ་ཊིའི་སྦག་སྒྲུབ། 
4-319
བྱ་ཁྱུང་གི་སྒྲུབ་པ་ཀླུ་སྒྲུབ་ཀྱིས་མཛད་པ་དེའི་ཞལ་གདམས་རྣམས་ལས། ཡི་གེ་ཕྱི་མ་ལྔ་མ་གཏོགས། སྟོད་རྒྱ་གཞུང་དང་པོ་དང་བརྒྱུད་པ་གཅིག །རྒྭ་ལོ་ནས་ཨ་སེང་། དེས་ཕག་མོ་གྲུ་པ། ཕྱི་མ་ལྔ་ཨཱརྱ་དེ་བ། ཞེ་སྡང་རིག་པ་གྲགས། བྲམ་ཟེ་མཆོག་སྲེད། བྲམ་ཟེ་ཕྲུག་གུ། ཙ་མི། རྒྭ་ལོ། ཨ་སེང་། ཕག་གྲུ། འདི་ལ་ཨ་སེང་ལུགས་ཐུན་མོངས་མ་ཡིན་པ་ཕྱིས་ཕག་གྲུ་ལུགསུ་འདུས་པ་ཡིན། ཕྱི་གནད་མགོན་པོ་འཇིག་རྟེན་པར་སྒྲུབ་པ། སྡེ་བརྒྱད་དང་སྡོངས་ནས་ལས་སྒྲུབ་པ་ལེ་ཚེ་བརྒྱད་པ་གཉིས་བླ་མ་རྡོ་རྗེ་གདན་པས་མཛད་པ། དེའི་བསྐུལ་བྱང་། ནང་གནད་མགོན་པོ་ཞིང་སྐྱོང་དུ་སྒྲུབ་པ། ཀླུ་སྒྲུབ་ཀྱིས་མཛད་པའི་བཀའ་གཏེར་གཉིས་ལས་བཀའ་མ། ལག་ལེན། ལས་ཚོགས་པར་བུ་གསུམ་ཙ་མིས། གསང་གནད་མགོན་པོ་ཡེ་ཤེས་པར་སྒྲུབ་པའི་གསང་བ་དམ་ཚིག་གི་སྒྲུབ་གཞུང་ཨ་ཝ་དྷཱུ་ཏཱི་པས་མཛད་པ། གསང་རྟེན་ཧཱུྃ་གཉིས་མ། སྲོག་གི་ཞལ་གདམས། སྲོག་གི་སྒྲུབ་པ་རྣམས་རྒྭ་ལོས་བླ་མ་སོག་པ་མིན་པ་ལ་མ་གནང་། བརྒྱུད་པ་ཀླུ་སྒྲུབ་ནས། དྲིལ་བུ་པ། ཀུ་ས་ལི་ཆེ་ཆུང་། བླ་མ་གསེར་གླིང་པ་ཆོས་ཀྱི་གྲགས་པ། ཨ་བྷ་ཡ། ཙ་མི། རྒྭ་ལོ། བླ་མ་སོག །ཕག་གྲུ། ཞིང་སྐྱོང་ལྷ་ལྔའི་སྒྲུབ་ཐབས་གཏེར་མ། དེའི་ཕྲ་མོ་བཅུ་གསུམ་རྒྭ་ལོས་བླ་མ་གསལ་སྟོང་ཤོར་རེ་མིན་པ་ལ་མ་གནང་། 
4-320
ཁོང་ལ་ཕག་མོ་གྲུ་པས་གསན། བརྒྱུད་པ། མགོན་པོ། དཔལ་རྒྭ་ལོ། བླ་མ་གསལ་སྟོང་ཤོར་རེ། ཕག་མོ་གྲུ་པ། འདི་རྣམས་ལས་རྒྱ་གཞུང་དང་པོ་གཉིས་མངོན་རྟོགས་ཚིགས་བཅད་ལྷུག་པ་གཉིས་མ་གཏོགས་གཞན་ལ་མེད་པས་ཕག་གྲུ་ལུགས་ཐུན་མོངས་མ་ཡིན་པའོ། །དབང་ཆོག་རིན་ཆེན་འཕྲེང་འདྲ་ཞེས་བྱ་བ་སློབ་དཔོན་རྡོ་རྗེ་དྲིལ་བུ་པས་མཛད་པ། གསང་བ་གསུང་གི་སྒྲུབ་ཐབས་སྤྱོད་མཛད་ཆོས་ཀྱི་རྗེས་མཛད་པ། དེའི་འགྲེལ་པ་རྒྭ་ལོས་མཛད་པ། ལས་ཚོགས་ནག་པོ་ཞབས་ཆེན་པོས་མཛད་པ་རྣམས་ཀྱི་བརྒྱུད་པ་དམར་པོ་གསུང་གི་སྒྲུབ་པ་དང་མཐུན་པ་ལ། རྒྭ་ལོ་ནས་བླ་མ་ཞང་། ཆོས་རྗེ། ལས་མགོན་གྱི་སྒྲུབ་ཐབས་མན་ངག་གསུམ་དང་བཅས་པ། རྒྭ་ལོ་ལ་རྡོ་རྗེ་མཁའ་འགྲོ་མས་གནང་པ་དང་། ལས་མགོན་ཡུམ་བཅས་ཀྱི་སྒྲུབ་ཐབས་སློབ་དཔོན་ཁྲག་འཐུང་ནག་པོས་མཛད་པ། དེ་ལ་མཁའ་འགྲོ་མ་དྲུག་གིས་བསྐོར་བ་ནག་པོ་ཕྱི་མས་མཛད་པ་རྣམས་ཀྱི་བརྒྱུད་པ་ལས། དང་པོ་བཞི་མཁའ་འགྲོ་མ། རྒྭ་ལོ། བླ་མ་ཞང་། ཕྱི་མ་གཉིས། མགོན་པོ། ཕུང་བྱེད་ཤཱནྟི་གརྦྷ། ཨཱ་ཙརྻ་བ་ལིང་ནག་པོ། རྡོ་རྗེ་གདན་པ་ཆེ་བ། ཆུང་བ། རྒྭ་ལོ། བླ་མ་ཞང་། བྱ་གདོང་གསུམ་གྱི་སྦས་པའི་ཤོག་དྲིལ་གསུམ་གནད་འབེབས་དང་བཅས་པ། ལས་མགོན། རྒྭ་ལོ། སེང་གདོང་ཡབ་ཀྱི་སྒྲུབ་ཐབས་མན་ངག་དང་བཅས་པ། 
4-321
སེང་གདོང་། རྒྭ་ལོ། དེའི་ཡུམ་སྒྲུབ། ཚངས་པ་ལྷའི་མེ་ཏོག་གིས་ཀླུ་ས ྒྲུབ་ལ་ཕུལ། དེས་བྲམ་ཟེ་སྤྲུག་གུ། དེས་ཙ་མི། དེས་རྒྭ་ལོ། ནག་པོ་སྟོང་གི་གཙོ་བོ་བདུད་ལྕམ་དྲལ། གནོད་སྦྱིན་ཁྲིའི་གཙོ་བོ་ནག་པོ་གནོད་སྦྱིན་མིང་སྲིང་། ཤ་ཟ་འབུམ་གྱི་གཙོ་བོ་ཨབ་སྲི་ནག་པོ་རྣམས་ཀྱི་སྒེར་སྒྲུབ་ཙ་མིས། རྟེན་གཏོར་གྱི་གཞུང་ཀླུ་སྒྲུབ། ཞང་དང་ཆོས་རྗེས་མཛད་པའི་ལག་ལེན། གཏོར་མའི་རྣམ་བཤད། རྟེན་འཛུགས་ཀྱི་གསོལ་འདེབས། གངས་མཛེས་ཀྱི་ཤམྦུ་ཅན་གྱི་ནོར་སྒྲུབ། སྲོག་འཁོར་གསུམ་རྗེས་གནང་། སྒྲུབ་ཐབས་གོང་ཁུག་མ་གསུམ་ཞང་རང་གིས། སྒྲུབ་ཐབས་རྒྱས་པ་དེའི་གདན་ས་བས་མཛད་པ་རྣམས་ཀྱི་བརྒྱུད་པ། སྟོད་ཚལ་ལུགས་ཀྱི་དབང་དང་མཐུན། སྨད། དབོན་རས་ནས། གཡག་རས། རྒྱལ་དབང་རྗེ་ནས་སྒྲུབ་ཆེན་ཤཱཀ་འཕེལ་བ། སྐུ་བསྲུངས་པ་ནས་ཆོས་ཀྱི་མགོན་པོ། དེ་དག་གི་བར་སྔར་བཞིན། འདི་རྣམས་རྒྭ་ལོས་བླ་མ་ཞང་མིན་པ་ལ་མ་གནང་། ཆོས་རྗེས་བླ་མ་ཞང་ལ་གསན། ཚལ་ལུགས་སོ། །ནག་པོ་སྤྱོད་པས་མཛད་པའི་གསང་བ་གསུམ་གྱི་སྒྲུབ་པ་འདི་དངོས་གྲུབ་འབྱུང་བ་ནས་གསུང་པའི་སྐུ་གསུང་ཐུགས་ཀྱི་དཀྱིལ་འཁོར་རྒྱས་པ་སྟོན་པས་གསང་བ་གསུམ་ཀྱི་སྒྲུབ་པ་ཟེར། དབང་བསྐུར་བའི་ཆོ་ག་རིན་ཆེན་འཕྲེང་བ། དཔེ་འགའ་ཞིག་ཏུ་རཏྣ་ཨཱ་ཀ་ར་ཤཱནྟིས་མཛད་ཟེར་བ་དང་ལ་ལར། 
4-322
རཏྣ་ཨཱ་ཀ་ར་གུཔྟས་མཛད་པ། དེ་གཉིས་ཀྱི་དོན་ཞིབ་མོར་སྟོན་པ་ལ། བདག་གིས་རྒྱུད་འགྲེལ་རྡོ་རྗེ་སྙིང་པོ། བདུད་ཀྱི་གཡུལ་ལས་རྒྱལ་བར་བྱེད་པའི་བསྙེན་པ། ལས་བྱང་། སྒྲུབ་པ། སྒྲུབ་ཆེན། ལས་ཚོགས། མདོས་སོགས་ཀྱི་གཞུང་ལེགས་པར་བརྩམས་པ་ཡིན་ལ། འདི་ལ་རྨོངས་པ་ཁ་ཅིག་འདི་ན་མགོན་པོ་སྣ་ཚོགས་པ་འདུག་པས། དེ་དག་ནང་མི་མཐུན་པའི་ཕྱིར་ཤིན་ཏུ་གནོན་དཀའ་བས་བར་ཆད་འབྱུངོ་སྙམ་སེམ། མགོན་པོ་ཡེ་ཤེས་པ་རྣམས་ས་ལ་བཞུགས་པའི་བྱང་ཆུབ་སེམས་དཔའ་རྐྱང་ཡིན་པས། དེ་དག་ཕན་ཚུན་འདུས་ནས་འཐབ་ཀྱི་འདུག་ཟེར་བ་སྔར་ཀྱང་མ་ཐོས། ད་ཐོས་པར་ཡང་མི་འགྱུར། ཐོས་ན་རྣ་བ་དགབ་པར་ཡང་རིགས་སོ། །ཡང་སྡེ་བརྒྱད་སྣ་ཚོགས་པ་འདུས་པས་སོ་སྙམ་ན། དྲག་པོའི་ལས་ཅིག་བྱེད་ཕྱིན། སྡེ་བརྒྱད་དམག་ལྟ་བུར་བསྡུས་ལས་ལ་འགྱེད་མཁན་ཀྱང་ཡིན་པས། ད་ཕྱིན་ལས་བྱེད་པ་རྣམས་ཀྱིས་སྡེ་བརྒྱད་མ་བསག་ཅིག །གཞན་ཡང་སྦྱོར་བའི་ཕྲེང་བ་ཤིན་ཏུ་གོ་དཀའ་བས། དེ་འབྱེད་པའི་ཁྲིད། དཀར་དམར་སེར་གསུམ་གྱི་སྒྲུབ་ཐབས་ཀྱི་གསལ་བྱེད་སོགས་ཡིག་ཕྲན་དུ་མ་བགྱིས་སོ། །དེ་དག་གི་བརྒྱུད་པའང་སོ་སོའི་རྗེསུ་འབྲང་ཞིང་། ཁྱད་པར་མགོན་མངས་ཀྱི་བརྒྱུད་པ་ནི་དབང་རྒྱུད་དང་པོ་དང་མཐུན་ལ། རྒྭ་ལོ་ལ་ཕག་གྲུ་དང་ཞང་གཉིས་ཀས་གསན་པས་གཉིས་ཀ་འདོད། 
4-323
གཞན་ཡང་རྐང་བརྒྱད་རྩ་འགྲེལ། བསྟོད་བསྐུལ་གྱི་རིམ་པ། མདོས་ཀྱི་ལས་བྱང་སོགས་བླ་མ་རྣམས་ཀྱིས་མཛད་པའང་བརྒྱུད་པ་དེ་དག་ཏུ་གཏོགསོ། ། གསུམ་དྲིལ་རྒྱན་ཅན་ཨཱརྻ་དེ་ཝས་མཛད་པ། དེའི་སྒྲུབ་ཐབས་གསལ་བ་རྒྭ་ལོས། ཞལ་གདམས་གཏོར་ཆེན་གྱི་བཅས་རྣམས་ཅོག་རོ་ཆོས་རྒྱལ་པས་མཛད་པ་རྣམས་དབང་བརྒྱུད་དང་པོ་བཞིན་ལ་རྒྭ་ལོ་ནས་ཅོག་རོ་ཆོས་རྒྱལ། དེ་ལ་རླུང་ཇོ་ཡེས། དེ་ལ་ཆོས་རྗེ་གཞོན་ནུ་སེང་གེས་གསན། མཁའགྲོ་མ་ནཱི་ལ་སཱུརྻས་མཛད་པའི་མགོན་པོའི་སྒྲུབ་ཐབས། དེའི་བརྒྱུད་པ་ནཱི་ལ་སཱུརྻ། རྒྭ་ལོ། དགེ་བཤེས་གཡོར་པོ། དེས་ཇོ་ཡེས། སློབ་དཔོན་ཡེ་ཤེས་སྤྱན་བཟང་པོ་ལུགས་ཀྱི་མགོན་པོ་ཡིད་བཞིན་ནོར་བུའི་ལོ་རྒྱུས། དེས་མཛད་པའི་སྒྲུབ་ཐབས། ལས་ཚོགས་བཅུ་ཙ་མིས། གཏོར་ཆེན་ཁ་ཆེའི་མཁས་པ་རིན་ཆེན་རྡོ་རྗེས། དེའི་ཡིག་ཆུང་རྒ་ལོས། བརྒྱུད་པ་ནི། ཡེ་ཤེས་སྤྱན་བཟང་པོའམ། ཡེ་ཤེས་ཞབས་ཞེས་བྱ་བ། ཀླུ་སྒྲུབ་དང་། ལ་བའི་ན་བཟའ་ཅན་ལ་སོགས་པ་གྲུབ་པ་ཐོབ་པའི་རྣལ་འབྱོར་པ་བདུན་ལ་གསང་སྔགས་ཀྱི་ཆོས་གསན་ཞིང་། ཁྱད་པར་འཇམ་པའི་དབྱངས་དངོས་ཀྱིས་རྗེས་བཟུང་བ་དེས་དྲི་མེད་རྡོ་རྗེ་དང་། བྲམ་ཟེ་ཟླ་བ་བཟང་པོ་གཉིས་ལ་གསུངས། བྲམ་ཟེས་ཡི་གེ་འགོད་པར་ཞུས་པས་མ་གནང་། དེ་གཉིས་ལ་ཁ་ཆེའི་མཁས་པ་རིན་ཆེན་རྡོ་རྗེས་གསན། 
4-324
དེས་ནག་པོ་དམ་ཚིག་རྡོ་རྗེ། དེས་རིན་ཆེན་ཞི་བ་སྦས་པའི་བློ་གྲོས། དེས་ཤྲཱི་བདེ་བའི་བློ་གྲོས་དང་ཨ་བྷ་ཡཱ་ཀ་ར་གཉིས་ལ་གནང་། དེ་གཉིས་ཀ་ལ་མི་ཉག་གིས་གསན། དེས་རྒྭ་ལོ། དེས་ཁམས་པ་བླང་སྟོན། དེས་བླ་མ་མལ་དྲོ་བ། དེས་སློབ་དཔོན་བཀྲས་ལྡན། དེ་ལ་རྒོད་ཚང་པའི་སློབ་མ་སློབ་དཔོན་ཆོས་སེང་། དེ་ལ་རྒོང་ཚང་པའི་གདན་ས་པ་རྒྱལ་སྲས་བྱང་གླིང་པའམ། རྡོ་རྗེ་གླིང་པ་སེང་གེ་ཤེས་རབ་ཀྱིས་གསན་ནོ། །ཡང་། བྱ་རོག་ཅན་ཕྱག་གཉིས་པར་སྒྲུབ་པ་མགོན་དམར་རྐང་གླིང་མར་གྲགས་པ་ཡིག་ཚན་གཉིས། བརྒྱུད་པ། མགོན་པོ། ཤྲཱི་བདེ་བའི་བློ་གྲོས། རྒྭ་ལོ། ལྷོ་པ་སྤྲེའུ་སྟོན་ཆར་འབེབས། བླ་མ་མལ་དྲོ་བ་མན་འདྲ། པཎྜི་ཏ་བདེ་བའི་བློ་གྲོས་ཀྱིས་མཛད་པའི་ལས་ཀྱི་ཙཎྜི་ཀའི་ཤོག་དྲིལ་ལྔ། ཙཎྜི་ཀ །བདེ་བའི་བློ་གྲོས། རྒྭ་ལོ། བསྲེགས་བན། རླུང་ཇོ་ཡེས། ཅོག་རོ་མན་ཆད་ལ་རྒྱལ་དབང་རྗེ་ནས་གྲུབ་ཆེན་ཤཱཀ་འཕེལ་བ་བརྒྱུད་པ་རྐྱང་པ་ཡིན་ནོ། །དེ་ཡན་ཆད་ལ་དཔལ་རྒྭ་ལོ་ལུགས་ཞེས་བྱའོ། །མགོན་པོའི་ལོ་རྒྱུས་གཉིས། ཐེམས་ཡིག །མགོན་པོ་ཕྱག་བཞི་པའི་ཕྱི་སྒྲུབ། ནང་སྒྲུབ། གསང་སྒྲུབ་གསུམ་སྟེང་ལོ་རང་གི་མཛད་བྱང་འབྱར་བ། ཕྱག་གཉིས་པའི་གཞུང་ཀླུ་སྒྲུབ། གཉིས་པ་ཙ་མིས། ལས་ཚོགས་བརྒྱད། གནད་ཀྱི་ཡི་གེ་བདུན། 
4-325
བསྐང་བཟློག །གླུད་མདོས། བསད་པའི་མདོས་བཞི་རྣམས་ཀྱི་བརྒྱུད་པ། མགོན་པོ་ཀླུ་སྒྲུབ། ཨཱརྻ་དེ་ཝ། དུས་ཞབས་པ་ཆེ་བ། རྡོ་རྗེ་གདན་པ་ཆེ་ཆུང་། དེས་སྟེང་པ་ལོ་ཙ་བ་ཚུལ་ཁྲིམས་འབྱུང་གནས། བརྒྱད་ཀྱིས་བསད་པ་ཞེས་བྱ་བ་གཟའ་སྐོར། གནོད་སྦྱིན་རྣམ་སྲས་ཀྱི་སྐོར་གཉིས་ཀྱང་བརྒྱུད་པ་སྔ་མ་དང་འདྲ། ཕོ་སྐོར། གིང་། བཙན། ར་ཐོད། མ་མོ་རྣམས་ཀྱི་ཤོག་དྲིལ་ཁྲག་འཐུང་ནག་པོ། བླ་མ་གསེར་གླིང་པ། དེས་ག་རོད་ལོ་ཙ་བ་ཉིད་ལ། དམར་པོ་དགྲ་ཟོར་གྱི་སྐོར་དང་། མོ་སྐོར་གཉིས། ཀླུ་སྒྲུབ་ཡབ་སྲས། རྟ་དབྱངས། ཨ་ཝ་དྷཱུ་ཏཱི་པ། ཆོས་ཀྱི་རྡོ་རྗེ། བྱང་ཆུབ་བཟང་པོ་མན་འདྲ། ཀླུ་མེད་སྦལ་གྱི་སྐོར། ཀླུ་སྒྲུབ་ཡབ་སྲས། ཞེ་སྡང་རིག་པ་གྲགས་སམ། མཆོག་སྲེད། བྲམ་ཟེ་སྤྲུག་གུ། རྡོ་རྗེ་གདན་པ། ཙ་མི། རྣམ་སྲས་ཀྱི་སྐོར། ཀླུ་སྒྲུབ། ཤཱཀྱ་བཤེས་གཉེན། ཛ་ཡ་དེ་བའམ་དེ་བ་ཀ་ར། དེས་རྡོ་རྗེ་དྲིལ་བུ་པ། དེས་ཨ་ཝ་དྷཱུ་ཏཱི་པ་མན་འདྲ། ཨ་བྷ་ཡས་སྟེང་ལོ། དེ་ལ་གྲུབ་ཆེན་གླིང་གིས་གསན། དེ་མན་རྒྱལ་དབང་རྗེ་ནས། གྲུབ་ཆེན་ཤཱཀ་འཕེལ་བ་ནས་དང་། སྐུ་བསྲུངས་པ་ནས་ཆོས་ཀྱི་མགོན་པོ་བརྒྱུད་པ་ལྟར་ཡིན། དམར་པོ་དགྲ་ཟོར་ལུགས་གཅིག་ལ། ལུང་མངས་པ་ནས། རྫ་སྣ་བ་གྲགས་པ་དཔལ་འབྱོར། རིན་ཆེན་བཟང་པོ། 
4-326
ངག་དབང་བཟང་པོ། རྡོ་རྗེ་འཛིན་པ་ཆོས་ཀྱི་མགོན་པོའོ། །ར་ཐོད་ལུགས་གཅིག་ལ་སྟེང་ལོ་ནས་ཕྱག་ལོ་དགྲ་བཅོམ། རི་པ་གུ་གེ། དར་མ་གཞོན་ནུ། གྲགས་པ། རྡོ་རྗེ་མགོན་པོ། ཕྱག་ཆེན་དཔལ་རིན་པ། དེ་རྣམས་སྟེང་པ་ལུགསོ། །རོང་ལིང་པས་མཛད་པའི་སྤུ་གྲི་ཀླད་གཟེར་ནག་པོའི་རྒྱུད་འགྲེལ། མ་མོ་སྒྲུབ་པའི་དགབ་གནོན། ཡུམ་ཙཎྜི་ཀའི་སྒྲུབ་ཐབས་ཕྱི་ནང་གི་རྣལ་འབྱོར་པ་རྣམས་བགྲོས་ནས་མཛད་པ། དེའི་ཤོག་དྲིལ་གསུམ་ཙ་མིས་ཨ་ཙརྻ་སྤྲིན་གྱི་ཤུགས་ཀྱིས་མཛད་པའི་མཁའགྲོ་དྲུག་སྐོར་གྱི་ཡིག་ཚན་བཞི་ཨབྷ་ཡཱ་ཀ་རས་མཛད་པ་གཅིག་ཕྲ་མོ་གསུམ་རྣམས་ལ་རོང་ལིངས་པའི་སྐོར་ཟེར། བརྒྱུད་པ། ཙ་མི་དང་། ཨ་བྷ་ཡ་གཉིས་ལ་རོང་ལིངས་ལོ་ཙ་བ་རྡོ་རྗེ་དབང་ཕྱུག །དེ་ལ་ལྷོ་བྲག་པ་དར་མ་སེང་གེ། དེ་ལ་ཇོ་ཡེས། དེ་ལ་གཞོན་ནུ་སེང་གེ། ལས་གསང་བའི་འགྲེལ་པ་གཉིས། སྔགས་ཀྱི་མན་ངག་གསང་བ་ཞེས་བ་རྟ་དབྱངས་ཀྱིས་མཛད་པ། དེའི་འགྲེལ་པ་ཁེ་གད་ཀྱིས་མཛད་པ། བྱང་འགྲོལ་དང་། ངག་ལ་དབང་བསྐུར་གཉིས། ཨ་ཝ་དྷཱུ་ཏཱི་པས་མཛད་པ་རྣམས་ལ་ཁེ་གད་ལུགས་ཟེར། དེ་རྣམས་ཀྱི་བརྒྱུད་པ། ཀླུ་སྒྲུབ་ཡབ་སྲས། རྟ་དབྱངས། ཨ་ཝ་དྷཱུ་ཏཱི་པ་ཆོས་ཀྱི་རྡོ་རྗེ་ནས་ཙ་མིའི་བར། དེ་ལ་ཁེ་གད་འཁོར་ལོ་གྲགས། དེ་ལ་ལྷོ་བྲག་པ་དར་མ་སེང་གེ་མན་འདྲའོ། །
4-327
བརྒྱུད་པ་འདི་རྣམས་ཡི་གེ་རྙིང་མ་ཚད་ཐུབ་ལ་གཏུགས་བཅད་བརྡར་ཤིན་ཏུ་མང་བར་བྱས་པ་ཡིན་པས་ཕྱིས་ནས་བཅོ་བསླད་མ་བྱེད་ཅིག། །།
༄། །དཔལ་འབྲུག་པའི་ཉམས་བཞེས་འཕྲལ་དགོས་ཀྱི་སྒྲུབ་ཐབས་དང་པོའི་གསན་ཡིག།
༄༅། །དཔལ་འབྲུག་པའི་ཉམས་བཞེས་འཕྲལ་དགོས་ཀྱི་སྒྲུབ་ཐབས་དང་པོའི་གསན་ཡིག །ཐོག་མ་མེད་པའི་རྡོར་སེམས་ནི། །ཐོག་མ་བར་བཅས་དངོས་ཀུན་ཀྱང་། །རྣམ་མེད་རྣམ་པ་ཐམས་ཅད་པས། །རིགས་བརྒྱའི་སྤྱི་གཞི་དེ་ལ་འདུད། །འདིར་དཔལ་ལྡན་འབྲུག་པའི་ཉམས་བཞེས་འཕྲལ་དགོས་སྒྲུབ་ཐབས་ཀྱི་ཆོས་བཞིར་གྲགས་པ་ལས། དང་པོ་རྡོ་རྗེ་སེམས་དཔའི་ཆོ་ག་ཉེས་ལྟུང་འཁྲུད་པའི་ཆོས་ལ། ཐོག་མར་རྡོ་རྗེ་སེམས་དཔའ་ཆེན་པོའི་མདོ། མདོ་འདིའི་དྲིན་ལས་སློབ་དཔོན་ཀུ་ཀུ་རཱ་ཛས་རྡོ་རྗེ་སེམས་དཔའ་ཞལ་མཇལ་ཏེ། རྒྱལ་པོ་ཛའི་ཁང་ཐོག་ཏུ་བབས་པའི་རྒྱུད་ཐམས་ཅད་ཀྱི་རྡོ་རྗེ་སློབ་དཔོན་དུ་བསྐོས་པ་ཡིན། སློབ་དཔོན་དེ་གྲུབ་ཐོབ་ཆེན་པོ་བརྒྱད་ཀྱི་གྱ་བའོ། །མདོའི་འགྲེལ་པ་མཁས་པ་ཆེན་པོ་མར་མེ་མཛད་བཟད་པོས་མཛད་པ། རྡོ་རྗེ་སེམས་དཔའི་སྒྲུབ་ཐབས། ཁྲུས་ཀྱི་ཆོ་ག །སྦྱིན་སྲེག །ཚ་ཚའི་ཆོ་ག་རྣམས་རྡོ་རྗེ་གདན་པ་ཆེན་པོས་མཛད་པ། རྗེ་བཙུན་མར་པའི་འགྱུར། བརྒྱུད་པ་རྡོ་རྗེ་སེམས་དཔའ། ཁྱིའི་སློབ་དཔོན་ཀུ་ཀུ་རཱ་ཛའམ་སློབ་དཔོན་ཆེན་པོ་བཱིརྱ་པ། རྒྱལ་པོ་ཛ། སྲས་མོ་གོ་མ་དེ་ཝཱི། སྒྲ་གཅན་འཛིན་བཟང་པོ་ཕྱི་མ། མར་མེ་མཛད་བཟང་པོ་རྡོ་རྗེ་གདན་པ། 
4-328
རྗེ་བཙུན་མར་པ་ཆོས་ཀྱི་བློ་གྲོས། རྣལ་འབྱོར་དབང་ཕྱུག་མི་ལ་རས་པ། དགས་པོ་ལྷ་རྗེ། ཕག་མོ་གྲུ་པ། སྣ་ཕུ་བ། འབྲུག་པ། དབོན་རས། གཞོན་ནུ། རྡོར་གླིང་པ། སྤོས་སྐྱ་པ། བཅུ་གསུམ་པ། ཀུན་དགའ་སེང་གེ། རྡོ་རྗེ་རིན་ཆེན། བློ་གྲོས་སེང་གེ། ཡེ་ཤེས་རིན་ཆེན། ཤེས་རབ་བཟང་པོ། རྒྱལ་བའི་དབང་པོ། རྗེ་བླ་མ་ངག་དབང་ཆོས་རྒྱལ། འཇམ་དབྱངས་ཆོས་ཀྱི་གྲགས་པ། ཀུན་སྤངས་ཤེས་བརྒྱ་མཚོ། དེས་པདྨ་དཀར་པོ་ལའོ། །རྡོ་རྗེ་སེམས་དཔའ་ལྷ་མངས་སློབ་དཔོན་པདྨས་མཛད་པའི་བརྒྱུད་པ་དགེ་བཤེས་སྒྱེར་ཆུང་པ། རྔོག་ཆོས་སྐུ་རྡོ་རྗེ་མན་དགེས་རྡོར་དང་འདྲ། ཡན་གྱི་བརྒྱུད་པ་རྩད་མ་ཆོད་དོ།། །།
༄། །དཔལ་འབྲུག་པའི་ཉམས་བཤེས་འཕྲལ་དགོས་ཀྱི་སྒྲུབ་ཐབས་གཉིས་པའི་གསན་ཡིག།
༄༅། །དཔལ་འབྲུག་པའི་ཉམས་བཤེས་འཕྲལ་དགོས་ཀྱི་སྒྲུབ་ཐབས་གཉིས་པའི་གསན་ཡིག །གང་སྐུ་བཻ་ཌཱུརྻ་ཡི་མདངས་མཆོག་དང་། །ཐར་པའི་གོ་སྐབས་ཡོངས་འབྱེད་ནམཁའ་དང་། །མཚུངས་ལ་དེ་མིན་ཁྱོད་ཀྱིས་འགྲོ་འདི་ཡི། །ལས་ཀྱི་སྒྲིབ་པ་ཀུན་དགག་དེ་ཕྱིར་བསྟོད། །མཚན་ཙམ་ཐོས་པའང་མངོན་དགའི་ཞིང་བགྲོད་པས། །རྩེ་གཅིག་སེམས་མཆོད་བཟླས་སོགས་ལ་ཞུགས་ན། །དཔལ་གྱི་ཡོན་ཏན་ཅི་འདོད་མོད་ཉིད་དུ། །འགྲུབ་ལ་དཀའ་བ་མེད་སྙམ་བདག་གུས་སོ། །འདིར་དཔལ་ལྡན་འབྲུག་པའི་ཉམས་བཞེས་འཕྲལ་དགོས་ཀྱི་སྒྲུབ་ཐབས་བཞི་ལས་གཉིས་པ། ཀཾ་ཀ་ནེ་ལས་ཀྱི་སྒྲིབ་པ་རྒྱུན་གཅོད་པའི་ཆོས་སམ། ངན་སོང་སྦྱོང་བའི་ཆོསུ་གྲགས་པ་འདི་ནི། 
4-329
རྒྱ་གར་ཤར་ཕྱོགས་ཟ་ཧོར་གྱི་ཡུལ་བྷངྒ་ལའི་རྒྱལ་པོ་ཛའི་ཐོག་ཏུ་རྒྱུད་ཀྱི་གླེགས་བམ་དུ་མ་ཞིག་བབས་པའི་ནང་ནས་འདིའི་རྒྱུད་བྱུང་བ་ཡིན་ཅིང་། རྒྱལ་པོ་དེས་རང་གི་སྲས་མོ་གོ་མ་དེ་ཝི་དང་། སྒྲ་གཅན་འཛིན་བཟང་པོ་དང་། སཱུ་བྷུ་ཏི་པ་ལི་ཏ། ཡེ་ཤེས་རྡོ་རྗེ། པྲཛྙཱ་སིདྡྷི་བཞི་སྟེ་ལྔ་ལ་གདམས་ལ། དེ་བཞི་ཀས་སློབ་དཔོན་ཀུན་དགའ་སྙིང་པོ་ལ་གདམས་ཤིང་། དེ་དང་མཚན་མཐུན་པ་བཞི་ཡོད་པ་ལས་འདི་རྒྱལ་རིགས་ཀྱི་དེ་ཡིན། རྒྱལ་བོ་རྭ་མ་ཕ་ལའི་གདན། །རིག་པའི་གནས་ལྔ་མཁས་པས་ཐོབ། །རཱ་མ་ཕ་ལ་ཆོས་ཀྱི་དོན། །ཀུན་དགའ་སྙིང་པོ་རིག་པའི་མཆོག །ཞེས་པོས་སོ། །དེ་ཡང་བྷངྒ་ལར་འཁྲུངས་པ་རིག་པའི་གནས་ཐམས་ཅད་མཁྱེན་པ། སློབ་དཔོན་བཞི་ལས་གསང་སྔགས་ཀྱི་གདམས་པ་ཐོབ་པས་ཆོ་ག་ཞིབ་མོ་ལ་མཁས་པ། དཀྱིལ་འཁོར་ཆེན་པོའི་མངའ་བདག །བསྟན་བཅོས་སྨྲ་བ་ཐམས་ཅད་ཀྱི་གཙུག་གི་ནོར་བུ། བཙུན་པ་སྦྱངས་པའི་ཡོན་དན་བཅུ་གཉིས་དང་ལྡན་པའོ། །དེ་བྷངྒ་ལའི་དགོན་པ་ན་དབེན་པ་ལ་གཞོལ་བའི་ཚེ། རྒྱ་གར་ནུབ་ཕྱོགས་ཀྱི་པཎྜི་ཏ་པྲཛྙཱ་ཝ་ལི་ཏས། སློབ་དཔོན་སྒྲ་གཅན་འཛིན་སོགས་ཀྱི་སྙན་པ་ཐོས་ནས་རྒྱ་གར་ཤར་ཕྱོགསུ་བྱོན་ནས། སློབ་དཔོན་བཞི་གར་བཞུགས་དྲིས་པས། དེ་བཞི་ཀ་གྲོངས་ཟེར། དེའི་སློབ་མ་སུ་ཡོང་དྲིས་པས། 
4-330
སློབ་དཔོན་ཀུན་དགའ་སྙིང་པོ་བྱ་བ་ད་ལྟ་བྷངྒ་ལའི་དགོན་པར་བཞུགས་ཟེར། དེར་བྱོན་པས། སློབ་དཔོན་རྡོ་ལེབ་ཅིག་གི་སྟེང་ན་འབྲས་ཆན་ཅིག་བརྡལ་ནས་གསོལ་བ་དང་མཇལ་ནས། ཆོས་ཞུས་པས། དེ་ཉིད་འདུས་པ་དང་། ངན་སོང་སྦྱོང་རྒྱུད་དང་། ལས་ཀྱི་སྒྲིབ་པ་རྒྱུན་གཅོད་པའི་རྒྱུད་ལ་སོགས་པ་རྒྱུད་བདུན་འགྲེལ་པ་ཆོ་ག་དང་བཅས་པ་གསུངས། རྡོ་རྗེ་དབྱིངས། ཁམས་གསུམ་རྣམ་རྒྱལ། གཙུག་དགུ། རིགས་བསྡུས་དྲི་མེད་བཞི་ཁོང་གི་དོན་དུ་མཛད། གཞན་ཡང་གདམས་པ་རྫོགས་པར་གནང་། ཁོང་གིས་ཡུལ་དབུས་འགྱུར་འཆང་དུ་བྱོན་ནས་བཤད་པས་གྲགས་ཆེ་སྟེ་རྒྱ་གར་ཤར་ནུབ་ཀྱི་ཉན་པ་མང་དུ་ཚོགས། དེ་དག་གིས་སུ་ལ་ཐོས་པ་དྲིས་པས་བྷངྒ་ལིའི་ཀུན་དགའ་སྙིང་པོ་ལ་ཐོས་ཟེར། དེར་ཤར་ཕྱོགས་པ་རྣམས་ན་རེ། དེ་ནི་ངེད་རང་གི་ཡུལ་ན་བཞུགས་པ་ཡིན། དེར་ཆོས་ཉན་དུ་འགྲོ་ཟེར་ཕྱིར་ལོག །བྷངྒ་ལའི་རྒྱལ་པོ་ལ། བྷངྒ་ལའི་དགོན་པ་ན་སློབ་དཔོན་ཀུན་དགའ་སྙིང་པོ་བྱ་བ་མཁས་པ་ཆེན་པོ་གཅིག་བཞུགས་ཟེར་བས། དེ་སྤྱན་དྲངས་ནས་ཆོས་ཞུ་དགོས་བྱས་པས་རྒྱལ་པོ་དགྱེས་ཏེ། ཤིང་རྟ་ལ་བསྐྱོན་ནས་སྤྱན་དྲངས། ཨོ་ཙཱ་ཡ་ནའི་གཙུག་ལག་ཁང་གི་གནས་བརྟན་ཆེན་པོར་ཞུས་ནས། ས་ཐོབ་པའི་པཎྜི་ཏ་མང་པོས་བསྐོར་ནས་ཆོས་འཆད་པར་མཛད་དེ། །སྨད་འགྲེལ་ལས། 
4-331
ཨོ་ཙ་ན་ཡ་གཙུག་གི་ནོར། །འཇིག་རྟེན་གསུམ་པོ་དགའ་བྱེད་པ། །བྱང་ཆུབ་སེམས་དཔའི་ཚོགས་ཀྱི་གནས། །དཔལ་ལྡན་གཙུག་ལག་ཁང་ཆེན་དུ། །ཞེས་སོགས་གསུངས་པའོ། །དེར་སློབ་མ་རྣམས་ཀྱིས་གསོལ་བ་བཏབ་པས། རྒྱུད་བརྒྱ་ལ་འགྲེལ་པ་རྩོམ་པར་དམ་བཅས་ཏེ། རྒྱུད་བརྒྱ་མ་རྙེད་པར། དཔལ་མཆོག་དང་དེ་ཉིད་བསྡུས་པ་ལ་འགྲེལ་པ་ཆེ་ཆུང་གཉིས་གཉིས་མཛདོ་ཞེས་གྲགས་སོ། །སློབ་དཔོན་པྲཛྙཱ་ཝ་ལི་ཏས། ཛེ་ཏ་རི། དཔལ་འཛིན། རིན་ཆེན་རྡོ་རྗེ། ནོར་བུ་གླིང་པ། ཤདྡྷ་ཀ་ར། དྷརྨ་པཱ་ལ་སོགས་ལ་གནང་། བོད་འདིར་རྒྱུད་གཞུང་འདི་སྔ་མོ་ཅོག་རོ་ཀླུའི་རྒྱལ་མཚན་གྱིས་བསྒྱུར། བར་དུ་ཇོ་བོ་སྨྲྀ་ཏིས་བསྒྱུར། ཕྱིས་ལོ་ཙ་བ་རིན་ཆེན་བཟང་པོས་བསྒྱུར་བ་ཡིན་ལ། དེ་ཡང་ལྷ་བླ་མ་ཡེ་ཤེས་འོད་ཞེས་གྲགས་པའི་བྱང་ཆུབ་སེམས་དཔའ་དེས་དམ་པའི་ཆོས་སྤྱི་དང་བྱེ་བྲག་གསང་སྔགས་དར་བར་བྱ་བའི་ཕྱིར། རྗེ་རིགས་ཀྱི་བུ་ཐམས་ཅད་བསགས་ཏེ་ལོ་བཅུ་ལས་མར་མི་གཞོན། ཉི་ཤུ་ལས་ཡར་མི་རྒན་པ་མང་དུ་ཚོགས་པའི་བློ་ལ་བརྟགས་ནས་བློ་རབ་འབྲིང་དགུར་ཕྱེ། བློ་རབ་ཀྱི་རབ་ཏུ་གྱུར་པ་བདུན། དེ་རྣམས་ཀྱི་གཡོག་པོ་བདུན། ཡང་གཡོག་བྱེད་པ་བདུན་ཏེ་ཉི་ཤུ་རྩ་གཅིག་པ་མ་ལ་རིན་བྱིན་ནས་ཉོས་ཏེ་ཁ་ཆེར་བརྫངས། དེར་ཁོང་རྣམས་ལ་གསེར་མང་པོ་བསྐུར་ནས་འདི་སྐདུ་བསྒོའོ། །
4-332
ཁ་ཆེའི་ཡུལ་ན་མཁས་པ་རིན་ཆེན་རྡོ་རྗེ་བྱ་བ་ཡོད་པས་དེ་སྤྱན་དྲོངས། རྒྱ་གར་ཤར་ཕྱོགས་ན་དྷརྨ་པཱ་ལ་བྱ་བ་ཡོད་པས་དེ་སྤྱན་དྲོངས། ནུབ་ཕྱོགས་ཀ་རུ་ན་པཎྜི་ཏ་ནོར་བུ་གླིང་པ་བྱ་བ་ཡོད་པས་དེ་སྤྱན་དྲོངས་ཤིག །དབུས་འགྱུར་འཆང་ན་པཎྜི་ཏ་པྲཛྙཱ་ཝ་ལི་ཏ་བྱ་བ་ཡོད་པས། དེ་ལ་འདུས་པ་རྣམ་གཉིས་བྱ་བའི་ཆོས་མུ་སྟེགས་ཀྱིས་ཀྱང་རྩོད་པར་མི་ནུས་པ་ཡིན། དེ་ཤེས་པར་གྱིས་ཤིག །དེ་ཉིད་འདུས་པ་ལ་ཀུན་དགའ་སྙིང་པོའི་འགྲེལ་པ་ཡོད་ཟེར་བས་དེ་ཤེས་པར་གྱིས་ཤིག །ནོར་བུ་གླིང་པ་དང་དྷརྨ་པཱ་ལ་གཉིས་ལ། ལས་ཀྱི་སྒྲིབ་པ་རྒྱུན་གཅོད་པའི་རྒྱུད་དང་། དེའི་འགྲེལ་པ་སློབ་དཔོན་དཔྱིད་ཀྱིས་མཛད་པ་དང་། དཀྱིལ་འཁོར་གྱི་ལྷ་སུམ་བརྒྱ་བཞི་བཅུ་པ་སློབ་དཔོན་རྒྱལ་བའི་ལྷས་མཛད་པ་ཡོད་ཟེར་བས་དེ་ཤེས་པར་གྱིས་ཤིག །དཔལ་གསང་བ་འདུས་པ་ལ་སངས་རྒྱས་ཡེ་ཤེས་ཞབས་དང་འཕགས་པ་ཀླུ་སྒྲུབ་ཀྱིས་མཛད་པའི་དཀྱིལ་ཆོག་ཡོད་ཟེར་བ་དང་། རིན་ཆེན་རྡོ་རྗེ་ལ་དུས་ཀྱི་འཁོར་ལོ་དང་། རྡོ་རྗེ་གདན་བཞིའི་རྒྱུད་འགྲེལ་ཡོད་ཟེར་བས་ཚོལ་ལ་ཤོག །གཞན་བི་ཀྲ་མ་ལ་ཤཱི་ལ་ན་པཎྜི་ཏ་བརྒྱ་རྩ་བརྒྱད། མཁས་པ་བདུན་བཅུ་རྩ་གཉིས། འགྲན་ཟླ་མེད་པ་སུམ་ཅུ་རྩ་བདུན། གཙུག་གི་ནོར་བུ་ལྟ་བུ་བཅུ་གཅིག །
4-333
འཛམྦུ་གླིང་གི་རྒྱན་ལྟ་བུ་བརྒྱད། ཁམས་གསུམ་གྱི་སྤྱན་ལྟ་བུ་གཉིས་ཡོད་ཟེར་བས་དེ་རྣམས་ལ་གང་བྱུང་རེ། རབ་གསེར་ལ་མ་བརྩེགས་པར་སྤྱན་ཅི་འདྲོངས་གྱིས། འབྲིང་གདམས་པ་ཅི་ཐོབ་གྱིས། ཐ་མ་ཡང་པཎྜི་ཏ་ཆོས་གང་མཁས་པ་དང་གདམས་ངག་གང་ཆེ་བ། རྩད་ཆོད་ལ་ལུང་ཞུས་ལ་དཔེ་ལོངས་པ་གྱིས་ལ་ཤོག་བྱས་ལ་བཏངོ་། །དེ་ལྟ་བརྫངས་པ་དང་པོར་ཁ་ཆེར་ཕྱིན་ནས་བཅུ་དགུ་ཁ་ཆེ་གྲིབ་སྟན་དུ་ཤི་ནས་བོད་དུ་གཉིས་ལོག་པ་ནི་ལོ་ཙ་བ་རིན་ཆེན་བཟང་པོ་དང་། ལོ་ཆུང་ལེགས་པའི་ཤེས་རབ་བོ། །ལོ་ཆེན་གྱིས་འཇིག་རྟེན་སྣང་བྱེད་ཀྱི་དལ་དུ་ཞུགས། འཇམ་པའི་རྡོ་རྗེ་ཞལ་གསུམ་ཕྱག་དྲུག་པ་ལ་མེ་ཏོག་ཕོག །ཁ་ཆེ་རིན་ཆེན་རྡོ་རྗེ་ལ་ཡོ་གའི་རྒྱུད་དཀྱིལ་ཆོག་དང་བཅས་པ། གསང་འདུས་ལུགས་གཉིས། དབུས་འགྱུར་གྱི་པཎྜི་ཏ་འདས་ནས་སློབ་མ་དྷརྨ་པཱ་ལ་ཡིན་ཟེར་བཙལ་ཡང་མ་རྙེད། ནོར་བུ་གླིང་པ་ལ་ངན་སོང་སྦྱོང་རྒྱུད་དང་། ཐབས་ཀྱི་རྒྱུད་ལྔ། ཁྱད་པར་བཅོམ་ལྡན་འདས་མི་འཁྲུགས་པའི་རྒྱུད་ལས་ཀྱི་སྒྲིབ་པ་རྒྱུན་གཅོད་པ་གདམས་ངག་དང་བཅས་པ་ཞུས། རྡོ་རྗེ་དབྱིངས་ཀྱི་དཀྱིལ་འཁོར་དུ་ལྷ་གྲངས་དང་མཉམ་པའི་དབང་ཐོབ། བི་ཀྲ་མ་ལ་ཤཱི་ལར། པཎྜི་ཏ་མར་མེ་མཛད་བཟང་པོ་དང་། མི་ཐུབ་ཟླ་བ་དང་། རྒྱལ་བའི་འབྱུང་གནས་གསུམ་ལ་སྔགས་མཚན་ཉིད་མང་པོ་ཞུས། 
4-334
སྤྱིར་པཎྜི་ཏ་སུམ་ཅུ་རྩ་ལྔ་ལ་དབང་ཐོབ། རྒྱུད་སྡེ་བཞིའི་སྒྲོ་འདོགས་ཁ་ཆེའི་པཎྜི་ཏ་དང་ནོར་བུ་གླིང་པ་ལ་བཅད། དགོང་ལོ་སོ་གསུམ་པ་ལ་བོད་དུ་བྱོན། ཡོ་ག་ཁ་ཆེ་ལུགས་བཙུགས། མངའ་རིས་རྒྱལ་བློན་སྤྲོས་པ་ལ་དགྱེས་ནས། གཞུང་ན་མེད་བའི་མཆོད་འཕྲེང་དང་། ཁྱད་པར་ལོ་ཆུང་ལེགས་ཤེ་གྲེ་བ་བདེ་བས་དབྱངས་བཅོས། དགུང་ལོ་ཞེ་དགུ་པ་ལ་པཎྜི་ཏ་ཟླ་འོད་བཟང་པོ་དང་། བྷི་ན་སེ་དང་། ཀ་མ་ལ་རཀྵི་ལ་བསྙེན་པར་རྫོགས། དབུས་གཙང་སྟོད་སྨད་ཀུན་ཏུ་ཆོས་གསུང་། དེ་ནས་ལོ་བརྒྱད་ནས། པཎྜི་ཏ་ཤྲདྡྷ་ཀ་ར། བླ་མ་ནོར་བུ་གླིང་པས་བོད་དུ་བཏང་ནས། རྡོ་རྗེ་འབྱུང་བ་དང་ཡེ་ཤེས་ཞབས་ལུགས་གསུངས། ཀ་ཅོག་གི་འགྱུར་ལ་ཅུང་ཟད་བཅོས། བོད་སྤྱི་མཐུན་གྱི་བསོད་ནམས་ལས་གྲུབ་ནས། རྒྱ་གར་ཤར་ཕྱོགས་ཀྱི་དྷརྨ་པཱ་ལ་བལ་པོའི་རྟེན་ཁྱད་པར་ཅན་རྣམས་བསྐོར་བ་ལ་བྱོན་པས་པཎྜི་ཏ་ཚད་པས་གདུངས་ནས་བོད་ཀྱི་གནས་རི་མཐོང་བར་བྱོན་ན་ཕན་ཟེར་བས། རྒྱལ་བློན་ཆོས་ལ་དགྱེས་བོད་དུ་ཕན་ཐོགས་པར་དགོངས་ནས་མངའ་རིས་སུ་བྱོན། དེར་ཡོ་གེ་གསན་པས་སློབ་དཔོན་ཀུན་དགའ་སྙིང་པོའི་གདམས་པ་མ་ནོར་བ་ཅིག་བྱུང་བས་མཉེས་ཏེ། གསེར་འཁར་སྡེར་གང་ཕུལ་བ་མ་བཞེས་ཏེ་ནོར་གྱི་འདོད་པ་དང་བྲལ་བ་ཡིན་གསུང་། 
4-335
དེ་ནས་ཡོ་ག་ཁ་ཆེ་ལུགས་བཞག་ནས་རྒྱ་གར་ཕྱོགས་པའི་ལུགས་ཀྱི་གཞུང་གདམས་ངག་དང་བཅས་པ་ལ་ཉམས་ལེན་དང་བཤད་པ་བྱས་ཡོ་གའི་བདག་པོར་གྱུར་ཏོ། །དེའི་སྐུ་ཚེ་སྟོད་ལ་ཁ་ཆེ་ལུགས་དར། སྨད་ལ་ཤར་ཕྱོགས་ལུགས་དར་བས་ཡོ་ག་སྟོད་ལུགས་སྨད་ལུགས་ཤེས་གཉིསུ་གྱེས། དེ་ལ་སློབ་མའི་མཆོག་བཞི་བྱུང་བ་ནི། ལོ་ཆུང་ལེགས་པའི་ཤེས་རབ། གྲྭ་པ་གཞོན་ནུ་ཤེས་རབ། ཀྱི་ནོར་ཡེ་ཤེས་དབང་ཕྱུག །གུང་ཤིང་བརྩོན་འགྲུས་རྒྱལ་མཚན་ཞེས་གྲགས་སོ། ། པཎྜི་ཏ་དྷརྨ་ཕ་ལ་དང་མཇལ་ནས་སྒྲོ་འདོགས་ཆོད། དམ་བཅའ་བྱེ་བ་བདུན་མཛད། ལྷ་བྱེ་བ་ཕྲག་གཅིག་བསྒོམ་པ། གཏོར་མ་བརྒྱ་རྩ་བྱེ་བ་ཕྲག་གཅིག །སྐོར་བ་བྱེ་བ་ཕྲག་གཅིག །ཚ་ཚ་བྱེ་བ་ཕྲག་གཅིག །ཡན་ལག་བདུན་པ་བྱེ་བ་ཕྲག་གཅིག །བཟླས་པ་བྱེ་བ་ཕྲག་གཅིག །ཏིང་ཏིངེ་འཛིན་གྱི་དབང་བྱེ་བ་ཕྲག་གཅིག་བཞེས་མཛད་པས་གཙུག་ཏུ་རུས་པ་དཀར་པོ་ངང་པའི་སྒོ་ང་ཙམ་ཞིག་བྱུང་སྟེ་འཇམ་དཔལ་དཔའ་བོའི་སྤྲུལ་པ་ཡིན་སྐད། ཕྱིས་ཇོ་བོ་རྗེ་དང་མཇལ། བསམ་གཏན་གྱི་ཁང་པའི་སྒོའི་ཡ་ཐེམ་ལ། མི་དགེ་བ་དང་ལུང་མ་བསྟན་གྱི་རྟོག་པ་བྱུང་ན་རྡོ་རྗེ་འཛིན་པས་མགོ་བོ་ཁོས་ཤིག་བྱ་བ་བྲིས་ཏེ་མཚམས་བསྡམས་པས་མཁའ་སྤྱོད་འགྲུབ་པ་ཡིན་ཞེས་གྲགས། ལོ་ཙ་བ་དེ་ལ་ལུགས་གཉིས་ཤེས་རབ་བླ་མས་གསན། 
4-336
ཡང་ཤེས་རབ་བླ་མས་མདོ་ལུགས་འགོས་ལའང་གསན། ཁོང་གིས་སྨྲྀ་ཏི་ལ་ཉན། མདོ་སྔགས་ཐུན་མོད་བ་བྷ་ཏནྟ་ལ་གསན། ཁོང་གིས་ཨ་བྷ་ཡ་ལ་གསན། སླད་ཀྱི་རྒྱ་གར་དུ་བྱོན་ནས་ཇོ་བོ་དཱ་བྱང་ཆུབ་སེམས་དཔའ་ལ་ཐུན་མོང་གི་གསལ་བྱེད་བདུན་དང་། གདམས་དག་གི་ཞལ་གདམས་བདུན་དང་། སྙན་བརྒྱུད་ཀྱི་སྒྲུབ་ཐབས་བདུན་དང་། ཁ་འཐོར་གྱི་གདམས་པ་བདུན་པོ་རྣམས་ཞུས། གཞན་རྣམས་པཎྜི་ཏ་ཊེ་ལ་ཀ་ལ་ཞུས་སོ། ། དེ་ཡང་བཀའ་ལུང་པ། རོང་པ་ཆོས་རྒྱལ། རྒྱ་གནང་བ། འཚིམས་དང་བཞི་ལ་བཤད་པའི་དང་པོ་ནི། རོང་པ་དང་ཚིམས་གཉིས་ཀྱིས་མདོ་ལུགས་ཞུས་ནས་ཚར་བར་བྱས། ཚིམས་མདོ་ལུགས་ལ་མཁས་པས་བུམ་པས་སེམས་ཅན་ལ་ཕན་མང་དུ་ཐོགས། རྒྱ་དང་བཀའ་ལུང་པ་གཉིས་ཀྱིས་མདོ་སྔགས་ཐུན་མོངས་པ་མཁས་པར་བསླབས། བླ་མ་བཀའ་ལུང་པ་དང་པོ་བལ་ཡུལ་དུ་ཡོད་ཙ་ན། མལ་ལོ་ཙ་བ་ན་རེ། པཎྜི་ཏ་ཤྲདྡྷ་ཀ་ར་བྱ་བ་རྣལ་འབྱོར་གྱི་རྒྱུད་ལ་མཁས་པ་ཅིག་ཡོད་པས་དེ་ལ་ཞུས་ཤིག་ཟེར། འགྲོ་བསམ་ནས་བོད་དུ་གསེར་སྒྲུབ་དུ་འོངས་ལ་ཐུར་སྲང་བརྒྱད་བྱུང་ནས། ལོ་ཙ་བ་ཤེས་རབ་བླ་མ་ལ་འཕྲལ་སྐད་བསླབས་ཏེ་ལམ་གྱི་ལོ་རྒྱུས་དྲིས་པས། རྒྱ་གར་དབུས་ན་ཡོ་གའི་གཞུང་ལ་མཁས་པ་འགའ་ཡོད། ད་དེ་གདམས་ངག་ཅན་མེད། 
4-337
ངའི་བླ་མ་གཉིས་ནི་མི་བཞུགས། རྒྱ་གར་ཤར་ཕྱོགས་ན་པཎྜི་ཏ་བུདྡྷ་ཤྲཱི་བྱ་བ་ཡོད། ཨེ་རྙེད། དེ་མ་རྙེད་ན་ང་དྲག་སྟེ་འོང་གསུངས་པས། སྔོན་དུ་བླ་མ་འདི་ལ་ཞུས་པས་རུང་སྙམ་ནས་ཞུས་པས་ཁྱེད་ལ་ངས་སྔོན་དུ་ཆེ་ཆེ་ནས་བྱ་གསུང་། དེ་ཉིད་འདུས་པ་དང་ངན་སོང་སྦྱོང་རྒྱུད་གསུངས། རྡོ་རྗེ་དབྱིངས། གསང་ལྡན་གཙུག་དགུ་བསླབས་པས་འདི་དག་གདམས་ངག་གི་གནད་གང་ཆེ་སྙམ་ནས་ཞུས་པས་ཡོ་གའི་ཟབ་ཤོས་གཤིན་ཆོག་གི་དངོས་གཞི་ལས་ཀྱི་སྒྲིབ་པ་རྣམ་པར་སྦྱོང་བ་ཀཾ་ཀ་ནིའི་རྒྱུད་བཞུགས་པས་དེ་ཁྱོད་ལ་བཤད་གསུངས་ནས། ཀཾ་ཀ་ནི་རྒྱུད་རྐྱང་གི་ལུགས་དཀྱིལ་འཁོར་ཆོ་ག་ལ་བརྟེན་པའི་ལུགས་གཉིས་བསླབསོ། །དེ་ཤེས་ནས་རྒྱུད་ཀྱི་དོན་གཉུག་མར་གནས་པའི་ཆོས་སྡེ་ཉི་ཤུ་རྩ་གཅིག་པོ་དང་། གདམས་ངག་སྐོར་གྱི་ཆོས་སྡེ་བཅོ་ལྔ་པ་སྟེ། དཔའ་བོ་རྡོ་རྗེས་མཛད་པའི་སྒྲུབ་ཐབས་ལེ་ཚེ་བདུན་རྒྱན་ལྔ་ཐོབ། གསུམ་མ། དཀྱིལ་ཆོག་དང་བཅས་པ་སྟེ། ལར་མི་འཁྲུགས་པའི་སྐོར་གྱི་ཆོས་ཐམས་ཅད་ཚང་བར་གནང་ངོ་། །དེས་ཡོལ་སྟོན་ཆོས་འོད་ལ་གནང་། རྒྱུད་རྒྱས་པ་དེ་ལ་ཁོང་གིས་འབྲེལ་པ་བྱས། དེ་ཙནྡྲ་གོ་མའི་འགྲེལ་པ་ལས་བསྡུས་ཟེར་བ་སྣང་བ་དེ་ཡང་བོད་དུ་འགྱུར་པ་འདྲ། འཕྲེང་སྔགས་ཨ་མོ་གྷ་བཛྲ་དང་། རོ་སྲེག་ཐིག་རྩ་རྡོ་རྗེ་གདན་པས་མཛད་པ། 
4-338
ལོ་ཆེན་གྱིས་ས་དཔྱད་མཛད། རྒྱུད་རྒྱས་པ་འདི་ལས་མི་འཁྲུགས་པ་ནམཁའ་དྲི་མེད་ཀྱི་དཀྱིས་འཁོར་ལྷ་སུམ་བརྒྱ་ཞེ་གསུམ་པ་བརྒྱ་རེ་གཅིག་བརྒྱ་ང་བདུན་བརྒྱ་ཞེ་བདུན་བརྒྱ་ཞེ་གཅིག་བརྒྱ་གོ་གསུམ། དོན་བདུན་མ། རེ་ལྔ་མ། དབང་པོ་རབ་ཀྱི་ཚོམ་བུ་བདུན་ནི་ཞེ་དགུ་མ། སོ་བདུན་མ། བཅུ་བདུན་མ། བཅུ་གསུམ་མ། བདུན་པ། ལྷ་ལྔ་པ། དཔའ་བོ་གཅིག་པ་ལས། རང་ལུགས། འདི་ལྷ་སོ་བདུན་པ། དེའི་དབང་སྒྲུབ་སྐོར། དེས་ན་འདི་ཙམ་དང་རྒྱུད་སྤྲེལ་བ་ལ་རྒྱུད་རྐྱང་། གཞན་རྣམས་ལ་དཀྱིལ་ཆོག་དང་འབྲེལ་བ་ཟེར་ཡིག་ཆ་ནི་ཤིན་ཏུ་མང་བར་སྣང་ངོ་། ། དེ་ལ་གཉན་དཔེའུ་དུབ་པའང་ཟེར་བའི་དགེ་བཤེས་བཀའ་ལུང་པ་ལ་བླ་མ་བོན་བསྒོམ་གྱིས་ཞུས། དེ་ལ་ཆོས་རྗེ་རས་པས་གསན། འདིའི་བརྒྱུད་པ་ནི། མི་འཁྲུགས་པ། རྒྱལ་པོ་ཛ། དེའི་སློབ་མ་བཞི། སློབ་དཔོན་ཀུན་དགའ་སྙིང་པོ། ཡུལ་དབུས་ཀྱི་པཎ་ཆེན་པྲཛྙཱ་ཝ་ལི་ཏ། དེ་ལ་ནོར་བུ་གླིང་པ་དང་། དྷརྨ་པ་ལ། དེ་གཉིས་ཀྱིས་ལོ་ཆེན། ཊེ་ལ་པཎྜི་ཏ་གཉིས་ལ། དེ་གཉིས་ཀས་ལོ་ཆུང་ཤེས་རབ་བླ་མ། བཀའ་ལུང་པ། བོན་སྒོམ། ཆོས་རྗེ་གཙང་པ་རྒྱ་རས། ཇོ་བོ་ལུགས་ཀྱི་བརྒྱུད་པ་ནི། ལས་ཀྱི་སྒྲིབ་པ་རྒྱུན་གཅོད་པ་རྡོ་རྗེ་སེམས་དཔའི་རྟོག་པ་ཞེས་བྱ་བ་ཆུང་ངུ་འདི་ཡིན། 
4-339
ཁྲུས་ཆོག་དཔའ་བོ་རྡོ་རྗེས་མཛད་པ་དང་སྒྲུབ་ཐབས། དཀྱིལ་ཆོག །སྦྱིན་སྲེག །ཧོཾ་གཟར་གྱི་མཚན་ཉིད། བདུན་ཚིགས། ཚ་ཚ། གཏོར་མ་རྣམས་ཀྱི་ཡི་གེ་དཔལ་ཨ་ཏི་ཤས་མཛད་པ། གཞན་དོན་བསྙེན་པའི་སྒོམ་རིམ་ལོ་ཆེན་གྱིས་མཛད་པ། གཟུངས་འགྲེལ་དེའི་དབང་བསྐུར་དང་བཅས་པའི་བརྒྱུད་པ་ནི། ཨུ་རྒྱན་གྱི་རྒྱལ་པོ་དཔའ་བོ་རྡོ་རྗེ། ཨཱརྱ་དེ་ཝ། ཟླ་བ་གྲགས་པ། སློབ་པའི་རྡོ་རྗེ། ཉི་མ་སྦས་པ། སྨྲྀ་ཏི། ཨ་ཏི་ཤ། ལོ་ཆེན། ཤེས་རབ་བླ་མ། བཀའ་ལུང་པ། བོན་སྒོམ། ཆོས་རྗེ་རྒྱ་རས། ལས་ཀྱི་སྒྲིབ་པ་རྒྱུན་གཅོད་པའི་གཟུངས། དེའི་གཟུངས་འགྲེལ། ཡིག་སྣ་མདོ་ལུགསུ་གྲགས་པ་ཕྱག་རྡོར། དགེ་སློང་བསྟན་པ། དགེ་སློང་རྩིབས། ཡེ་ཤེས་ཞབས་སངས་རྒྱས་ཞི་བ། སངས་རྒྱས་གསང་བ། དཱ་བྱང་ཆུབ་སེམས་དཔའ། ཊེ་ལ་པཎྜི་ཏ། ཤེས་རབ་བླ་མ། མདོ་སྔགས་ཐུན་མོངས་པའི་གཞུང་པྲཛྙཱ་ཝ་ལི་ཏ་ནས། རྡོ་རྗེ་གདན་པ། ཨ་བྷ་ཡ། བྷ་ཏནྟ། ཤེས་རབ་བླ་མའོ། །དེ་ལྟར་ཤེས་རབ་བླ་མ་ནས་བརྒྱུད་པ་འདི་རྣམས་ཆོས་རྗེས། སངས་རྒྱས་དབོན་དེས་གཞོན་ནུ། ཉི་མ། རྡོར་གླིང་པ། སྤོས་སྐྱ་པ། བཅུ་གསུམ་པ། ཀུན་དགའ་སེང་གེ། བླ་ཆེན་བསམ་རྒྱལ་ཁ་ཆེ། བློ་གྲོས་སེང་གེ །ཤེས་རབ་སེང་གེ། ཡེ་ཤེས་རིན་ཆེན། ནམཁའ་དཔལ་བཟང་། ཤེས་རབ་བཟང་པོ། རྒྱལ་དབང་རྗེ། ངག་དབང་ཆོས་རྒྱལ། 
4-340
རྒྱལ་ཚབ་ངག་གི་དབང་ཕྱུག །དེས་པདྨ་དཀར་པོ་ལའོ། །ཡང་ལུགས་གཅིག་ལ། ཡོལ་ཆོས་འོད། ཇོ་བཙུན་ཐོད་དཀར་བ། རིན་པོ་ཆེ་སྨྲ་བའི་སེང་གེ། སློབ་དཔོན་མར་སྒོམ། བྱང་ཆུབ་ཤེས་རབ། བླ་མ་ཆུང་ངམ་པ། རྟོགས་ལྡན་གཞོན་ནུ་གྲགས། བླ་མ་སྤུ་རེངས་པ། བླ་ཆེན་བསམ་རྒྱལ་ཁ་ཆེའོ། །ཨ་བྷ་ཡ་ནས། བ་རི་ལོ་ཙ་བ། གུང་ཐང་པ། གྲྭ་ཆེན་མོའི་རོག་བན། བླ་མ་ཁྱུང་ལོ། ཞལ་ལུ་བ། རྒྱ་སྟོན་ཆེན་པོ། བླ་མ་ལྷུན་གྲུབ་ཡོན་ཏན། བླ་མ་རྒྱ་སྟོན། བླ་མ་རྩེ་ལྔ་པ། བླ་ཆེན་བསམ་རྒྱལ་ཁ་ཆེ། འདི་ཨ་བྷ་ཡ་ནས་བརྒྱུད་པའི་ལྷ་སོ་བདུན་མའི་ཡིན་པས་བརྒྱུད་པའི་སྟོད་གཅིག །ཨ་བྷ་ཡ་ཡན་སྔ་མ་དང་གཅིག་གོ། །དེས་ན་དཱ་ཇོ་རོག་གསུམ་བོད་ན་གྲགས་ཆེ་སྟེ། ཊེ་ལ་པཎྜི་ཏའི་ལུགས་རྒྱ་ཆེ་ལ་མཆོག་ཏུ་གྱུར་ཏོ། །ཕྱིས་རྒྱལ་དབང་སྤྲུལ་པའི་སྐུ་ཆོས་ཀྱི་གྲགས་པས་མི་འཁྲུགས་པ་ཉིད་ལ་གསན་པའི་དབང་རྒྱུན་ངོ་མཚར་ཅན་མཐུ་སྟོབས་ཞབས་ལས་ཐོས་སོ།། །།
༄། །དཔལ་འབྲུག་པའི་ཉམས་བཞེས་འཕྲལ་དགོས་ཀྱི་སྒྲུབ་ཐབས་གསུམ་པའི་གསན་ཡིག།
༄༅། །དཔལ་འབྲུག་པའི་ཉམས་བཞེས་འཕྲལ་དགོས་ཀྱི་སྒྲུབ་ཐབས་གསུམ་པའི་གསན་ཡིག །གང་ཞིག་ཉི་ཟླ་དང་མཉམ་མམ། །ནམཁའ་སྲིད་ཀྱི་ཚེ་འདོད་པའི། །ལྷར་གྱུར་བདེ་བ་ཅན་གྱི་ནི། །སྟོན་པ་མཆོག་དེར་ཕྱག་འཚལ་ལོ། །དེ་སྲས་གྲུབ་པའི་རྒྱལ་མོའི་བཞིན། །རས་ཆུང་འདྲིན་བྱེད་དཔྱིད་གྱུར་བའི། །
4-341
གཏམ་འདི་གངས་རིའི་གནས་ཀུན་ལ། །བདུད་རྩི་བས་ཀྱང་བདུད་རྩིར་གྱུར། །འདིར་དཔལ་ལྡན་འབྲུག་པའི་ཉམས་བཞེས་འཕྲལ་དགོས་ཀྱི་སྒྲུབ་ཐབས་གསུམ་པ། ཚེ་དཔག་ཏུ་མེད་པའི་ཆོ་ག་འཆི་མེད་སྒྲུབ་པའི་ཆོས། སྤྱིར་མདོ་རྒྱུད་གཉིས་ལས་འདི་ནི་སྔགས། རྒྱད་སྡེ་བཞི་ལས་འདི་ནི་བླ་ན་མེད་པ། དེ་ལ་གཉིས་ལས་ཕ་རྒྱུདུ་བཞེད། རྒྱུད་རྩ་རྒྱུད་འབུམ་པ་དང་། བཤད་རྒྱུད་འོད་ཟེར་དྲ་བ་(གཉིས་བོད་དུ་མ་འགྱུར་རོ།)[*]ལ་བརྟེན་ནས་གཞུང་དུ་གྲུབ་པའི་རྒྱལ་མོས་བསྡེབས་ཏེ། སྒྲུབ་ཐབས། བདུད་རྩི་ཉིང་ཁུ་དཀྱིལ་འཁོར་གྱི་ཆོ་ག་བཟང་པོ་ཡོངས་གཟུང་། སྦྱིན་སྲེག །ཚེ་ཟན་ལ་བརྟེན་པ། ཐོད་པ་ལ་བརྟེན་པ། རིལ་བུ། དར་མདུད་ལ་བརྟེན་པ་རྣམས་སོ། །ཡང་བདུད་རྩི་འཁྱིལ་(རྙིང་མའི་རྒྱུད་དུ་བཞུགས་སོ།)[*]བའི་རྒྱུད་དང་ཚེ་དཔག་ཏུ་མེད་པ་སྙིང་པོའི་(གསར་མའི་གཞུང་།)[*]གཟུངས་ལ་བརྟེན་ནས་བདུད་རྩི་འཁྱིལ་བ་ཚེའི་ཆོ་ག་མཛདོ། །མཛད་པ་པོ་གྲུབ་པའི་རྒྱལ་མོ་ནི་གོང་མའི་ཡི་གེར། ག་ཡ་དྷ་རའི་ལྕམ། ཏི་བུ་པའི་ཨ་ནེའོ་ཞེས་བཤད། རྒྱ་གར་ན་ནཱ་རོ་པའི་ལྕམ་དུ་གྲགས་པར་པཎྜི་ཏ་ནགས་ཀྱི་རིན་ཆེན་གསུང་། རྗེ་བཙུན་གྱིས་མཇལ་བའི་དུས་ནའང་ཀུན་གྱིས་མཇལ་བ་ཞིག་མི་འདྲ་སྟེ་བརྟུལ་ཞུགས་ཀྱི་སྤྱོད་པ་ལ་ཞུགས་པའོ། །ཤིང་སྤངས་གསེར་གྱི་མནྜལ་དུ་བྱོན་ནས་ཞུས་བྱས་རུང་། 
4-342
རྗེ་བཙུན་རས་ཆུང་པ་དེ་ཉིད་དུ་བཞུགས་བཞིན་པ་ལ། ཏི་བུས་གསོལ་བ་བཏབ་སྟེ་བྱོན་པར་གནང་བས། དོན་ལ་བོད་རྣམས་འཆད་པའི་ནི་གུ་མ་དང་རྗེ་མར་པའི་བླ་མ་རྣལ་འབྱོར་མ་རུས་པའི་རྒྱན་ཅན་དེ་ཁའོ། །དེས་མཛད་པའི་སྒྲུབ་ཐབས་ཀྱི་གཞུང་གཅིག་ལ། ཕྱི་སྒྲུབ་ལྷ་གཅིག་བུམ་གཅིག་ནང་སྒྲུབ་ཞི་བ་ལྷ་མངས། གསང་སྒྲུབ་ཁྲོ་བོ་ལྷ་མངས་དེ་ཁོ་ན་ཉིད་སྒྲུབ་པ་ཐུན་མོང་པ་ཀུན་བསྟན། བདུད་རྩི་འཁྱིལ་བའི་ཆོ་གར་དཀར་པོ་ལྷ་དགུར་གྲགས་པ་མཛད་དེ། འདིའི་ལྷ་རིགས་ལྔ་ཀ་ཡུམ་ཅན་རྐྱང་ཡིན་རུང་ལྔར་འདྲེན། རྟ་མགྲིན་དཔའ་བོ་གཅིག་པའི་གཞུང་། དེའི་རྟ་སྐད་སྒྲོག་པའི་མན་ངག་གི་གཞུང་དེས་མཛད། ཕྱི་མ་འདི་ལ་རྟ་ནག་ཕག་མོ་དང་བཅས་པ་ལ་སྡེ་བརྒྱད་ཀྱིས་བསྐོར་བ་ཡོད་པ་རྣམས། རྗེ་རས་ཆུང་པ། སུམ་པ། གླིང་། ཆོས་རྗེ། དབོན། གཞོན་ནུ། སེང་གེ་ཤེས་རབ། སྤོས་སྐྱ་པ། བཅུ་གསུམ་པ། ཀུན་དགའ་སེང་གེ །རྡོ་རྗེ་རིན་ཆེན། བློ་གྲོས་སེང་གེ། ཡེ་ཤེས་རིན་ཆེན། ཤེས་རབ་བཟང་པོ། རྒྱལ་དབང་རྗེ། ཤཱཀྱའི་མཚན་ཅན། ངག་དབང་ཆོས་ཀྱི་རྒྱལ་པོ། རྗེ་བཙུན་དེའི་བར་ཚིག་བརྒྱུད། རྗེ་བླ་མ་མྱ་ངན་ལས་འདའ་ཁར་རྒྱལ་ཚབ་དམ་པ་དང་བདག་ལ་བཀའ་རྒྱ་ཕྱེ་སྟེ་གསུངས་པའོ། །གཞན་དུ་ལྷ་གཅིག་བུམ་གཅིག་ལ་བརྒྱུད་པ། རས་ཆུང་པ། 
4-343
རྗེ་བཙུན། དྭགས་པོ། ཕག་གྲུ། གླིང་རས། རྒྱ་རས། རྒོད་ཚང་པ། ཡང་དགོན་པར་ཀུན་གྱིས་འདྲེན་པའང་འཐད། འདིར་ཕག་གྲུ་ནས་འཇིག་རྟེན་མགོན་པོ། རྗེ་སྤྱན་སྔ། ཡང་དགོན་པ། སྤྱན་སྔ་རིན་ལྡན། ཟུར་ཕུག་པ། འབའ་ར་བ། བདེ་ལེགས་རིན་ཆེན། གངས་ཅན་ཆོས་རྗེ་ཀུན་དགའ་དཔལ། རྒྱལ་དབང་རྗེ། ངག་དབང་རྗེ། ཆོས་ཀྱི་གྲགས་པ། ཀུན་སྤངས་རྗེ། པདྨ་དཀར་པོ། འདི་ཚེ་ཁྲིད་ཐུན་མོང་བ་དེ་ནས་བརྒྱུད་པས་དབང་ཡང་དེའི་སྟབས་སུ་བཤོར་བ་ཡིན། །ཞི་ཁྲོ་རྒྱས་པ་གཉིས་ལ་རིང་བརྒྱུད་དུ་བྱེད་ན། རས་ཆུང་པ། འགོས་རི་ཁྲོད་དབང་ཕྱུག་གམ། རས་ཆུང་པ། སྙགས་དམར་པོ། ཕྱི་མ་གཉིས་ལ་ཡོན་ཏན་བཟང་པོ། གཉོས་ཨ་སེང་། གན་པ་རིན་རྒྱལ། བག་སྟོན་གཞོན་ཚུལ། མཁན་(གདན་ས་ཐེལ་གྱི།)[*]ཆེན་ཤེས་རབ་རྡོ་རྗེ། ཤེས་རབ་གྲགས་པ་ནམཁའ་འོད་ཟེར། འཕགས་པ་དོན་གྲུབ་རིན་ཆེན། ངག་དབང་ཆོས་ཀྱི་རྒྱལ་པོའོ། ། ཡང་ཞི་བ་ལྷ་མངས་ལུགས་གཅིག་ལ། རས་ཆུང་པ། ཁྱུང་ཚང་པ་། ཤང་པ་མར་སྟོན། ཞང་ལོ་ཙ་པ། ཁམས་པ་ཤེར་རྡོར། དབུས་པ་སངས་རྒྱས་གྲགས། བླ་མ་བློ་ལྡན་པ། འཕགས་འོད་ཡོན་ཏན་རྒྱ་མཚོ། བུ་སྟོན་ཆེན་གྲུབ། དཔལ་ལྡན་བླ་མ་དམ་པ་བསོད་རྣམས་རྒྱལ་མཚན། སྐུ་ཞང་རིན་ཆེན་བཀྲ་ཤིས། ར་སྒྲེང་བཀའ་བཞི་བ། སྐུ་ཞང་སངས་རྒྱས་དཔལ་འབྱོར། དུས་ཞབས་པ་ཤཱཀྱ་དབང་ཕྱུག །
4-344
འཇམ་དབྱངས་ཆོས་ཀྱི་གྲགས་པ། སྐུ་བསྲུངས་པ་ཚེ་བདག་བཀྲ་ཤིས། དེས་པདྨ་དཀར་པོ། ཚེ་དཔག་མེད་གོང་ཁུག་མར་གྲགས་པ་ལྷ་དགུ་ལྷ་ལྔའི་སྒྲུབ་ཐབས་བྱིན་རླབས་དང་བཅས་བའི་བརྒྱུད་པ། རས་ཆུང་པ། རྗེ་བཙུན་མི་ལ། ངམ་རྫོང་པ། གཡག་ཕུག་པ། གྲུབ་ཆེན་གླིང་། ཆོས་རྗེ་རྒྱ་རས། རྒོད་ཚང་པ། ཡང་དགོན་པ། སྤྱན་སྔ། ཟུར་ཕུག །འབའ་ར་བ། བྱ་བྲལ་ཆོས་རྗེ། སྐྱེས་མཆོག་སྨོན་ལམ་པ། གྲུབ་ཆེན་བློ་གྲོས་ཆོས་རྒྱལ། ངག་དབང་ཆོས་ཀྱི་རྒྱལ་པོའོ། །ཚེ་རིངས་མའི་སྒྲུབ་ཐབས། སྒེར་སྒྲུབ་ལྔ་དང་། སྤྱི་དྲིལ་གཅིག །རྗེ་བཙུན་རང་གི་གསུང་། ངམ་རྫོང་པས་མཛད་པའི་ཕྱི་ནང་གསང་གསུམ་གྱི་འགྲེལ། འབའ་ར་བས་མཛང་པའི་རྗེས་གནང་། སྤྱན་འདྲེན་བསྟོད་བསྐུལ། ལྷ་སྨན་གྱི་སྒྲུབ་ཐབས། ཕྱི་སྒྲུབ་ཞི་བ་སྨན་མོ། ནང་སྒྲུབ་རྒྱས་པ་གནོད་སྦྱིན། གསང་སྒྲུབ་ཁྲོ་མོ། དེ་ཁོ་ན་ཉིད་མ་མོ་དབང་དུ་སྡུད་ཅིང་ལས་ལ་འཛུད་པའི་ཚུལ། སོ་སོའི་དངོས་གྲུབ་བླང་བའི་ཚུལ་དུ་སྒྲུབ་པ། ཕྱི་སྨན་མོ། ནང་རིག་པའི་ལྷར། གསང་བ་མཁའ་འགྲོར་སྒྲུབ། ཡང་གསང་མུ་དྲར་བརྟེན་པའི་ཐབས་རྣམས། བརྒྱུད་པ་གོང་བཞིན་ནམ། ཡང་ལུགས་གཅིག་ལ་འབའ་ར་བ། འཇམ་དཀར། རིན་ཆེན་རྣམ་རྒྱལ། མཁན་ཆེན་རིན་བཟང་། མཁན་ཆེན་བསོད་བཀྲས། མཁན་ཆེན་དཔལ་ལྡན་རྒྱལ་མཚན། ཐུགས་རྗེ་ལྷུན་གྲུབ། ཆོས་རྒྱལ་ལྷུན་གྲུབ། པདྨ་དཀར་པོའོ། །
4-345
ཚེ་རིངས་མ་ཚེ་དཔག་མེད་ཀྱི་བཀའ་བསྲུངས་ཡིན་པའི་ཕྱིར་འདིར་བསྡུས་སོ།། །།
༄། །དཔལ་འབྲུག་བའི་ཉམས་བཞེས་འཕྲལ་དགོས་ཀྱི་སྒྲུབ་ཐབས་བཞི་པའི་གསན་ཡིག།
༄༅། །དཔལ་འབྲུག་བའི་ཉམས་བཞེས་འཕྲལ་དགོས་ཀྱི་སྒྲུབ་ཐབས་བཞི་པའི་གསན་ཡིག །འགྲོ་ཡིད་རབ་འབྱམས་ཞལ་བའི་ངོས། །རྒྱལ་བ་ཀུན་གྱི་ཐུགས་རྗེའི་བྲིས། །འཇིག་རྟེན་དབང་ཕྱུག་ལེགས་བྱས་གཟུགས། །ཀུན་གྱི་མ་ཕྱི་དེ་ལ་འདུད། །ཨེ་མ་བོད་ཀྱི་རྒྱལ་ཁམས་འདི། །འཕགས་པ་མཆོག་དེས་བྱིན་བརླབས་ཞེས། །ཚད་མར་གྱུར་པ་རྣམས་གླེང་ཕྱིར། །ལྷ་གཞན་གར་དགོས་མགོན་དེས་ཆོག །འདིར་དཔལ་ལྡན་འབྲུག་པའི་ཉམས་བཞེས་འཕྲལ་དགོས་ཀྱི་སྒྲུབ་ཐབས་བཞི་པ། ཐུགས་རྗེ་ཆེན་པོ་རྒྱུད་བྱིན་གྱིས་རློབ་པའི་ཆོས་འདི་མཛད་པའི་སློབ་དཔོན་ནི། དགེ་སློང་མ་དཔལ་མོ་ཞེས་གྲགས་པ་སྟེ། འདི་ལ་བ་པ་དང་ལྕམ་སྲིང་དེའི་བླ་མའང་ཡིན། གྲུབ་ཆེན་ཕག་ཚང་བ་དང་ལྷན་ཅིག་བརྟུལ་ཞུགས་ཀྱི་སྤྱོད་པ་མཛད་པས་གཞན་གྱིས་སྐུར་བ་བཏབ་པ་ན་ཕག་མོ་དབུ་བཅད་མའི་རྣམ་པར་བསྒྱུར་ཏེ་མཁའ་སྤྱོད་དུ་གཤེགས་པ། མཚན་ལྷ་མོ་ཆེན་མོ་དཔལ་གྱི་བློ་གྲོས་མའོ། །བོད་རྣམས་ལྕམ་ལེགས་སྨིན་ཀ་ར་ཞེས་པ་འདི་ལ་འཆད་དེ། དེ་ནི་བསམ་མི་ཁྱབ་ཀྱི་གཞུང་ལས། ཨིནྡྲ་བོ་དྷི་ལེགས་སྨིན་བཅས། ཞེས་ཏོག་རྩེ་པའི་སྔ་རབས་ཀྱི་ཨིནྡྲ་བོ་དྷིའི་སྲས་མོར་བཤད། ལ་བ་པ་ཏོག་རྩེ་པའི་སློབ་མ་ཡིན་པས་དུས་མི་འགྲིག་གོ། འདི་ལ་ཡི་གེ་དྲུག་པའི་གཟུངས། 
4-346
སྒྲུབ་ཐབས་དཔལ་མོས་མཛད་པ། ཡི་གེ་དྲུག་པའི་འབྲུ་བཤད་ཇོ་བོས་མཛད་པ། སྒྲུབ་ཐབས་དབང་བསྐུར། དབྱུག་ཆོས། ནད་གསོ་ཆུ་གཏོར། ཁྲུས་ཆོག །སྦྱིན་སྲེག །སྡིག་བཤགས། ཚེ་སྒྲུབ། ཟ་འཆག་ཉལ་བའི་རྣལ་འབྱོར། འདའ་ཀ་མ། རྫོགས་རིམ་དཔལ་མོའི་དམར་ཁྲིད་དུ་གྲགས་པ། སྐྱེ་བརྟག་རྣམས་བླ་མ་གོང་མ་རྣམས་ཀྱིས་མཛད་པ། འདིའི་བརྒྱུད་པ་ནི། སྤྱན་རས་གཟིགས། ཇོ་བོ་དཔལ་གྱི་སྙིང་པོ། དགེ་སློང་མ་དཔལ་མོ། པཎྜི་ཏ་ཤྲཱི་བྷ་དྲ། པཎྜི་ཏ་ཏིང་ངེ་འཛིན་བཟང་པོ། ཨ་ཏི་ཤ །དེས་ཡོལ་སྟོན་མཆེད་གསུམ། དེའི་ཆོས་དབང་གིས། དགེ་བཤེས་ལྷོ་པ། དེས་ཇོ་བཙུན། དེས་ཞང་དགྲ་འཇིགས། དེས་རྩི་འདུལ་འཛིན། དེས་ཆོས་རྗེ། དེས་དབོན། དེས་གཞོནུ། དེས་སེང་གེ་ཤེས་རབ། དེས་སྤོས་སྐྱ་པ། བཅུ་གསུམ་པ། ཀུན་དགའ་སེང་གེ །རྡོར་རིན། བློ་སེང་། ཡེ་ཤེས་རིན་ཆེན། ཤེས་རབ་བཟང་པོ། རྒྱལ་བའི་དབང་པོ། ངག་དབང་ཆོས་ཀྱི་རྒྱལ་པོ། འཇམ་དབྱངས་ཆོས་གྲགས་པ། ཀུན་སྤངས་རྗེ། པདྨ་དཀར་པོ། ཀླུ་སྒྲུབ་དང་ལྷན་སྐྱེས་རོལ་པ་གཉིས་ཀྱིས་མཛད་པའི་གཞུང་། དེ་སོ་སོ་ནས་དཔལ་མོ་ཞེས་གསུང་། ཕྱག་སྟོང་སྤྱན་སྟོང་རྒྱས་པའི་ཡོན་ཏན་ཡོངསུ་རྫོགས་པའི་གཟུངས། དེའི་ལག་ལེན། རིགས་གཏད་ཀྱང་སྔ་མ་དང་གཅིག་པ་དང་། ཏིངེ་འཛིན་བཟང་པོ། གསེར་གླིང་པ། ཨ་ཏི་ཤ་ཞེས་དང་། ལུགས་གཅིག་ལ་སྤྱན་རས་གཟིགས། ཙནྡྲ་གོ་མི། 
4-347
རྒྱལ་པོ་ཙནྡྲ་པ་ལ། པཎྜི་ཏ་ལ་ལི་ཏ། པཎྜི་ཏ་རདྣེ་ཤྭ་ར། དེས་ཨ་ཏི་ཤ །དེ་མན་མཐུན། ཞར་ལ་བཅུ་གཅིག་ཞལ་གྱི་སྒྲུབ་ཐབས་རྗེས་གནང་གཉིས་ཀྱི་བརྒྱུད་པ་ནི། སྤྱན་རས་གཟིགས། དཔལ་མོ། ཟླ་བ་གཞོན། ཡེ་ཤེས་བཟང་། བལ་པོ་པེ་ཉ་བ། བྱང་སེམས་ཟླ་བ་རྒྱལ་མཚན། གྲུབ་ཆེན་ཉི་ཕུག་པ། རྡོ་རྗེ་རྒྱལ་པོ། ཞང་དགྲ་འཇིགས། རྩི་འདུལ། བདེ་བ་ཅན་པ། བྱང་སེམས་ཆུ་བཟངས་པ། བསོད་ནམས་དབང་ཕྱུག །བསོད་ནམས་བཟང་པོ། ལྕང་ལུང་པ།(གཞོན་ནུ་བློ་གྲོས།)[*] ལྷུན་བདེ་བ།(དཔལ་འབྱོར་རྒྱལ་མཚན།)[*] བྱ་བཏང་ཤེས་རབ་དབང་པོ།(ར་ལུང་པ།)[*] འཇམ་དབྱངས་ཆོས་ཀྱི་གྲགས་པ། ཀུན་སྤངས་རྗེ། པདྨ་དཀར་པོའོ།། །།
༄། །སྐྱེས་བུ་གསུམ་གྱི་ལམ་གྱི་རིམ་པ་ཆོས་བཞིའི་ཐོབ་ཡིག།
༄༅། །སྐྱེས་བུ་གསུམ་གྱི་ལམ་གྱི་རིམ་པ་ཆོས་བཞིའི་ཐོབ་ཡིག །འདོན་འདྲི་འཛིན་སྒོམ་འདོད་ལ་རེ་བ་བཞིན། །བཀའ་རྣམས་གདམས་པར་འཆད་ལ་རྣམ་གནོན་ནའང་། །ཟླ་མེད་གྲགས་པ་རྒྱ་ཆེན་ཨ་ཏི་ཤ །ད་ལྟ་ནམཁའ་དྲི་མ་མེད་པར་འདུད། འོད་དཔག་ཏུ་མེད་པ་འཇིག་རྟེན་འདིར། བྷངྒ་ལའི་རྒྱལ་པོའི་སྲས་སུ་འཁྲུངས་པ། དཱི་པཾ་ཀ་ར་ཤྲཱི་ཛྙཱ་ན། བི་ཀྲ་མ་ཤཱི་ལའི་མཁས་པ་ཆེན་པོ་ཨ་ཏི་ཤ །ལྟ་བ་དབུ་མ་རབ་ཏུ་མི་གནས་པ། སྤྱོད་པ་གསེར་གླིང་རྒྱལ་པོའི་སྲས་དཔལ་ཆོས་ཀྱི་གྲགས་པའི་རྗེསུ་ཞུགས་པ། དཔལ་མཆོག་ཌོམ་བྷི་པས་བྱིན་གྱིས་བརླབས་པ། 
4-348
འཆུགས་པ་མེད་པས་སྡེ་པ་ཐམས་ཅད་ཀྱིས་ཚད་མར་བཀུར་བ། སྙན་པའི་རྔ་བོ་ཆེ་ས་གསུམ་དུ་བརྡུངས་པ་དེས། བོད་དུ་དར་བའི་སངས་རྒྱས་ཀྱི་བསྟན་པ་གཙང་གདའ་བར་བྱེད་པ་ལ། ལྷ་བླ་མ་ཡེ་ཤེས་འོད་ཁུ་དབོན་གྱིས་ལན་ཅིག་དང་གཉིས་མ་ཡིན་པར་སྤྱན་དྲངས་པ་དེས། མངའ་རིས་གུ་གེར། ལྷ་བཙུན་ཆེན་པོ་བྱང་ཆུབ་འོད་ཀྱིས་གསོལ་བ་བཏབ་པའི་ངོར། བྱང་ཆུབ་ལམ་གྱི་སྒྲོན་མ་ཞེས་པའི་གཞུང་མཛད། དེ་འབྲོམ་སྟོན་པ་རྒྱལ་བའི་འབྱུང་གནས། སྙིང་རྗེ་པདྨ་དཀར་པོའི་མདོ་ནས། དགེ་བསྙེན་ཆོས་འཕེལ་ཅེས་ལུང་བསྟན་པ་དེས་རྩལ་དུ་སྟོན་པས། སྐྱེས་བུ་གསུམ་གྱི་ལམ་གྱི་རིམ་པ་ཞེས་གཡེད་ཆེ་ལ། གཙོ་བོར་སྐྱེས་བུ་ཆེན་པོའི་གཞུང་ལམ་དར་བར་གྱུར་པ་ཡིན་ནོ། །དེ་ཡང་མདོ་ཏིང་ངེ་འཛིན་རྒྱལ་པོ་ལས། ཟླ་འོད་གཞོན་ནུར་གྱུར་པ་ཕྱི་མའི་དུས་ཏིང་ངེ་འཛིན་དེ་དག་རྒྱ་ཆེར་འཆད་པ་ལ་ཆོས་སྨྲ་བའི་འཁོར་ལྔ་བརྒྱ་ལས་མི་ཉུང་བ་དང་བཅས་འབྱུང་བ་དང་། སྙིང་རྗེ་པདྨ་དཀར་པོ་ལས། བྱང་གི་རྒྱུད་དུ་དགེ་སློང་འཚོ་བྱེད་ཅེས་རྒྱལ་བའི་བསྟན་པ་ལ་བྱ་བ་བྱེད་པར་འབྱོན་པར་ལུང་བསྟན་པ། སྔོན་གྱི་སེམས་དཔའ་མེ་ཏོག་ཟླ་མཛེས། མ་འོངས་པ་ན་སངས་རྒྱས་དྲི་མ་མེད་པའི་འོད་དམ། འོད་དྲི་མ་མེད་ལ་རྟེན་སྐྱ་བོའི་དུས། 
4-349
རྒྱ་བལ་བོད་ཀྱི་སྨན་པ་མཁས་པ་སུམ་ཅུ་ལ་གཏུགས་པའི་ལྷ་རྗེ་ཆེན་པོ། ཞང་དར་མ་གྲགས་དེས་དགེ་བའི་བཤེས་གཉེན་ཆེན་པོ་ཤ་ར་ཝ་ལ་གསན་ནས་ཟིན་བྲིས་སུ་མཛད་པ་བསྟན་བཅོས་རིན་པོ་ཆེ་ཐར་པའི་རྒྱན། ཕྱིས་རབ་ཏུ་བྱུང་སྟེ་བསྙེན་པར་རྫོགས་པ་བསོད་ནམས་རིན་ཆེན། རྒྱ་ཡོན་བདག །སྤྱན་སྔ་བའི་གདམས་པས་ཐུགས་རྒྱུད་སྦྱངས་པ། རྗེ་བཙུན་མི་ལའི་སྤྱན་སྔར་བྱོན། སྙན་བརྒྱུད་ཀྱི་གདམས་ངག་གསན། རྒྱལ་ཚབ་ཏུ་མངའ་གསོལ། མཚན་དགེ་སློང་རྡོ་རྗེ་འཛིན་པ་ཆེན་པོ་འཛམ་གླིང་གྲགས་པ་ཅེས་འཕྲིན་ལས་ཀྱི་གདུག་དཀར་པོས་ས་གསུམ་པོ་བཀབ་པ་དེས་སྔར་གྱི་ཟིན་བྲིས་ལ་མཆོད་བརྗོད། སྔར་བླ་མ་རྗེའི་ཟེར་བ། མི་ལ་རྗེའི་དྲིན་ལས་བསྒྱུར། རྗེ་བཙུན་གྱི་གསུང་དག་བསྣན་ནས་ཤར་དགས་ལྷ་སྒམ་པོར་མཛད། རྒྱ་དང་སྙུག་རུམ་པའི་མན་ངག་ཕྱག་རྒྱ་ཆེན་པོ་བསྣན་པ་དགས་པོ་ཆོས་བཞིའི་རྩ་བ་ལམ་གྱི་མཆོག་རིན་པོ་ཆེ་འཕྲེང་བ་ཅེས་མཛད་པས། འདི་ལ་བཀའ་ཕྱག་ཆུ་བོ་གཉིས་འདུས་དང་། གདམས་ངག་ལ་བཀའ་ཕྱག་ཆུ་བོ་གཉིས་འདྲེས་སུ་གྲགས་པ་དེ་བྱུང་བ་ཡིནོ། །འདི་ལ་ཆོས་ཀྱི་རྒྱལ་པོ་ཉིད་ཀྱིས་རྩ་བ། སྒོམ་པ་ཆེན་པོས་འགྲེལ་པ་མདོར་བསྡུས། དཔལ་ཕག་མོ་གྲུ་པས་སྐྱེས་བུ་ཆེན་པོའི་ལམ་ཆེད་དུ་བཤད་པ། ལ་ཡག་པ་བྱང་ཆུབ་དངོས་གྲུང་ཀྱིས་རྩ་བ་ཚིགས་བཅད་དེའི་འགྲེལ་པ་དང་བཅས་པ་མཛད། 
4-350
སྒོམ་པ་ལེགས་མཛེས་ཀྱིས་གསུང་ཐོར་བ་གཅིག་ཏུ་བསྒྲིགས་པ་འདི་ལ་རྩ་འགྲེལ་གཉིས་སྣང་བ་ཚད་མར་བྱས་ནས། ཆོས་བཞིའི་འགྲེལ་པ། ཁྲིད་གཉིས་པདྨ་དཀར་པོས་སྐྱེ་བུ་གསུམ་ཀའི་ལམ་རིམ། འཕགས་པ་བྱམས་པ་ལ་སོགས་པའི་གསུང་བཞིན་དུ་སྦྱར་བ་འདི་ལ། བཀའ་གདམས་པ་རྣམས་རྒྱུད་པ་གསུམ་ལྡན་ཞེས་འདྲེན། དེའི་ཟབ་མོ་ལྟ་བའི་བརྒྱུད་པ་ནི། སྟོན་པ། འཇམ་པའི་དབྱངས། འཕགས་པ་ཀླུ་སྒྲུབ། ཨཱརྱ་དེ་ཝ། ཟླ་བ་གྲགས་པ། རིག་པའི་ཁུ་བྱུག །ཇོ་བོ་ཨ་ཏི་ཤྭའོ། །རྒྱ་ཆེན་སྤྱོད་པའི་བརྒྱུད་པ་ནི། སྟོན་པ། རྒྱལ་ཚབ་བྱམས་པ་མགོན། སློབ་དཔོན་ཐོགས་མེད། གཅུང་དབྱིག་གཉེན། འཕགས་པ་གྲོལ་སྡེ། མཆོག་སྡེ། དུལ་བའི་སྡེ། གྲགས་པའི་དཔལ། སེང་གེ་བཟང་པོ། ཀུ་ས་ལི་ཆེ་ཆུང་གཉིས། གསེར་གླིང་པ་ཆོས་ཀྱི་གྲགས་པ། ཇོ་བོ་རྗེ་ལྷ་གཅིག །ཉམས་ལེན་བྱིན་རླབས་ཀྱི་རྒྱུད་པ། རྡོ་རྗེ་འཆང་། ཏིལླི། ནཱ་རོ་པ། དཔལ་མཆོག་ཌོཾ་བྷི་ཝ། མར་མེ་མཛད། །དེ་ལྟར་བརྒྱུད་པ་གསུམ་ལྡན་གྱི་པཎྜི་ཏ་ཆེན་པོ་དེས། འབྲོམ་སྟོན་པ་རྒྱལ་བའི་འབྱུང་གནས། དེའི་སྲས་སྐུ་མཆེད་གསུམ་གྱི། སྤོ་ཏོ་བས། ཤ་ར་བ། དེས་ཞང་དར་མ་གྲགསོ། །ཡང་དགེ་བའི་བཤེས་གཉེན་སྤྱན་སྔ་བ་དེས་དགེ་སློང་ཆེན་པོ་བསོད་ནམས་རིན་ཆེན་ནོ། །ཇོ་བོ་ནས། དགོན་པ་བ་ཆེན་པོ། རྒྱ་ལྕགས་རི་བ། དེས་དཔལ་དྭགས་པོ་ལྷ་རྗེ། 
4-351
ཕྱག་རྒྱ་ཆེན་པོ་བསྣན་པས་བརྒྱུད་པ་བཞི་ལྡན་ཏེ། ནཱ་རོ་པ། མར་པ། མི་ལ། ཆོས་ཀྱི་རྒྱལ་པོ་ཟླ་འོད་གཞོན་ནུ། དེས་དཔལ་ཕག་གྲུ། གླིང་། གཙང་པ་རྒྱ་རས། དབོན་དར་མ་སེང་གེ། གཞོན་ནུ་སེང་གེ། སེང་གེ་ཤེས་རབ། སེང་གེ་རིན་ཆེན། སེང་གེ་རྒྱལ་པོ། ཀུན་དགའ་སེང་གེ། རྡོ་རྗེ་རིན་ཆེན། བློ་གྲོས་སེང་གེ། ཡེ་ཤེས་རིན་ཆེན། ཤེས་རབ་བཟང་པོ། རྒྱལ་དབང་རྗེ། ངག་དབང་ཆོས་ཀྱི་རྒྱལ་པོ། འཇམ་དབྱངས་ཆོས་ཀྱི་གྲགས་པ། ཀུན་སྤངས་རྗེ། པདྨ་དཀར་པོའོ། །ལ་ཡག་པ་ནས་བརྒྱུད་པ། སྟག་ལུང་ངག་དབང་གྲགས་པ་ནས། ངག་དབང་ཆོས་ཀྱི་རྒྱལ་པོ་ལའོ། །དཔལ་འབྲུག་པའི་གདམས་པ་ཕྱག་རྒྱ་ཆེན་པོ་སྐོར་གསུམ་གྱི་ཐོབ་ཡིག་བཞུགས་སོ། །གསུང་རབ་མགུལ་དུ་བོངས་ཆེར་ཆགས་རྣམས་ཀྱང་། །ངེས་གསང་འདི་ཡིན་མི་མཐུན་རྩོད་གྱུད་པ། །འདི་ཁ་ཚིག་གིས་མི་མཚོན་གཏན་ཚིགས་ཏེ། །དེ་ཕྱིར་ཐོས་བསམ་རྟོག་སྒོམ་ཡུལ་མིན་པས། །ཕྱོགས་འཛིན་རྟོག་གེར་མཁས་རྣམས་སྨྲ་བཅད་ས། །ཕྱོགས་བྲལ་ཕྱག་རྒྱ་ཆེན་པོ་མཛུབ་བཙུགསུ། །ཕྱོགས་དུས་གར་ཡང་སྟོན་བའི་བཀའ་བརྒྱུད་ལུགས། །ཕྱོགས་བཅུའི་སངས་རྒྱས་ཀུན་གཞི་དེ་ལ་འདུད། །དེ་ཡང་སྟོན་པ་ཤཱཀྱ་ཐུབ་པ་དེའི་སྙིང་པོའི་བསྟན་པ་འཛིན་པས་ལྷ་དང་བཅས་པའི་འཇིག་རྟེན་ཐམས་ཅད་ཀྱིས་ལུགས་འདི་ལ་སྙིང་པོ་སྐོར་པ་ཅེས་བསྔགས་ཤིང་། བོད་ཡུལ་དུ་བྱོན་པའི་བསྟན་སྐྱོང་བགྲེས་པོ་རྣམས་ཀྱིས་ཕྱག་རྒྱ་ཆེན་པོ་པ་ཞེས་མཚན་གསོལ་བའི་བཀའ་བརྒྱུད་རིན་པོ་ཆེའི་ཐ་སྙད་དང་བརྡའ་ལ་བརྟེན་ནས་མཚོན་བྱ་དོན་དམ་པ་གསལ་བར་སྟོན་པའི་གཞུང་ལུགས་ནི། 
4-352
ཆོས་ཀྱི་རྗེ་གཙང་པ་རྒྱ་རས་པའི་ཞལ་སྔ་ནས་ཀྱིས། བཤད་པ་ཚིག་གི་སྐོར། གདམས་ངག་ཉམས་ལེན་གྱི་སྐོར། རྟོག་པ་བྱིན་རླབས་ཀྱི་སྐོར་གསུམ་དུ་བསྡུ་བར་མཛད་པའི་དང་པོ། གྲུབ་པ་སྡེ་འདུན། སྙིང་པོ་སྐོར་དྲུག །ཡིད་ལ་མི་བྱེད་པའི་ཆོས་སྐོར་ཉི་ཤུ་རྩ་ལྔ་རྗེས་འབྲང་དང་བཅས་པ་ཡིན། གྲུབ་པ་སྡེ་བདུན་ནི། དཔལ་གསང་བ་གྲུབ་པ། ཨུ་རྒྱན་གྱི་སློབ་དཔོན་པདྨ་བཛྲ་ཀྱིས་མཛད་པ། ༡ ཐབས་དང་ཤེས་རབ་གཏན་ལ་དབབ་པའི་གྲུབ་པ། སློབ་དཔོན་ཡན་ལག་མེད་པའི་རྡོ་རྗེའམ་པཎྜི་ཏ་བདུད་རྩི་དགའ་བའི་འབྱུང་གནས་ཞེས་པས་མཛད་པ། ༢ དེའི་དོན་བསྡུས་ལྷམ་མཁན་གྱི་རིགས་ལས་གྲུབ་པ་བརྙེས་པ་སློབ་དཔོན་ཙ་མ་རི་པས་མཛད་པ། ཡེ་ཤེས་གྲུབ་པ་རྒྱལ་པོ་ཨིནྡྲ་བོ་དྷི་འབྲིང་པོས་མཛད་པ། ༣ གཉིས་མེད་གྲུབ་པ་དེའི་ལྕམ་ལེགས་སྨིན་ཀཱ་རས་མཛད་པ། ༤ ལྷན་ཅིག་སྐྱེས་གྲུབ་གཉིས་ཀྱི་སྔ་མ་སློབ་དཔོན་ཌོམྦྷི་ཧེ་རུ་ཀ་པས་མཛད་པ་དང་། ཕྱི་མ་ཨིནྡྲ་བོ་དྷི་ཆུང་བ་རབ་ཏུ་བྱུང་ནས་གྲུབ་པ་བརྙེས་པའི་མཚན་ལ་བ་པར་གྲགས་པས་མཛད་བ། དེའི་འགྲེལ་པ་དགེ་སློང་མ་དཔལ་མོས་མཛད་པ། དེ་ལྟར་གཉིས་མཚན་མཐུན་པའི་གཅིག་ཏུ་བགྲང་། ༥ །དངོས་པོ་གསལ་བའི་དེ་ཁོ་ན་ཉིད་གྲུབ་པ་རང་བྱུང་གི་རྣལ་འབྱོར་མ་ཙི་ཏོས་མཛད་པ། 
4-353
དེ་ཁོ་ན་ཉིད་གྲུབ་པ་ཀྱེ་ར་ལི་པས་མཛད་པ་གཉིས་མཚན་མཐུན་པས་གཅིག་ཏུ་བགྲངས། ༦ སིདྡྷི་ཀས་གྲུབ་དཱ་རི་ཀ་པས་མཛད་པ་རྣམས་སོ། ༧ །དེ་དག་གི་བརྒྱུད་པ་ནི། རྒྱལ་པོ་ཆེན་པོ་ཨིནྡྲ་བོ་དྷི་སངས་རྒྱས་དངོས་ཀྱི་སློབ་མ་དེ་འཁོར་འབངས་དང་བཅས་པ་གསང་བ་འདུས་པའི་སྒོ་ནས་འཇའ་ལུས་བརྙེས་པས་རེ་ཞིག་ཨུ་རྒྱན་གྱི་ཡུལ་སྟོངས། དེ་མཚོ་ཆེན་པོ་ཤིག་ཏུ་གྱུར། ཀླུ་རྣམས་ཀྱིས་མི་ལོ་བརྒྱ་ཕྲག་ལ་ཉེ་བ་ཙམ་བཟུང་། སླར་རིག་འཛིན་རྣམས་ཀྱི་བྱིན་རླབས་ཀྱི་མཐུས་ཀླུ་དེ་དག་མིར་གྱུར། མཚོ་ཡང་བསྐམས་ཏེ་སྔར་ལྟ་བུའི་ཡུལ་ལྗོངས་ཆགས་ཏེ་མི་རིང་བར། ཕྱག་རྡོར་གྱི་སྤྲུལ་པ་དྲང་སྲོང་དབུགས་འབྱིན་ཞེས་བྱ་བ། སྐལ་བ་དང་ལྡན་པ་རྣམས་ལ་ལྷན་ཅིག་སྐྱེས་པའི་རིན་པོ་ཆེའི་མན་ངག་གི་རྒྱུན་བསྟན་པར་བྱ་བའི་ཆེད་དུ་བཞུགས་པ་གྱུར་ཏོ། །དུས་དེ་ན་ཡུལ་དེའི་རྒྱལ་པོ་མཐོང་ན་དགའ་ཞེས་བྱ་བ་ལ་བུ་མོ་རོལ་པ་མོ་ཞེས་པ་ཐམས་ཅད་ཀྱི་ཡིད་འཕྲོག་པ་གུས་པ་དང་ཞི་དུལ་ལྡན་པ་ཞིག་སྐྱེས་པ་དེ། དྲང་སྲོང་དེས་བྱིན་གྱིས་བརླབས་པས་འཁོར་བུ་མོ་ལྔ་བརྒྱ་དང་བཅས་པ་ཕྱག་རྒྱ་ཆེན་པོ་མཆོག་གི་དངོས་གྲུབ་བརྙེསོ། །དེས་རྒྱལ་པོ་དཔའ་བོ་རྡོ་རྗེ། དེས་འདུན་ན་འདོན་དམ་ཚིག་གི་རྡོ་རྗེ། དེས་ཤིང་ཚོང་པདྨའི་རྡོ་རྗེ། 
4-354
འདི་གསང་བ་གྲུབ་པ་མཛད་མཁན། དེས་ཆང་ཚོང་བ་ལྷན་ཅིག་སྐྱེས་པའི་རྡོ་རྗེ། དེས་ཐ་ག་པ་དགའ་བའི་རྡོ་རྗེ། དེས་བྲམ་ཟེ་མོ་རྡོ་རྗེ། དེས་བྲེག་མཁན་གྲུབ་པའི་རྡོ་རྗེ། དེས་རྣལ་འབྱོར་པ་ཀུན་འགྲོ་རྡོ་རྗེ། དེས་རྣལ་འབྱོར་པ་ཐུགས་ཀྱི་རྡོ་རྗེ། དེས་དགེ་སློང་མ་དཔལ་མོ། དེས་ལ་བའི་ན་བཟའ་ཅན། ཞེས་འབྱུང་ལ། ལ་བ་པས་སློབ་དཔོན་ཏིལླི་པར་གདམས་པ་ཡིནོ། །སྙིང་པོ་སྐོར་དྲུག་ནི། བྲམ་ཟེ་ཆེན་པོ་ས་ར་ཧའི་དོ་ཧ་མཛོད། ༡ རྩེ་མོ་དོ་ཧ། ༢ བདག་བྱིན་རླབས། ༣ སློབ་དཔོན་ཀླུ་སྒྲུབ་ཀྱི་ཕྱག་རྒྱ་བཞི་པ། ༤ ཨཱརྱ་དེ་བའི་སེམས་ཀྱི་སྒྲིབ་སྦྱོངས། ༥ ཏོག་རྩེ་པའི་བསམ་མི་ཁྱབ་རྣམས་ཡིན་ལ། ༦ རྒྱལ་པོ་དོ་ཧ་དང་བཙུན་མོ་དོ་ཧ་དང་། མཛོད་ཆུང་བ་དང་། ཀ་ཀའི་དོ་ཧ་རྣམས་དང་པོའི་རྗེས་འབྲང་། བྱང་ཆུབ་སེམས་འགྲེལ། སེམས་ཀྱི་རྡོ་རྗེའི་བསྟོད་པ་སོགས་བཞི་པའི་རྗེས་འབྲང་དུ་མཛད་པ། དོ་ཧ་ལ་རྒྱ་བོད་ཀྱི་འགྲེལ་པ་མང་དུ་སྣང་ཡང་། རང་ལུགས་ཏི་བུའི་དོན་བསྡུས་ཉམས་ཁྲིད་མར་པ། འགྲེལ་བ་གྲུབ་ཐོབ་གླིང་གིས་མཛད་པ་ཁོ་ན་དེའི་ལྷན་ཐབས་གསེར་མིག་གཡུས་སྤྲས་ནི་ཆོས་རྗེས་མཛད་པ་མ་ཡིན་ལ། མཁས་པ་འཇམ་དབྱངས་མགོན་པོས་མཛད་པ་ཡིན་ནོ། །ཕྱིས་ཡིད་བཟང་རྩེ་བས་མཛད་པའི་དོ་ཧ་སྦྱོར་དྲུག་ཏུ་བཀྲལ་བ་ལ་རྒྱལ་དབང་རྗེ་ཐུགས་གཙིགས་ཆེའོ། །
4-355
སློབ་དཔོན་ཆེན་པོ་ས་ར་ཧ་ཎི། སྟོན་བའི་སྲས་པོ་སྒྲ་གཅན་འཛིན་ལས་བསྙེན་པར་རྫོགས་པ་ད་ལྟ་འདུལ་བ་པ་ཐམས་ཅད་ཀྱི་སྡོམ་རྒྱུན་ལ་བཞུགས་པའི་བྲམ་ཟེ་སྒྲ་གཅན་འཛིན་བཟང་པོ་ཡིན། འདིས་ལྷོ་ཕྱོགས་ཀྱི་རྒྱལ་པོ་བི་སུ་ཀལྤ་ལས་གསང་བ་འདུས་པ་གསན་ཟེར་བའི་རྒྱལ་པོ་དེ་སྟོན་པའི་སྲས་པོ་ཉིད་དེ་ལ་ལྷོ་ཕྱོགས་ཟེར་བའང་སེར་སྐྱའི་གྲོང་ཁྱེར་དབུས་འགྱུར་ལྷོ་ཕྱོགས་ཡིན་པས་དང་། དེ་དུས་གསང་སྔགས་གསང་བས་ན་སློབ་དཔོན་རྣམས་ཀྱང་གབ་པ་ཡིན། རྒྱ་མཚན། ཐུན་མོངས་མ་ཡིན་པ་གསང་བའི་རྒྱུད་ལས། རྡོ་རྗེ་སེམས་དཔའ་ནི་སྒྲ་གཅན་འཛིནོ། །ཞེས་དང་། སློབ་དཔོན་ཉིད་ཀྱིས་རང་བྱིན་རླབ་ཏུ་རྗེ་བཙུན་དཔལ་རྡོ་རྗེ་སེམས་དཔའ་རྣལ་འབྱོར་གྱི་དབང་ཕྱུག་ཐམས་ཅད་ཀྱི་སྙིང་དུ་སྡུག་པ་བླ་མའི་ཞལ་དུ་སོན་པས་རྙེད་དེ་ཞེས་འབྱུང་བས་སོ། །ཡང་ཨིནྡྲ་བོ་དྷི་ཆེན་པོའི་སློབ་མ་ཀླུ་ལས་གྱུར་པའི་རྣལ་འབྱོར་མ་ལ་གསན་ཟེར་པ་ཡང་། རྒྱལ་མོའི་བུ་མོ་རོལ་པ་མོ། དེ་ཨིནྡྲ་བོ་དྷ་ཆེན་པོའི་སློབ་མར་བཤད་པ་ནི། ཕྱག་ན་རྡོ་རྗེས་བྱིན་གྱིས་རླབས་པ་ཡིན་པས་དང་། དེ་ཡང་ཡུལ་དེར་སྣང་ཚུལ་དེ་གཙོ་བས་སོ། །སློབ་དཔོན་འདིའི་གསང་མཚན་བློ་གྲོས་རིན་ཆེན་ཞེས་བྱ་ཡི། འདི་ལས་ལོགས་ཞིག་པའི་ལྷའི་བུ་གཅིག་ལ་འདོད་པ་ནོར་བ་ཡིནོ། །
4-356
དེས་རྗེསུ་གཟུང་བ་ཀླུ་སྒྲུབ། དེས་རྗེསུ་གཟུང་བ་བརྫུས་ཏེ་འཁྲུངས་པའི་སློབ་དབོན་ཨཱརྱ་དེ་ཝ། དེ་དག་གཉིས་ཀྱིས་ཏིལླི་པའམ། ས་ར་ཧས་ལོ་ཡི་པར་དེས་དཱ་རི་ཀ་པ་དང་། ཌིངྒ་པ་གཉིས་ལ། དེ་གཉིས་ཀྱིས་ཏེ་ལོ་པའོ། །ཡང་ན་ཀླུ་སྒྲུབ་ནས། ཤ་བ་རི། དེས་ལོ་ཧི་པ་ལའོ། །བསམ་མི་ཁྱབ། རྟ་མཆོག་འཛིན། དེས་ཨིནྡྲ་བོ་དྷི་འབྲིང་པོ། །དེས་ལེགས་སྨིན་ཀ་རའམ། རྟ་མཆོག་ཛི་ནས་སྒེག་པའི་རྡོ་རྗེ། དེས་གུ་དྷི་རའམ། ཞིང་པ་པདྨ་བཛྲ། དེས་ཡན་ལག་མེད་པའི་རྡོ་རྗེ་ལ་སྙིང་རྗེ་ཅན་ཞེས་བཤད་པ་དེའམ། ཕྱག་རྡོར། ཆོས་ཀྱི་པ། བཟང་པོ་ཞབས། དེའི་སློབ་མ་ཏོག་རྩེ་ཞབས། མཚན་དངོས་སྟོང་ཉིད་ཏིང་འཛིན། དེས་ལེགས་སྨིན། གུ་དྷི་ར་ཡན་ལག་མེད་པའི་རྡོ་རྗེ་ལའང་གསན་པས་གྲུབ་པ་སྡེ་བདུན་ཡང་དེ་ལྟར་བརྒྱུད་པ་དང་། ཏོག་རྩེ་པ། ལ་བ་པ། དེས་ཏིལླི་པ། ཡང་བཞི་ཆོས་ཀྱི་སྐབས་སུ་རས་ཆུང་པའི་གསུང་ལས། ཏོག་རྩེ་པ། དེས་ཤ་ཝ་རི་པ་ཞེས་འབྱུང་ཞིང་། ཕག་མོ་བདེན་གཉིས་ཞལ་ལའང་བརྒྱུད་པ་འདི་བྱུངོ་། །ཏེ་ལོས་ནཱ་རོ་པ། དེས་མཻ་ཏྲི་པ་དང་མར་པ། ཤ་ཝ་རིས་མཻ་ཏྲི་པའོ། །མཻ་ཏྲི་པས་ཀྱང་མར་པའོ། །རྩ་རྒྱུད་བསམ་མི་ཁྱབ། བཤད་རྒྱུད་རྙོག་མེད་ལ་བརྟེན་པ། ཡིད་ལ་མི་བྱེད་པའི་ཆོས་སྐོར་ཉི་ཤུ་རྩ་ལྔ་ནི། 
4-357
ཐུན་མོངས་གྲུབ་མཐའ་བསྟན་པ་རིན་པོ་ཆེའི་འཕྲེང་བ། ༡ དེའི་དོན་སྔགས་དང་སྦྱར་བ་དོ་ཧ་དི། ༢ རྩོད་སྤོང་ཡིད་ལ་མི་བྱེད་པར་བསྟན་པའམ། བདག་མེད་གསལ་བ། ༣ ཐབས་ཁྱད་དུ་གསོད་པ་བཟློག་པའི་ཕྱིར་ལྟ་བ་ངན་སེལ་དང་། ༤ ལྟ་བ་ངན་སེལ་གྱི་དྲན་པ། ༥ ལས་དང་པོ་པའི་བྱ་བ་མདོར་བསྡུས། ༦ སྔགས་ལས་དབང་དང་འབྲེལ་བར་བསྟན་པ་དབང་ངེས་བསྟན། ༧ དགོས་པ་མདོར་བསྡུས། ༨ དབང་གི་པྲ་ཁྲིད་དམ། བྱ་བ་མདོར་བསྡུས། ༩ དབང་རྣམ་དག ༡༠ །རྒྱས་གདབ་ཀྱི་དོན་ལ་ཕྱག་རྒྱ་ལྔ་པ་དང་༡༡ དགའ་བཅུག་ལྔ་པ་དང་༡༢ མི་ཕྱེད་ལྔ་པ། ༡༣ ཟུང་འཇུག་གི་དེ་ཉིད་ལྟ་བ་ཤན་འབྱེད་པ་ལ་དབུ་མ་དྲུག་པ་དང་། ༡༤ ལྷན་སྐྱེས་དྲུག་པ། ༡༥ ལྟ་བ་དེ་དང་ལྡན་པའི་ཟུང་འཇུག་བཤད་པ་ལ། ཐེག་ཆེན་ཉི་ཤུ་པ། ༡༦ དེ་ཉིད་ཉི་ཤུ་པ། ༡༧ རབ་ཏུ་མི་གནས་པ་སྟོན་པ་བདེ་ཆེན་གསལ་བ་དང་། ༡༨ ཟུང་འཇུག་ངེས་བསྟན། ༡༩ ལྟ་བའི་གོ་རིམ་དཔེ་དང་སྦྱར་བ་ལ་རྨི་ལམ་ངེས་བསྟན། ༢༠ སྒྱུ་མ་ངེས་བསྟན། ༢༡ ཟབ་དོན་བསྡུ་བ་དེ་ཉིད་བཅུ་པ་དང་༢༢ དེ་ཉིད་རབ་ཏུ་བསྟན་པ། ༢༣ ཟབ་མོའི་ཁྱད་པར་ཕྲ་མོ་སྟོན་པ་ལ་རབ་ཏུ་མི་གནས་པར་གསལ་བར་སྟོན་པ་དང་༢༤ མ་རྟོགས་པ་རྟོགས་བར་བྱེད་པ་
4-358
༢༥ ཚིགས་བཅད་ཕྱེད་པ་རྩ་འགྲེལ་རྣམས་རྗེ་མཻ་ཏྲི་པ་ཆེན་པོས་མཛད་པ། དེ་ཉིད་བཅུ་པ་ལ་ལྷན་ཅིག་སྐྱེས་པའི་རྡོ་རྗེས་འགྲེལ་པ་མཛད་པ་དང་། ཁོང་རང་གིས་སྦྱར་བའི་གཞུང་གནས་པ་བསྡུས་པ་སྟེ་དཔེ་སྣ་གསུམ་དེའི་ཆར་གཏོགས་པའོ། །དེ་རྣམས་ཀྱི་བརྒྱུད་པ་ནི། མཻ་ཏྲི་པས། རྒྱ་གར་ཕྱག་ན། ཏི་བུ། མར་པ་གསུམ་ལ་གནང་ངོ་། །དེ་དག་ཐམས་ཅད་ཀྱི་མར་པ་མན་གྱི་བརྒྱུད་པ་ནི། སྒྲ་བསྒྱུར་མར་པས། རྗེ་བཙུན་མི་ལ། དེས་རས་ཆུང་པ་དང་ཟླ་འོད་གཞོནུ། མཻ་ཏྲི་པས་ཏི་བུ་དང་ཕྱག་ན། ཏི་བུས་རས་ཆུང་པའམ། ཕྱག་ནས། བལ་པོ་ཨ་སུ། དེས་རས་ཆུང་པ། དེས་ལོ་དང་སུམ་པ། དེ་གཉིས་ཀྱིས་གླིང་རས་པ་ལ་དང་། ཟླ་འོད་གཞོན་ནུས། འགྲོ་མགོན་ཕག་མོ་གྲུ་པ། དེས་གྲུབ་ཐོབ་གླིང་། དེས་ཆོས་རྗེ་གཙང་པ་རྒྱ་རས། སངས་རྒྱས་དབོན། གཞོནུ་སེང་གེ། ཉི་མ་སེང་གེ། དེ་གཉིས་ལ་རྡོ་རྗེ་གླིང་པའམ། རྒྱལ་སྲས་བྱང་གླིང་པ། དེས་སྤོས་སྐྱ་པ། དེས་བཅུ་གསུམ་པ། དེས་ཀུན་དགའ་སེང་གེ །དེས་མཁན་པོ་རྡོ་རྗེ་རིན་ཆེན། དེས་བློ་གྲོས་སེང་གེ། དེས་མཁྱེན་རྩེ་རྟོགས་ལྡན། དེས་མཁས་གྲུབ་ལེགས་པ་རིན་ཆེན། དེས་འཁྲུལ་ཞིག་ནམ་མཁའི་རྣལ་འབྱོར་། དེས་རྒྱལ་དབང་རྗེ། དེས་རྗེ་བླ་མ་ངག་དབང་ཆོས་ཀྱི་རྒྱལ་པོ། དེ་དང་། དེ་ནས་རྒྱལ་ཚབ་ངག་གི་དབང་ཕྱུག་གཉིས་པ་པདྨ་དཀར་པོས་ཐོས་སོ། །
4-359
ཡང་ན་ཆོས་རྗེ་ནས། གཡག་རས། བདེ་མཆོག་སངས་རྒྱས། སྤྲུལ་སྐུ་ཤེས་རབ་ཡེ་ཤེས་རྫ་རི་རས་པ། རྩོད་མེད་ཡོང་གྲགས། རྐྱང་ཆེན་སྤྲུལ་སྐུ། རྫ་སྒོ་བ་ཤེས་དཔལ། སྐྱེས་ཆོག་སྨོན་ལམ་མཐའ་ཡས། ལུང་མངས་པ་ཡོན་ཏན་བཟང་པོ། དེ་གཉིས་ཀར་གྲུབ་ཆེན་བློ་གྲོས་ཆོས་རྒྱལ་གྱིས་གསན། དེ་ལ་རྗེ་བླ་མས་གསན་ནོ། །ཡང་ན་རས་ཆུང་པ། བུར་སྒོམ། ཕག་གྲུ། རྒྱ་ལོག་ཕུག་པ། །གསེར་སྡིངས་པ་གཞོན་ནུ་འོད་ཟེར། ཀུན་མཁྱེན་ཆོས་སྐུ་འོད་ཟེར། འཕགས་འོད་ཡོན་ཏན་རྒྱ་མཚོ། བུ་སྟོན་རིན་ཆེན་གྲུབ། ཐུགས་སྲས་རིན་ཆེན་རྣམ་རྒྱལ། ལོ་ཆེན་གྲགས་པ་རྒྱལ་མཚན། མཁས་པ་ཡིད་བཟང་རྩེ་བ། རྒྱལ་དབང་རྗེའོ། །ཡང་ན་རྒྱ་གར་ཕྱག་ན། དེའི་སློབ་མ་བྲང་ཏི། འབོ་བརྒྱད་སྟོན་ཆུང་། ཞལ་སྔ་རིང་མོ། བ་རེག་ཐོས་དགའ། བྲ་བོ་འབུམ་ལ་འབར། དགེ་བཤེས་ཤེའུ། རོང་པ་ཤེས་འདྲི་བདུན་ཀ་ལ། གཙང་པ་ཡང་དག་འབར། དེས་ཕུག་ཟུང་སྐྱབས། དེས་འབྱུང་སེང་། དེས་ལྕེ་མདོ་སེང་གེ །དེས་སྟོན་ཤག །དེས་ལྕེ་བློ་ལྡན་སེང་གེ། དེས་འཕགས་འོད་དམ། ཡང་ན་བ་རེག །སྣར་སྟོན་ནེ་རིངས། ལྷ་རྗེ་སྟོན་ལོ་པ། སྨན་སྒང་པ། ལྕང་ཁུང་ཕུར་པ། རྒྱ་ལོག་ཕུར་པ་མན་གོང་མ་བཞིན་ནོ། ། གདམས་ངག་ཉམས་ལེན་གྱི་སྐོར་ལ། ཅིག་ཅར་བའི་ལམ་གཙོ་བོར་བཏོན་པ་ཐོག་བབས། ཐོད་བརྒལ་བའི་ལམ་གཙོ་བོར་བཏོན་པ་བསམ་གཏན་ཐུན་འཇོག །
4-360
རིམ་སྐྱེས་པའི་ལམ་གཙོ་བོར་བཏོན་པ་རྟོགས་བརྗོད་གསེར་འཕྲེང་། དང་པོ་འདི་ལ་ཞལ་གཉིས་མའི་བརྡ་དབང་། མིང་ལ་ཕྱག་རྒྱ་ཆེན་པོ་ཡེ་ཤེས་རྡོ་རྗེའི་དབང་ཟེར། དེའི་དོན་གཏན་ལ་འབེབས་པ་ལ་ནཱ་རོ་མཻ་ཏྲི་མཐུན་ལ་སྔ་མ་ལ་མར་པའི་ཡི་གེ་ཡོད། ཕྱི་མ་རྒྱས་ཏེ་རྩ་བ་རི་ཁྲོད་པས་མཻ་ཏྲི་པ་ལ་གནང་བའི་ཐོག་བབས། དེ་དོན་སྔར་གྱི་ཡི་གེ་རྙིང་མ་རྣམས་རྒྱལ་དབང་རྗེས་བསྡུས་པ་ལ། ངོ་སྤྲོད་ལྟ་བའི་བརྡ་སྐོར་གྲུབ་བའི་ངེས་གསང་། མཉམ་བཞག་སྒོམ་པའི་བརྡའ་སྐོར་གྲུབ་པའི་རོལ་མཚོ། ལམ་ཁྱེར་སྤྱོད་པའི་བརྡའ་སྐོར་གྲུབ་བའི་རོལ་རྩེད། མཐར་ཕྱིན་འབྲས་བུའི་བརྡའ་སྐོར་གྲུབ་པའི་མཆོག་སྦྱིན། སྙིང་པོ་ཡང་སྙིང་གི་བརྡ་སྐོར་གྲུབ་པའི་བདུད་རྩི། ཁ་འཐོར་རྒྱབ་རྟེན་གྱི་བརྡའ་སྐོར་གྲུབ་པའི་སྐྱེད་ཚལ། ཐུན་མོང་སྤྱིའི་བརྡ་སྐོར་གྲུབ་པའི་ཞལ་ལུང་། བདེའི་བརྒྱུད་པ། ཤ་བ་ར། མཻ་ཏྲི་པ། ཏི་བུ། རས་ཆུང་། ལོ་སུམ། གླིང་རས་སམ། རྒྱ་གར་ཕྱག་ན། དེས་ལྷ་རྗེ་གཙང་ཤོད་པ། དབོན་སྟོན། མེ་འབར། གཙང་པ་ཇོ་སྲས། རྔོག་སྟོན། གཅེར་སྒོམ་པའམ། མེ་འབར། གཡུ་ལུང་པ། ཅེར་སྒོམ་པ། སངས་རྒྱས་འབུལ་པ། བསོད་རྒྱལ། སྨོན་ལམ་མགོན་པོ། རིན་ཆེན་ཡེ་ཤེས། འཁྲུལ་ཞིག་བློ་བཟང་པ། སྐྱེ་མཆོག་སྨོན་ལམ་པ། ལུང་མངས་པ། རྒྱལ་དབང་རྗེའོ། །ཐོད་བརྒལ་གྱི་ལམ་གཙོ་བོར་བཏོན་པ་ལ་ལོ་རྒྱུས་ཆོས་རྗེས་མཛད་པ། 
4-361
སྨར་ཁྲིད་མཚན་མ་མེད་པ་མཻ་ཏྲི་པས་མཛད་པ། དེའི་འགྲེལ་པ་དང་ཞལ་གདམས་གྲུབ་ཆེན་གླིང་གིས་མཛད་པའི་བརྒྱུད་པ་ནི། ཤ་ཝ་རི། མཻ་ཏྲི་པ། ཏི་བུ། རས་ཆུང་། ལོ་སུམ་མམ། རས་ཆུང་། བུར་སྒོམ། ཕག་གྲུ། གླིང་རས་སམ། ཆོས་རྗེ་སངས་རྒྱས་དབོན་མན་ནམ། ཆོས་རྗེ། ལོ་རས། དགའ་ལྡན་པ། བསོད་ནམས་དར། ངེས་འབྱུང་དར། འོད་ཟེར་རྒྱ་མཚོ། སངས་རྒྱས་རས་པ། སྐྱེ་མཆོག་སྨོན་ལམ་པ། གྲུབ་ཆེན་བློ་གྲོས་ཆོས་རྒྱལ། རྗེ་བླ་མ་ངག་དབང་ཆོས་རྒྱལ་ལོ། །རིམ་སྐྱེས་པའི་ལམ་གཙོ་བོར་བཏོན་པ་རྟོགས་བརྗོད་གསེར་གྱི་འཕྲེང་བ་ནི། གྲུབ་ཐོབ་རྣམས་ཀྱི་རྟོགས་བརྗོད་རྗེ་མཻ་ཏྲི་པས་གཅིག་ཏུ་བསྡུས་པ་ཡིན། བརྒྱུད་པ་མཻ་ཏྲི་མན་བར་མ་དང་འདྲ། འདིའི་དོན་དུ་འདོད་པའི་གསལ་འཕྲེང་ནི་བར་ཞིག་ཏུ་བྱུང་བ་ལེགས་པར་མི་སྣང་། །རྟོགས་པ་བྱིན་རླབས་ཀྱི་སྐོར་ནི་ལྷན་ཅིག་སྐྱེས་སྦྱོར་ཏེ་འདིའི་རྩ་བ། བསྲེ་འཕོ་གཞུང་གི་སེམས་དངོས་པོའི་གནས་ལུགས་བསྟན་པ་ཁོ་ན་ཡིན། དེ་ལས་འཕྲོས་ནས། ཏིལླི་པས་ཚིག་བཅད་གཅིག་མ་འདི་དང་ནཱ་རོས་མཛད་པ་གཉུག་མ་ཚིག་ཆོདུ་ཁྲིད་པ་ཞེས་པ་ཤད་དེ་ཅིག་ཅར་བའི་ལམ། རྗེ་ཟླ་འོད་གཞོན་ནུ་ཚིགས་བཅད་རྐང་པ་གསུམ་པ་འདི་ཐོད་བརྒལ་བའི་ལམ། ཕག་མོ་གྲུ་པས་མཛད་པ་དང་། ཆོས་རྗེས་མཛད་པའི་ཚིགས་བཅད་གཉིས་རིམ་སྐྱེས་པའི་ལམ་སྟེ། 
4-362
ལྷན་ཅིག་སྐྱེས་སྦྱོར་སྔ་ཕྱི་བར་གསུམ་གྱི་ཐ་སྙད་མཛད། དོན་སྒོམ་རིམ་བསྡུས་འབྲིང་རྒྱས་པར་ཕྱེ་བ་སྟེ་བཞི་གཏན་ལ་དབབ་པའི་སྐོར་ཡང་ཟེར། དེ་ལས་འཕྲོས་པ་རྣལ་འབྱོར་བཞི་ཕག་གྲུའི་ཞུ་ལན། དེ་ནས་བརྩམས་ཏེ་ཆོས་རྗེ་དཔོན་སློབ་རྗེས་འབྲང་དང་བཅས་པས་མཛད་པ་རྣམས་ལ་ཉམས་མྱོང་གི་སྤུ་རིས་འབྱེད་པའི་སྐོར་ཟེར། རྗེ་ཟླ་འོད་གཞོན་ནུ་ནས་བདག་གི་བླ་མའི་བར་གྱི་ངོ་སྤྲོད་ཀྱི་ཡི་གེ་ཐམས་ཅད་ལ་རྗེས་ལམ་ཁྱེར་གྱི་སྐོར་ཞེས་རྣམ་པ་གསུམ་གྱིས་བསྡུས་སོ། །འདིའི་བརྒྱུད་པ་ནི། རྡོ་རྗེ་འཆང་ཆེན་པོ། རྗེ་བཙུན་ཏིལླི་པ། དཔལ་ནཱ་རོ་པ། མར་པ། མི་ལ། དགས་པོ་རིན་པོ་ཆེ། ཕག་གྲུ། རྗེ་བཙུན་གླིང་། ཆོས་རྗེ། སངས་རྒྱས་དབོན། གཞོན་ནུ་ཉི་མ། རྡོར་གླིང་པ། སྤོས་སྐྱ་པ། བཅུ་གསུམ་པ། ཀུན་དགའ་སེང་གེ། །མཁན་ཆེན་རྡོར་རིན། བློ་གྲོས་སེང་གེ །མཁྱེན་བརྩེ་རྟོགས་ལྡན། བློ་གྲོས་མཆོག་ལྡན། ནམཁའི་རྣལ་འབྱོར། རྒྱལ་བའི་དབང་པོ། རྗེ་འབྲུག་པ་རིན་པོ་ཆེ་ངག་དབང་ཆོས་ཀྱི་རྒྱལ་པོ། དེས་བདག་གམ། ཡང་རྗེ་ངག་དབང་ཆོས་ཀྱི་རྒྱལ་པོ་ནས། འཇམ་དབྱངས་ཆོས་ཀྱི་གྲགས་པ། ཀུན་སྤངས་རྗེ། དེས་པདྨ་དཀར་པོ་ལའོ། །གོ་ཆ་གཉིས་མ་ནི། མདོ་ལུགས་ཀྱི་གདམས་ངག་ཡིན་པར་དཔལ་ཕག་མོ་གྲུ་པས་བཤད། དེ་མཛད་པ་པོ་ཤར་ཕྱོགས་ལ་བ་པ་ཇོ་བོའི་བླ་མ་ཙ་རིའི་གནས་སྒོ་འབྱེད་མཁན་དེ་ཡིན། 
4-363
དེས་ཉེ་གནས་བུ་སུ་ཀུའམ་མཚན་དངོས་རཀྵི་ཏ། དེ་ལ་རྗེ་མར་པས་གསན། ཡང་ལ་བ་པ། ཇོ་བོ། དགོན་པ་བ། རྒྱ་ལྕགས་རི་བ། དྭགས་པོ་རིན་པོ་ཆེ། འདི་ལ་མང་པོ་ཞིག་འཁྲུལ་ནས་ལྷན་ཅིག་སྐྱེས་སྦྱོར་བཀའ་གདམས་པའི་གདམས་དག་ཡིན་ཟེར་ནོར་བ་ཆེན་པོའི་བྱུང་བ་ཡིན་ནོ། །ལྔ་ལྡན་ཕག་གྲུའི་ཐོ་ཡིག་ལས་འཇིག་རྟེན་གསུམ་མགོན་གྱིས་རྩལ་དུ་བཏོན་པ། བཀའ་དྲིན་བཅུ་གཅིག་མ་གླིང་གི་མགུར་ཆོས་རྗེས་འགྲེལ་པ་མཛད་པ། ཡི་གེ་བཞི་པ་རྒོད་ཚང་པས་མཛད་པ་ཁོ་ན་ཡིན་པས་བརྒྱུད་པ་འདི་ཁ་ལ་ཐུས་སོ།། །།
༄། །རྗེ་བཙུན་ནཱ་རོ་པའི་ཆོས་དྲུག་གམ་ཁྱད་ཆོས་བསྲེ་འཕོ་གནད་ཀྱི་མཚམས་སྦྱོར་ཞེས་བྱ་བའི་གསན་ཡིག་བཞུགས་སོ།།
༄༅། །མདོ་རྒྱུད་ཐམས་ཅད་ཀྱི་མན་ངག་ཆེན་པོ། བཀའ་བརྒྱུད་རིན་པོ་ཆེའི་གཞུང་ལམ། རྗེ་བཙུན་ནཱ་རོ་པའི་ཆོས་དྲུག་གམ་ཁྱད་ཆོས་བསྲེ་འཕོ་གནད་ཀྱི་མཚམས་སྦྱོར་ཞེས་བྱ་བའི་གསན་ཡིག་བཞུགསོ། །ཁམས་གསུམ་སྤྱོད་པ་ཀུན་ལས་ཆེར་འཕགས་པ། །རྒྱལ་སྲས་རྒྱུན་མཐར་ཉེ་རྣམས་ཚོགས་པའི་དབུས། །རྡོ་རྗེ་འཆང་གསུང་ཤིན་ཏུ་རྨད་བྱུང་རྒྱུད། །སྦས་པའི་ཚིག་ཀུན་འབྱེད་པ་དེ་ལ་འདུད། །གང་ནས་རྡོ་རྗེ་འཛིན་པའི་ས་དགེ་བ། །བཅུ་གསུམ་པར་སོང་འཕགས་ཡུལ་བོད་ཁམས་ན། །ཞིང་རྡུལ་བགྲང་གཞིར་བྱས་ནས་འདྲེན་འོས་པའོ། །བཀའ་བརྒྱུད་བླ་མའི་ཚོགས་ལ་ཕྱག་འཚལ་ལོ། །རྒྱ་གར། བོད། རྒྱ་ནག་ཕོ་ལ་སོགས་པ་ཐམས་ཅད་དུ་མཆོག་གི་དངོས་གྲུབ་ཆེན་པོ་རྙེས་པའི་རྣལ་འབྱོར་དབང་ཕྱུག་བྱུང་བ་ལ་འགྲན་ཟླ་མ་མཆིས་པར་ཉི་མ་དང་ཟླ་བ་ལྟ་བུར་གྲགས་པའི་བརྒྱུད་པ་རིན་པོ་ཆེ། 
4-364
བཀའ་བརྒྱུད་པ་ཞེས་པ་རྣམས་ཀྱི་གཞུང་ལམ། རྒྱལ་བའི་གཞུང་ལུགས་ཀྱི་ནང་ན་རྡོ་རྗེ་སེམས་དཔའི་གསེབ་ལམ་ཞེས་བཤད་པ། ངོ་མ་འགྱུར་གྲྭ་མ་ཆག་པའི་འོག་མིན་པའི་གཏམ། ཨུ་རྒྱན་མཁའ་འགྲོ་མ་རྣམས་ཀྱི་སྙིང་ཁྲག །རྒྱ་གར་བའི་པཎ་གྲུབ་རྣམས་ཀྱིས་ཉམསུ་བསྟར་བ། བོད་ཡུལ་དུ་མར་པ་ལོ་ཙ་རྒྱལ་བའི་སྲས་པོ་ཀུན་ཏུ་བཟང་པོའི་རྣམ་འཕྲུལ་ཆོས་ཀྱི་བློ་གྲོས་ཀྱིས་བསྒྱུར། མི་ལ་རས་པ་ལ་སོགས་པས་བསྒོམས་བསྒོམས་པའི་གདམས་ངག །རྗེ་ནཱ་རོ་པ་ཆེན་པོའི་ཁྱད་ཆོས་བསྲེ་འཕོ་གནད་ཀྱི་མཚམས་སྦྱོར་ཞེས་པ་རྒྱུད་ཐམས་ཅད་ཀྱི་རྡོ་རྗེའི་ཚིག་ལྟ་བའི་མིག་ཆེན་པོ་འདིའི་གླེགས་བམ་ལ། བཀའ་བཞི་བརྒྱུད་པའི་ལོ་རྒྱུས་གླིང་རས་ཀྱིས་མཛད་པ། གནས་པ་རྩ་གཡོ་བ་རླུང་། བཀོད་པ་བྱང་ཆུབ་ཀྱི་སེམས། རྡོ་རྗེའི་མགུར། སྦ་བཞི། ཚིག་བསྡུས། འཆི་བལྟས་བརྟག་པ་རྣམས་ནཱ་རོ་པས་མཛད་པ། ཚིགས་བཅད་བརྒྱད་པ་མར་པས་མཛད་པ། བསམ་མི་ཁྱབ་ཏོག་རྩེ་བས་མཛད་པ་སྟེ་ཕྲ་མོ་དགུ་བཞུགས། གཏུམ་མོ་ཀ་དཔེ། འཕོ་བ་སེ་ཆེན་མོ། ཅིག་ཅར་བ། རིམ་གྱིས་པ། མཁའགྲོ་བཀའ་དྲུག་རྣམས་དང་ཟུང་འཇུག །ཚོད་ཀ་བཅོ་བརྒྱད། ཟད་པར་སྣང་བ་གསུམ་སྟེ་ཕྲ་མོ་བཞི་དང་། ཐབས་ལམ་གསལ་སྒྲོན་ཆོས་རྗེས་མཛད་པ་ལ་ཕྱིས་ཆོས་རྗེ་གཞོནུ་སེང་གེས་ཅུང་ཟད་རྒྱས་སུ་བཏང་བ། 
4-365
སྦྱོར་དྲུག །རིམ་ལྔ། འབྲས་བུ། ཀ་དཔེ་ཆུང་ངུ་། སྙན་བརྒྱུད་དུ་བཀྲལ་བའི་ཕྲ་མོ་བཞི་རྣམས། གསང་བ་བདུད་རྩིའི་ཆུ་རྒྱུན་(རྣམ་བཤད་སྲས་དོན་མ་ཟེར།)[*]དང་། རླུང་གི་ཡིག་ཆུང་མར་པས་མཛད་པ། རླུང་གི་དེ་ཉིད་གསལ་བ་རས་ཆུང་པས་མཛད་པ་རྣམས་ཏེ་ཕྱི་མ་གཉིས་ཕྲ་མོ་རྣམས། རྗེ་རས་པ་ཡབ་སྲས་ཀྱི་དྲི་བ་དང་དྲི་ལན་བཅོ་བརྒྱད་པ། སྟོང་མཐུན་གསལ་སྒྲོན། རླུང་ཇོ་ཡེས་ཀྱི་ཟིན་བྲིས། དེའི་བསྡུས་དོན་དང་ལྷན་ཐབས། དབང་བཞི། བསྲེ་བ། སྦྱོར་དྲུག །རིམ་ལྔ་ཕྱི་མ་འདི་ནཱ་རོས་མཛད་ཟེར་བ་འབྱུང་། མར་པའི་གསུང་མགོ་ཡགས་ཀྱི་ཟིན་བྲིས་བྱས་པ་ཡིན་ཡང་ཟེར། ཕྱག་རྒྱ་བཞི་ནཱ་རོ་འགྲེལ་ཆེན་ནས་ཕྱུང་བ། ལས་རྒྱ་རྣམས་ཀྱི་ལམ་སློང་། བྱང་སེམས་ལོག་གནོན། རྩ་རླུང་གི་དེ་ཉིད་གསལ་བྱེད། གེགས་སེལ་ཡིད་བཞིན་ནོར་བུ་མར་པས་མཛད་པ། ཡོན་ཏན་ཕུན་ཚོགས། གཡོ་བ་རླུང་གི་མན་ངག །གཏུམ་མོ་ལ་ཚན་པ་ལྔ། བཙུབས་ཤིང་མ། གསང་སྒྲུབ་མཻ་ཏྲི་ལུགས་ཀྱི་འཁོར་ལོ་གཉིས་བཞི། གཏུམ་མོ་དགུ་སྐོར་གྱི་ལུས་གནད་མཁའ་འགྲོ་རྩེ་ལྔ། གཞུང་གི་ལྷན་ཐབས། ཆོས་དྲུག་གི་ཆིབས། གཏུམ་མོ། རྨི་ལམ་འོད་གསལ། འཕོ་བ་ལ་བཞི། བར་དོ་ལ་གཉིས། འཆི་ལྟས་བརྟག་པ། ཚེ་བསྲིང་བ་སྟེ་ཕྲ་མོ་ཉེར་དགུ །འཁོར་བ་འཇུག་ལྡོག་གླིང་གིས་མཛད་པ། སྟེང་སྒོ་ཚིགས་བཅད་མ་དང་། 
4-366
འོག་སྒོ་བཻ་ཌཱུརྻའི་ཐེམ་སྐས། དེའི་ལྷན་ཐབས་གསུམ་ཕག་གྲུས་མཛད་པ། རྗེ་བཙུན་གྱི་འཕྲང་སྒྲོལ་ཞུ་ལན། སྨར་ཁྲིད་དགེ་བྲག་མ་ཀུན་དགའ་སེང་གེས་མཛད་པ་རྣམས། རྒྱལ་བ་ལོའི་ཞུ་ལན། གཏུམ་མོའི་གེགས་སེལ་ཕག་གྲུས། བསམ་མི་ཁྱབ་ཀྱི་སྒོམ་རིམ་བརྒྱད། བདུད་རྩི་འོད་ཟེར་ཅན། དེའི་བསྡུས་དོན་ཏེ། ཡི་གེ་རགས་པ་བཞི་བཅུ་དང་། ཕྲ་མོ་ཞེ་བརྒྱད་དེ་བརྒྱ་བཅུ་གྱ་བརྒྱད། རྩ་བ་བསྣན་པས་གྱ་དགུའོ། ། དེ་ཐམས་ཅད་ཀྱི་རྩ་བ་ནི། བཀའ་ཡང་དག་པའི་ཚད་མ་ཞེས་བྱ་བ། དེ་ཡང་ཐིག་ལེ་སྐོར་གསུམ་གྱི་རྒྱུད་ལས། ཤིན་ཏུ་རྨདུ་བྱུང་བའི་རྒྱུད། །ལྷ་མོ་བརྒྱད་པ་སྐུ་དང་བྲལ། །ཞེས་དགྱེས་པའི་རྡོ་རྗེ་རྩ་བཤད་མཐར་ཐུག་པའི་བར་ལ་རྒྱུད་བརྒྱད་དུ་ཕྱེ་བའི་མཐའ་མར་གསུངས། དེ་དང་འདྲ་བ་ལོ་ཙ་བ་ཆེན་པོས་ཀྱང་རྒྱུད་ཟབ་མོར་གྲགས་པའི་དགྱེས་རྡོར་ཞུས། །བསྲེ་འཕོ་གནད་ཀྱི་མཚམས་སྦྱོར་ཐོབ། །ཞེས་གསུངས། རྒྱུད་སྡེ་ཐམས་ཅད་ལྟ་བའི་མིག་ཆེན་པོ་ཡིན་ཀྱང་། རྔོག་རྣམས་དགྱེས་རྡོར་གྱི་མན་ངག་ཏུ་བཞེད་པ་དེས་ཡིན། དེས་ན་ཏིལླི་པ་གསན་པའི་ངོར་རྒྱུད་འདི་གསུངས་པ་མ་ཡིན། རྒྱུད་རྒྱས་པ་རྣཾས་གསུངས་པའི་རྗེས་ཐོག་ཁོ་ནར་མན་ངག་འདི་གསུངས། ཨུ་རྒྱན་དུ་རྒྱ་རིམ་པ་བདུན་གྱིས་བཏབ་སྟེ་བཞུགས་པ་མཁའ་འགྲོ་མ་རྣམས་ཀྱིས་མཆེད་པ་ལས། གྲུབ་ཐོབ་བཀའ་བཞིའི་གདམས་པ་དེ་དག་བྱུང་། 
4-367
དེའི་དབང་གིས། རྗེ་བཙུན་ཆེན་པོས། ལར་སྙན་བརྒྱུད་ཀྱི་ཆུ་བོ་རྣམ་བཞི་ལས། །གདམས་ངག་ཆེ་དགུ་སྤུས་བསྡུས་ནས། །ཞེས་གསུངས་པས། བཀའ་བབས་བཞིའི་གདམས་ངག་སྔར་བྱུང་ནས་ཕྱིས་འདིར་བསྡམས་པ་ལྟ་བུ་མིན། འདི་བཀའ་བབས་བཞི་ཀའི་སྙིང་ངམ་མཆོག་འདུས་པ་ལྟ་བུར་བཞུགས་པ་ལ་དགོངས་པ་ཡིན། བཀའ་བཞི་ཡང་། བདག་གི་ཁྲིད་ཡིག་ཏུ་བཀོད་པ་ནི་གྲུབ་ཐོབ་གླིང་གི་གསུང་། ཆོས་རྗེ་མན་གསུང་བགྲོས་དེ་བཞིན་དུ་མཇེད་ལ་དེ་མ་བརྟགས་པར་བཞག་པ་མིན། དེ་ལ། ཕྱག་རྡོར། བྲམ་ཟེ་ཆེན་པོ་ས་ར་ཧ། དེས་ལཱུ་ཡི་པ། དེས་དྷ་རི་ཀ་པ་དང་ཌིངྒ་པ། དེ་གཉིས་ལས་ཏེ་ལོ། ཕྱག་ཆེན་གྱི་བཀའ་བབས། ཕྱག་རྡོར། བྱང་སེམས་སླེ་གྲོས་རིན་ཆེན། ཀླུ་སྒྲུབ། མ་ཏཾ་ཀིའམ་ནཱ་ག་བོ་དྷི་མཚན་རྣམ་གྲངས། དེ་ནས་ཏིལླི་པ་སྟེ། ཕ་རྒྱུད་ཀྱི། མཁའགྲོ་མ། །ཌོམྦྷི་ཧེ་རུ་ཀ །ཆང་ཚོང་མ་བི་ན་ས་བཛྲ། ཨུ་རྒྱན་གྱི་སློབ་དཔོན་ལ་ཝ་པ། དེས་ཏེ་ལོ་པ་སྟེ། འོད་གསལ་གྱི། སུ་མ་ཏི། ཐང་ལོ་པ། ཤིང་ལོ་པ། ཀརྞ་རི་པ། ཏིལླི་པ་ཞེས་པ་མ་རྒྱུད་ཀྱི་བཀའ་བབསུ་འཆདོ། །བཤད་བརྒྱུད་པའི་དཔེ་འགའ་ཞིག་ཏུ། བི་རུ་པ། ཌོམྦྷི་ཧེ་རུ་ཀ་ཞེས་པ་འཐད་པར་མཐོང་། མ་རྒྱུད་ཀྱི་བཀའ་བབས་འདི། རས་ཆུང་པའི་དངོས་སློབ་རྣམས་ཀྱི་གསུང་ལས་བྱུང་བས་ཚད་མར་བྱས་སྣང་སྟེ། 
4-368
ཕྱག་རྡོར་གྱི་བརྒྱུད་པ་གསལ་འདེབས་ཀྱི་ཚེ་འདིའི་སྡེབསུ་བསླན་པས། རྫོགས་རིམ་འདིའི་བརྒྱུད་པའོ་སྙམ་དགོངས་པ་འདྲའོ། །དེ་ལྟ་མིན་ན་ལོ་ཙ་བ་ཆེན་པོ་དཔོན་སློབ་ཀྱི་ཡི་གེ་རྣམསུ་འབྱུང་རིགས་པ་ལ་ཐང་ལོ་པ་སོགས་གསུམ་མ་བྱུང་། སུ་མ་ཏི་ཉིད་དང་ནག་པོ་སྤྱོད་པ་ཆེན་པོ་བགྲངས་ཏེ། ཙཱཪྻ་ཀླུ་སྒྲུབ་ལ་བ་པ། །མ་ཏི་སྐལ་པ་བཟང་མོ་སྟེ། །ཞེས་གསུང་པསོ། །སྤྱིར་ཀརྞ་རི་པའི་མཚན་རྡོ་རྗེ་དྲིལ་བུར་ལའང་སྣང་ཞིང་། དེའི་བླ་མ་གོང་མར་གཞན་གཉིས་བགྲངས་པའི་སྐབས་གཞན་ལས་མ་མཐོང་བ་དང་། ནག་པོ་སྤྱོད་པ་ལའང་ཀཧྞ་ཟེར་བའང་བྱུང་ངོ་། །ཀླན་ཆུང་དར་མ་ཚུལ་ཁྲིམས་ཀྱིས་ཕྱག་རྡོར་ལོ་རྒྱུསུ། ཐང་ལོ་པ། དེ་ཡང་ལས་ཀྱི་རྡོ་རྗེའི་སློབ་མར་དང་། ལས་ཀྱི་རྡོ་རྗེ་ཙི་ལུ་པ་དང་། ནཱ་རོ་པའི་སློབ་མ་འདིའི་ཀརྞ་རི་པ་ཝ་ལ་ཙནྡྲའི་ཞང་པོར་ཡང་བྱསུ་བྱུང་བས་སོ། །དེས་ན་དྷ་རི་ཀ་པ། རྡོ་རྗོ་དྲིལ་བུ་པ། ནག་པོ་སྤྱོད་པ་གསུམ་ཀར་ཏིལླི་པས་གསན་པ་དང་། བདེ་མཆོག་ལོ་དྲིལ་ནག་གསུམ་གྱི་དེ་དག་གི་བར་དུ་བླ་མ་འགའ་རེ་ཡོད་ཅིང་། ལུ་ཡི་པ་དང་ས་ར་ཧའི་བར་དུའང་ཤ་ཝ་རི་བཅུག །ཏིལླི་པས་ནག་པོ་སྤྱོད་པའི་སློབ་མ་རྣམ་རྒྱལ་ཞབས་ལ་གསན་པ་སོགས་བྱུང་བ་འགལ་བར་མི་སེམས་ཏེ། 
4-369
གྲུབ་ཐོབ་དེ་དག་འཇའ་ལུས་ཀྱིས་བཞུགས། ཚེ་འཕོས་པའི་ཚུལ་མ་བསྟན་པས་སོ། །སུ་མ་ཏི་ཡང་ལོ་རྒྱུས་ན་སངས་རྒྱས་དངོས་ཀྱི་སློབ་མར་བཤད་པ་ཡང་། ཨུ་རྒྱན་གྱི་རྒྱལ་མོ་རོལ་པ་མོ་སྟེ། འདི་ས་ར་ཧའི་ཀྱང་བླ་མར་གྱུར། དེས་ན་ཡུལ་དབུས་སུ་ཕྱག་རྒྱ་ཆེན་པོའི་དངོས་གྲུབ་རྡོ་རྗེ་སེམས་དཔའི་གསེབ་ལམ་གྱི་སྒོ་ནས་བརྙེས་པའི་ཚུལ་ཀུན་ལ་ཐུན་མོང་དུ་གྲགས་པའི་ཐོག་མ་ནི་བྲམ་ཟེ་ཆེན་པོ་ས་ར་ཧའོ། །དེའི་སློབ་མ་ཀླུ་སྒྲུབ་སྙིང་པོ་ཡང་ཏིལླི་པའི་བླ་མ། དེའི་སྲས་འཕགས་པ་ལྷ། ཟླ་གྲགས། ཤ་ཝ་རིའོ། ། དཔྱད་ན་དེ་ལྟར་གྲུབ་ཀྱང་། གོང་མ་རྣམས་ཀྱི་ལོ་རྒྱུས་ལ་ཆེདུ་དོ་གལ་མ་མཛད་པ་ཡིནོ། །མཁས་པ་བུ་སྟོན་ལྟ་བུའི་དཔྱད་པའི་ཡི་གེར་ཡང་། ཇོ་བོའི་བླ་མ་ལ་ཌོམྦྷི་ཧེ་རུ་ཀ་ཞེས་མཛད་སྣང་བ་བཞིན་ནོ། །དོན་འདིའི་བརྒྱུད་པ། དེ་ལ་མ་ལྟོས་ཏེ། རྡོ་རྗེ་འཆང་དང་ཕྱག་ན་རྡོ་རྗེ་གཉིས་ཀ་ལ་སློབ་དཔོན་ཏིལླི་པས་གཞུང་ཡོངསུ་རྫོགས་པ་གསན་པ་ཡིན་ལ། བཀའ་བབས་རྣམས་ལ་ཆ་ཤས་ཙམ་རེ་ལས་འདེད་རྒྱུ་མི་སྣང་བས་སོ། །དེས་ན། རྡོ་རྗེ་འཆང་། ཕྱག་ན་རྡོ་རྗེ། སློབ་དཔོན་ཏིལླི་པ། མཁས་པ་ནཱ་རོ་པ་(ཛྙཱ་ན་སི་དྷི།)[*]ཆེན་པོ། མར་པ་ལོ་ཙ་བ་ཆོས་ཀྱི་བློ་གྲོས། རྗེ་བཙུན་མི་ལ་བཞད་པའི་རྡོ་རྗེའཾ། 
4-370
རྡོ་རྗེ་རྒྱལ་མཚན། དེས་རས་ཆུང་རྡོ་རྗེ་གྲགས་པ་དང་། དཔལ་ཟླ་འོད་གཞོནུ།(བསོད་ནམས་རིན་ཆེན།)[*] རས་ཆུང་པས་རྩའི་རྒྱལ་པྲཛྙཱ་བྷ་དྲ། བ་ལོ་དང་། ལ་སྟོད་བཅུང་ཉིའུ། ཁར་གྱི་དམ་པ་སུམ་པ་གཉིས་ལ། དེའི་ནང་ནས་སུམ་པས་རྗེ་རས་ཆུང་པ་མཇལ་ནས་མཁའ་སྤྱོད་དུ་མ་བྱོན་པར་རིམ་གྲོ་བ་འབའ་ཞིག་མཛད་པས་གདམས་དག་འདི་ཚར་དྲུག་ཅུ་རྩ་བཞི་གསན་ཤིན་ཏུ་གདམས་ངག་ལ་འདྲིས། གྲུབ་ཐོབ་གླིང་གིས་རས་ཆུང་པའི་སྙན་པ་གསན་ཏེ་ཆེད་དུ་གཏད་དེ་བྱོན་པ་དབུས་སུ་རས་ཆུང་པ་མཁའ་སྤྱོད་དུ་བྱོན་པ་གསན། ཐུགས་ངལ་བས་ཁྱུང་ཚང་བ་དང་མཇལ། གདམས་དག་འགའ་གསན། དེར་འགའ་ཞིག་གིས་རས་ཆུང་པ་དང་མ་མཇལ་ཟེར་གླེང་བརྗོད་ཅུང་ཟད་བྱུང་བས། མ་མོས་པ་ཞིག་བྱུང་བ་ལ་བཤགས་ཀྱང་། ཕྱིས་དྲོད་སྐྱེ་བ་ལ་གནོད་པར་བྱུང་གསུང་། དེ་ནས་རྗེ་རས་ཆུང་པའི་གདན་སར་རྐང་གཏད་དེ་བྱོན། རྗེ་ལོ་སུམ་རྣམ་གཉིས་ཚོགས་པ་ལྷན་ཅིག་སྐྱོང་བ་དང་འགྲིག་ནས་ཞབས་ལ་གཏུགས། གདམས་ངག་བུམ་པ་གང་འབྱོར་གསན། རྗེ་ཟླ་འོད་གཞོན་ནུ་ལ་དཔལ་ཕག་མོ་གྲུ་པ་རྡོ་རྗེ་རྒྱལ་པོས་གསན། དེས་རས་ཆུང་པའི་སློབ་མ་བུར་སྒོམ་ལའང་གསན། ཕག་གྲུ་ལ་གྲུབ་ཐོབ་ཆེན་པོ་གླིང་གིས་གསན་པ་ཡིན་ནོ། །འདིས་སྒོམ་པ་ཆོས་གྲགས་སྔར་སྟོན་པ་ཡང་དག་དཔལ་ཞེས་པ། 
4-371
མཁའགྲོ་མ་བཙུན་ཆུང་མའི་མིང་པོ་རས་ཆུང་པའི་དངོས་སློབ་དེ་ལའང་གསན་པས། ལོ་གསུམ་སྒོམ་པ་རྣམས་ལ་དཔལ་ལྡན་སྐུ་མཆེད་རྣམ་གསུམ་དུ་གྲགས་སོ། །གྲུབ་ཐོབ་ཆེན་པོ་དེ་ལ། མཚན་ལྷ་དང་བཅས་པའི་སྐྱེ་དགུས་གསོལ་བ་གཙང་པ་རྒྱ་རས་དཔལ་ནཱ་རོ་པར་སློབ་དཔོན་པདྨ་དང་ཞང་གཡུ་བྲག་པ་གྲུབ་ཐོབ་གླིང་ལ་སོགས་པས་ཐག་བཅད་པ།(ཡེ་ཤེས་རྡོ་རྗེ།)[*] སྤྱན་རས་གཟིགས་དབང་ཕྱུག་གི་ཐུགས་རྗེའི་རོལ་མོ་ཆོས་རྗེས་གསན། དེ་ལ་སངས་རྒྱས་དབོན་མཚན་དངོས་དར་མ་སེང་གེ །དེ་ཉིད་ཀྱིས་དབོན་གཞོན་ནུ་སེང་གེ །དེས་ཉི་མ་སེང་གེ། དེ་ཁུ་དབོན་གཉིས་ལ། དེ་ཉིད་ཀྱི་དབོན་རྒྱལ་སྲས་སེང་གེ་ཤེས་རབ། འདིས་རྒོད་ཚང་པའི་གདན་ས་མཛད་པས་རྡོ་རྗེ་གླིང་པའམ་རྒྱལ་སྲས་བྱང་གླིང་པ་ཟེར། སྤང་ལོ་ཙ་བ་སོགས་མཁས་པ་མང་པོ་སློབ་མར་བྱུང་། ར་ལུང་གི་ཁྲི་མ་བཟུང་། དེས་དབོན་སེང་གེ་རིན་ཆེན། སྤོས་སྐྱ་པའང་ཟེར། དེས་སེང་གེ་རྒྱལ་པོ། འདི་ཧོར་རྒྱལ་པོ་ཡི་སུན་ཐེ་མུར་གྱིས་བླ་མར་གཟུང་བས་གདན་ས་ལ་མཆོད་རྫས་རླབས་ཆེན་པོ་འབྱོར་པས་དྲིན་ཅན་ཚེས་བཅུ་གསུམ་ལ་གཤེགས་པས་དྲིན་ཅན་བཅུ་གསུམ་པ་ཟེར། དེས་ཀུན་དགའ་སེང་གེ། མཁྱེན་རབས་ཕུལ་དུ་ཕྱིན་ས་སྐྱ་བླ་མ་རིན་ཆེན་སྒང་པས་འཇམ་དབྱངས་སུ་བསྔགས་པས་འཇམ་དབྱངས་ཀུན་དགའ་སེང་གེ །
4-372
ཆོས་རྗེ་ཉིད་ཀྱིས་སྤྲུལ་སྐུར་གྲགས། དེས་བློ་གྲོས་སེང་གེ་ཡུམ་གྱི་ལྷུམ་སུ་ཞུགས་པ་ཙམ་ལ་གཤེགས་པས་བར་དུ་གདན་སའི་མཁན་པོ་རྡོ་རྗེ་རིན་ཆེན། ཁྲིད་བརྒྱུད་པ་དང་དབང་ལག་ལེན་ཤས་ཆེ་བ་ལ། བླ་ཆེན་བསམ་རྒྱལ་ཁ་ཆེ་བ་འཇུག་དགོས་བྱུང་བའི་འདིར་དང་པོ། བློ་གྲོས་སེང་གེ །(ཀུན་དགའ་སེང་གེ་རང་གི་སྤྲུལ་པར་ཡང་གྲགས།)[*] ཤེས་རབ་སེང་གེ་ཆོས་རྗེ་ཉིད་ཀྱི་དབོན་བརྒྱུད། སེང་གེའི་མཚན་དགུ་འབྱུང་བར་ལུང་བསྟན་པ་འདིས་རྫོགས། ཡ་མཚན་གྱི་རྣམ་པར་ཐར་པ་ཆེས་མང་བས་སྤྲུལ་སྐུར་གྲགས་ཏེ་དགུང་ལོ་ཉེར་གཅིག་ལ་གྲོངས། དེའི་མེས་དཔོན་གྱི་གཅུང་ཡེ་ཤེས་རིན་ཆེན།(འདིས་ཡབ་དང་གཅེན་གཉིས་ཀ་ལ་གསན།)[*] དེའི་སྲས་ནམ་མཁའ་དཔལ་བཟང་། འདིས་དངོསུ་ཁྱི་ར་ལ་སོགས་པ་མཛད། རི་དྭགས་བསད་པ་གསོ། འཁོར་གསུམ་ཉི་ཟེར་ལ་བཀལ་བས་གཞན་གྱི་མི་དད་པ་བཟློག །འོན་ཀྱང་མཚན་ར་སྨྱོན་དུ་ཐོགས་སོ། །དེའི་གཅུང་ཤེས་རབ་(འདིས་ཀྱང་ཡབ་གཅེན་གཉིས་ཀ་ལ་གསན།)[*]བཟང་པོ་ཡིན་ལ། དེ་ཡབ་སྲས་གསུམ་རིགས་གསུམ་མགོན་པོའི་སྤྲུལ་པར་ལུང་བསྟན་པའི་ཡབ་འཇམ་དབྱངས། གཅེན་ཕྱག་རྡོར། གཅུང་སྤྱན་རས་གཟིགས་སོ། །དེ་དག་གི་རྗེསུ་ཆོས་རྗེ་ཉིད་འབྱོན་དགོས་པར་གསུངས་པ་ནི། ཕྱི་མ་ལྔའི་སྐབས་གདན་ས་ཉག་ཕྲ་ཆོས་རྒྱུན་མ་ཆད་ཙམ་ལས་མེད་པས་བསྟན་པའི་འཕེལ་རྒྱས་མཛད་པའི་ཕྱིར་ཆོས་རྗེ་གཙང་པ་རྒྱ་རས་རང་སླར་གདུང་དེ་ཉིད་ལ་བྱོན་པ། 
4-373
རྒྱལ་བའི་དབང་པོ། ཆོས་ཀྱི་རྗེ་ཀུན་དགའ་དཔལ་འབྱོར་འཇམ་དབྱངས་དགྱེས་པའི་བཤེས་གཉེན་ཞེས་བྱ་བ་དེའོ། །དེས་ཆོས་ཀྱི་རྒྱལ་སྲིད་མ་ཉམས་པར་གཏད་པའི་དབོན་ནི་དཔལ་འབྲུག་པ་རིན་པོ་ཆེ་ཞེས་ཐོག་གཅིག་ལ་སྙན་པ་ཆེ་བ་ངག་དབང་ཆོས་ཀྱི་རྒྱལ་པོ་ཞེས་པ་སྒྲ་བསྒྱུར་མར་པ་ལོ་ཙའི་སྤྲུལ་པའི་སྐུ་དེ་ལའོ། །དེས་ཆོས་ཀྱི་རྒྱལ་པོ་བྱ་པ་ཞེས་པའི་གོང་མ་མིའི་དབང་པོར་སླར་འཁྲུངས་པ་འཇམ་དབྱངས་ཆོས་ཀྱི་གྲགས་པའི་མཚན་མངའ་བ་དེ་ལའོ། ། དེས་དེ་ཉིད་ཀྱི་གནངས་ཆེན་ཀུན་སྤངསུ་མཛད་པ་མཚན་སྣང་སྲིད་ལྷ་འདྲེས་གསོལ་བ་སྒྱུ་མའི་གར་མཁན་ནམ་ཙནྡྲ་ལི་པའམ། རྒྱལ་ཁམས་མིས་གསོལ་བ་ཨ་ཝ་དྷུ་ཏཱི་པ་བཙུན་མོ་ཅན། བླ་མས་གསོལ་བ་ཤེས་རབ་རྒྱ་མཚོ་ཞེས་དུ་མའི་མཚན་འཛིན་པ་དེ་ལའོ། །ཡང་རྗེ་འབྲུག་པ་རིན་པོ་ཆེས། དེ་ཉིད་ཀྱི་རྒྱལ་ཚབ་ཏུ་དབང་བསྐུར་བ་ངག་གི་དབང་ཕྱུག་གྲགས་པ་རྒྱལ་མཚན་དཔལ་བཟང་པོ། བླ་མ་ཨ་ཝ་དྷུ་ཏཱི་པ་དང་། རྒྱལ་ཚབ་དམ་པས། ཐོག་གཅིག་ལ་མཁས་པ་ལ་འགྲན་ཟླ་མེད་པ་ཤར་ཀོང་པོའི་པཎྜི་ཏ་མི་ཕམ་པདྨ་དཀར་པོ་ཕྱོགས་ཐམས་ཅད་ལས་རྣམ་པར་རྒྱལ་བའི་ལྷའམ། ནཱ་རོ་པའི་རྒྱལ་ཚབ་འགྱུར་མེད་ངག་དབང་ནོར་བུ་ཞེས་གྲགས་པ་དེ་ལའོ། །ཡི་གེ་རྙིང་པ་འདི་དག་ཀྱང་མཛད་བྱང་མིང་དུ་ཐེབས་པ་དེ་དག་ལས་གཞན་ཕལ་ཆེ་བ་རྗེ་མི་ལ་དང་རས་ཆུང་པ་གཉིས་ཀྱི་གསུངས་ཅོག་རོ་བོན་སྟོན་དུ་གྲགས་པ་མར་པ་མགོ་ཡགས་ཀྱི་སློབ་མས་ཡི་གེར་བྲིས་པ། 
4-374
དེ་ཡང་ཁྲིགས་ཆགསུ་སྒྲིགས་ན་མ་འོངས་པ་ན་གདམས་ངག་ཚོང་འདུས་ཀྱི་འོ་མ་ལྟ་བུར་གྱུར་དོགས། བརྗེད་ཐོར་མ་བྲིས་ན་ཉམས་ཀྱི་དོགས་ནས་གཞུང་དཀྲུགས་གཏོར་གསིལ་བུར་མཛད་པ་དེ་དག་ཆོས་ཀྱི་རྗེས། ཐབས་ལམ་གནད་ཀྱི་སྐོར་དྲུག་ཅེས་གསུངས་པའི་བསྲེ་འཕོ་བཤད་པའི་སྐོར་ལ་གཞུང་སྟོང་མཐུན་ཞལ་གདམས། ཀ་དཔེ་ལ་སོགས་པ་གཞུང་། གསལ་སྒྲོན་ལ་སོགས་པ་སྟོང་མཐུན། དབང་བཞི་ལམ་སློང་སོགས་ཞལ་གདམས་སོ། །ཕྲ་མོའི་ཡི་གེ་རྣམས་ལ་བྲུལ་ཚེ་བློ་བརྡེག་གི་སྐོར་ཞེས་དང་། འཁོར་བ་འཇུག་ལྡོག་ལ་སྤྱི་ཁྱབ་ཀྱི་སྐོར་དང་། ཚིགས་བཅད་མ་སོགས་ལ་མངོན་པར་རྟོགས་པའི་སྐོར་དང་། ལོའི་ཞུས་ལན་སོགས་ལ་ཞལ་གདམས་གནད་ཀྱི་སྐོར་ཞེས་ལྔར་ཕྱེ། འདིའི་སྟེང་དུ་རྟོག་པ་ལམ་ཁྱེར་ནད་འདོན་གྱི་སྐོར་ཞེས་རོ་སྙོམས་བསྣན་ནས་ཐབས་ལམ་གནད་ཀྱི་སྐོར་དྲུག་ཅེས་འཇོག་པར་མཛདོ། །སྔ་རབས་པ་རྣམས་ཀྱིས་རྒྱུད་དང་འབྲེལ་བ་ཐབས་ལམ་གྱི་གདམས་དག་དང་། བྱིན་རླབས་དང་འབྲེལ་པ་སྙན་བརྒྱུད་ཀྱི་གདམས་དག་གཉིས་སུ་གསུངས་པའི་དང་པོ་འདི་དང་། གཉིས་པ་བདེ་མཆོག་མཁའགྲོ་སྙན་བརྒྱུད་ལ་མཛད། དེ་ཡང་རྒྱུད་བཞིན་ཐར་ཆགས་ཀྱིས་བཤད་པས་རྒྱུད་དང་འབྲེལ་བ་ཞེས་དང་། གང་ཟག་གི་བློ་ངོ་བསྟུན་ནས་དེས་མོས་བཟོད་དེའི་དབང་གིས་བརྒྱུད་བྱིན་གྱིས་བརླབ་ནུས་པ་ལ་དགོངས་ནས་བྱིན་རླབས་དང་འབྲེལ་བ་ཞེས་གསུངས་པ་མ་དགོངས་པས་མཁས་རློམ་གྱི་དཔེ་ཆ་འགའ་རྣམ་པར་འཁྱམས་སོ། །
4-375
ནཱ་རོ་ཆོས་དྲུག་ཅེས་པའི་གཞུང་ཕྱི་མོ་འདི་ཡིན་པ་མ་གོ་བར་ཆོས་དྲུག་གི་གཞུང་ཞིག་ག་ནས་འཚོལ་འཚང་རླག་པ་རྣམས་ནི་སྙིང་རྗེའི་གནས་སོ། །དེ་ཡང་ཁྲིད་དུ་རྒྱུད་པ་སྣ་ཚོགས་བྲིས་པ་ཡང་ཆོས་དྲུག་ཙམ་ལ་བསམས་ཀྱི། མན་ངག་རྒྱས་པ་ཁ་ལག་ཚང་མའི་བརྒྱུད་པ་ནི་འདི་ཁོ་ན་བས་དེ་ཙམ་ལས་མ་བྲིས། རྔོག་ལ་ཕལ་ཆེར་ཡོད་པ་དགྱེས་རྡོར་གྱི་སྐབསུ་བཤད་ཟིན་ཏོ། ། དེ་དག་ཞིབ་མོ་གཏན་ལ་དབབ་པའི་ཆེད་དུ་བདག་གིས་འགྲེལ་ཆེན་རྡོ་རྗེ་འཆག་གི་དགོངས་གསལ། ཁྲིད་ཡིག་རྡོ་རྗེ་ཐེག་པར་བགྲོད་པའི་ཤིང་རྟ། ཕྱག་རྒྱ་ལམ་རྫོགས་ལམ་དབྱེ་བསྡུ། འཇུག་ལྡོག །གུང་མཐུན་བསྒྲིགས་པ། འཁོར་བ་འཇུག་ལྡོག །མངོན་བྱང་ལྔ། རྩ་རླུང་བྱང་སེམས་ཀྱི་ལམ་རྫོགས། ཕྱག་རྒྱ་ཆེན་པོའི་སྒོམ་རིམ་གཉིས། རྒྱས་པ་ལོགསུ་བྱས། སྦྱོར་དྲུག །རིམ་ལྔ། ཕྱག་རྒྱ་བཞི། ར་ས་ཡ་ན། རྩ་དབུ་མ། སྦ་བཞི། རང་རིག་ཕྱག་ཆེན། ས་བོན་སྐྱེ་གནས་སོགས་ལ་རིམ་སྐྱེས་པའི་ཆིངས། ལམ་སྐོར་བརྒྱ་རྩ་བརྒྱད་དུ་གསིལ་ཚུལ་རྣམས་གོང་མའི་མན་ངག་རྒྱུད་ཀྱི་དོན་མ་ཡོལ་པ་སྡེབས་པ་རྣམས་ཏེ། ཐམས་ཅད་རྒྱུད་ལུགས་དེ་ཁོ་ནའོ།། །།
༄། །དཔལ་འབྲུག་པའི་ཟབ་ཆོས་རོ་སྙོམས་ཀྱི་ཐོབ་ཡིག།
༄༅། །དཔལ་འབྲུག་པའི་ཟབ་ཆོས་རོ་སྙོམས་ཀྱི་ཐོབ་ཡིག །ངན་པ་ངན་པར་ལྟ་བའི་རྣམ་རྟོག་དང་། །བཟང་པོ་ཡ་མེད་འདོད་པའི་ཆོས་སྐུ་གཉིས། །རོ་སྙོམས་མ་རིག་ནད་ཀྱི་དྲུངས་འབྱིན་པ། །
4-376
དཔལ་ལྡན་འབྲུག་པའི་ཕྱོགས་དེར་ཕྱག་འཚལ་ལོ། །བཟང་བཙུན་མཁས་པ་ཆེར་རློམ་ཕལ་ཆེར་ཡང་། །རྐྱེན་ངན་གནོད་པའི་དྲུང་ན་རྩེ་རུམ་རུམ། །དགོས་དུས་མ་ཕན་དེ་ཆོས་ལ་སྐྱོ་ནས། །རྡོ་རྗེ་འཆང་གི་གསེབ་ལམ་འདིར་འཚང་སོ། །རྗེ་བཙུན་དཔལ་ལྡན་འབྲུག་པའི་གསུང་ངག་རོ་སྙོམས་ཞེས་པ་སྒྲ་ཆེ་ལ་སྒྲོ་རིང་བ། ཆོས་ཁ་སྐད་མིང་རྐྱང་དུ་ལུས་མི་འཇུག་པར་རྐྱེན་བཟང་ངན་བཏང་སྙོམས་ཐམས་ཅད་དེ་ཁས་ལམ་དུ་བྱེད་པས་ཟློག་སྒོམ་སྟེ། བརྟག་གཉིས་ལས། ཟློག་པའི་སྒོམ་པ་འདི་ཉིད་ནི། །སངས་རྒྱས་མུ་སྟེགས་ཀྱིས་མི་ཤེས། །ཞེས་གསུངས་པ། རྒྱུད་སྡེ་མཁན་པོ་གཞན་ཁ་རོག་པར་འདུག་ས། མན་ངག་མཁན་གཞན་མགོ་འཐོམས་པ། སྤྱོད་པ་མཁན་གཞན་གྱི་ཆོས་ཆོས་ལྟར་སྣང་དུ་སྟོན་པ་འདི། རྒྱུད་ནི་དགྱེས་པའི་རྡོ་རྗེ་གཙོ་བོར་བཏོན་པའི་བླ་མེད་མཐའ་དག་གི་གདམས་ངག །མཛད་པ་པོའི་སློབ་དཔོན་དང་པོ་ཏིལླི་པ། བར་དུ་ནཱ་རོ་པ། ཐ་མ་ཏི་པུ་དྲི་མེད་བཤེས་གཉེན་བསྒྱུར་མཛད་མཁན་ཡེ་ཤེས་མཁའ་འགྲོ་མ། རྒྱ་ནས་བོད་དུ་སྤྱན་འདྲེན་མཁན་རས་ཆུང་པ། གཏེར་ནས་བཏོན་ཏེ་ཀུན་གྱི་སྤྱོད་ཡུལ་དུ་མཛད་པ་ཆོས་རྗེ་གཙང་པ་རྒྱ་རས། སྔར་གྲུབ་ཐོབ་ནམཁའི་སྐར་ཚོགས་ཙམ་རྒྱུན་མ་འཆད་པར་བཅུ་གསུམ་རྡོ་རྗེའི་ས་འཛིན་པ་ལ་བརྫངས་པ། ཟབ་གནད་དང་ཟབ་གནད་མི་འདྲ་བ་འདི་ལ་དཀོར་མཛོད་ཆེན་པོ་གསུམ་སྟེ། 
4-377
གཏེར་མཛོད་བཀའ་རྒྱ་ཅན། ཡང་མཛོད་ཐུགས་ཀྱི་མེ་ལོང་། གསང་མཛོད་སྦས་པ་མིག་འབྱེད་གསུམ་ལས། དང་པོ་ལ་ཁྲིགས། ཁྲིད། ཞལ་གདམས་གསུམ། དང་པོ་ལ་གནང་མི་གནང་ངེས་པ་ཅན་བཞི། བསྡུས་དོན་དང་གདུགས་མ་གསུམ་ཆོས་རྗེས་མཚམས་སྤྱོར། ཁོག་དོན་གཉིས། འགག་དྲིལ། ཐུགས་ཀྱི་ཉིང་ཁུ་གཉིས་ཆོས་རྗེས་སོ། །རྣམ་བཤད་ནོར་བུ་འོད་སྒྲོན་རླུང་གི་བཅའ་གཞི་དང་། འབྱུང་ཆུང་རོ་སྙོམས་རྩ་བ་རས་ཆུང་པས་མཛད་པ་འདི་ལ་རོ་སྙོམས་བཀའ་མར་གྲགས། འགྲེལ་པ་དང་ཞལ་གདམས་གཉིས་ཆོས་རྗེས། ཏིང་ངེ་འཛིན་གྱི་དབང་རྒྭ་ལོའི་ལུགས་ལྷ་སྲིན་སྡེ་བརྒྱད་གནོད་རྟགས། གཉིས་པ་ཁྲིད་ལ། ཁྲིད་ཀྱི་ཐོ་ཡིག་གཏེར་ཁུང་པ་ལ་གནང་བ། སངས་རྒྱས་དབོན་གྱི་དོན་ཁྲིད། ལོ་རས་ཀྱི་རོ་སྙོམས་བསྡུས་པ། རྒོད་ཚང་པའི་རྒང་འདྲིལ། དེའི་ཞལ་གདམས་སྤྱིལ་དཀར་བའི་གསུང་། གསུམ་པ་ལ། གསང་སྤྱོད་འགྲིམ་དཔེ་མ་ཆོས་རྗེས། དེ་ལས་རྒྱས་པ་རླུང་གིས་མཛད་པ། གསང་སྤྱོད་བཀའ་རྒྱ་མ་རྒོད་ཚང་པའི་ཟིན་བྲིས། ཤིན་ཏུ་སྤྲོས་མེད་ཀྱི་རྩ་བ་ཆོས་རྗེས། འགྲེལ་པ་ཤངས་ཞིག །མེ་མཆོད་དང་བདུད་རྩི་ལྔ་ཆོས་རྗེས། ནད་འདོན་སྤྲིངས་ཡིག་མ་ཆོས་རྗེས། དང་པོ་ལས་སྤྲོས་པ་གཅིག །དགུ་ཕྲུགས་མ། ཚིག་དྲུག་མ། ཡུལ་ཉེར་བཞིའི་ནད་འདོན། བྱ་སྤུ་གནམ་གཏོར། སྙིང་རྗེའི་སྒོ་ནས་ནད་འདོན། ཟློག་སྒོམ་རྐྱང་འདེད། ཟློག་སྒོམ་གྱི་དམིགས་པ། 
4-378
ནད་འདོན་སྦས་པ་མིག་འབྱེད་ཀྱི་སྐོར། འབྱུང་བཞི་རོ་སྙོམས་མཛེ་ཕོ་རོ་སྙོམས། སྦས་པ་མིག་འབྱེད་ལ་གླིང་ནས་བརྒྱུད་པའང་ཡོད་ལ་གཞན་རྣམས་ཆོས་རྗེ་ཉིད་ཀྱི་གསུང་ལ་ཟིན་བྲིས་བྱས་པ། རོ་སྙོམས་ཀྱི་ལུས་སྦྱོངས། ཡང་མཛོད་ནི། དཀོར་མཛོད་ལེའུ་དྲུག་པ་སྟེ་རོ་སྙོམས་བསྡུས་པ་ཞེས་བྱའོ། །དེ་གཉིས་ནི་གྲོལ་ལམ་གཙོ་བོར་བྱས་པའོ། ། གསུམ་པ་གསང་མཛོད་སྦས་པ་མིག་འབྱེད་ལ། བཅོམ་ལྡན་འདས་ཀྱིས་མཛད་པ་རྡོ་རྗེའི་གླུ། ཏིལླི་པས་མཛད་པའི་གསང་ཚིག །ནཱ་རོ་པས་མཛད་པའི་སྤྱོད་པ་ཆོས་ཀྱི་གླུ། ཏི་བུས་མཛད་པའི་གསང་སྔགས་ཆོས་དྲུག་ཏེ། འདི་ནི་རོ་སྙོམས་རྒྱས་པའོ། །དང་པོ་གཉིས་ལ་འགྲེལ་པ་བསྡུས་པ་རེ་དང་། གསུམ་པ་ལ་རྒྱས་འགྲེལ་ཀུ་མུ་ཏས་ཞིབ་མོར་གཏན་ལ་ཕབ་པ་རྣམས་ཤིན་ཏུ་གཅེས་པའི་ཡི་གེ་ཡིན་ལ། གཞན་ཡིག་ཆ་བསམ་གྱིས་མི་ཁྱབ་སྟེ། རྒོད་ཚང་པའི་གསུང་སློབ་དཔོན་ཆོས་སེང་གིས་སྒྲིགས་པ་ནག་པོ་འབྲུ་བཤད་དཔེ་ཚན་གཅིག་པོ་ཏིར་ལོངས་པ་ཡོད་ཅིང་། འཇམ་དབྱངས་མགོན་པོའི་ནག་པོ་འབྲུ་བཤད་ལ། ཁྲིགས། ཁྲིད། ཞལ་གདམས་ཏེ། དཔེ་སྣ་གསུམ་པོ་ཏིར་རེག་པ་སོགས་ཡོད་ཀྱང་། དོན་དེ་དག་ཟློས་པ་ཡིན་པས། འདི་ཐོབ་ནས་དེ་དག་བཤད་པས་ཆོག་ཅེས་གསུང་། རོ་སྙོམས་ལ་བཀའ་མ་ནི་ནད་འདོན་ཐོར་བུ་ཡིན། གཏེར་ནས་ཀྱང་རྒྱ་གཞུང་གསུམ་ཀ་བྱུང་བ་ཡིན། 
4-379
གཞན་ཆོས་རྗེ་ཉིད་ཀྱིས་བསྟན་བཅོས་སུ་མཛད་པ་སྟེ། གཅིག་པར་དམ་དུམ་གཞན་ནས་རྙེད། །གཉིས་པར་འགྲོ་མགོན་གླིང་རས་དྲིན། །ཕལ་ཆེར་བསྟན་བཅོས་བྱས་པ་ཡིན། །ཞེས་གསུས་པས་སོ། །དེས་ན་འདི་ལ་གྲོལ་ལམ་ལ་རོ་སྙོམས་སྐོར་དྲུག །གཞན་ཆགས་ཆེན་གྱི་སྤྱོད་པ་བཞིར་ཕྱེ་བས། ཆགས་ལམ་དེ་ལྟར་བཤད་ན་ཐོན་པས་ཕྱི་མ་ལ་རྒྱས་པ་ཞེས་བཤད་པ་ཚིག་རྒྱས་པ་མིན། དོན་རྒྱས་པ་ཡིན་ནོ། །ཞེས་ཁོ་བོའི་བླ་མ་སྒྱུ་མའི་གར་མཁན་གསུང་ངོ་། །དེ་དག་གི་བརྒྱུད་པ་ནི། རྡོ་རྗེ་འཆང་། ཏིལླི་ཤེས་རབ་བཟང་པོ། ནཱ་རོ་ཛྙཱ་ན་སིདྡྷི། ཏི་པུ་དྲི་མེད་བཤེས་གཉེན། རས་ཆུང་རྡོ་རྗེ་གྲགས་པ། དེ་ནས་རྩའི་རྒྱལ་བ་ལོ། བཅུང་གི་དམ་པ་གསུམ་པ་གཉིས། དེ་ནས་གླིང་རས་རྣམས་བྱིན་རླབས་ཀྱི་བརྒྱུད་པ། གཏེར་བཏོན་ཆོས་རྗེ་རས་པ་ཡིན་པས་རས་ཆུང་པ་ནས་དེ་ཀ་བརྒྱུད་ཀྱང་ཆོག་སྟེ། དེས་དེ་ལ་རྗེསུ་གནང་བ་ཡིན་པས་སོ། །ཆོས་རྗེ་ནས། སངས་རྒྱས་དབོན་རས་དར་མ་སེང་གེ །དེའི་གདན་ས་པ་གཞོན་ནུ་སེང་གེ །འདིས་རྗེ་ཁུ་དབོན་གཉིས་ཀ་ལ་གསན། དེས་ཉི་མ་སེང་གེ །གཞོན་ནུ་ཉི་མ་གཉིས་ཀ་ལ་རྒྱལ་སྲས་རྡོ་རྗེ་གླིང་པས་གསན། དེ་ལ་རིན་པོ་ཆེ་སྤོས་སྐྱ་པ། དེ་ལ་དྲིན་ཅན་བཅུ་གསུམ་པ། དེ་ལ་འཇམ་དབྱངས་རྗེ་ཀུན་དགའི་མཚན་ཅན། 
4-380
དེ་ལ་མཁན་པོ། དེ་ལ་ཆོས་རྗེ་བློ་གྲོས་སེང་གེ །དེ་ལ་མཁྱེན་བརྩེ་རྟོགས་ལྡན། དེ་ལ་མཁས་གྲུབ་ལེགས་པ་རིན་ཆེན། དེ་ཡང་གཙང་གདན་སའི་ཉེ་སྐོར་དུ་གདམས་ངག་འདི་ཆ་ཚང་པ་དཀོན་ནས། འཁྲུལ་ཞིག་རིན་པོ་ཆེ་མཚན་དངོས་ཡོན་ཏན་སངས་རྒྱས་ཀྱི་བརྩད་བཅད་པས། ཀོང་པོ་ཆོས་ར་དགོན་པ་ན་མཁྱེན་བརྩེ་རྟོགས་ལྡན་གྱི་སློབ་མ་མཁས་གྲུབ་ལེགས་པ་རིན་ཆེན་ཞེས་བྱ་བ་ཞིག །འབྲུག་པའི་ཟབ་ཆོས་སྐོར་ལ་ཤིན་ཏུ་མཁས་ལ་གྲུབ་པ་བརྙེས་པ་བཞུགས་ཞེས་གསན། རྐང་གཏད་དེ་བྱོན་པས་གྲགས་པ་དང་མཐུན་པར་བྱུང་། ལྷག་པར་གདམས་པ་འདི་ཚང་ཞིང་ཚིག་དོན་ལ་རུས་ཐོན་པར་མཛད་པས་ཕྱི་རབས་ཀྱི་བླ་མ་ལ་འདི་དཔོན་སློབ་སྐུ་དྲིན་ཆེ་བར་གྲགས། འཁྲུལ་ཞིག་རིན་པོ་ཆེས་རྒྱལ་དབང་རྗེ། དེས་གྲུབ་ཆེན་ཤཱཀ་འཕེལ་བ། དེས་འབྲུག་པ་རིན་པོ་ཆེ་ངག་དབང་ཆོས་ཀྱི་རྒྱལ་པོ། དེས་རྗེ་གོང་མ་ཆོས་ཀྱི་གྲགས་པ། དེས་ཀུན་སྤངས་རིན་པོ་ཆེ་སྒྱུ་མའི་གར་མཁན། དེས་པདྨ་དཀར་པོ་ལའོ། །ཡང་རྗེ་ངག་གི་དབང་པོས་རྒྱལ་ཚབ་གཅུང་རིན་པོ་ཆེ། དེས་པདྨ་དཀར་པོ། རྗེ་འབྲུག་པ་རིན་པོ་ཆེ་ཉིད་ཀྱི་ཞལ་སྔར་ཐུགས་ཐོག་ནས་ལམ་འདིའི་གནད་ཐམས་ཅད་ཀྱང་བདག་རང་གིས་ཐོས་སོ།། །།
༄། །དཔལ་འབྲུག་པའི་ཟབ་ཆོས་རྟེན་འབྲེལ་ཁོ་བོ་ལུགས་ཀྱི་ཐོབ་ཡིག་བཞུགས་སོ།།
༄༅། །དཔལ་འབྲུག་པའི་ཟབ་ཆོས་རྟེན་འབྲེལ་ཁོ་བོ་ལུགས་ཀྱི་ཐོབ་ཡིག་བཞུགས་སོ། །
4-381
རྟེན་འབྲེལ་ཟབ་མོའི་དཔུང་བཞི་ལེགས་བཤམས་ནས། །ལྟ་བའི་ཕས་རྒོལ་མ་ལུས་ཚར་གཅོད་པ། །ཆོས་ཀྱི་རྒྱལ་པོ་དཔལ་ལྡན་འབྲུག་པ་ཞེས། །མ་ལུས་སྐྱེ་དགུའི་ཕྱག་འོས་དེ་ལ་འདུད། །རྟེན་འབྱུང་སྟོང་ཉིད་དོན་གཅིག་ཁར་སྨྲ་ཡང་། །ཉམས་སུ་ལེན་ཚེ་ཐ་དད་གྱེས་འདི་ཁས། །གཞན་གྱི་ཡུལ་མིན་དགོངས་ནས་འདི་མདུན་དུ། །རྒྱལ་རྣམས་རང་གི་གསང་ཚིག་མ་སྦས་བསྟན། །དེ་ཡང་མཉམ་མེད་དཔལ་ལྡན་འབྲུག་པ་ཞེས་པའི་རིང་ལུགས་ས་གསུམ་གྱི་མཆོད་པའི་གནས་འདི་ལ་གདམས་པ་དཔག་ཏུ་མེད་པ་ཞིག་མཆིས་པ་ལས། རྟེན་འབྲེལ་གྱི་ཆོས་སྐོར་ནི། ཆོས་ཀྱི་རྗེ་གཙང་པ་རྒྱ་རས་པ་དེ་ཉིད་གྲུབ་ཐོབ་གླིང་གི་དྲུང་ན་བཞུགས་པའི་དུས། གྲུབ་ཐོབ་ཆེན་པོ་དེས་རྟེན་འབྲེལ་གྱི་ཆོས་སྐད་ཐོར་རེ་གསུང་བ་ན། རཏྣ་འདི་ཅི་མཛད་རྟེན་འབྲེལ་བྱ་བ་རྟོག་ཆོས་ཡིན་མོད་དགོངས་པ་བྱུང་། དེས་ཇི་ལྟ་བའི་རྟོགས་པ་ཤར་ནས། ཇི་སྙེད་པའི་མཁྱེན་པའི་རྩལ་རྒྱས་པ་ལ་ཅུང་ཟད་གནོད། འོན་ཀྱང་ཕྱིས་བརྟག་གཉིས་ལས་གསུངས་པའི་ཡུལ་ཆེན་གྱི་ནང་ནས་ཙ་རི་ཏྲ། འཁོར་ལོ་སྡོམ་པ་ལས། བོད་ཡུལ་ལམ་ཧི་མ་ལ་ཡ་ཞེས་བཤད་པའི་གནས་ཆེན་དེའི་སྒོ་དབྱེ་བའི་དུས་ཡུལ་སྟོད་ཀྱི་རི་བོ་རྡོ་རྗེ་ཕག་མོ་ལྟ་བུ། སྡོང་པོ་དེའི་ཁ་ཌཱཾ་ག་ལྟ་བུའི་འོག་ཏུ་ཟླ་བ་གསུམ་སྐྱིལ་ཀྲུང་གཅིག་གིས་ཡང་དག་འཇོག་ལ་མཉམ་པར་གཞག་པའི་ནངས་ཀྱི་མཐའ་མའི་ཐོ་རངས་རྫོགས་པའི་སངས་རྒྱས་རབས་བདུན་རྟེན་ཅིང་འབྲེལ་བར་འབྱུང་བའི་ཆོས་ཀྱི་འཁོར་ལོ་བསྐོར་ཏེ་མཐར་སྙིང་པོ་བསྡུ་བའི་ཚིགསུ་བཅད་པ་བཀའ་སྩལ་ཏེ་མི་སྣང་བར་གྱུར་ལ། 
4-382
དེ་ནས་ཇི་སྙེད་པའི་རྩལ་ཕྱོགས་མེད་དུ་རྒྱས། གང་གང་གིས་འདུལ་བ་དེ་ལ་དེ་བསྟན་པས་སློབ་མའི་ཚོགས་རྣམས་ཀྱིའང་། དུས་ཀྱི་འཁོར་ལོའི་འགྲེལ་ཆེན་དྲི་མེད་འོད་ལས། ཆོས་ཐམས་ཅད་ཀྱི་སྔོན་དུ་འགྲོ་བ་ནི་ཡེ་དྷརྨ་འོ་ཞེས་གསུངས་པ་དང་། ཀླུ་སྒྲུབ་ཀྱིས། གང་གི་སྟོང་དང་རྟེན་འབྱུང་དག །དབུ་མའི་ལམ་དུ་དོན་གཅིག་པར། །གསུང་མཆོག་མཚུངས་པ་མེད་པ་ཡི། །ཐུབ་དབང་དེ་ལ་ཕྱག་འཚལ་ལོ། །ཞེས་པ་ཁའི་ཚིག་ཙམ་དུ་མ་ལས་པར་ཉམས་སུ་ལེན་པ་འདི་བྱུང་པས། དོན་རྒྱལ་བའི་སྡེ་སྣོད་གསུམ་ན་རྒྱས་པར་བཞུགས་ཀྱང་ལག་ལེན་དུ་ཐེབས་པར་འདིས་མཛད་བའི་ཕྱིར། འདི་ལ་ཆོས་རྗེ་འབྲུག་པའི་རྩལ་ཆོས་སུ་གྲགས། གྲགས་པ་ལྟར། རྗེ་ཉིད་ཀྱིས་ཀྱང་རྟེན་འབྲེལ་ཁོ་བོ་ལུགས་ཞེས་གསུངས་སོ། །འདི་ལ་རྟེན་འབྲེལ་གྱི་སྙིང་པོ་རྣམ་པར་བཤད་པ་ཞེས་པ་སྟེ་རྩ་བའི་མདོ། དོན་གྱི་རྣམ་བཤད་ཉི་མའི་འོད་ཟེར་སངས་རྒྱས་དབོན་གྱིས་མཛད་པ། འཕྲུལ་གྱི་ལྡེ་མིག་ལོ་རས་ཀྱིས་མཛད་པ། རབས་བདུན་གྱི་དོན་ཚིགས་སུ་བཅད་པ་རྒོད་ཚང་པས་མཛད་པ། དེའི་འགྲེལ་པ་གྲུབ་ཆེན་ཨུ་རྒྱན་པས་མཛད་པ། སི་ལུ་མའི་ཞལ་གདམས། སྤྲིངས་ཡིག་མ་ཆོས་རྗེས་མཛད་པ། དེའི་འགྲེལ་བཤད་རླུང་གིས་མཛད་པའི་བརྗེད་པ་བསལ་བ། རྟེན་འབྲེལ་ངོ་སྤྲོད་གཉིས་ཀྱི་ཞལ་གདམས་དང་། སྒོམ་ཐབས་གཉིས་ཀྱི་ཞལ་གདམས་ཆོས་རྗེས་མཛད་པ། 
4-383
གཅིག་ཆོག་མའི་རྩ་བ་ཆོས་རྗེས་མཛད་པ། དེའི་འགྲེལ་པ་རྒོད་ཚང་པས་མཛད་པ། ལྷན་ཐབས་དང་ཁྲིད་ལྷ་ཁབ་པས་མཛད་པ། ཞལ་གདམས་ཀྱི་རིམ་པ་རྒོད་ཚང་པའི་གསུང་ལ་སྤྱིལ་དཀར་བའི་ཟིན་བྲིས། ཕྲ་རྒྱས་ཆེ་ཆུང་ཆོས་རྗེས་མཛད་པ། བདུད་ངོས་འཛིན། བདུད་ལམ་ཁྱེར་གཉིས་རྒོད་ཚང་པའི་གསུང་ལ་སློབ་དཔོན་ཆོས་སེང་གི་ཟིན་བྲིས། དུས་གནད་དགུའི་རྟེན་འབྲེལ་རྩ་འགྲེལ་རྗེ་དབོན་གྱིས་མཛད་པ། སྒྲིག་དུས་བཞི་སྤྲིངས་ཡིག་མ། གཞི་སྒྲོམས་ཆོས་རྗེས་མཛད་པ། དེའི་རྣམ་བཤད་དང་ཞལ་གདམས་ལོ་རས་ཀྱིས་མཛད་པ། ཡང་དེ་དང་དྲུག་གསུམ་བཅོ་བརྒྱད་ཀྱི་འགྲེལ་བཤད་ཨུ་རྒྱན་པས་མཛད་པ། ཞུས་ལན་མ་ཆོས་རྗེའི་གསུང་མར་སྟོན་གྱི་ཟིན་བྲིས། དབང་བཞིའི་གཞུང་ཆོས་རྗེས་མཛད་པ། དེའི་འགྲེལ་པ། ཆ་སྙོམས་ཀྱི་གཞུང་གླིང་གི་གསུང་ལ་ཆོས་རྗེའི་ཟིན་བྲིས། དེའི་དོན་འགྲེལ་གསལ་བའི་མེ་ལོང་རྒོད་ཚང་པས། ཆར་འབེབས་ཆོས་རྗེས་མཛད་པ། རྟགས་ཀྱི་ཞལ་གདམས། སྤེལ་སྦྱངས་ཆོས་རྗེས་མཛད་པ། ཁ་སེ་དང་། ངེས་པ་ཅན་ཆོས་རྗེས་མཛད་པ། རྟེན་འབྲེལ་ཆོ་ག་ཞིབ་མོ་ཚིགས་བཅད་མ་ཞིག་དང་ལྷུག་པ་གཉིས་ནཻ་བན་རཀྵི་ཏས་མཛད་པ། དག་པོའི་ལས་བྱང་ལག་ལེན་གྱི་ཡི་གེ་བཞི་གྲུབ་ཆེན་གླིང་གིས་ཉིད་ཀྱི་ཁུ་བོ་དགེ་བའི་བཤེས་གཉེན་གླིང་བཀའ་གདམས་པ་ཆེན་པོ་དེ་ལ་གསན། འདི་ལ་དཔལ་དབྱངས་ཀྱི་སྒྲོན་མེ་རྣམ་དྲུག་ཀྱང་གསན་ཉིད་ཀྱིས་དེ་ལས་བསྡུས་པ་མཛད། 
4-384
གཞན་ཆོས་རྗེའི་སློབ་མ་ཡང་སློབ་ཀྱི་ཟིན་བྲིས་མང་ཏེ། ཤིན་ཏུ་གཅེས་པ་མེད་དུ་མི་རུང་བ་རྣམས་འདི་ཙམ་མོ། །དངུལ་དཀར་མེ་ལོང་གླེགས་བམ་རྙིང་པ་ཐམས་ཅད་དུ་བྱུང་བ་འདི་རྒོད་ཚང་པའི་གསུང་སློབ་དཔོན་ཆོས་སེང་གི་ཟིན་བྲིས་སུ་འདུག་ཅིང་། རྒོད་ཚང་བཀའ་འབུམ་དུ་ཡང་ཡོད། སྔ་མ་རྣམས་དང་ཟློས་བུར་འདུག་པ་དང་། ཕྲ་རྒྱས་ཀྱི་འགྲེལ་པ་ལྷན་ཐབས་གཉིས་ཧ་ཅང་ནུས་པ་མི་ཆེ་ལ་ཚིག་བོངས་ཆེས་པས་མ་བྲིས། རྟེན་འབྲེལ་གྱི་ཆོ་ག་ཞིབ་མོ་འདི་ནི་གླིང་རས་ནས་བརྒྱུད། འདི་རྟེན་འབྲེལ་རང་ལ་ལྟོས་པའི་ལས་ཚོགས་མེད་མི་རུང་དུ་བླ་མ་བཞེད། ཚིག་ཆོག །དབང་བཞི། ཆ་སྙོམས། བཞི་སྒྲོམས་སོགས་ལ་ཟུར་བཀོལ་གྱི་ཁྲིད་དུ་མཛད་པ་ནི་སྣང་ལ། སྡེབས་ནས་སྟོན་པ་མི་གསལ་བས། རྣམ་བཤད་ཞིབ་མོ་རྣམ་འཐག །ཁྲིད་ཡིག་ཆོས་ཐམསཅད་ཀྱི་སྙིང་པོ་ལེན་པར་མ་གབ་པར་བྱས་པས་ཕྱི་རབས་རྣམས་ལ་མིག་སྦྱིན་པའོ། །དེ་དག་གི་བརྒྱུད་པ་ནི། སངས་རྒྱས་རྣམ་པར་གཟིགས། གཙུག་ཏོར་ཅན། ཐམས་ཅད་སྐྱོབ། འཁོར་བ་འཇིག །གསེར་ཐུབ། འོད་བསྲུངས། ཤཱཀྱ་ཐུབ་པ། འགྲོ་བའི་མགོན་པོ་གཙང་པ་རྒྱ་རས་པ། སངས་རྒྱས་དབོན། ཆོས་རྗེ་གཞོན་ནུ། ཉི་མ་སེང་གེ། རྡོར་གླིང་པ། སྤོས་སྐྱ་པ། བཅུ་གསུམ་པ། འཇམ་དབྱངས་ཀུན་དགའ་སེང་གེ། །མཁན་ཆེན་རྡོར་རིན། བློ་གྲོས་སེང་གེ །
4-385
བློ་གྲོས་མཆོག་ལྡན། གྲུབ་ཆེན་དཀོན་བསམ་པ། འཁྲུལ་ཞིག་ནམ་མཁའི་རྣལ་འབྱོར། རྒྱལ་བའི་དབང་པོ། རྗེ་འབྲུག་པ་རིན་པོ་ཆེ་ངག་དབང་ཆོས་ཀྱི་རྒྱལ་པོ་དེས་ཁོ་བོ་ལ། ཡང་རྗེས། འཇམ་དབྱངས་ཆོས་ཀྱི་གྲགས་པ། དེས་ཀུན་སྤངས་རྗེ། དེས་ཀྱང་ཁོ་བོ་ལའོ། །ཡང་ན་འཁྲུལ་ཞིག་ནམ་མཁའི་རྣལ་འབྱོར་དང་། རྒྱལ་དབང་རྗེ་གཉིས་ལ་གྲུབ་ཆེན་ཤཱག་འཕེལ་བ། འགྲོ་མགོན་ཆོས་སྐྱབས་པ། དྲན་མཆོག་ཤེས་རབ་དབང་པོ། རྗེ་གོང་མ་ཆོས་ཀྱི་གྲགས་པའོ།། །།
༄། །དཔལ་འབྲུག་པའི་ཟབ་ཆོས་བླ་མ་སྒྲུབ་པའི་ཐོབ་ཡིག་བཞུགས་སོ།།
༄༅། །དཔལ་འབྲུག་པའི་ཟབ་ཆོས་བླ་མ་སྒྲུབ་པའི་ཐོབ་ཡིག་བཞུགསོ། །འཇིག་རྟེན་གསུམ་གྱི་གཙུག་རྒྱན་མཐུ་ཆེ་བ། །མཚན་ལྡན་བླ་མ་དམ་པའི་རིན་པོ་ཆེ། །བདག་ཅག་རྣམས་ཀྱི་དོན་ཀུན་སྒྲུབ་བྱེད་དེ། །མཆོད་པའི་བྲེལ་བར་རྟག་ཏུ་འབྱམས་གྱུར་ཅིག །བགྲོད་དཀའ་རིང་པོའི་བཤུལ་དེར་དུབ་པ་ནི། །མི་འོས་གཟིགས་ནས་སྐལ་བ་དགེ་རྣམས་ངོར། །ཐུགས་བརྩེས་མྱུར་བའི་ལམ་འདི་འབྱེད་པ་ལ། །དུས་གསུམ་པ་ཡི་རྒྱལ་བ་ཧབ་ཤ་མཛད། །དེ་ཡང་དཔལ་འབྲུག་པ་ཞེས་པའི་མཆོག་གི་དངོས་གྲུབ་བརྙེས་པ་དག་གིས་ཕྱེ་བའི་ལམ་བླ་མ་དམ་པའི་སྲི་ཞུ་ལ་མཁས་པས། སངས་རྒྱས་ཀྱི་ས་ལ་ཐོགས་པ་མེད་པར་ཆས་པའི་བགྲོད་ལམ་ཟབ་མོ་བླ་མའི་སྒྲུབ་པ་ཞེས་པ་འདི་ལ། རྩ་བའི་མདོ་གསང་བ་འདུས་པའི་རྩ་རྒྱུད་ལེའུ་བཅུ་བདུན་པར་གསུངས་པ་ཡིན་ལ། 
4-386
མོས་གུས་འབའ་ཞིག་གིས་ཆིག་ཆོག་ཏུ་བྱེད་པ་ནི་ས་ར་ཧ་ཆེན་པོའི་རང་བྱིན་རླབས་ཀྱི་གཞུང་སྟེ་སྙིང་པོ་སྐོར་དྲུག་ཏུ་སོང་བས་འདིར་མ་བཀོད། བ་བྷི་ལྷའི་བླ་མ་ལྔ་བཅུ་པ། དེའི་གླིང་ཊིག །སློབ་དཔོན་ཆེན་པོ་ཏིལླི་པའི་ཚར་གསུམ་ཁུག་པ་དབང་གི་གདམས་ངག་རྩ་བ། དེ་ལ་འདོན་པ་ཅུད་ཟད་བསྒྱུར་པ་ཕག་མོ་གྲུ་པའི་དབང་ཆོག་སྒྲུབ་ཐབས་གཏེར་ཁ་བཅུ་པ། གྲུབ་ཐོབ་ཆེན་པོ་གླིང་གི་བླ་མ་མཆོད་པའི་ཆོ་ག་ཡོན་ཏན་ཀུན་འབྱུང་ཆོས་རྗེས། ངོ་སྤྲོད་དམུས་ལོང་མིག་འབྱེད། སྒྲུབ་ཐབས་ཐུགས་རྗེ་ཉི་རྒྱས། ཞལ་གདམས་ཀུན་གསལ་དྲི་མེད་གསུམ་མཛད་པའི། སྒྲུབ་ཐབས་ཐུགས་རྗེ་ཉི་རྒྱས་དཔེ་རྙིང་དུ་དུམ་བུ་གཉིས་སུ་དཀྲུགས་ནས་བཞག་པ་འདིར་བསྒྲིགས། ཡིད་ཆེས་པར་བྱ་བའི་ཕྱིར་ཁྲུག་མའང་བཀོད། རླུང་ཇོ་ཡེས་ཀྱིས་མཛད་པའི་གེགས་སེལ་བོགས་འདོན། དེ་ཡང་ཆོས་རྗེའི་གསུང་རྣམས་ཀྱིས་ཐུན་མོང་པའི་ལམ་བསྟན། རྒྱ་གཞུང་གིས་ཐུན་མོངས་མིན་པའི་ལམ་བསྟན། འདིར་ཐུན་མོངས་པ་ཞེས་པའང་། འདི་ལ་ངོ་སྤྲད་དེ། སྤྲད་པ་ལྟར་སྒྲུབ་པ་ལ། བསྙེན་སྒྲུབ་ལས་ཚོགས་གསུམ། བསྙེན་པ་ལ་ཕྱི་སྒྲུབ་ནང་སྒྲུབ་གསང་སྒྲུབ། ཕྱི་སྒྲུབ་མདོ་ལམ་དང་བསྟུན་ཏེ་ཚོགས་ཞིང་དུ་བྱས་ཏེ་སྒྲུབ་པ། ནང་སྒྲུབ་རྒྱུད་སྡེ་ཕྱི་མ་དང་བསྟུན་ཏེ་བླ་མ་རྗེ་བོ་ལྟར་སྒྲུབ་པ། གསང་སྒྲུབ་སྐྱེད་རིམ་དུ་སྒྲུབ་པ་སྒྲུབ་པ་ལ་འཕྲིན་ལས་བཞི་སྒྲུབ། 
4-387
ལས་ཚོགས་གཏེར་ཁ་བཅུ་པ་སོགས་གསུངས་པ་ཡིན། ཚར་གསུམ་ཁུག་པའི་ལམ་ནི་ཐུན་མོངས་མ་ཡིན་པ་སྟེ། ལམ་ཟབ་ཀྱི་དབང་། འདི་ལའང་རྒྱས་འབྲིང་བསྡུས་པ་སྟེ་མའི་བྱིན་རླབས་ཞེས་ཀྱང་བཤད། གྲོལ་བྱེད་དམ་ཚིག་སྤྱོད་པ་ཐམས་ཅད་དབང་བཞི་དང་བསྟུན་ཏེ་བཤད་པས། རྡོ་རྗེ་ཐེག་པའི་གསང་ཚིག་ཐམས་ཅད་སྙིང་པོར་སྒྲིལ་པ་བསྐྱེད་རྫོགས་ཐམས་ཅད་ཀྱི་མཐར་ཐུག་གོ། །དེ་ཡང་རྒྱལ་དབང་རྗེས། རང་གི་སེམས་དང་བླ་མ་དམ་པའི་སྐུ་གསུང་ཐུགས་གཉིས་སུ་མེད་པར་བསྟོད་པ་གྲུབ་པའི་ངེས་གསང་ཞེས་པ་མཛད་པ་རྣམས་བརྒྱུད་པ་རིན་པོ་ཆེ་འདི་ཉིད་ཀྱི་ཉམས་བཞེས་ཀྱི་རྒྱུན་མ་ཆད་པ་ཡིན། དེ་དག་གི་ཁྲིད་དམིགས་མཐའ་ཡས་ནས་གར་འགྲོ་ཏོལ་མི་སྣང་བས་གོང་མའི་གསུང་མི་འཆུག་པའི་གཟེར་ལྟ་བུར་ཐུན་མོང་པ་དང་། ཐུན་མོངས་མ་ཡིན་པའི་ཁྲིད་དབང་ཆོག་ཆོ་གའི་ལྷན་ཐབས་རྣམ་བཤད་ལམ་ཟབ་ཀྱི་སྙེ་མ་རྣམས་བརྩམས་པའི་བརྒྱུད་པ་ནི། རྡོ་རྗེ་འཆང་། སློབ་དཔོན་ཆེན་པོ་ཏིལླི་པ། དཔལ་ནཱ་རོ་པ། སྒྲ་བསྒྱུར་ཆེན་པོ་མར་པ། དབང་ཕྱུག་མི་ལས་པ། ཆོས་རྒྱལ་ཟླ་འོད་གཞོན་ནུ། བདེ་གཤེགས་ཕག་མོ་གྲུ་པ། གྲུབ་ཐོབ་ཆེན་པོ་གླིང་། ཆོས་ཀྱི་རྗེ་གཙང་པ་རྒྱ་རས། སངས་རྒྱས་དབོན། གཞོན་ནུ་སེང་གེ། ཉི་མ་སེང་གེ། རྒྱལ་སྲས་བྱང་གླིང་པ་མཚན་སེང་གེ་ཤེས་རབ། 
4-388
སེང་གེ་རིན་ཆེན། སེང་གེ་རྒྱལ་པོ། འཇམ་དབྱངས་ཀུན་དགའ་སེང་གེ། །རྡོ་རྗེ་རིན་ཆེན། བློ་གྲོས་སེང་གེ །དམ་པ་སྔོ་ཉལ་བ། སྒྲུབ་ཆེན་དཀོན་བསམ་པ། འཁྲུལ་ཞིག་རིན་པོ་ཆེ་ནམཁའི་རྣལ་འབྱོར། རྒྱལ་བའི་དབང་པོ། ངག་གི་དབང་པོ། དེས་པདྨ་དཀར་པོའམ། ཡང་ངག་གི་དབང་པོས་འཇམ་དབྱངས་ཆོས་ཀྱི་གྲགས་པ། ཀུན་སྤངས་ཆེན་པོས་ཨ་ཝ་དྷཱུ་ཏཱི་པ་བཙུན་མོ་ཅན། དེས་པདྨ་དཀར་པོ་ལའོ། །སྒྲུབ་ཆེན་ཤཱཀྱ་འཕེལ་བ། འགྲོ་མགོན་ཆོས་སྐྱབས་དཔལ་བཟང་། དྲན་མཆོག་ཤེས་རབ་དབང་པོ། འཇམ་དབྱངས་ཆོས་ཀྱི་གྲགས་པའོ། །ཕྱི་སྒྲུབ་ཀྱི་གཞུང་ཏིལླི་པས་མཛད་པ། ནང་སྒྲུབ་ཀྱི་གཞུང་ནཱ་རོ་པས་མཛད་པ། གསང་སྒྲུབ་ཀྱི་གཞུང་ཀླུ་སྒྲུབ་ཀྱིས་མཛད་པ་རྣམས་ཀྱི་བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། ནཱ་གརྫུ་ན། ཏིལླི་པ། ནཱ་རོ་པ། ཕཾ་ཐིང་པ། ཁ་ཆེའི་པཎྜི་ཏ་ཤཱཀྱ་ཤྲཱི་བྷ་དྲ། བི་བྷུ་ཏི་ཙནྡྲ། རྒོད་ཚང་པ། ཨོ་ཌི་ཡཱ་ཎ་པ་རིན་ཆེན་དཔལ། སྤོས་སྐྱ་པ་མན་འདྲའོ། །རྒོད་ཚང་པས་པཎ་ཆེན་གྱི་གསུང་ཟིན་བྲིས་སུ་མཛད་པའི་ཕྱི་སྒྲུབ་ཀྱི་འགྲེལ་པ་གཏམ་རྒྱུད་ཀྱི་བརྒྱུད་པ་རྒོད་ཚང་པ་མན་འདྲ། གཞན་ལོ་རྒོད་ཀྱིས་མཛད་པའི་ལུང་འབུམ་གཉིས་སོགས་ཡིག་ཆ་ཚད་མར་གྱུར་པ་འགའ་ནི་ངེས་འབྱུང་ཆོས་ལྔ། ཁྲིད་ཆེན་བརྒྱད་དུ་གཏོགས་པས་དེ་དག་གི་ཁྲོད་དུ་བཞུགས་སུ་བཅུག །
4-389
དེ་མིན་མང་པོ་ཞིག་ནི་རྙོག་པ་ཅན་དུ་མཐོང་ནས་མ་བཀོད་དོ།། །།
༄། །བདེ་མཆོག་མཁའ་འགྲོ་སྙན་རྒྱུད་ཀྱི་གསན་ཡིག་བཞུགས་སོ།།
༄༅། །བདེ་མཆོག་མཁའ་འགྲོ་སྙན་རྒྱུད་ཀྱི་གསན་ཡིག་བཞུགས་སོ།། ཐར་པ་འདོད་ཆེན་རྟག་ཏུ་བསྣམས་སེམས་པ། །ཨུ་རྒྱན་གསང་སྔགས་བ་ད་ར་གླིང་གི། །དཀོར་མཛོད་རྣམ་གསུམ་རིམ་པ་བཞིན་ཕྱེ་ནས། །ཡིད་བཞིན་ནོར་བུ་གསུམ་བཞེས་མཐོང་ན་དགའ། །ཐོས་པའི་རྒྱལ་མཚན་རྩེར་འཕྱར་བསམ་པས་མཆོད། །སྒོམ་བྱུང་འདོད་པའི་དངོས་གྲུབ་ཆར་སྙིལ་བས། །རྫོགས་ལྡན་འདི་ཀར་བཀོད་སྙམ་པད་དཀར་བློའི། །གུས་པའི་རི་མོ་ཐམས་ཅད་དེ་ཕྱོགས་རྒྱུགས། །སྙན་བརྒྱུད་རྡོ་རྗེའི་རྣལ་འབྱོར་མ་ཞེས་བྱ་བ། དཔལ་འཁོར་ལོ་སྡོམ་པའི་རྩ་བའི་རྒྱུད་ཀྱི་སྦས་དོན་མངོན་རྟོགས་ཀྱི་རིམ་པ། སངས་རྒྱས་ཐམས་ཅད་ཀྱི་སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོའི་མཛོད་གསུམ་གྱི་རྫས། ཡིད་བཞིན་ནོར་བུ་རྣམ་པ་གསུམ་པ་འདི་ལ་བརྟེན་པའི་དབང་ལུང་མན་ངག་གི་རིམ་པ་ཇི་ལྟ་བར་ཐོབ་པ་ནི། དབང་དཔལ་འཁོར་ལོ་སྡོམ་པ་རིགས་ཐམས་ཅད་འདུས་པ་དྲུག་ཅུ་རྩ་གཉིས་མའི་དཀྱིལ་འཁོར་དུ་ཐུན་མོངས་མ་ཡིན་པའི་དབང་བཞི་རྫོགས་པར་བསྐུར་བ། བཅུ་གསུམ་མའི་ཆོ་ག་ལ་བརྟེན་ནས་དབང་བཞི་སྤྱི་འགྲོས་སུ་བསྐུར་བ། ལུས་ཀྱི་དཀྱིལ་འཁོར་དུ་དབང་བསྐུར་བ་སྟེ་ཡབ་བཀའ་གསུམ་ལྷ་མོ་བཅོ་ལྔའི་དཀྱིལ་འཁོར་དུ་བརྡའི་དབང་བཞི། ལྷ་བདུན་མ་དང་ལྷན་ཅིག་སྐྱེས་མའི་སྒོར་བྱིན་བརླབ་རེ་ཡུམ་བཀའ་གསུམ། 
4-390
ལུང་། རྩ་བའི་རྒྱུད་ཉུང་ངུ་། དེའི་དོན་འགྲེལ་ལམ་རྩ་བའི་རྒྱས་འགྲེལ་ཏིལླི་གཞུང་ཆུང་། དེ་དག་རྣམ་པར་བཤད་པའི་འགྲེལ་ཆེན། ལུས་མེད་མཁའ་འགྲོའི་ཆོས་སྐོར་དགུའི་རྩ་བ་གཉིས་མཁའ་འགྲོས། དེ་ལྔ་ལ་འགྲེལ་པ་མར་པས་མཛད་པ་དང་། བཞི་རས་ཆུང་པའི་གསུང་ངམ་རྫོང་པའི་ཟིན་བྲིས། གཞུང་དེ་དག་གི་འགྲེལ་པ་སྟེ་འགྲེལ་བཤད་ཕྱི་མ་གཉིས་འཁོར་ལོ་སྡོམ་པའི་རྩ་བཤད་ཀྱི་མདོ་དང་སྦྱར་བའོ། །མན་ངག་ལ། བརྒྱུད་པ་ལས་བརྒྱུད་པར་བྱོན་ཚུལ། གངྒ་མ། བསམ་མི་ཁྱབ་སྒོམ་རིམ་དང་བཅས་པ་ཏིལླིས། སྨིན་ལམ་ཆེན་མོའི་ཟིན་བྲིས་གཉིས་མར་པའི་གསུང་དུ་སྔ་རབས་པ་འདོད་དེ་ཞང་ལོའི་མཛད་བྱང་སྣང་ཞིང་རྩོམ་རིགས་ཀྱང་དེ་ཁོ་ན། མཁའ་འགྲོས་གསང་བ་སྦྱིན་པས་སྨིན་ལམ་གསུམ་གྱི་ཆོ་ག་པདྨ་དཀར་པོས། ཡུམ་བཀའ་བྱིན་རླབས་བྱས་ནས་བརྡའི་དབང་བཞི་སྨིན་གྲོལ་སེམས་ཀྱི་རྒྱ་མདུད་བཤིག་པ། རྒྱལ་པོ་ཆོས་ཉིད་མི་འགྱུར་པ་ལ་མངལ་སྐྱེས་སྦྱོང་བ་བསྐྱེད་རིམ་རྒྱས་པ་ནཱ་རོ་པས་མཛད་པ་ཉམས་སུ་ལེན་བདེ་བར་ཕྱིས་སྦྱར་བ། འབྲིང་པོ་སྒོང་སྐྱེས་སྦྱོད་བྱེད་བཅུ་གསུམ་མའི་རྩ་བ་བཅོམ་ལྡན་འདས་མས། དེའི་དགོངས་དོན་གསལ་བར་བཤད་པའང་ཕྱིས་འདི་གཉིས་མི་ཟབ་པ་བསྐྱེད་རིམ་དེའི་ལྷ་ཁྲིད། ལུས་དཀྱིལ་གྱི་སྒྲུབ་ཐབས་ནཱ་རོ་པས། དེའི་མངོན་རྟོགས་མར་པས། ལག་ལེན་བདེ་བ་ཕྱིས་བསྡུས་པ་བདག་བྱིན་བརླབས་ཀྱི་གཞུང་ཏིལླི་པས། 
4-391
འདི་གཉིས་ཟབ་མོ་བསྐྱེད་རིམ། པྲཛྙཱ་རཀྵི་ཏས་མཛད་པའི་ཆོ་ག །བློན་པོ་རིགས་གསུམ་ལས་བྱེད། དམངས་འཕྲིན་ལས་མཐུན་སྦྱོར་བསྲེ་བ་གསུམ་མར་པས། ཡུམ་འགྲེལ་རྩ་རྒྱུད་ནས་ཉེ་སྙིང་གོ་ཆ་སྙིང་པོ་གསུམ་བཤད་པའི་འགྲོས་ཀྱི་ལྷ་མོ་བཅོ་ལྔའི་གཞུང་ལུས་མེད་མཁའ་འགྲོའི་སྒྲུབ་ཐབས་བཅོམ་ལྡན་འདས་མ་རང་གིས། ལྷ་བདུན་ལྷན་ཅིག་སྐྱེས་མ་གཉིས་ནཱ་རོས། དེ་དག་ལག་ལེན་དུ་ཁྱེར་བདེ་བ་ཕྱིས། ཡུམ་འགྲེལ་ཐུན་མོངས་སྐོར་གསུམ་ཞང་ལོས། བསྲེ་བ་རོ་སྙོམས་དང་དམ་ཚིག་བདུད་རྩི་རིལ་སྒྲུབ་མར་པས། བར་མ་རྒྱས་པ་ཁྱུ་ཚང་པས། གནས་ལུགས་ཡིད་བཞིན་ནོར་བུ་ལ། སྟེང་སྒོ་ཆོས་དྲུག །དེའི་སྒྱུ་ལུས་ཞལ་གདམས་མི་ལྡོག་པའི་གཟེར་གསུམ་ཁྱུང་ཚང་། འོད་གསལ་གྱི་ཞལ་གདམས་བསམ་མི་ཁྱབ་དོན་བཞི་པ་རྗེ་བཙུན་གྱིས། འོག་སྒོའི་ཐོ་ཡིག་རས་ཆུང་པས། བརྟག་པ། འོད་རིག །འོག་སྒོ་བདེ་ཆེན་གསུམ་ཞང་ལོས། ཕྱག་ཆེན་ཡེ་ཤེས་གསལ་བྱེད་དང་བར་དོ་བློ་ཆོད་གཉིས་ཁྱུང་ཚང་པས། བར་དོ་ཞལ་གདམས་འཁོར་འདས་རྒྱུན་གཅོད་རྗེ་བཙུན། བྱ་སྤྱོད་ཚོགས་བསྒྱུར། གེགས་སེལ་ཆེན་མོ་རྩ་རླུང་གི་གདམས་ངག་གསུམ་ཁྱུང་ཚད་པས། བདུད་ངོས་འཛིན། དེ་བཅོས་ཐབས་གཉིས་ག་དར་གྱི་དོན་བསྡུ་རྗེ་བཙུན། ཞལ་གདམས་ནོར་བུའི་ཕྲ་བཀོད་ཞང་ལོས། ཁྲིད་ཡིག་གཉིས་ཕྱིས་བྱས་པ། ནག་པོ་ཆེན་པོའི་རྒྱ་གཞུང་ཀམ་པ་ལས། 
4-392
ལས་ཚོགས་རས་ཆུང་བའི་གསུང་ངག །དེ་ཁྱེར་བདེར་ཕྱིས། དེ་ཡང་། རྡོ་རྗེ་འཆང་ལ་ཕག་མོས་གསོལ་བ་བཏབ་ནས་དཔལ་ལྡན་འབྲས་སྤུངས་སུ་གཞུང་འདི་ལེགས་པར་བསྟན། བསྡུ་བ་མཛད་པས་ཕྱིས་ཨོ་ཌི་ཡ་ན་ཧེ་རུ་ཀ་རང་བྱུང་གི་ལྷ་ཁང་དྷརྨ་གནྫོར་གྲགས་པར་རྒྱ་རིམ་པ་བདུན་གྱིས་བཏབ་པ་ཚུན་རྒྱལ་བ་དགོངས་བརྒྱུད། དེ་ལས་ཕྱུང་སྟེ་བཅོམ་ལྡན་འདས་མ་དེ་ཉིད་ཀྱིས་སློབ་དཔོན་ཏིལླི་ལ་གནང་པ་བྱིན་རླབས་མཁའ་འགྲོའི་བརྒྱུད་པའམ། གཏད་རྒྱ་དང་བཅས་པས་ལུང་བསྟན་གཏད་རྒྱའི་བརྒྱུད་པ། སློབ་དཔོན་དེ་ཇོ་བོ་ནཱ་རོས་ལོ་བཅུ་གཉིས་སུ་དཀའ་བ་ཆེན་པོ་བཅུ་གཉིས་ཀྱིས་མཉེས་པར་མཛད་པའི་དུས་སུ་བརྡ་དང་། ཐ་མར་ཐང་ཆེན་པོར་རང་གི་ལུས་ཀྱི་གནད་ཕུག་པའི་ཁྲག་གིས་ཆག་ཆག །དབང་པོ་བཅད་པའི་ཚོམ་བུ་བགྱིས་ཏེ། ཆོས་ཞུས་པས་མཆིལ་ལྷམ་དཔྲལ་བར་བརྒྱབ། ཁྲག་ལ་སོགས་པའི་རྐྱེན་དང་བཅས་པས་བརྒྱལ་བ་དེ་སངས་པ་དང་ཏིལླི་པའི་ཐུགས་རྒྱུད་ཀྱི་ཡོན་ཏན་བུམ་པ་གང་འཇོ་བརྙེས་ལ། སློབ་དཔོན་དེ་དེ་དུས་མཐོང་ལམ་པའི་ཚུལ་གཟུང་བ་ཡིན་པས། དེ་ནས་རིག་འཛིན་བརྡ་བརྒྱུད། ནཱ་རོ་པས་ཀྱང་ལྷ་དང་བླ་མས་ལུང་བསྟན་པ་སྒྲ་བསྒྱུར་ཆེན་པོ་མར་པ་ལ་གདམས་ལ། མར་པས་ཀྱང་བླ་མས་ལུང་བསྟན་བཞིན་མི་ལ་ལ་གདམས་པ་མན་གྱིས་གང་ཟག་སྙན་ཁུང་བརྒྱུད་པར་བཞག་པས་བརྒྱུད་པ་བཞི་ལྡན་དུ་སོང་རྗེ་བཙུན་གྱིས། 
4-393
ཐུགས་སྲས་དམ་པ་ར་ཆུང་རྡོ་རྗེ་གྲགས་པ་ལ། དེས་རྒྱལ་བ་ཁྱུང་ཚད་པ་ལ། དེས་ཀོང་ཇོ། རྟ་རས། མར་སྟོན་གསུམ་ལ་གདམས་ཤིང་། གསུམ་ག་ལ་ཞང་ལོས་གསན་མོད། དེ་ཚད་མ་ནི་དང་པོ་ནས་སོ། །དེ་མན་ལུགས་འདི་གཞན་དང་འདྲེ་བར་ཡང་གྱུར་ཏོ། ། ཞང་ལོས་སྦའི་སྔགས་འཆང་དྷ་ར་ཤྲཱི་ལ། དེས་རང་གི་སྲས་བསོད་ནམས་རྒྱལ་མཚན་ལ། དེས་རང་གི་སྲས་མོ་མ་གཅིག་ཀུན་ལྡན་རས་མ་ལ། དེའི་ཚ་བོ་ཀུན་སྤངས་བདེ་ལེགས་རིན་ཆེན་པས་གསན། དེ་ལ་མཁས་བཙུན་གཟི་བརྗིད་པས་ཞུས། ཞུ་དུས་མ་གཅིག་རང་བཞུགས་པས། གཟི་བརྗིད་པས་སླར་དེའི་དྲུང་དུ་བྱོན་ཡོངས་རྫོགས་ཞུས་པས། དེ་ནས་བརྒྱུད་པ་འཕེལ་ཆེ། རྙོག་མ་ཡང་མང་ངོ་། །བདེ་ལེགས་རིན་ཆེན་པ་ལ། གནས་རྙིང་པ་གངས་ཅན་ཆོས་རྗེ་ཀུན་དགའ་དཔལ་པས་གསན་ཞིང་དེས། འབྲུག་པ་རིན་པོ་ཆེ་རྒྱལ་བའི་དབང་པོ་ལ་གདམས། དེས་རང་གི་རིགས་ཀྱི་དབོན། ཆོས་ཀྱི་སྲས། ཆོས་ཀྱི་རྒྱལ་པོར་དབང་བསྐུར་བ་འབྲུག་ཆེན་ངག་དབང་ཆོས་ཀྱི་རྒྱལ་པོ་ལའོ། །དེས་བདག་ལ་བཀའ་ཐོབ་ལུང་ཐོབ་ཀྱི་གྲངསུ་ཆུག་པ་ཙམ་ཞིག་མཛད་ཅིང་རྗེསུ་བསྟན་པ་ཞིབ་མོའི་སྐབས་མ་དབྱེ་བས། །ཁོ་བོས་ཕྱོགས་འདི་ལ་སྤྲོས་པ་བསྐྱུངས་སོ། །ཙ་རི་ཏྲར་རྨི་ལམ་དུ་མཁའ་འགྲོ་སྡེ་ལྔས་སྙན་བརྒྱུད་ཀྱི་གསང་བ་འབྱེད་པ་པོར་ཁྱོད་ལུང་བསྟན་པས་བསྟན་པ་ལྟར་ཕྱེ་ཞིག་ཅེས་བསྐུལ་ལ། 
4-394
བྱར་དུ་སླར་དེ་ཉིད་ཀྱི་རྣམ་པར་འབྱེད་པའི་སྤྲ་ཁྲིད་བསྟན་པས་རྨོངས་པ་མེད་པར་གྱུར་ཀྱང་བྱ་བས་གཡེངས་ནས་རིང་དུ་ལུས་པ་དེའི་ཕོ་ཉ་མོས་བསྐུལ་ཐབས་རིམ་པ་གཉིས་བྱུང་བའི་ཐ་མར་རྣམ་བཤད་བགྱིས། གཞུང་ལུགས་ཚད་མར་གྱུར་པ་རྣམས་ཀྱང་ཕྱོགས་གར་ཡོད་ནས་བདག་གི་མདུན་ངོར་བཀོད་པས་སྐལ་པ་དང་ལྡན་པ་རྣམས་དགའ་ཅིང་མགུ་ལ་རངས་པར་བགྱིར་འོས་སོ། །ཚོགས་བསྒྱུར་འཕྲིན་ལས་དང་འགྲེལ་པ་ལ་དགོས་ནས་དབང་ཆུ། སྦྱིན་སྲེག་ལག་ལེན། མདོ་སྦྱར། རབ་གནས།སྡུགས་བསྡུ། འཕྲུལ་འཁོར་གསལ་བྱེད་དང་བཅས་པ་པདྨ་དཀར་པོས་བྱས་སོ། །ལུས་མེད་མཁའ་འགྲོའི་ཆོས་སྡེ་བཞི། མར་པས་རྒྱ་གར་དུ་ལུས་ཡོད་པ་ཁྱོད་ཀྱིས་ལོང་གསུངས་མི་ལ་ལ་གསུངས་ཀྱང་རྗེ་བཙུན་སྐུ་ཚེ་རིང་སྒྲུབ་པ་ལ་བཞུགས་པས་མ་ཕེབས། ཐུགས་སྲས་རས་ཆུང་པ་བརྫངས་བླ་མ་ཏི་བུ་དང་མཇལ། ལུས་མེད་མཁའ་འགྲོའི་ཆོས་སྐོར་ཡོངས་རྫོགས་གསན་པས། དེའི་བརྒྱུད་པ་ལ། ནཱ་རོ་པ། ཏི་བུ། རས་ཆུང་ཞེས་སྦྱར་ཀྱང་ལེགས་ལ། ཕྱི་མ་བཞི་ལ་དེ་མེད་ཀ་མེད་དོ། །རྗེ་བཙུན་གྱིས་ངམ་རྫོང་པ་ལ་གནང་པ་སྐད་ཟེར་བའང་བར་སྐབས་བསྲེས་པ་མན་གྱི་སྐད་དེ། ངམ་རྫོང་པ་རང་གི་སློབ་མ་གུང་ཐང་རས་པས་ཐོ་ཡིག་མཛད་པར། དེའི་རྒྱུད་དང་འབྲེལ་བ་དབང་གི་གདམས་པ་མར་པ་མགོ་ཡགས་ནས་བརྒྱུད། 
4-395
ལུས་དཀྱིལ་གསང་བ་རིན་པོ་ཆེ་རྩ་བར་བྱས། དེ་ལ་ཆིངས། ཐུན་མོངས་ཡིད་བཞིན་ནོར་བུ། དམ་ཚིག་ཡིད་བཞིན་ནོར་བུ། གནས་ལུགས་ཡིད་བཞིན་ནོར་བུ་གསུམ་ཙམ་བྱུང་སྟེ་ཁྱད་པར་ཆེ། གཉིས་མ་བྱིན་རླབས་དང་འབྲེལ་བ་ནི། ཡབ་བཀའི་བྱིན་རླབས་བྱས་རིམ་པ་ལྔ་ལ་ཁྲིད། འདི་ཡང་མགོ་ཡགས་པ་རྒྱུད་པ་ཡིན། ཟབ་མོ་བརྡའ་དབང་ལ་བརྟེན་ནས་ངོ་སྤྲོད་ཀྱི་གདམས་པ་ནི། ལུས་མེད་མཁའ་འགྲོའི་གདམས་པ་ཇི་ལྟ་བ་དེ་ཀའི་ལུགས་ངམ་རྫོང་པས་རྗེ་བཙུན་ཡབ་སྲས་ལ་གསན་པ་ཡིན་པས་དེ་ལས་གཞན་པ་ཐམས་ཅད་བར་དུ་རྒྱ་ཕོ་བ་ལུང་པས་འདྲེས་པར་སྣང་ངོ་། །དགས་པོ་རིན་པོ་ཆེ་ལ་གནང་ཟེར་བ་ནི། བསྲེ་འཕོ་གནད་ཀྱི་མཚམས་སྦྱོར་སྨིན་ལམ་བཅུ་གསུམ་མ། དགྱེས་རྡོར། གསང་བ་འདུས་པ་དང་འབྲེལ་བ་དཀར་བརྒྱུད་ཀྱི་གཞུང་ལམ་ཆེན་མོ། སྙན་བརྒྱུད་འདི་གནང་བ་མ་ཡིན་པས། རྗེ་བཙུན་ཡབ་སྲས་གསུམ་ལ་ཆིག་བརྒྱུད་ཁོ་ན། ཁྱུང་ཚང་བས་ཅུང་མང་བར་མཛད་པ་ཡིན་ནོ། །དེའི་ཕྱིར་ཏིལླིའི་གཏད་རྒྱ། རྗེ་བཙུན་གྱི་གཏད་རྒྱ་དབང་དུ་བཞུགས་ལ་སློབ་མ་མཆོག་ལུང་བསྟན་པ་ལ་ཕྱིས་གཏད་རྒྱ་ཡང་བྱའོ།། །།
༄། །དཔལ་འབྲུག་པའི་ཟབ་ཆོས་ལས་འཁོར་ལ་སྡོམ་པའི་རྫོགས་རིམ་མཻ་ཏྲི་ལུགས་ཀྱི་སྙན་བརྒྱུད་ཀྱི་གསན་ཡིག་བཞུགས་སོ།།
༄༅། །དཔལ་འབྲུག་པའི་ཟབ་ཆོས་ལས་འཁོར་ལ་སྡོམ་པའི་རྫོགས་རིམ་མཻ་ཏྲི་ལུགས་ཀྱི་སྙན་བརྒྱུད་ཀྱི་གསན་ཡིག་བཞུགས་སོ། །ལང་ཀ་མགྲིན་བཅུའི་མགུལ་ལ་དགའ་བྱེད་ཀྱིས། །
4-396
གཟུང་འཛིན་རི་དགས་བརྒྱུད་ལ་ཤ་ཝ་རི། །མཐར་བྱེད་འཕོངས་སྐྱེན་དཔལ་གྱི་རི་ངོས་པ། །བདག་སྙིང་དང་པའི་ངོགས་སུའང་རོལ་རྩེད་མཛོད། །རི་བོ་མེ་ལྟར་འབར་བའི་ནགས་ཀྱི་ཀླུང་། །བསྐལ་བཟང་གདུང་སེལ་བསིལ་བ་འབབ་པ་དེའི། །བྱམས་པའི་མཚན་མངའ་ལུང་རིགས་ཀྱིས་ཁྲོས་ནས། །ལྟ་ངན་གཞོལ་ལ་མི་བཟློག་དེ་ལ་འདུད། །དྲི་མེད་དགེ་བའི་བཤེས་གཉེན་ག་པུར་རྒྱུན། །རྡོ་རྗེའི་བུམ་བཟང་བསྐྱིལ་བའི་གྲགས་སྙན་གྱིས། །ཆོས་བཞིན་རྒྱལ་མཆོག་ཁྱོད་དྲུང་དུ་བསྙགས་ནས། །ཡིད་ཀྱི་ནོར་བུ་བཀྲུ་ལ་ཀུན་དགའ་འགྱུར། །འདིར་རྗེ་བཙུན་མཻ་ཏྲི་པ་ཞེས་པ། པཎྜི་ཏ་འབར་བའི་གཙོ་བོའི་སྐྱེ་བ། ཕྱི་ནང་གི་གཞུང་ལུགས་ཀུན་ལ་བྱང་བ། ཡི་དམ་ལྷས་དེ་ཁོ་ན་ཉིད་འཚོལ་བར་ལུང་བསྟན་པ་བཞིན་དཔལ་གྱི་རིར་བྱོན། ཤ་ཝ་རི་དབང་ཕྱུག་བཙུན་མོ་གཉིས་དང་བཅས་པའི་གཙོ་འཁོར་གསུམ་གྱིས་རྗེསུ་གཟུང་ཡང་དག་པའི་ལམ་མ་སྦས་པར་བསྟན་པའི་སྙིང་པོ་དཔལ་འ་ཁོར་ལོ་སྡོམ་པའི་རྫོགས་རིམ། རྡོ་རྗེ་རྣལ་འབྱོར་མའི་གསུང་ངག་རྗེ་རས་ཆུང་པས་བོད་དུ་སྤྱན་དྲངས་པ་རིན་ཆེན་ལྔ་ཞེས་པའི་གདམས་ངག །དེ་ཉིད་མ་འོངས་པའི་དུས་བྱོན་ནས་བསྙད་པར་འོས་ནས། བར་དེར་ཐུགས་ལ་གབ་པ། ཕྱིས་རྗེ་བཙུན་མི་ལས་བདེ་ཆེན་གསང་བའི་ཕུག་པར་ཁྱོད་ཀྱི་ཐ་མའི་གདུལ་བྱ་ཡོད་པས་དེ་ཐུལ་ཞིག་པར་ལུང་བསྟན་པ་ལྟར། 
4-397
མཚན་རས་ཆུང་ཆོས་ཀྱི་དབང་ཕྱུག་ཅེས་གཟུང་བའི་རས་པ་བཅུ་དྲུག་པའི་ལང་ཚོའི་གང་བ་ཞིག་ཏུ་མཛད། ཉི་འོག་ལྷོའི་རྒྱལ་ཁམས་གཉལ་ཡངས་པ་ཅན་གྱི་ལྟེ་བ། བྱ་རིགས་ཆོས་ཀྱི་རྒྱལ་པོའི་ཕོ་བྲང་ཆོས་རྒྱལ་ལྷུན་པོ་ཞེས་པར། གོང་མ་ཆོས་རྒྱལ་ནོར་བུ། མཚན་གཞན་འཇམ་དབྱངས་ཆོས་ཀྱི་གྲགས་པ་སྐུ་འཁོར་དང་བཅས་པ་ལ་མངོན་སུམ་དུ་ཟླ་བ་གསུམ་གྱི་རིང་བསྟན་ཏེ། ཡང་དག་པའི་གདམས་ངག་འདི་ཞིབ་མོར་བཤད། གཞུང་འདི་མཁའ་འགྲོ་མ་སུ་ཁ་སིདྷིས་རྗེསུ་སྤྲོད་པར་འགྱུར་བ་དང་། རི་བོ་མངྒ་ལ། བདེ་ཆེན་གསང་བའི་ཕུག་པ་ངོགསུ་ཡོད་པར་འཕྲིན་ལས་སྐྱོངས་ཤིག་ཅེས་གདམས་ཏེ་གར་སོང་མི་སྣངོ་། །གཞན་དག་ནི་བྱ་བྲལ་ངོ་མཚར་ཅན་ཙམ་དུ་གཟུང་། བདག་གི་བླ་མ་ཀུན་སྤངས་རྗེ་དེའི་དུས་རྗེའི་གནངས་ཆེན་དུ་གྱུར་པས་ཞོགས་ཀྱི་རིགས་གསུང་ཆོས་འབུལ་བར་འབྱོན་པ་དེའི་རིང་ཚང་མར་གཟིགས། སྐུ་གཞོན་ནས་བྱ་བྲལ་མན་ངག་མཁས་པ་ཞིག་གོ་སྙམ་པ་ལས་བཀུར་སྟི་མ་བྱས་གསུང་། ཕྱིས་དཔལ་ཚེ་གོང་དུ་སུ་ཁ་སུ་སིདྷི་བྱོན། གཞུང་རྡོ་རྗེ་ཚིག་རྐང་ཐུགས་སུ་བཀོད། ལུང་བསྟན་པ་རྒྱ་ཆེར་མཛད་པ་ཡིན་ནོ། །དེ་ལ་ཆོས་ཀྱི་རྣམ་གྲངས་བརྒྱུད་པ་རིང་ལུགས་ཀྱི་རྣམ་ཐར་ནོར་བུ་འོད་ཀྱི་འཕྲེང་བ། བརྒྱུད་པའི་ལོ་རྒྱུས་བཀའ་རྒྱ་མ། ཚོགས་མཆོད་དངོས་གྲུབ་འབྱུང་གནས། 
4-398
དཀྱིལ་ཆོག་བདུད་རྩི་བུམ་པ། སྦྱིན་སྲེག་འདོད་དགུ་ཀུན་འགྲུབ། གཤིན་པོ་རྗེས་འཛིན་ཐུགས་རྗེའི་ལྕགས་ཀྱུ། རིང་བསྲེལ་བཞུགས་པ་གནོད་སྦྱིན་འཁོར་ལོ་ཡི་ཤེས་སྙིང་པོ། རབ་གནས་ཀྱི་ཆོ་ག་བྱིན་རླབས་དཔལ་འབར། སྔོན་འགྲོ་མཆོག་གི་ཐེམ་སྐས་སྙན་བརྒྱུད་རྡོ་རྗེའི་ཚིག་རྐང་། དབང་གོང་མའི་ཕྱག་ལེན་སྐུ་བཞི་གསལ་བའི་མེ་ལོང་། སྒོམ་ཐག་བྱིན་རླབས་རྩ་འཁོར་མའི་སྒྲུབ་ཐབས། ཐོད་དབང་མེའི་འཁོར་ལོ། །ཆོས་དྲུག་མཆོག་གི་ཉེ་ལམ། རླུང་གི་ཞལ་གདམས་གནད་ཀྱི་འཕྲེང་བ། སྲོག་ཐུར་བསྲེ་བའི་མན་ངག །ལས་རླུང་དབུ་མར་འགོག་པའི་གདམས་པ། གེགས་སེལ་ནད་བརྒྱ་སྨན་གཅིག །དབང་གསུམ་པའི་ཁྲིད་བདེ་ཆེན་གསང་བའི་ཕོ་ཉ། བཅུད་ལེན་ཟླ་ཉི་འཕེལ་བྱེད ། དབང་བཞི་པའི་ཁྲིད་རང་རིག་བདེ་ཆེན་འཁོར་ལོ། སྤྱོད་པ་བཞིའི་ཉམས་ལེན་འཇིགས་བྲལ་རྡོ་རྗེའི་མཚོན་ཆ། ཞལ་གདམས་ཀུན་གསལ་མཆོག་གི་ཉི་མ། ངོ་སྤྲོད་ཐར་པའི་སྒྲོན་མེ། མོ་ཁྲིད་ལ། རྗེ་བཙུན་ཞལ་གཉིས་མའི་བྱིན་རླབས། རྣལ་འབྱོར་མའི་སྒྲུབ་ཐབས་དང་ཚོགས་མཆོད། ཕག་མོའི་སྦྱིན་སྲེག །གསང་དབང་གི་ཉམས་ལེན་ཌཱཀི་བདེ་བའི་མྱུར་ལམ། དབང་གསུམ་པའི་ཉམས་ལེན་ཌཱཀི་མའི་ཐུགས་ཀྱི་བདུད་རྩི། པདྨ་ཆུ་འཐུང་གི་གདམས་པ། པདྨའི་ལུས་རྡོ་རྗེར་བསྒྱུར་བ། གསང་ལམ་གྱི་ཞལ་གདམས་བཀའ་རྒྱ་མ། དབང་བཞི་པའི་ཞལ་གདམས། བདུད་རྩི་རིལ་བུའི་སྒྲུབ་ཐབས། ཚེ་དཔག་མེད་ཀྱི་གསང་སྒྲུབ་ཀ་པ་ལཱ་མཆོད་པའི་རྗེས་གནང་། 
4-399
སྒྲུབ་ཐབས་རྡོ་རྗེའི་སྲོག་ཤིང་། བཀའ་སྲུངས་ཡེ་ཤེས་མགོན་པོ་ཕྱག་བཞི་པའི་དབང་ཆོག་རྗེས་གནང་དང་བཅས་པ། གཏོར་ཆོག་འཕྲིན་ལས་ཀུན་འགྲུབ། སྒྲུབ་ཐབས་ལས་ཚོགས་དང་བཅས་པ། དགེ་བསྙེན་སྙོན་ཁའི་གཏོར་ཆོག་ལས་ཚོགས་དང་བཅས་པ། དེ་ལྟར་སྤྲུལ་པའི་སྐུ་གོང་མས་དཀར་ཆག་ཏུ་མཛད་པ་བཞི་བཅུ། ཕྱི་མས། རྡོ་རྗེའི་ཚིག་གདམས་དག་ཏུ་བཀྲལ་བ་སྙིང་གི་ནོར་བུ་འཁྲུལ་འཁོར་དང་བཅས་པ། ཕག་མོ་ལྷ་བཅུ་གསུམ། མོ་ཁྲིད་ཀ་པཱ་ལ་མཆོད་པ་རྗེས་གནང་དང་བཅས་པས་ལག་ལེན་གཏན་ལ་ཕབ་པ་རྣམས་ལ། རིང་བརྒྱུད་ཡབ་བཀའ་ཡུམ་བཀའ། གྲོལ་ལམ་བསྐྱེད་རིམ་དང་འབྲེལ་བའི་ཆོས་སྡེ་རྣམས་ཀྱི་བརྒྱུད་པ་ནི། རྡོ་རྗེ་འཆང་། ཕྱག་རྡོར། བློ་གྲོས་རིན་ཆེན། ཤ་ཝ་ར། མཻ་ཏྲི་པ། མར་མིའམ། ཏི་བུ། རས་ཆུང་པ། ལོ་སུམ་གཉིས། གླིང་། ཆོས་རྗེ། དབོན། གཞོན་ནུ། ཉི་མ། རྡོར་གླིང་པ། སྤོས་སྐྱ་པ། བཅུ་གསུམ་པ། འཇམ་དབྱངས་རྗེ། མཁན་ཆེན་དང་། བླ་ཆེན་བསམ་རྒྱལ་ཁ་ཆེ་གཉིས། འཇམ་དབྱངས་བློ་གྲོས་སེང་གེ། སྤྲུལ་སྐུ་ཤེས་རབ་སེང་གེ། ཡེ་ཤེས་རིན་ཆེན། ནམ་མཁའ་དཔལ་བཟང་། ཤེས་རབ་བཟང་པོ། རྒྱལ་དབང་རྗེ། ངག་གི་དབང་པོ། ཆོས་ཀྱི་གྲགས་པ། ཀུན་སྤངས་རྗེ། པདྨ་དཀར་པོའོ། །ཉེ་བརྒྱུད་རས་ཆུང་པ་ནས། འཇམ་དབྱངས་ཆོས་ཀྱི་གྲགས་པ། ཤིན་ཏུ་ཉེ་བརྒྱུད་ནི། ཤ་ཝ་ར། 
4-400
རས་ཆུང་པ། འཇམ་དབྱངས་ཆོས་ཀྱི་གྲགས་པའོ། །ཆོས་སྐྱོང་གི་བརྒྱུད་པ། རྡོ་རྗེ་འཆང་། རྣལ་འབྱོར་མ། ཀླུ་སྒྲུབ། རྡོ་རྗེ་དྲིལ་བུ་པ། ཨ་ཝ་དྷཱུ་ཏཱི་པ། སྤྱོད་མཛད་ཆོས་ཀྱི་རྡོ་རྗེ། བྱང་ཆུབ་བཟང་པོ། རྡོ་རྗེ་གདན་པ་ཆེ་བ། ཆུང་བ་ཨ་བྷ་ཡཱ་ཀ་ར་དང་། ཙ་མི་སངས་རྒྱས་གྲགས་པ། རྒྭ་ལོ་ཡང་ན། ཀླུ་སྒྲུབ་ནས་དུས་འཁོར་ཞབས་ཆེན་པོ། ཆུང་བ། རྡོ་རྗེ་གདན་པའོ། །རྒྭ་ལོ་ནས། ཕག་གྲུ་དང་ཞང་གཉིས། ཕག་གྲུས། གླིང་། ཞང་དང་གླིང་ལ་ཆོས་རྗེ། དེ་མན་བདེ་མཆོག་བཞིན་ནོ། །ཡང་ན་མགོན་པོ། ཙཎྜི་ཀ །འཇམ་བྱངས་ཆོས་ཀྱི་གྲགས་པ་ཉིད་དོ།། །།
༄། །དཔལ་འབྲུག་བའི་ཟབ་ཆོས་ལས་ཏི་བུའི་བཞི་ཆོས་སམ་རྡོ་རྗེ་ལུས་ཀྱི་སྦས་བཤད་ཀྱི་གསན་ཡིག་བཞུགས།
༄༅། །དཔལ་འབྲུག་བའི་ཟབ་ཆོས་ལས་ཏི་བུའི་བཞི་ཆོས་སམ་རྡོ་རྗེ་ལུས་ཀྱི་སྦས་བཤད་ཀྱི་གསན་ཡིག་བཞུགས། །ཤེས་རབ་མཛེས་མའི་རྩེ་དགའི་འཁྲི་ཤིང་ཁར། །སྙིང་རྗེའི་གདན་འཆའ་ཏི་བུའི་ཁུ་བྱུག་དབྱངས། །དྲང་ངེས་ནམ་ཟླ་འབྱེད་ལ་མཚུངས་མེད་པ། །ཐུབ་ལུགས་དཔྱིད་ནང་གྲག་འདི་སྙན་པའི་དཔེ། །འདི་ནི་མི་གཡེལ་ཐུགས་རྗེའི་པི་ཝཾ་སྒྲ། །གང་འདུལ་བསྒྱུར་བའི་སོར་མོའི་འདུ་བྱེད་ནི། །ཀུན་ཤེས་དྲུག་ལྡན་གླུ་ཡིས་སྐབས་བསྐུལ་བའི། །ཚངས་པའི་བུ་མོའི་རྣམ་འགྱུར་བསྟན་པ་སྙམ། ཏི་བུ་གསང་སྔགས་ཀྱི་སྡོང་པོ་ཞེས་པ། པཎྜི་ཏ་ག་ཡ་དྷ་ར། བོད་ན་སྙན་པའི་དྲིལ་སྒྲ་ཚད་མེད་པར་གྲགས་པ་དེའི་སྐུའི་སྲས། །
4-401
ཇོ་བོ་ནཱ་རོ་པ་དང་། མཻ་ཏྲི་པ་ཆེན་པོའི་ཆོས་ཀྱི་མན་ངག་སྣ་ཚོགས་པའི་གཏེར་བདག་ཆེན་པོ་དེས་ནཱ་རོ་དང་མཻ་ཏྲི་པའི་གདམས་པའི་ཆུ་བོ་གཉིས་གདམས་ཏེ་དངོས་པོར་གནས་པའི་ཚུལ་གཏན་ལ་ཕབ་པས། རྡོ་རྗེ་ལུས་ཀྱི་སྦས་བཤད། གདམས་ངག་བཞི་བཞིས་བསྟན་པས་ཏི་བུའི་བཞི་ཆོས། དེ་ཡང་རྗེ་བཙུན་རས་ཆུང་པས། རྡོ་རྗེ་ལུས་ཀྱི་སྦས་བཤད་དང་ཞེས་པ་སྟེ། འདི་ལ་ཆོས་ཚན་ནི། ལོ་རྒྱུས་ལ་དཔེ་ཚན་གཉིས་རས་ཆུང་པའི་སློབ་རྒྱུན་གྱིས་བྲིས། ཏི་བུའི་རྣམ་ཐར། སྒྲ་འཁོར་གྱི་གཞུང་། སྙན་བརྒྱུད་། ཕྱག་རྒྱ་ལམ་རྫོགས་གསུམ་རྗེ་ཏི་པུས་མཛད་པ། བཞི་ཆོས་སྙན་བརྒྱུད་ཀྱི་ཡིག་སྣ་སྒྲ་འཁོར་གྱི་ལྷན་ཐབས། སྙན་བརྒྱུད་བཞི་ཆོས་ཀྱི་འཁོར་ལོ་ལས་ཟུང་བཞི་ཡ་བརྒྱད་ཀྱི་ཡིག་སྣ། རྩ་བའི་གདམས་པ་ཟུང་བཞི་ཡ་བརྒྱད་ཡན་ལག་གི་ཆོས་བཅུ་དྲུག །སྒྲུབ་པའི་ཆས་རྐྱེན་གདམས་པ་སུམ་ཅུ་རྩ་གཉིས། ཉམས་སུ་བླང་བའི་ཆོས་བསྲེ་སྐོར་དྲུག་ཅུ་རྩ་གཉིས་ལ་དཔེ་ཚན་གཅིག །ཐེག་པ་གསུམ་གནས་པ་བཞི། སྦྱོར་བ་སྐོར་དགུའི་གདམས་པ། ཞལ་གདམས་ལ་དཔེ་ཚན་གཉིས། སྔགས་དང་ཕ་རོལ་ཏུ་ཕྱིན་པའི་ས་ལམ་གྲུབ་མཐའི་དབྱེ་བ་གསལ་བྱེད་སྒྲོན་མེ། ས་ལམ་གྱི་དབྱེ་བ་དྲུག་ཆོས་རྣམས་རྗེ་རས་ཆུང་པ་རང་གི་གསུང་ངོ་། །འགྲེལ་པ་གཉིས་བུ་སློབ་ཀྱི། དེ་རྣམས་ཀྱི་བརྒྱུད་པ་ནི། 
4-402
ཏིལླི་པ། ནཱ་རོ་པ། ཏི་བུ་དྲི་མེད་བཤེས་གཉེན་ནམ། རྡོ་རྗེ་འཆང་། ཤ་ཝ་ར་དབང་ཕྱུག །མཻ་ཏྲི་པ། ཏི་པུ་པ། རས་ཆུང་པ། ལོ་སུམ། གླིང་རས། རྒྱ་རས། པ་རི་མཁྱེན་པའི་མངའ་བདག །དགོན་གསར་པ། མེས་སྟོན་པ། རྡོ་རྗེ་ཡེ་ཤེས། སངས་རྒྱས་མགོན་པོ། བསམ་བྱང་པ། ཆོས་དཔལ་མགོན་པོ། དགའ་ལྡན་པ། སྐྱེ་མཆོག་པ། ལུང་མང་བ། རྒྱལ་དབང་རྗེ། བསམ་གཏན་པ། སངས་རྒྱས་བཟང་པོ། དེས་རྡོ་རྗེ་འཛིན་པ་ཆོས་ཀྱི་མགོན་པོ། དེས་པདྨ་དཀར་པོ་ལའོ། །ཡང་ན། རྗེ་རས་ཆུང་པ། སློབ་དཔོན་ཞང་སྟོན། ཚུར་སྒོམ་བརྟན། ཁུ་ལོ་ཙ་བ། བླ་མ་སྔགས་པ། ལྷ་རྩེ་བ་ཡབ་སྲས། བླ་མ་གཉལ་པ། དེས་རིན་པོ་ཆེ་དགོན་གསར་པ་མན་འདྲའོ།། །།
༄། །དཔལ་འབྲུག་པའི་ཟབ་ཆོས་ལས་སྨད་འབྲུག་པའི་དྲེག་པ་ལྟ་བུ་བ་རྣམས་ཀྱི་གཞུང་ལམ་ཐུབ་པ་ལྔ་ངེས་འབྱུང་ཆོས་ལྔ་དང་བཅས་པའི་གསན་ཡིག་བཞུགས་སོ།།
༄༅། །དཔལ་འབྲུག་པའི་ཟབ་ཆོས་ལས་སྨད་འབྲུག་པའི་དྲེག་པ་ལྟ་བུ་བ་རྣམས་ཀྱི་གཞུང་ལམ་ཐུབ་པ་ལྔ་ངེས་འབྱུང་ཆོས་ལྔ་དང་བཅས་པའི་གསན་ཡིག་བཞུགསོ། །བསྟན་སྐྱོང་གྲགས་པའི་ཡི་གེ་གསལ་འབར་བ། །ཚོགས་པའི་དབང་ཕྱུག་ཆོས་རྗེ་ལོ་རས་པ། །སྨད་འབྱུག་བསྟན་པའི་མངའ་བདག་དེ་ཞབས་ལ། །གུས་པའི་ཕྱག་ཕྱེད་འདི་ཁ་བསོད་ནམས་ཤུགས། །ཆོས་ཀྱི་རྒྱལ་པ་ལོ་རས་པ་ཉིད་དགུང་ལོ་བདུན་ལ་ཆོས་ལ་བྲོས་པ་དང་། བཅུ་བདུན་ལ་བྲོས་པའི་ཚུལ་གཉིས་བྱུང་བའི་སྔ་མ་དག་པར་བཞེད་དེ། ཁོང་གི་ཡབ་ཡུམ་གཉིས་ལ་སྲས་མེད་ནས་ལྷ་སར་གསོལ་འདེབས་ལ་བྱོན་ལམ་འབྲུག་ཏུ་ཆོས་རྗེ་གཙང་པ་རྒྱ་རས་མཇལ་བར་བཤད། 
4-403
འབྲུག་བཏབ་ནས་དེ་རབ་ཏུ་བྱུང་གི་བར་ལོ་གྲངས་བཅུ་བདུན་ཡོང་ས་མེད་པས་སོ། །དེ་ཡང་གཡོར་པོའི་ཡུལ་གྲགས་ཆེན་སར་བུ་གཅིག་ཏུ་འཁྲུངས་པ་ལས་མཐའ་བཞི་ཤག་དར་ཞེས་པའི་བུ་མོ་དང་ཆུང་གཉེན་བསྒྲིགས་པ་མ་བཞེད་བུ་མོ་དང་ལྷན་ཅིག་ལྕགས་སུ་བཅུག་པའི་ས་ནས་བྲོས། འབྲུག་ཏུ་ཆོས་རྗེའི་སར་བྱོན་པས་ཆོས་རྗེས་སྐྲ་མ་བཅད་པར་སྐྱོར་མོ་ལུང་གི་སྦལ་ཏིའི་སར་བརྫངས་ཏེ་གྲགས་པ་དབང་ཕྱུག་ཏུ་མཚན་གསོལ། ཕྱིས་ཆོས་རྗེའི་དྲུང་དུ་གདམས་ངག་རྫོགས་པར་གསན། དེ་དུས་ཕ་མས་ཐོས་ཏེ་གཞུང་དུ་བྱོན་འབྱོར་པ་རྣམ་ཐོས་ཀྱི་བུ་ལྟ་བུ་མངའ་བས། ཕལ་མོ་ཆེ་ཆོས་རྗེ་སྤྱན་དྲངས་ཕྱག་ཏུ་ཕུལ་བས་ཆོས་རྗེ་ཉིད་འབུལ་བས་དང་། མཐའ་བཞི་ཤག་དར་བུ་མོའི་བོར་གྱིས། བུ་ལོན་འདེད་རྒྱུའི་ཡི་གི་ཐམས་ཅད་མེར་བསྲེགས་བཤུལ་མེད་པར་མཛད་ནས་ཉིད་ཀྱིས་དམ་པའི་ཆོས་སྒྲུབ་པའི་བར་ཆད་མེད་པར་མཛད་པས། འཚེངས་པ་གསུམ་ཞེས་གྲགས། ཁ་རག །ཤར། གནམ་མཚོ་ཕྱུག་མོའི་དོ་རིར་སྒྲུབ་པ་མཛད་པས་དངོས་གྲུབ་མཆོག་བརྙེས། འཕྲིན་ལས་དང་པོ་བྱང་ཨུ་རི། གཉིས་པ་གཙང་དཀར་ཆོས་དང་། ཇོ་མོ་ལྷ་རིར། གསུམ་པ་མཐའ་འདུལ་གྱི་གཙུག་ལག་ཁང་ཆེན་པོ་མཁོ་མཐིང་ལྷ་ཁང་དང་། དཔལ་སེང་གེ་རིར་འཁོར་དགེ་སློང་རང་ཡང་སྟོང་ཕྲག་གཅིག་འདུས། གཞན་སློབ་མ་བསམ་གྱིས་མི་ཁྱབ་པས་སྨད་འབྲུག་སའི་དྲེག་པ་ཙམ་ཞེས་གྲགས། 
4-404
དེས་ཆོས་རྗེའི་ཚོགས་ཆོས་ནས་ཐུབ་ལྔར་གསུངས་པ་ལྟར་ཕྱག་བཞེས་སུ་བཀལ་ནས། ཐུབ་ལྔའི་ཆ་ལག་རྒྱས་པ། ཕྱག་རྒྱ་ཆེན་པོ་འཆི་ཐུབ་ཀྱི་ཁྲིད། གཏུམ་མོ་རས་ཐུབ་ཀྱི་ཁྲིད། གསང་སྤྱོད་རི་ཐུབ་ཀྱི་ཁྲིད། ནད་འདོན་འཁྲུགས་ཐུབ་ཀྱི་ཁྲིད། གཉེན་པོ་རྐྱེན་ཐུབ་ཀྱི་ཁྲིད། བཀའ་ཚོམས་རྣམས་ལོ་རས་ཀྱིས་མཛད་པ། སྔོན་འགྲོ་ཆེན་པོ་ཁྲིད་ལྔ། བྱིན་རླབས་སོགས་མཁས་པ་འཇམ་དབྱངས་མགོན་པོས་རྒྱས་སུ་མཛད་པ། ཁྲིད་སྙིང་པོ་བསྒྲིལ་བ་མགོ་ཡེས་ཀྱིས་མཛད་པ། ཀུན་ཐོབ་པའི་བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། ཏིལླི་པ། ནཱ་རོ་པ། མར་པ། མི་ལ། སྒམ་པོ་པ། ཕག་མོ་གྲུ་པ། གླིང་རས། རྒྱ་རས། ལོ་རས། ཙ་རི་རས་པ། དེ་དང་འཇམ་དབྱངས་མགོན་པོ་གཉིས་ལ། དབོན་སྟོན། རྟོགས་ལྡན་མགོན་ཡེས། དོ་པ་རྒྱལ་མཚན་གཞོན་ནུ། དཀོན་མཆོག་དབང་པོ། མཁས་གྲུབ་པ། རིན་ཆེན་སངས་རྒྱས་བཟང་པོ། རྣལ་འབྱོར་ཆོས་ཀྱི་དབང་ཕྱུག །སྐུ་ཞང་ཆོས་རྗེ་སངས་རྒྱས་དཔལ་འབྱོར་། དུས་ཞབས་བ་ཤཱཀྱ་དབང་ཕྱུག །འཇམ་དབྱངས་ཆོས་ཀྱི་གྲགས་པ། ཀུན་སྤངས་རྗེ། པདྨ་དཀར་པོ་ལའོ། །ཡང་ན། ལོ་རས། གཡག་རས། བདེ་མཆོག་སངས་རྒྱས། སྤྲུལ་སྐུ་ཤེས་རབ་ཡེ་ཤེས། རྫ་རི་རས་པ། རྐྱང་ཆེན་སྤྲུལ་སྐུ ། མཁས་བཙུན་རིན་པོ་ཆེ། རྫ་སྒོ་བ་ཤེས་དཔལ། སྐྱེ་མཆོག་སྨོན་ལམ་མཐའ་ཡས། ལུང་མང་པ་ཡོན་ཏན་བཟང་པོ། 
4-405
རྒྱལ་དབང་རྗེ། ངག་དབང་ཆོས་ཀྱི་རྒྱལ་པོ། རྒྱལ་ཚབ་དམ་པ། པདྨ་དཀར་པོ། ཡང་ན་ལོ་རས། དགའ་ལྡན་པ། བསོད་ནམས་དར། མགར་པུ་པ། འོད་ཟེར་རྒྱ་མཚོ། སངས་རྒྱས་རས་པ། སྐྱེ་མཆོག་པའོ། །རྒྱལ་བ་ལོ་རས་པས་མཛད་པའི་ངེས་འབྱུང་ཆོས་ལྔའི་བརྒྱུད་པ་ཡང་དེ་དང་མཐུན་ནོ།། །།
༄། །དཔལ་འབྲུག་པའི་ཟབ་ཆོས་ལས་སྟོད་འབྲུག་གནམ་ཀྱི་སྐར་མ་ལྟ་བུ་བ་རྣམས་ཀྱི་གཞུང་ལམ་ཁྲིད་ཆེན་བརྒྱད་ཁྲིད་ཆུང་བརྒྱད་ཀྱི་གསན་ཡིག་བཞུགས།
༄༅། །དཔལ་འབྲུག་པའི་ཟབ་ཆོས་ལས་སྟོད་འབྲུག་གནམ་ཀྱི་སྐར་མ་ལྟ་བུ་བ་རྣམས་ཀྱི་གཞུང་ལམ་ཁྲིད་ཆེན་བརྒྱད་ཁྲིད་ཆུང་བརྒྱད་ཀྱི་གསན་ཡིག་བཞུགས། མགོན་གྱུར་འདི་མཉམ་ཤཱཀྱའི་ཞིང་ཁམས་ན། །སྒྲོན་མེ་སྟོང་ཐོགས་བཙལ་བས་མི་རྙེད་པས། །རྡོ་རྗེ་འཛིན་པའི་མཆོག་གྱུར་སྟོད་འབྲུག་པའི། །ཤིང་རྟ་ཆེན་པོ་དེ་ལ་ཕྱག་འཚལ་ལོ། །དེ་ཡང་། སྟོད་འབྲུག་གནམ་གྱི་སྐར་མ་ཙམ་ཞེས་མང་བས་རི་མོར་བྱས་པ་སྙིང་པོ་དོན་གྱི་སྒོམ་ཆེན་པ་འབའ་ཞིག །འགྲོ་བ་ཐམས་ཅད་ལ་ཡང་དག་པའི་ལམ་གསལ་པོར་སྟོན་པའི་ས་མཁན་བསླུ་བ་མེད་པ་དག་གི་འབྱོན་ཁུངས། ཁྲིད་ཆེན་པོ་བརྒྱད་ཅེས་པས། མོས་གུས་རྟོགས་པ་བརྟུལ་ཞུགས། ཞེན་ལོག་སྙིང་རྗེ། ཐབས་ལ་མཁས་པ་རྣམས་ཀྱི་སྲོལ་བཏོད་པའི་ཤིང་རྟ་ཆེན་པོ་པ་ནི། འཁྲུངས་ས་ལྷོ་ལ་ཡག་དོལ་བུ་ཆུང་གི་ཁྲ། གཞོན་ནུ་ནས་ཆོས་རྗེ་གཙང་པ་རྒྱ་རས་མཇལ། ཟླ་བ་བཅོ་བརྒྱད་བསྟེན། ཆོས་རྗེས་ཀྱང་སྐུ་རིམ་གྱི་དུས། ཐུན་པ་མ་གིའི་ཁྲོད་ན་སྐལ་ལྡན་གྱི་སྐྱེས་བུ་བསྟན་པ་ལ་ཕན་ཐོགས་པ་ཡོད་ཅེས་ལུང་བསྟན་པ། 
4-406
གདམས་ངག་ལྷག་མ་སངས་རྒྱས་དབོན་ལ་གསན་ཏེ། ཏི་སེ་ཛ་ལནྡྷ་ར། ཙ་རི་ཏྲ་སོགས་སུ་བྱང་ཆུབ་ཀྱི་སྤྱོད་པ་རླབས་པོ་ཆེ་ལ་རྩལ་སྦྱང་པའི་ཕྱིར་ཐུགས་དམ། བཅུ་གཉིས་གོ་ཆ་དང་བཅུ་གསུམ་དམ་བཅའ་མཛད། ལས་སྟོད་རྒྱལ་གྱི་ཤྲཱིར། རི་འདི་དང་། བྱ་འདི་དང་། མི་ང་གསུམ་མིང་གཅིག་ཏུ་མ་གྲགས་རིང་གནས་འདི་ལས་འཕག་རི་ཞེས་གསུངས་པས། རྒྱལ་བ་རྒོད་ཚང་པ་ཞེས་སྙན་པའི་བ་དན་ས་གསུམ་ཁྱབ་པས། ཆོས་ཀྱི་རྗེ་ས་སྐྱ་པཎྜི་ཏ་འཕྲོག་ཕྱེད་དགའ་པོ་དང་བརྩོད་པའི་ཕྱིར་མར་ཡུལ་དུ་བྱོན་པའི་ཡར་ལམ་ཤྲཱི་རི་གཟིགས་པའི་ཚེ་། བུག་སྒོ་ནས་ཁྱོད་ཀྱི་ཞལ་སྟོན་དགོས་ཞེས་གསོལ་བ་ན། སྟོན་རིན་མི་ཆོག་གསུངས། ནན་ཆེར་སྟོན་དགོས་གསུངས་ནས་བུག་སྒོའི་རས་སེངས་པས། སྤྲེའུ་ལྟ་བུ་ཞིག་གཟིགས་པས་དཔོན་སློབ་རྟ་སྐད་དུ་བཞད། དེ་མ་ཐོག །ཤཱཀྱ་ཐུབ་པའི་སྐུ་ཇི་ལྟ་བ་རྒྱལ་གྱི་ཤྲཱི་ལས་མཐོ་བ་ཞིག་ཏུ་གཟིགས་པས་གྲུབ་ཐོབ་ཏུ་བསྔགས་ཞེས་གྲགས་སོ། །སློབ་མའང་རྟོགས་པ་རང་དང་མཉམ་པ་རྒྱལ་བ་ཡང་དགོན་པ། བརྟུལ་ཞུགས་རང་དང་མཉམ་པ་ཨུ་རྒྱན་པ། མོས་གུས་རང་དང་མཉམ་པ་ཟང་ཟང་ནེ་རིངས་པ། ཞེ་བཅད་རང་དང་མཉམ་པ་སྤྱིལ་དཀར་བ་སོགས་དངོས་ཀྱི་སློབ་མ་གྲུབ་ཐོབ་གནམ་གྱི་སྐར་མ་ཙམ་བྱུང་། དེས་ཆོས་རྗེའི་མིང་ཐོ་ཙམ་དེ་ལ་བརྟེན་ནས། 
4-407
སྙན་བརྒྱུད་ཀྱི་གདམས་ངག་དེའི་འགྲོས་སུ་བསྟན་པས་ཁྲིད་ཆེན་བརྒྱད་དུ་གྲགས་ཏེ། ལམ་ཟབ་མོས་གུས་ཀྱི་ཁྲིད། ཕྱག་རྒྱ་ཆེན་པོ་ལྷན་ཅིག་སྐྱེས་སྦྱོར་གྱི་ཁྲིད། ཐབས་ལམ་ཁྱད་པར་ཅན་གྱི་ཁྲིད། གསང་སྤྱོད་ཟློག་སྒོམ་གྱི་ཁྲིད། སྟེང་སྒོ་ཆོས་དྲུག །འོག་སྒོ་འཁྲུལ་འཁོར་དང་བཅས་པ། དག་སྣང་ཞིང་སྦྱོང་གི་ཁྲིད། ཆོས་བརྒྱད་མགོ་སྙོམས་ཀྱི་ཁྲིད། བྱམས་སྙིང་རྗེའི་ཁྲིད། རྒྱུ་འབྲས་རྟེན་འབྲེལ་ཀྱི་ཁྲིད་རྒོད་ཚང་པ་ཉིད་ཀྱིས་མཛད་པ་དང་། རྒྱལ་བ་ཡང་དགོན་པའི་ཕྱག་ཆེན་སོགས་ནི་རི་ཆོས་སུ་ཡོད། གྲུབ་ཐོབ་ཆེན་པོ་ཨུ་རྒྱན་པའི་གསུང་ངག་ཟླ་སེང་བས་བྲིས་པ་འདིར་བཅུག །གཞན་གཤོང་ལོ་སྤང་ལོ་སོགས་ཀྱི་ཟིན་བྲིས་རྣམ་གྲངས་སུ་འདུག་པས་འདིར་མ་བཅུག །ཕྱིས་འབའ་ར་བས་མཛད་པ་རྣམས་ལུང་འབུམ་ཁྲིད་ཞལ་གདམས་ཀྱིས་བརྒྱན་བའི་གླེགས་བམ་ཐོབ་པའི་བརྒྱུད་པ། རྡོ་རྗེ་འཆང་། ཏིལླི་པ། ནཱ་རོ། མར་པ། མི་ལ། སྒམ་པོ་པ། ཕག་མོ་གྲུ་པ། གླིང་རས། ཆོས་རྗེ། སངས་རྒྱས་དབོན། རྒྱལ་བ་རྒོད་ཚང་པ། ཡང་དགོན་པ། སྤྱན་སྔ་རིན་ལྡན། ཟུར་ཕུག་པ། སྐྱེ་མཆོག་འབའ་ར་བ་ཆེན་པོ། ཡོན་རྒྱལ་བ། གཉན་རས་ནམ་མཁའ་རྒྱལ་མཚན། རྒྱལ་དབང་རྗེ། ངག་དབང་ཆོས་ཀྱི་རྒྱལ་པོ། དེས་པདྨ་དཀར་པོའམ། ཡང་ངག་གི་དབང་པོས། ཆོས་ཀྱི་གྲགས་པ། ཀུན་སྤངས་རྗེ། པདྨ་དཀར་པོ་འམ། ངག་དབང་རྗེས། 
4-408
རྒྱལ་ཚབ་དམ་པ་ངག་གི་དབང་ཕྱུག །དེས་པདྨ་དཀར་པོ་ལའོ། །ཡང་། རྒོད་ཚང་པ། ཨུ་རྒྱན་པ། ཟླ་བ་སེང་གེ །བྱང་ཆུབ་སེང་གེ །ཆོས་ཀྱི་རྒྱ་མཚོ། རྒོད་འཕྲུག་ཆོས་རྗེ། རྒྱ་མཚོ་དཔལ། སྒྲུབ་ཆེན་བསོད་ནམས་རྒྱལ་པོ། རྒྱལ་དབང་རྗེའམ། ཨུ་རྒྱན་པ་ནས། མཁས་བཙུན་པ། བྱང་ཆུབ་སེང་གེ །རྒྱལ་དབང་རྗེས་མཛད་པའི་ཁྲིད་ཆེན་རྣམས་ལ་སེང་གེ་དགུ་ཚར་ནས་བརྒྱུད་ཀྱང་ཆོག་ཅེས་གསུང་ངོ་། །རྒྱལ་དབང་རྗེ་ཡན་ཁྲིད་ཆུང་བཞི། དེས་མཛད་པ་བཞི་སྟེ་བརྒྱད་དེ་དག་གི་བརྒྱུད་པ་ཡང་ཁྲིད་ཆེན་སྔ་ཕྱིའི་རྗེས་སུ་འབྲང་ངོ་།། །།
༄། །དཔལ་འབྲུག་བའི་ཟབ་ཆོས་ལས་དགེ་སྦྱོར་བདུན་པའི་གསན་ཡིག།
༄༅། །དཔལ་འབྲུག་བའི་ཟབ་ཆོས་ལས་དགེ་སྦྱོར་བདུན་པའི་གསན་ཡིག །ཡེ་ཤེས་རྡོ་རྗེས་ལྟ་བའི་རི་སྙིལ་མཁན། །སངས་རྒྱས་ཀུན་གྱི་ལེགས་བཤད་འབུམ་གྱི་མཁའ། །བསྔགས་འོས་ཡོན་ཏན་ཕ་མཐའ་མ་མཆིས་པའི། །བླ་མའི་ཚོགས་དེའང་བདག་གི་མཆོད་བྱའི་ཡུལ། །འདི་ལ་ཆོས་ཀྱི་རྗེའི་ཐུགས་དམ་ཟབ་ཆོས་ཀྱི་གནད་གཅིག་ཏུ་བསྒྲིལ་ནས་སྟན་ཐོག་གཅིག་ཏུ་སྦྱོར་བ་ན་དགེ་སྦྱོར་བདུན་པའོ། །དེ་ལྟ་མིན་ན། སྔོན་ལོ་ཙ་བ་རིན་ཆེན་བཟང་པོས་འོག་པར་སྟེང་ཁང་དུ་རྒྱུད་སྡེ་སོ་སོའི་ལྷ་ཚོགས་མང་པོ་བཀོད། དེ་ཇོ་བོས་གཟིགས་ནས་ལྷ་རེ་ལ་མངོན་རྟོགས་དང་མཐུན་པའི་བསྟོད་པ་རེ་མཛད། དེས་ལོ་ཙ་བས་པཎྜི་ཏ་མཁས་པར་དགོངས། དེ་ནས་ཇོ་བོས་ལོ་ཙ་བར་སོ་སོའི་ཉམས་སུ་ལེན་ཚུལ་དྲི་བ་མཛད། 
4-409
དེས་ལན་བཏབ་པས་ཇོ་བོ་མཉེས་ཏེ། ལོ་ཙ་བ་འདི་ལྟ་བུའི་མཁས་པ་བཞུགས་པ་ལ་ང་བོད་དུ་ཡོང་མི་དགོས་པར་འདུག་པ་གསུང་། ཡང་དེ་དག་སྟན་ཐོག་གཅིག་ཏུ་ཉམས་སུ་ཇི་ལྟར་ལེན་གསུངས་པས། ལོ་ཙ་བས་སྔ་མ་ལས་སྤྲོས་པའི་ལན་མ་ཐེབས་པས། ཇོ་བོས་ལོ་ཙ་བ་རུལ། ང་འོང་དགོས་པར་འདུག །ཆོས་སྣ་ཚོགས་སུ་འཆད་ཤེས། དེ་ཐམས་ཅད་གཅིག་ཏུ་དྲིལ་ནས་ཉམསུ་ལེན་ཤེས་པ་ཡིན་ཅེས་གསུངས་པ། རུལ་བའི་གསེབ་ཏུ་ལས་དོགས་འདི། རྩ་བ་ཆོས་རྗེས་ཤངས་པའི་སློབ་མ་གཉིས་ལ་གནང་། དེ་ལ་འབྲས་མོ་བས་རྒྱས་སུ་བཏང་སྟེ་ཟུང་བདུན་ཡ་བཅུ་བཞིར་བཤད། རྒོད་ཚང་པས་ཅུང་ཟད་ཡི་གེར་བཀོད། ཁྲིད་རྒྱས་པ་འབྲས་མོ་རྗེ་བཙུན་སངས་རྒྱས་འབུམ་གྱི་སློབ་མ་ཁོ་སྒོམ་གྱིས་མཛད། འབྲས་མོ་ཇོ་བཙུན་གྱིས་གཞུང་དེ་ལ་ཤཱི་ལའི་ཐ་ཅན་གྱི་མཚན་ཅན་གྱིས་འགྲེལ་པ་མཛད། འདིས་རྒོད་ཚང་པར་ཡང་ཐུག །འབྲས་མོ་པ་འདི་ཆོས་རྗེའི་བུ་ཆེན་དྲུག་གི་གྱ་གཅིག་སྟེ། གཙང་ཉིད་རོ་པའོ། །དེ་དག་ལ། རྣམ་བཤད་དང་ཁྲིད་ཀྱི་སྒོ་ནས་པདྨ་དཀར་པོས་ཀྱང་གཏན་ལ་ཕབ་པ་རྣམས་ཀྱི་བརྒྱུད་པ་ནི། རྡོ་རྗེ་འཆང་། ཏིལླི་པ། ནཱ་རོ། མར་མི་དྭགས་གསུམ། ཕག་གྲུ། གླིང་། ཆོས་རྗེ། འབྲས་མོ་བ། ཁོ་སྐོམ། ཤཱི་ལའི་ཐ་ཅན། ཆོས་རྗེ་ཉི་མ། སྤོས་སྐྱ་པ། 
4-410
བཅུ་གསུམ་པ། འཇམ་དབྱངས་རྗེ། མཁན་ཆེན་པ། བློ་གྲོས་སེང་གེ །ཡེ་ཤེས་རིན་ཆེན། ཤེས་རབ་བཟང་པོ། རྒྱལ་དབང་རྗེ། ངག་གི་དབང་པོ། ཆོས་ཀྱི་གྲགས་པ། ཀུན་སྤངས་རྗེ། ངག་དབང་ནོར་བུའམ། ངག་གི་དབང་པོ། ངག་དབང་གྲགས་པ། པདྨ་དཀར་པོའོ།། །།
༄། །དཔལ་ལྡན་འབྲུག་བའི་ཟབ་ཆོས་ལས་རི་ཆོས་སྐོར་གསུམ་གྱི་གསན་ཡིག་བཞུགས།
༄༅། །དཔལ་ལྡན་འབྲུག་བའི་ཟབ་ཆོས་ལས་རི་ཆོས་སྐོར་གསུམ་གྱི་གསན་ཡིག་བཞུགས། །རྒྱལ་བ་ཉིད་དང་མཚན་གྱིས་ཐ་དད་ཙམ། །བྱེ་ཡིས་གཞན་མིན་དཔལ་ལྡན་ཡང་དགོན་པ། །བཟང་བོའི་འཕྲིན་ལས་ནམཁའ་མཉམ་པ་ཡི། །ཡོངས་ཀྱི་དགེ་བའི་བཤེས་གཉེན་དེ་ལ་འདུད། །འདིར་རྒྱལ་བ་ཡང་དགོན་པ། རྒྱལ་མཚན་དཔལ་བཟང་པོ་ཞེས། སྟོད་འབྲུག་གི་བསྟན་པའི་རྩ་ལག་གཉིས་པ། མཁས་པ་དང་གྲུབ་པའི་ཡོན་ཏན་ལ་རྫོགས་པའི་སངས་རྒྱས་ཉིད་དཔེར་འོས་པ། ཟབ་ཆོས་རྒྱ་མཚོ་ལྟ་བུས་ཐུགས་བརྟས་པ། དེས་གཅེས་པའི་མན་ངག་གཅིག་ཏུ་བསྡམས་ཏེ་བསྟན་བཅོས་སུ་མཛད་པ་ནི་རི་ཆོས། དེ་ལ་ཡང་། སྒྲུབ་པ་བྱེད་པའི་ཉམས་ལེན་གྱི་ཆོས་ཐམས་ཅད་ཚང་བར་སྟོན་པ་དགོས་པ་ཀུན་འབྱུང་གི་སྐོར། རྡོ་རྗེ་ལུས་ཀྱི་གནས་ལུགས་གསལ་བ་སྟོན་པ་སྦས་བཤད་ཀྱི་སྐོར། འཆི་བ་ལམ་དུ་བྱེད་པ་བར་དོ་འཕྲང་སྒྲོལ་གྱི་སྐོར་དང་གསུམ་ཏེ། དང་པོ་ལ། རྩ་བ་ལུས་ལྟ་བུའི་ཆོས་བཞི། གྱེས་པ་ཡན་ལག་ལྟ་བུའི་ཆོས་དགུ །ཟབ་པ་དོན་སྙིང་ལྟ་བུའི་ཆོས་དྲུག །
4-411
གཅེས་པ་སྲོག་རྩ་ལྟ་བུའི་ཆོས་དྲུག །དམར་ཁྲིད་དབང་པོ་སྒོ་ལྔ་ལྟ་བུའི་ཆོས་ལྔ། དང་པོ་རྩ་བ་ལུས་ལྟ་བུའི་ཆོས་གཞུང་། ལྷན་ཐབས་ཆེན་མོ། ས་བཅད། གླེང་བཞི་དང་བཅས་པ་བཞིའོ། །གྱེས་པ་ཡན་ལག་ལྟ་བུའི་ཆོས་དགུ་ནི། སྒྲུབ་པའི་སྣ་འཛིན་པ་ལ་སྔོན་འགྲོ་བཞི་སྦྱོར། ལམ་ཐམས་ཅད་ཀྱི་ཐོག་མར་འགྲོ་བ་སྐྱབས་འགྲོ་ཉམས་སུ་ལེན་ཚུལ། ཐེག་ཆེན་གྱི་གཞུང་ཤིང་བྱམས་སྙིང་རྗེའི་སྒོམ་ཐབས། མི་གཅིག་པོའི་ཆོས་གཅིག་པོ་བླ་མའི་མོས་གུས་བྱེད་ཐབས། ཚོགས་བསག་པའི་ཐབས་མཆོག་ཏིང་ངེ་འཛིན་གྱི་ཡན་ལག་བདུན་པ། ཉེས་ལྟུང་གི་དྲི་མ་སེལ་བྱེད་ཏིང་ངེ་འཛིན་གྱི་དབང་བསྐུར། ལུས་ཀྱི་གཅེས་འཛིན་བཤིག་པ་ཀུ་སུ་ལུའི་ཚོགས་གསོག །ངེས་འབྱུང་གི་གསལ་འདེབས་མི་རྟག་སྒོམ་ཚུལ། གཞན་དོན་འཕྲིན་ལས་ཀྱིས་རྟེན་འབྲེལ་སྒྲིག་པ་སྨོན་ལམ་ལེ་ཚེ་བཅུ་བཞི་པ་དང་དགུའོ། །ཟབ་མོ་དོན་སྙིང་ལྟ་བུའི་ཆོས་དྲུག་ལ་དྲག་རླུང་གནད་ལྔ་མ། འཕོ་བ་ཧཱུྃ་དམར་མ། སྟོང་ཉིད་རྡོ་རྗེའི་ཚིག་དྲུག་མ། གསང་སྤྱོད་མནལ་ལམ་མ། ནད་འདོན་ཧཱུྃ་ཆོས་མ། འཛག་བསྲུང་བཀའ་རྒྱ་མ་སྟེ་མ་དྲུག་སྐོར་དང་། ཤིན་ཏུ་གཅེས་པའི་གདམས་པ་སྲོག་ལྟ་བུའི་ཆོས་བུ་དྲུག་ལ། སྤྱིལ་བུ་བརྩིག་པ་ལ་དགོས་པའི་ས་དཔྱད་གསལ་བའི་སྒྲོན་མེ། ལས་དང་ཕོ་པ་ལ་གསང་སྤྱོད་ཉམས་སུ་ལེན་པ་ལ། 
4-412
གཅེས་པ་གསང་(གནད་ཀྱི་ཞལ་གདམས་)[*]བའི་མཐའ་བཅུ། རང་ལུས་ཐབས་ལྡན་སྒོམ་པ་ལ་གཅེས་པ་སྦ་བཞི་སྙན་བརྒྱུད་ཞལ་གདམས་དང་བཅས་པ། རང་ལུས་གཞན་ལུས་གཉིས་ཀ་ལ་གཅེས་པ་པདྨ་མཁའ་འགྲོའི་ཧཱུྃ་ཆོས། ལམ་གྱི་བོགས་འདོན་བདེ་བ་བསྐྱེད་པ་ལ་གཅེས་པ་ཟབ་མོ་གསང་ཁྲིད་ཀྱི་སྐོར། ཉམས་རྟོགས་ཤན་འབྱེད་པ་ལ་གཅེས་པ་རྣལ་འབྱོར་བཞིའི་ཞལ་གདམས་སྙིང་པོ་དོན་གྱི་གཏེར་མཛོད་(ལྷན་ཐབས།)[*]ལྡེ་མིག་དང་བཅས་པ་བུ་དྲུག་དང་། དེའི་མ་བུ་གསང་ཁྲིད་ལ་ཆོས་སྡེ་མ་བུ་བཅོ་ལྔ་ཡོད་དེ། ལྷན་ཅིག་སྐྱེས་པའི་ཐེམ་སྐས། ཆགས་པ་ཆེན་པོའི་གསང་ལམ། ལྷན་ཅིག་སྐྱེས་པ་གསང་བའི་འགྲོས་བཅུ། བཙན་ཐབས་ཀྱི་འཁྲུལ་འཁོར། ཕྱག་རྒྱ་ལམ་དུ་གཞུག་པ་རྒྱ་ཡན་རྣམ་གསུམ། གསང་བ་ལམ་གྱི་ལས་སྦྱོར། འཕྲིན་ལས་ལྷུན་གྲུབ། བདེ་བས་མཆོད་པ། མཁས་པ་བཞི་ཟབ་མོ་དགའ་བཞིའི་ངོ་སྤྲོད་དགའ་བཞི་བདེ་འགྲོས་ཕྱག་རྒྱ་དབང་དུ་བྱ་བ་ལྷ་མོ་སྙིང་འགུལ་མ། ཡིབ་པ་དཀར་ནག །བྱང་ཆུབ་སེམས་ཀྱི་ལོག་གནོན་གཉིས། ཉི་མར་(བུད་མེད་ཀྱི་ཐབས་ལ།)[*]འོད་དང་བཅོ་ལྔའོ། །ལག་ལེན་མཛུབ་ཚུགས་སུ་ངོ་སྤྲད་པ་དམར་ཁྲིད་དབང་པོ་སྒོ་ལྔ་ལྟ་བུའི་ཆོས་ལྔ་ནི། ཕྱག་ཆེན་གྱི་ཁྲིད་བོགས་འདོན་དང་བཅས་པ། བྱམས་སྙིང་རྗེའི་ཁྲིད་སྐྱིད་སྡུག་ལམ་ཁྱེར་དང་བཅས་པ། ཆོས་དྲུག་གི་ཁྲིད་གེགས་སེལ་དང་བཅས་པ། 
4-413
གསང་སྤྱོད་ཀྱི་ཁྲིད་གཉན་ས་བརྟག་ཐབས་དང་བཅས་པ། མོས་གུས་ཀྱི་ཁྲིད་བླ་མ་སྒྲུབ་པ་དང་བཅས་པ་ཁྲིད་ཡིག་ཚར་ཆོས་ཀྱི་སྐོར་རོ། །(སྤྱན་སྔ་བས་རྫོགས་རིམ་མཚན་བཅས་མཚན་མེད་གཉིས་སུ་མཛད་པའི་དང་པོ་ཆོས་དྲུག ། གཉིས་པ་ཕྱག་ཆེན་ལྷན་ཅིག་སྐྱེས་སྦྱོར་གྱི་ཁྲིད་ཆ་ལག་དང་བཅས་པ། གསང་སྤྱོད་ཀྱི་ཁྲིད་ཚར་ཆོས་དང་བཅས་པ། སྒོམ་ཁོར་ཡུག་མའི་ཁྲིད་ཆ་ལག་དང་བཅས་པ། གེགས་སེལ་ཞལ་གདམས་དང་བཅས་པ་འདིར་བསྡུས། བྱམས་ཁྲིད་དང་མོས་གུས་ཁྲིད་འདིར་མ་བསྡུས།)[*] རྡོ་རྗེ་ལུས་ཀྱི་སྦས་བཤད་ལ་བཞི། རྩ་རླུང་ཐིག་ལེའི་གནས་ལུགས་གསལ་བར་སྟོན་པ་སྦས་བཤད་ཀྱི་གཞུང་། དེའི་བཀའ་གནད་ཀྱི་དོན་འཆད་པའི་བཀའ་འགྲེལ་ཟབ་མོ་ཞལ་བཞེས་སྟོན་པ་ཞལ་གདམས་བཀའ་རྒྱ་མ་རྩ་ཁོག་ཞལ་གདམས་དང་བཅས་པའོ། །འཕྲང་དྲུག་གདམས་པ་དྲུག་གིས་སྒྲོལ་བ་འཕྲང་སྒྲོལ་གྱི་གཞུང་། དེའི་བཀའ་གནད་འཆད་པ་སྦས་པ་གནད་ཀྱི་གཏེར་མཛོད། གསང་བའི་བརྡ་སྐད་འགྲོལ་པ་སྦས་པ་གནད་ཀྱི་ལྡེ་མིག །ཡིད་ཆེས་ངེས་ཤེས་སྐྱེ་བ་ལོ་རྒྱུས། དོན་ཕྱོགས་གཅིག་ཏུ་འགྲིལ་པ་ལག་ལེན་གྱི་ཁྲིད་ཡིག་གོ། །གཞུང་ལུགས་འདིའི་ལུས་ཕྱག་ཆེན་ནཱ་རོ་ཆེན་པོའི་ཆོས་དྲུག་ཡིན་པས། བརྒྱུད་པའི་གཙོ་བོ། རྡོ་རྗེ་འཆང་། བཀའ་བབས་བཞི། རྣལ་འབྱོར་དབང་ཕྱུག་ཏིལླི་པ། ནཱ་རོ་ཆོས་ཀྱི་སྤྱན་ལྡན། སྒྲ་བསྒྱུར་མར་པ་ལོ་ཙ། 
4-414
དབང་ཕྱུག་མི་ལ་རས་པ། ཆོས་རྒྱལ་དྭགས་པོ་ལྷ་རྗེ། བདེ་གཤེགས་ཕག་མོ་གྲུ་པ། གྲུབ་ཐོབ་གླིང་ཆེན་རས་པ། ཆོས་ཀྱི་རྗེ་དཔལ་ལྡན་འབྲུག་པ། སངས་རྒྱས་དབོན་རས། རྒྱལ་བ་རྒོད་ཚང་པ། དེས་རྒྱལ་བ་ཡང་དགོན་པའོ། །ཡང་གསང་ཁྲིད་ཀྱི་བརྒྱུད་པ་ནི། ནཱ་རོ་པ་ནས། ཏི་བུ་དྲི་མེད་བཤེས་གཉེན། རས་ཆུང་རྡོ་རྗེ་གྲགས་པ། ལོ་དང་སུམ་པ་གཉིས། གླིང་རས། ཆོས་རྗེ། བཛྲ་ཛྙཱ་ན། ཡང་དགོན་པ། སྦ་བཞིའི་བརྒྱུད་པ་ནི་། རྡོ་རྗེ་འཆང་། ཏིལླི། ནཱ་རོ། ར་གང་རས་པ། འབྲི་སྒོམ་གླིང་ག་བ། མལ་ཡེར་པ་བ། བླ་མ་ཞང་། རྗེ་རོ་སྐམ་པ། སངས་རྒྱས་རས་པ། དེས་ཡང་དགོན་པའོ། ། གཏུམ་མོ་ཞག་བདུན་མའི་བརྒྱུད་པ་ནི། ཡེ་ཤེས་ཀྱི་མཁའ་འགོ་མ་ཤྲཱི་ཛྙཱན་མུ་ཏྲི། དཔལ་རྒྭ་ལོ། བླ་མ་ཞང་། རྗེ་རོ་སྐམ་པ། ཧཱུྃ་ཆོས་ཀྱི་སྐོར། མཁའ་འགྲོ་སྡེ་བཞིས་ཡང་དགོན་པ་ཉིད་ལ། གསང་སྤྱོད་མནལ་ལམ་མ་བླ་མ་ཞང་གི་ཉིད་ཀྱི་མནལ་ལམ་དུ་གནང་། འཁྲུལ་འཁོར་བཀའ་རྒྱ་བདག་མེད་མས་ཉིད་ལ། འཕྲང་སྒྲོལ་ཚེ་རིང་མས་ཉིད་ལ། གཞན་ཡང་འབྲི་ཁུང་པའི་ཟབ་ཆོས་རྣམས་སྤྱན་སྔ་རིན་པོ་ཆེ་གྲགས་པ་འབྱུང་གནས་ལ་གསན། ལམ་འབྲས་ཞ་མ་ལྕམ་སྲིང་ནས་བརྒྱུད་པ་སོགས་ཀོ་བྲག་པ་བསོད་ནམས་རྒྱལ་མཚན་ལ་གསན། ལམ་སྦས་བཤད་སོགས་ས་སྐྱ་པའི་ཟབ་ཆོས་མང་པོ་འཇམ་པའི་དབྱངས་པཎྜི་ཏ་ཆེན་པོ་ཀུན་དགའ་རྒྱལ་མཚན་ལ་གསན། 
4-415
གཞན་ཞི་བྱེད་དང་རྙིང་མ་ལ་སོགས་པ་ཉིད་ཀྱི་ཁུ་བོ་དང་། རྫིང་ཕུ་བ་དང་། དྲོད་ཆུང་པ་དང་། རས་བ་སོགས་བླ་མ་མང་པོ་ལ་གསན་པས་དེ་དག་གི་བརྒྱུད་པ་གོང་མ་དང་བླ་མ་རགས་པ་བཅུག་ནས་གསོལ་འདེབས་ཕོ་ཉ་མྱུར་མགྱོགས་ཅེས་མཛད། འདི་ལ་ལུགས་མི་ཅིག་པས། གཙོ་བོ་བགྲངས་ཀྱི། མཐར་ཆགས་སུ་འདེད་རྒྱུ་གོང་དུ་བགྲངས་པ་ལས་གཞན་དུ་མེད་དོ། །ཡང་དགོན་པ་ནས། སྤྱན་སྔ་རིན་ལྡན། ཟུར་ཕུག་པ་རིན་ཆེན་དཔལ་བཟང་། འབའ་ར་བ་རྒྱལ་མཚན་དཔལ་བཟང་། མཉམ་མེད་ནམ་མཁའ་སེང་གེ། ཡེ་ཤེས་(དྷརྨ་ཀོ་ཤ་ཟེར།)[*]མཚན། ཤ་རགས་འགྲོ་མགོན་དབང་ཕྱུག་བློ་གྲོས། རྒྱལ་དབང་རྗེ། ངག་དབང་རྗེ། ཆོས་ཀྱི་གྲགས་པ། སྒྱུ་མའི་གར་མཁན། པདྨ་དཀར་པོ། ཡང་ན་འབའ་ར་བ་ནས། བྱ་བཏང་ཡོན་ཏན་རྒྱལ་མཚན། གཉན་རས་ནམ་མཁའ་རྒྱལ་མཚན། གྲུབ་ཆེན་ཤཱཀ་འཕེལ་བ། འགྲོ་མགོན་ཆོས་སྐྱབ་དཔལ་བཟང་། དེའི་དབོན་ཤེས་རབ་དབང་པོ། འཇམ་དབྱངས་ཆོས་ཀྱི་གྲགས་པ།། །།
༄། །དཔལ་འབྲུག་པའི་ཟབ་ཆོས་ལས་བླ་མེད་ཀྱི་རྒྱུད་ཐམས་ཅད་ཀྱི་རྫོགས་རིམ་རྡོ་རྗེ་གསུམ་གྱི་བསྙེན་བསྒྲུབ་ཀྱི་གསན་ཡིག།
༄༅། །དཔལ་འབྲུག་པའི་ཟབ་ཆོས་ལས་བླ་མེད་ཀྱི་རྒྱུད་ཐམས་ཅད་ཀྱི་རྫོགས་རིམ་རྡོ་རྗེ་གསུམ་གྱི་བསྙེན་བསྒྲུབ་ཀྱི་གསན་ཡིག་གོ། རབ་འབར་རྡོ་རྗེ་བཙུན་མོའི་གཟི་བྱིན་གྱིས། །དཔལ་ལྡན་རྒྱུད་རྒྱལ་གནམ་སྔོན་བཞུ་བའི་རྒྱུན། །མི་བརྗེད་གསེར་གྱི་བྱེ་མའི་དབུས་འཛིན་མཁན། །རིན་ཆེན་དཔལ་གྱིས་འགྲོ་སྐྱོང་དེ་ལ་འདུད། །
4-416
དུས་ཀྱི་འཁོར་ལོའི་ངེས་གསང་དོན་གཉེར་བ། །དེ་དག་ཀུན་དགས་མྱོས་བྱེད་འདི་ལྟ་བུ། །མང་ཐོས་སྙེམས་པ་འཆང་གཞན་མདུན་མེད་པས། །བསམས་ཀྱིན་ལུགས་འདིར་བདག་སེམས་གུས་པ་རྒྱས། །དཔལ་ལྡན་འབྲུག་པ་ས་གསུམ་གྱི་མཆོད་རྟེན་ཆེན་པོ་གང་གི་ནང་ཚན་སྟོད་འབྲུག་གནམ་གྱི་སྐར་མ་ལྟ་བུར་གྲགས་པའི་སྐྱེས་བུ། གོ་ལུང་པ་རཏྣ་ཤྲཱི་སྒྲ་ཚད་མདོ་སྔགས་ཀྱི་སྦྱངས་པ་མཐར་ཕྱིན་ནས་རྒྱལ་བ་རྒོད་ཚང་བའི་སྤྱན་སྔར་ལོ་གསུམ་བཞུགས། ཆོས་ཉིད་ཀྱི་བདེན་པ་མངོན་སུམ་དུ་གཟིགས་བརྟུལ་ཞུགས་ཀྱི་སྤྱོད་པས་མཐར་ཕྱིན་པར་བྱ་བའི་ཕྱིར། །བླ་མའི་ལུང་གིས་ཛ་ལནྡྷ་ར་སོགས་གནས་ཆེན་མང་དུ་བྱོན་ལྷག་པར་ཨོ་ཌི་ཡ་ཎ་ཞེས་གྲགས་པ་རྡོ་རྗེ་ཐེག་པའི་ཆོས་ཀྱི་གན་མཛོད་ཆེན་པོ་བཞུགས་པ། སྤྲུལ་པའི་ཞིང་ཡེ་ཤེས་ཀྱི་མཁའ་འགྲོ་མ་རྣམས་ཀྱི་གླིང་ཆེན་པོ་དེར་དཔལ་ཡེས་ཞེས་པའི་ཞབས་འབྲིང་བ་དང་བཅས་བྱོན། ཡུལ་དེའི་དབུས་དྷཱུ་མ་ཐ་ལ་ཞེས་བྱ་བའི་ཕྱོགས་བཞིར་རིགས་བཞིའི་མཁའ་འགྲོ་ཛོ་ཀི་ནིའི་ཚུལ་མཛད་པ་བཞིས་བྱིན་གྱིས་བརླབས། ལྷག་པར་རང་བྱུང་གི་གཡུ་དྲུང་རིས་དམར་པོས་སྨིན་མཚམས་མཛེས་པའི་བུ་མོ་ཞིག་གིས་ལུང་བསྟན་ཀ་བོ་ཀ་ཞེས་པའི་གྲོང་དུ། ས་མུནྡྲ་སཱུ་ཀ་ཞེས་སྨད་འཚོང་མའི་ཚུལ་འཛིན་པ་ཞིག་དང་མཇལ་གྲོགས་ཀྱི་སྣང་བར་ཐུག་པ་རེ་སྦྱིན་པ་འཐུངས་པའི་མོད་ལ། 
4-417
ས་གཡོ་བ་དང་སྒྲ་དང་འོད་བསམ་གྱིས་མི་ཁྱབ་པ་བྱུང་ཞིང་གནས་སྦྱོང་བསམ་གྱིས་མི་ཁྱབ་པ་ཤར། གཞན་དུ་དེའི་རེག་བྱ་མཆོག་གི་རོལ་མོས་རྡོ་རྗེ་ལུས་ཀྱི་རྩའི་མདུད་པ་ཕལ་ཆེར་ཞིག་པའི་མོད་ལ། ཡུལ་དེ་དཔལ་འཁོར་ལོ་སྡོམ་པ་རིགས་ཐམས་ཅད་པའི་དཀྱིལ་འཁོར་དུ་ཤར། དབུས་ཀྱི་རྡོ་རྗེ་བཙུན་མོས་གདམས་ངག་འདི་སྩལ་ཏེ་སྐལ་བ་དང་ལྡན་པ་ལ་རྡོ་རྗེ་སེམས་དཔའི་གསེབ་ལམ་སྟོན་པའི་ས་མཁན་ཆེན་པོར་གྱུར་ཏེ། ཏིང་ངེ་འཛིན་ལས་སད་པ་ན་སྔར་གྱི་བུ་མོ་དེ་ཉིད་དུ་སྣང་བས། སླར་ལམ་བསྡུས་པ་འདི་བསྟན་ཏེ། ལུང་བསྟན་དང་བཅས་སྔར་གྱི་མཁའ་འགྲོ་མ་སྡེ་བཞི་སེང་གེའི་གདོང་པ་ཅན་དང་ལྔ་ཡིས་ཀྱང་གདམས་པ་སྣ་རེ་བསྟན་པ་མི་བརྗེད་པའི་གཟུངས་ཀྱིས་གཟུང་བ་ནས་ཐམས་ཅད་ཀྱིས་མཚན་གྲུབ་ཐོབ་ཨུ་རྒྱན་པ་ཆེན་པོ་ཞེས་གསོལ་བ་དེས་སླར་བོད་ཡུལ་དུ་བྱོན་ནས་ཡུན་རྒྱངས་པ་ན་སྐྱི་རོང་དུ་བྱོན། ཤར་གངས་སུ་གཡའ་བཟངས་པ་སྣུབས་འདུལ་བ་འཛིན་པའི་དཔོན་རིན་པོ་ཆེ་མཁར་ཆུ་བར་གྲགས་པ་དེ་བྱོན། གསོལ་བ་བཏབ་པས་མཁའ་འགྲོའི་བཀའ་རྒྱ་ཐེམས་ལུང་བསྟན་གྱི་སློབ་མར་དགོངས་ཏེ། གཞུང་ཡི་གེར་བཀོད། ཁོང་གིས་ཀྱང་དམིགས་རྐང་རེ་ལ་གསེར་ཞོ་རེའི་མེ་ཏོག་ཕུལ་ཏེ་ཞུས། ཁོང་རང་གི་བརྗེད་ཐོ་བསྡུས་པ་ཞིག་མཛད་དོ། །
4-418
དེ་ནས་མྱ་ངན་འདའ་བ་མ་བསྟན་པར་དུ་སློབ་མའི་ཚོགས་བསམ་གྱིས་མི་ཁྱབ་པ་ཞིག་ལ་གནང་བས་སོ་སོས་བརྗེད་ཐོ་རེ་ཙམ་བྲིས་པས་ཡི་གེ་དུ་མ་ཞིག་གོ། དེ་དག་ལས་རྡོ་རྗེའི་ཚིག་རྐང་ལ་འགྲེལ་བ་རྗེ་གྲུབ་ཐོབ་ཆེན་པོ་ཉིད་ལ་ཉིད་ཀྱི་གཅེན་ཞང་གཞོན་ནུ་དཔལ་(གོ་ལུང་པ།)[*]གྱིས་བྲིས་པ་ལ་ལན་འདེབས་སུ་མཛད་པ་ཁོང་གིས་ཡི་གེར་བཏབ་པ་དང་། མཁས་བཙུན་བསོད་ནམས་འོད་ཟེར་བས་མཛད་པའི་ཊིག་ཆེན་དང་། མཁས་པ་ཤོང་སྟོན་དང་། སྙེ་མདོ་པ་ཀུན་དགའ་དོན་གྲུབ་ཀྱིས་མཛད་པ་བཞི་ལ་འགྲེལ་ཆེན་བཞི་ཟེར། གཞན་མང་པོ་ཞིག་ཡོད་ཀྱང་བཀའ་ལུང་མི་སྣང་། ཟླ་སེང་བས་མཛད་པ་མན་ངག་གི་གླེགས་བམ་དུ་ཐུས། མན་ངག་གི་གླེགས་བམ་ལ་དངོས་ཀྱི་སློབ་མ་རྣམས་ཀྱི་ནང་ན་ཟླ་སེང་པ་ཁྲིད་གཉེར་ལ་རྒྱུན་རིང་། ཁོང་གི་མཆེད་པོ་རྣམས་ཀྱི་ཟིན་བྲིས་ཀྱང་གཟིགས། དག་སྡུར་རྗེ་ཨུ་རྒྱན་པ་ཉིད་ལ་ཞུས་པས། ཁྲིད་ཡུགས་ལ་འདི་སྙིང་པོར་མཛད་དོ། །དེའི་གླེགས་བམ་ལ། ལོ་རྒྱུས་རིན་ཆེན་ཕྲེང་པ། ཨུ་རྒྱན་སྤྲུལ་པའི་ཞིང་གི་ལམ་ཡིག་གྲུབ་ཆེན་ཉིད་ཀྱིས་མཛད་ལ། སྔོན་འགྲོའི་ཡི་གེ། རྡོ་རྗེའི་ཚིག་རྐང་། བསྡུས་དོན་འགྲེལ་བཤད་ཡིད་བཞིན་ནོར་བུ། མདོ་སྦྱར་དང་། བསྙེན་བསྒྲུབ་གཉིས་ཀྱི་ཁྲིད་ཡིག་དང་གསེར་གྱི་སྙེ་མ་གསུམ་མཁར་རྒུ་བའི་ཟིན་བྲིས། 
4-419
ཡང་བསྙེན་བསྒྲུབ་གཉིས་ཀྱི་ཁྲིད་ཡིག་རླུང་འཛིན་སྟངས་ལྔའི་ཟིན་བྲིས། བར་རླུང་གི་ཁྲིད་ཡིག །འཁྲུལ་འཁོར་བཅུ་བདུན་པ་དང་ལྔ་བཅུ་པ་ཕྲ་ཐིག་གི་ཟུར་བཀོལ། ལུས་འཆི་མེད། དེའི་འཁྲུལ་འཁོར། བྱང་སེམས་འགྱུར་མེད། དེའི་འཁྲུལ་འཁོར། ཚེ་སྒྲུབ་པ་དང་འཕོ་བ་གསེར་སྲང་མ་གཉིས། རང་ལུས་ཕྱི་ནང་གསང་གསུམ་གྱི་འཁྲུལ་འཁོར། འཕོ་བའི་ཞལ་གདམས། རིགས་བཞིའི་གདམས་ངག་ལས་གཅིག་མའང་སྐལ་བཟངས་ཀྱི་ཟིན་བྲིས། གཏུམ་མོ། རིགས་དྲུག་ས་བོན་སྲེག་ལུགས། ཟབ་ལམ་ཡིད་བཞིན་ནོར་བུ། ཨོཾ་རྒྱ་ཅན། ཨཱཿརྒྱ་ཅན། ཧཱུྃ་རྒྱ་ཅན། དབང་གི་ཞུ་ལན་གྱི་ལོ་རྒྱུས། ཐབས་ལམ་དཀྱིལ་ཆོག །ཕྱག་རྒྱ་བརྟགས་པ། དགུག་སྦ། དབྱུང་སྲོག་གི་ཡིག་ཆུང་། རྗེ་ཉིད་ཀྱི་ཐོ་ཡིག །དབང་བཞི་སྨར་ཁྲིད། ཆུ་འཐུང་། དྲི་མེད་རིགས་ལྔའི་བཅུད་ལེན། བདུད་རྩི་ལྔ་ཕྲུགས། གཞན་ལུས་ཕྱི་ནང་གསང་གསུམ་གྱི་འཁྲུལ་འཁོར། ཡང་གསང་གི་འཁྲུལ་འཁོར། རྩ་རླུང་སྒྲ་གཅན་གྱི་ཆིངས། བྱང་སེམས་འགྱུར་མེད་རྩ་འགྲེལ། ངོ་སྤྲོད་ཀྱི་ཡི་གེ་གསུམ། སྙན་བརྒྱུད་མ་ཆེ་བ། བདུད་རྩི་འཕྲེང་བ་གསུམ། རིན་ཆེན་ཕྲེང་པ། སྨན་དཔྱད་མ། གྲགས་བྱང་ཞུས་ལན། ཐོར་བུ་བ་སློབ་མ་བདུན་ལ་གནང་བའི་ཞལ་གདམས་ཧ་དམིགས། ལྟག་འཐེན། ཞལ་གདམས་སྙན་བརྒྱུད་མ་ཆུང་བ། དབྱུག་བཅོས་ཏེ། མཛད་བྱང་དམིགས་བསལ་མེད་པ་ཐམས་ཅད་ཟླ་སེང་བ་ཉིད་ཀྱིས་ཟིན་བྲིས་རྐྱང་ཡིན། 
4-420
ཡང་འབྲོག་རྒྱ་ཟོར་བའི་ཐུགས་རྡོ་རྗེའི་སྐོར། རོལ་པའི་རྡོ་རྗེའི་ཟིན་བྲིས། རྗེས་སུ་བདག་གིས་འགྲེལ་བཤད་རྡོ་རྗེ་འཆང་གི་དགོངས་རྒྱན། དྲིས་ལན་གྱི་སྒོ་ནས་བཀའ་གནས་བཤད་པ། ཁྲིད་མཁའ་འགྲོའི་སྲོག་སྙིང་། གྲུབ་པའི་སྙིང་ཏིག་གིས་ལེགས་པར་གཏན་ལ་ཕབ་པའོ། །དེ་དག་གི་བརྒྱུད་པ་ནི། རྡོ་རྗེ་རྣལ་འབྱོར་མ། གྲུབ་ཐོབ་ཨུ་རྒྱན་པ། ཟླ་བ་སེང་གེ །བྱང་ཆུབ་སེང་གེ །འཕགས་པ་བསོད་ནམས་དཔལ་བ། རྒོད་ཕྲུག་ཆོས་རྗེ། གྲགས་པ་འབྱུང་གནས། གྲུབ་ཆེན་རྒྱ་མཚོ་དཔལ་པ། ཁ་རག་གྲུབ་ཆེན་བསོད་ནམས་རྒྱལ་པོ། ཐམས་ཅད་མཁྱེན་པ་རྒྱལ་(དེས་དུ་མ་ལ་གསན་ཀྱང་རྒྱུད་པ་གཙོ་བོ་འདི།)[*]དབང་ཆོས་རྗེ། ངག་དབང་ཆོས་ཀྱི་རྒྱལ་པོ། རྒྱལ་ཚབ་དམ་པ་ངག་གི་དབང་ཕྱུག་གྲགས་པ་རྒྱལ་མཚན་དཔལ་བཟང་པོ། །དེས་མི་ཕམ་པདྨ་དཀར་པོ་ཕྱོགས་ཐམས་ཅད་ལས་རྣམ་པར་རྒྱལ་བའི་ལྷ་ལའོ། །ཡང་། རྒྱལ་ཚབ་དམ་པས་ཕྱག་བཞེས་ཞིབ་མོར་མཛད་པའི་ཕྱིར། ཀོང་སྟོན་ཀུན་དགའ་ལྷུན་གྲུབ་པ་(མེ་རག་མདོ་པ།)[*]ལ་ཡང་འདི་ཀ་རྫོགས་པར་གསན་པས་དེ་ནས་བརྒྱུད་པ་ཡང་། སྤྲོ་ན་འདེད་དོ། །གོ་ལུང་པའི་རྣམ་བཤད་ཀྱི་བརྒྱུད་པ་ནི། ཨུ་རྒྱན་པ། གོ་ལུང་པ་གཞོན་ནུ་དཔལ། ཐར་ལོ་ཉི་མ་རྒྱལ་མཚན། བུ་སྟོན་རིན་ཆེན་གྲུབ། དཔལ་ལྡན་བླ་མ་དམ་པ་བསོད་ནམས་རྒྱལ་མཚན། གྲུབ་ཆེན་བསོད་ནམས་སེང་གེ། 
4-421
སྤྱང་ལུང་པ་གཞོན་ནུ་བློ་གྲོས། རྒྱལ་དབང་རྗེའོ། །མཁས་བཙུན་པའི་ཁྲིད་དང་ཊི་ཀའི་བརྒྱུད་པ། ཨུ་རྒྱན་པ། མཁས་བཙུན་བསོད་ནམས་འོད་ཟེར། གྲགས་པ་དཔལ། དེ་ལ་འཕགས་ཆེན་བསོད་ནམས་དཔལ་བས་སོ། །ཤོང་སྟོན་གྱི་འགྲེལ་བའི་བརྒྱུད་པ། ཨུ་རྒྱན་པ། ཤོང་ལོ་ཙ་བ་རྡོ་རྗེ་རྒྱལ་མཚན། མཁན་པོ་ལས་ཞིང་པ་ཆོས་དཔལ་བཟང་པོ། བླ་མ་མི་ཉག་པ་བསོད་ནམས་རྒྱལ་པོ། མངའ་རིས་པ་ཚུལ་ཤེ །བླ་མ་ཚུལ་མགོན་པ། བླ་མ་སངས་རྒྱས་བཟང་པོ། གྲུབ་ཆེན་རྒྱ་མཚོ་དཔལ་ལོ། །སྙེ་མདོ་བའི་རྣམ་བཤད་ཀྱི་བརྒྱུད་པ། ཨུ་རྒྱན་པ། སྙེ་མདོ་བ་ཀུན་དགའ་དོན་གྲུབ། ཀརྨ་པ་རང་བྱུང་རྡོ་རྗེ། གཡག་སྡེ་པཎ་ཆེན། མཁས་བཙུན་གཞོན་ནུ་འོད། སྤྱང་ལུང་པ་གཞོན་ནུ་བློ་གྲོས། རྒྱལ་དབང་རྗེའོ། །འདིའི་ཟུར་བཀོལ་ཚ་ཆུང་བའི་བར་རླུང་གི་ཁྲིད་ཀྱི་བརྒྱུད་པ་ནི། ཨུ་རྒྱན་པ། ཚ་ཆུང་པ། ཟླ་སེང་པ། ཇོ་ནང་སྒོམ་ཆེན། བྱ་བཏང་གཞོན་ནུ་བ། མཚན་ལྡན་སྤྲུལ་པའི་ཡུམ་ཆེན། རི་ཁྲོད་མ་དཔལ་ལྡན་མཚོ་མོ། རྟོགས་ལྡན་གུ་རུ་བསམ་གྲུབ། བཀའ་རབ་འབྱམས་པ་དཀོན་མཆོག་བསམ་གྲུབ། དེས་ནམཁའ་བསོད་ནམས་དཔལ་འབྱོར། དེས་ཆོས་རྗེ་ཀུན་དགའ་ལྷུན་གྲུབ།(མེ་རག་མདོ་པ།)[*] དེས་རྒྱལ་ཚབ་དམ་པ་ལ། དེས་པདྨ་དཀར་པོ་ལའོ།། །།
༄། །དཔལ་ལྡན་འབྲུག་པའི་ཟབ་ཆོས་ལས་བླ་མེད་ཀྱི་རྒྱུད་སྡེ་སྤྱིའི་རྫོགས་རིམ་སྦྱོར་དྲུག་གམ་བསྙེན་སྒྲུབ་གསར་མའི་གསན་ཡིག་བཞུགས་སོ།།
༄༅། །དཔལ་ལྡན་འབྲུག་པའི་ཟབ་ཆོས་ལས་བླ་མེད་ཀྱི་རྒྱུད་སྡེ་སྤྱིའི་རྫོགས་རིམ་སྦྱོར་དྲུག་གམ་བསྙེན་སྒྲུབ་གསར་མའི་གསན་ཡིག་བཞུགས་སོ། །
4-422
སྤྱན་རས་གཟིགས་དབང་བཅུ་དྲུག་ཆ་གང་བའི། །བདུད་རྩིས་གཏམས་པའི་དཔལ་ལྡན་དཔེ་མེད་འཚོའི། །ཕྱག་གི་ལེགས་བཤད་ཀུ་མུཏྟ་ཡི་འཕྲེང་། །གཙུག་ཏུ་ལེན་མཛད་ཐམས་ཅད་ཕྱག་བྱའི་གནས། །ཤར་ཕྱོགས་གྲོང་ཁྱེར་དམ་པའི་ཤིང་རྟ་ཆེ། །རྣམ་གྲོལ་ལམ་ཆེན་བདེ་བར་བཟོ་བྱེད་པ། །བྱང་རྒྱུད་དད་པའི་ཤ་ར་བྷ་བཟང་པོའི། །ཤུགས་ཀྱིས་དྲངས་འདི་བདག་གི་བླ་མའི་དཔྱིད། །ཨ་ནུ་པ་མ་རཀྵི་ཏ་དཔེ་མེད་འཚོ་ཞེས་པ་ཕྱི་ནང་གི་རིག་པ་ལ་སྒོམ་པ་གོམས་པའི་ཐུགས་ཅན། དཔལ་ཁ་སརྤ་ཎིའི་དྲུང་དུ་ལོ་བཅུ་གཉིས་སུ་བཞུགས་ནས། དམིགས་པ་དང་རྟོག་པ་མེད་པའི་དེ་ཁོ་ན་ཉིད་ཀྱི་མན་ངག་བསྒོམས་རྟོགས་པའི་ཁྱད་པར་ཅི་ཡང་མ་ཐོབ་ནས་ཡིད་ཞུམ་པ་ན། རྡོ་རྗེ་རྣལ་འབྱོར་མས། བུ་བི་ཀྲ་མ་པུ་རིར་སོང་ཞིག་དེར་ཁྱོད་ལ་རྟོགས་པ་འབྱུང་བར་འགྱུར་རོ། །ཞེས་ལུང་བསྟན་པའི་བཀའ་སྤྱི་བོར་གཞག་ནས་སློབ་མ་པཎྜི་ཏ་ཆེན་པོ་ལེགས་པའི་བུ་དཔལ་འཛིན་དང་ལྷན་ཅིག་བི་ཀྲ་མ་པུ་རིར་བྱོན་ཏེ། དུས་མཆོད་ཞིག་གི་ཚེ་ཐུགས་དམ་གྱི་རིམ་པ་ལ་བཞུགས་པ་ལས། ནམ་ཕྱེད་ཀྱི་དུས་སུ་བཅོམ་ལྡན་འདས་ཨ་ཝ་དྷཱུ་ཏིའི་ཆ་བྱད་ཅན་བྱོན་ནས། བུ་དེ་ཁོ་ན་ཉིད་ནི་འདི་ཡིན་ནོ་ཞེས་མངོན་སུམ་དུ་གདམས་པ་སྩལ། དེ་ཐོས་མ་ཐག་ཏིང་ངེ་འཛིན་ལ་སྙོམས་པར་ཞུགས་སོ། །
4-423
བཅོམ་ལྡན་འདས་དེ་ནི་མི་སྣང་བར་གྱུར་ནས་མཚན་མོ་འདས་པའི་ཚེ་ཏིང་ངེ་འཛིན་དེ་ལས་བཞེངས་ཏེ་དཔལ་འཛིན་ལ་སོགས་པའི་དོན་དུ་སྦྱོར་བ་ཡན་ལག་དྲུག་པའི་མན་ངག་མཛད། དེ་ལ་ཕྱིས་ཉི་མ་དཔལ་ཡེ་ཤེས་ཀྱིས་འགྲེལ་པ་ཡོན་ཏན་འགེངས་པ་ཞེས་པ་མཛད་པ་གཉིས་དང་། རྒྱལ་དབང་རྗེའི་གསུང་ཟིན་བྲིས་ཀྱི་བཤད་པ་དང་ཁྲིད་ཞིབ་མོར་ཐོབ་པའི་དོན་སླར་བདག་གིས་རྡོ་རྗེའི་ཚིག་འབྱེད་དུ་གཏན་ལ་ཕབ་པའི་བརྒྱུད་པ་ནི། སྤྱན་རས་གཟིགས། དཔེ་མེད་འཚོ། པཎྜི་ཏ་ཆེན་པོ་སཱ་དྷཱུ་པུ་ཏྲ་མཚན་དངོས་དཔལ་འཛིན། འོད་བྱེད་ལྷ། ཆོས་འབྱུང་ཞི་བ། ཉི་མ་དཔལ་རཏྣ་རཀྵི་ཏ། མི་དབང་བློ། ཕྱོགས་གྲེལ། ཤཱཀྱ་འཚོ། རྗེ་ལེགས་སྐྱེས། སངས་རྒྱས་དབྱངས། མཧཱ་པཎྜི་ཏ་ནགས་ཀྱི་རིན་ཆེན། རྒྱལ་བའི་དབང་པོ་ཀུན་དགའ་དཔལ་འབྱོར། འབྲུག་པ་རིན་པོ་ཆེ་ངག་དབང་ཆོས་ཀྱི་རྒྱལ་པོ། འཇམ་པའི་དབྱངས་ཆོས་ཀྱི་གྲགས་པའམ། ཡང་རྒྱལ་དབང་རྗེས། དགེ་སློང་རིན་ཆེན་རྣམ་རྒྱལ། འཇམ་དབྱངས་ཆོས་ཀྱི་གྲགས་པ། ཀུན་སྤངས་རྗེ། དེས་པདྨ་དཀར་པོ་ལའོ། ཡང་། པཎ་ཆེན་ནས། རྒྱལ་སྲས་མི་ཕམ་དགའ་བའམ། མཚན་གཞན་བྱམས་པ་གླིང་པ་བསོད་ནམས་རྣམ་པར་རྒྱལ་བས་མཛད་པའི་སྦྱོར་དྲུག་ཡོངས་སུ་རྫོགས་པ་དེ་ཉིད་ཀྱིས་རྒྱལ་དབང་རྗེ་ལ་དང་། ཡང་། དཔལ་ཡིད་བཟང་རོལ་པ། མཚན་དངོས་འགོས་ལོ་གཉིས་པ་གཞོན་ནུ་དཔལ་གྱིས་མཛད་པའི་སྦྱོར་བ་ཡན་ལག་དྲུག་པ་ཡོངས་སུ་རྫོགས་པའང་དེ་ཉིད་ཀྱིས་རྒྱལ་དབང་རྗེ་ལ་དང་། 
4-424
ཡང་པཎ་ཆེན་གྱི་དངོས་སློབ་ཁྲུས་ཁང་ལོ་ཙ་བ་བསོད་ནམས་རྒྱ་མཚོའི་སྡེས་མཛད་པའི་སྦྱོར་དྲུག་རྒྱས་པ་དང་། པཎ་ཆེན་གྱི་གསུང་གཙང་མ་དེས་བསྒྱུར་བར་བཤད་པ་ཡེ་རང་མ་ཞེས་པ་གཉིས། དེ་གཉིས་གྲུབ་ཆེན་གཡམ་སྤྱིལ་པ་བློ་གྲོས་ཆོས་རྒྱལ། དེས་འབྲུག་པ་རིན་པོ་ཆེ་ངག་དབང་ཆོས་ཀྱི་རྒྱལ་པོ་ལ། དེས་པདྨ་དཀར་པོ་ལའོ། །པཎྜི་ཏ་ཆེན་པོ་ནགས་ཀྱི་རིན་ཆེན་རྒྱ་གར་ཤར་ཕྱོགས་ཀྱི་གྲོང་ཁྱེར་དམ་པར་རྒྱལ་པོར་འཁྲུངས། རྒྱལ་སྲིད་དང་དུ་མ་བཞེས་པར་བླ་མ་ཆེན་པོ་སངས་རྒྱས་བསྐྱངས་ལ་རབ་ཏུ་བྱུང་སྟེ་རིག་པའི་གནས་ལྔ་ལ་མཁས་པར་སྦྱངས་ཏེ། རྣལ་འབྱོར་གྱི་དོན་དུ་སིངྒ་ལི་དང་། རྒྱ་གར་ལྷོ་ཕྱོགས་དཔལ་འབྲས་སྤུངས་ཀྱི་མཆོད་རྟེན་ཆེན་པོ་དཔལ་གྱི་རི་ལ་སོགས་པ་གཟིགས། དེར་ཤ་ཝ་རི་དབང་ཕྱུག་གི་ཞལ་གཟིགས་ཁྱོད་བྱང་ཕྱོགས་ཀྱི་བརྒྱུད་དུ་སོང་ཞིག་དང་འདོད་པའི་དོན་འགྲུབ་པར་འགྱུར་རོ་ཞེས་ཐོས་ནས་ཡུལ་དེ་ནས་བལ་ཡུལ་དུ་བྱོན། འཕགས་པ་ཤིང་ཀུན་ཏུ་ཤ་ཝ་རི་དབང་ཕྱུག་གིས་གདམས་པ་འདི་སྩལ། འདོད་པའི་དངོས་གྲུབ་ཆེན་པོ་འགྲུབ་པར་གྱུར་པ་ཡིན། དེས་གདམས་ངག་འདི་ལ་ལྕེ་རྩེ་རྐན་སྦྱར་ཞེས་བྱ། གཞུང་དེའི་མན་ངག་ལེགས་པར་ཐོབ་པའི་བརྒྱུད་པ་ནི། ཤ་ཝ་ར། པཎ་ཆེན་པ་ན་རཏྣ། རྒྱལ་དབང་རྗེ། དགེ་སློང་རིན་ཆེན་རྣམ་རྒྱལ། 
4-425
འཇམ་དབྱངས་ཆོས་ཀྱི་གྲགས་པ། ཀུན་སྤངས་སྒྱུ་མའི་གར་མཁན། དེས་བདག་པདྨ་དཀར་པོ་ལའོ། །རྗེ་ཡིད་བཟང་རྩེ་བས་མཛད་པའི་དོ་ཧ་མཛོད་སྦྱོར་དྲུག་ཏུ་བཀྲལ་བ་འདི་ཡང་། པཎ་ཆེན་གྱི་ལུགས་དྲི་མ་མེད་པ་ཡིན་པས་དེའི་བརྒྱུད་པ་ཡང་། ཤ་ཝ་ར། པཎ་ཆེན། ཡིད་བཟང་རྩེ་པ། རྒྱལ་དབང་རྗེའོ།། །།
༄། །དཔལ་འབྲུག་པའི་ཟབ་ཆོས་ལས་བདེ་ཆེན་སྐོར་གསུམ་གྱི་གསན་ཡིག།
༄༅། །དཔལ་འབྲུག་པའི་ཟབ་ཆོས་ལས་བདེ་ཆེན་སྐོར་གསུམ་གྱི་གསན་ཡིག །ཆགས་པའི་རྦ་གློང་མི་བཟད་ཚུབ་ཆུད་ལ། །བདེ་ཆེན་ཐབས་ཀྱི་བདེན་སྟོབས་འདི་ཞུགས་པས། །དེ་ཁ་འདོད་པའི་རིན་ཆེན་ལེན་སྐྱེན་པ། །དེ་ཕྱིར་རྡོ་རྗེའི་ཐེག་སྟོན་མཆོད་པར་སེམས། །འདིར་སྟོད་འབྲུག་གནམ་གྱི་སྐར་མ་ལྟ་བུར་གྲགས་པའི་ནང་ནས་འཕྲིན་ལས་ཀྱི་བ་དན་སྐྱོང་བ་ལ་མཚུངས་པ་མེད་པ། ཆོས་རྗེ་འབའ་ར་བ་ཆེན་པོ་མཚན་དངོས་རྒྱལ་མཚན་དཔལ་བཟང་པོའི་ཆོས་དྲུག་གི་ཡིག་ཆུང་། ཕྱིས་འཇམ་པའི་དབྱངས་ཆོས་ཀྱི་གྲགས་པས་ཆེས་རྒྱས་པར་མཛད་པ་བདེ་ཆེན་སྐོར་གསུམ། འདོད་ཆགས་དྲག་པོ་རང་ལམ་དུ་བྱེད་པའི་གདམས་ངག་འདི་ལགས་ཅིག་ཅར་བའི་ལམ། རིམ་གྱིས་པ་ལ། སྐུ་རྡོ་རྗེའི་ཉམས་ལེན། གསུང་རྡོ་རྗེའི་ཉམས་ལེན། ཐུགས་རྡོ་རྗེའི་ཉམས་ལེན། སྐུ་རྡོ་རྗེའི་ངོ་སྤྲོད། གསུང་རྡོ་རྗེའི་ངོ་སྤྲོད། བོགས་འདོན་སྒྲ་བརྙན་ངོ་སྤྲོད། ཐུགས་རྡོ་རྗེའི་ངོ་སྤྲོད། མོ་ཁྲིད་རྡོ་རྗེ་ཕག་མོ་གསང་བའི་ཉེ་ལམ། ཕག་མོ་གསང་བའི་ཉེ་ལམ་གྱི་འཁྲུལ་འཁོར་རྩ་ཚིག་ཞལ་གདམས། 
4-426
མཁའ་འགྲོ་བུང་བའི་མདོག་ཅན་གྱི་གསང་མཛོད། གེགས་སེལ་ལཱ་མའི་གསང་མཛོད། བདེ་བའི་ལྕགས་ཀྱུ་དུམ་སྐྱེས་མ། བཅུད་ལེན་གཟུགས་ཅན་སྙིང་པོ། ཁྭ་གདོང་མ་ལ་བརྟེན་པའི་མི་སྣང་བའི་གདམས་པ། འུག་གདོང་གྱེན་འདྲེན་གྱི་གདམས་པ། ཁྱི་གདོང་མངོན་པར་རྒྱས་པའི་གདམས་པ། ཕག་གདོང་གྱེན་འདྲེན་གྱི་གདམས་པ། བསྟན་མ་གྱེན་འདྲེན་གྱི་གདམས་པ། ཕོ་ཉ་གྱེན་འདྲེན་གྱི་གདམས་པ། གཡུ་སྒྲོན་མའི་སྒྲུབ་ཐབས་མཆེ་བ་ཅན་མ། དུག་ལྔ་འཇོམས་བྱེད་ཡིད་བཞིན་ནོར་བུ། ཐེམ་ཡིག་པདྨ་དཀར་པོ་རྣམས་འཇམ་དབྱངས་ཆོས་ཀྱི་གྲགས་པས་མཛད། ཞལ་ཤེས་དེ་ཉིད་ཀྱི་ཟིན་བྲིས་རྣམས་ཐོབ་པའི་བརྒྱུད་པ་ནི། རྡོ་རྗེ་འཆང་། དུས་ཀྱི་འཁོར་ལོ། རྡོ་རྗེ་རྣལ་འབྱོར་མ། འབའ་ར་བ་རྒྱལ་མཚན་དཔལ། བྱ་བཏང་ཡོན་རྒྱལ་བ། གཉན་རས་ནམ་མཁའ་རྒྱལ་མཚན། རྒྱལ་དབང་རྗེ། གྲུབ་ཆེན་ཤཱཀྱ་འཕེལ་བ། མཚུངས་མེད་འགྲོ་བའི་མགོན་པོ། འཇམ་དབྱངས་ཆོས་ཀྱི་གྲགས་པ། ཀུན་སྤངས་རིན་པོ་ཆེ་ཤེས་རབ་རྒྱ་མཚོ། དེས་པདྨ་དཀར་པོ་ལའོ།། །།
༄། །ངམ་རྫོང་སྙན་བརྒྱུད་ཀྱི་གསན་ཡིག།
༄༅། །ངམ་རྫོང་སྙན་བརྒྱུད་ཀྱི་གསན་ཡིག །རིགས་བརྒྱའི་ཐིག་ལེས་ཆོས་ཀྱི་རྒྱལ་སྲིད་ཆེའི། །བདག་པོར་དབང་བསྐུར་བློ་གྲོས་ནོར་གྱི་ཚོགས། །ཀུན་ལ་སྦྱིན་པའི་ཤུགས་ཅན་ཞབས་སེན་ཟླ། །སྤྱི་བོར་བསྐུར་བས་རྨོངས་པའི་མུན་པ་ཞི། །ངམ་རྫོང་པ་ཆེན་པོའི་སྙན་བརྒྱུད་དུ་གྲགས་པའི་ཆོས་སྡེ་ལ། དབང་དང་འབྲེལ་བ་རྒྱུད་ཀྱི་གདམས་པ་ལ། 
4-427
སྨིན་ལམ་ལུས་དཀྱིལ། དེའི་བུམ་དབང་དང་གོང་མ་གསུམ་གྱི་ཆོ་ག་གུང་ཐང་རས་པས་མཛད། གྲོལ་ལམ་གྱི་ཐུན་མོངས་ཡིད་བཞིན་ནོར་བུའི། རྒྱལ་པོ་ཆོས་ཉིད་མི་འགྱུར་བ་ལ། རྒྱས་པ་སྒྲུབ་ཐབས་ནཱ་རོ་པས་མཛད་པ་གསང་བ་རིན་པོ་ཆེ། དེའི་དོན་འགྲེལ་མར་པས། བསྡུས་པ་དང་། ཐབས་ཤེས་ཟུང་འབྲེལ་དེས་ལྷན་སྐྱེས་མངོན་སུམ་དུ་ལྟ་བ་ངམ་རྫོང་པས། དམ་ཚིག་ཡིད་བཞིན་ནོར་བུ་ལ། དམ་ཚིག་མར་པས། ཕྱིར་བཅོས་གཉིས་ངམ་རྫོང་པས། གནས་ལུགས་ཡིད་བཞིན་ནོར་བུ། སྟེང་སྒོ། འོག་སྒོ། གསང་བ་ཉི་ཟླ་ཁ་སྦྱོར། མཁའ་སྤྱོད་སྒྲུབ་པ་མགོ་ཡགས་ཀྱི་ཟིན་བྲིས། འདི་རྣམས་གསང་བ་རིན་པོ་ཆེའི་རྒྱ་གཞུང་གིས་ཟིན་པ། གཉིས་པ་བྱིན་རླབས་དང་འབྲེལ་པ་གནས་ལུགས་ཡིད་བཞིན་ནོར་བུ་ལ། རྒྱ་གཞུང་གསང་བ་རིན་པོ་ཆེའི་གཞུང་ཆུང་གི་བྱིན་རླབས་བསྟན། དེའི་ལག་ལེན་གཙང་འཕྲང་པས། རྫོགས་རིམ་དྲིལ་བུ་པས་མཛད་པའི་རིམ་ལྔ། དེའི་དོན་འགྲེལ་ཁྲིད་ཡིག་མར་པས་མཛད་པ་རྣམས་གུང་ཐང་པས་ཐོ་ཡིག་བཏབ། བརྡ་དང་འབྲེལ་པ་ངོ་སྤྲོད་ཀྱི་གདམས་པ་ལ། སིནྡུ་རའི་དཀྱིལ་འཁོར་དུ་རྡོ་རྗེ་ཡེ་ཤེས་ཀྱི་དབང་བསྐུར་བ་དེའི། འདི་ཕག་མོ་ལྷ་ལྔ་ཡིན་པས། ནཱ་རོ་པས་ཏི་པུ། དེས་རས་ཆུང་པ། དེས་རྗེ་བཙུན་ལ་ཕུལ་བས། ལུས་མེད་མཁའ་འགྲོའི་སྒྲུབ་ཐབས་འདི་ལ་མེད། 
4-428
གཞན་གཞུང་དགུ། འགྲེལ་པ་གཉིས། བདེ་ཆེན་གསུང་གི་རིན་ཆེན་གྱི་ཞལ་གདམས་ཀུན་བསྟེན་པས་རྒྱུད་ཀྱི་གདམས་པ་ལ། རྡོ་རྗེ་འཆང་། ཏིལླི། ནཱ་རོ། མར་པ། མར་པ་མགོ་ཡགས། ངམ་རྫོང་པའོ། །སྙན་བརྒྱུད་ལ། བདེ་མཆོག །རྡོ་རྗེ་དྲིལ་བུ་པ། ཙརྱ་པ། ཏིལླི་པ། ནཱ་རོ་པ། མར་པ། མགོ་ཡགས། ངམ་རྫོང་པ། ངོ་སྤྲོད་ཀྱི་གདམས་པ་ལ། ཡེ་ཤེས་མཁའ་འགྲོ། ཏིལླི། ནཱ་རོ། ཏི་བུ། རས་ཆུང་། མི་ལ། ངམ་རྫོང་པ། དེས་གུང་ཐང་རས་པ་དང་གཡག་ཕུ་པ་གཉིས་ལ། གཡག་ཕུ་པས་གླིང་། དེས་ཆོས་རྗེ་རྒྱ་རས། ཞེས་བཛྲ་ཛྙཱ་ན། དེས་ཡང་དགོན་པ། དེ་ལ་ལས་སྟོད་པ་བདེ་མཆོག་སངས་རྒྱས། དེས་སྤྲུལ་སྐུ་ཤེས་ཡེས་སོ། །གུང་ཐང་པས་རྒྱ་ཕོ་བ་ལུང་བ། དེས་གཙང་ཕྲང་བ། དེ་ལ་སྤྲུལ་སྐུ་ཤེས་ཡེས། དེས་རྫ་རི་རས་པ། དེས་སྐྱེ་མཆོག་སྨོན་ལམ་དཔལ། དེས་ལུང་མངས་པ། དེས་རྒྱལ་དབང་རྗེ། དེས་ངག་དབང་ཆོས་ཀྱི་རྒྱལ་པོ། ངེས་གཅུང་རིན་པོ་ཆེ། དེས་པདྨ་དཀར་པོ་ལའོ། །ཡང་རྗེ་བཙུན་མར་པའི་སྙན་གྱི་ཤོག་དྲིལ་བཞི་པར་གྲགས་པ། རྩ་རླུང་དྲ་མིག་འཁོར་ལོ། འཕོ་བ་སྤྱི་རྡོལ་མ་གཉིས་ནཱ་རོ་པའི་གསུང་། ཕྱག་ཆེན་ཚིག་བསྡུས་དང་བར་དོ་བློ་ཆོད་གཉིས་མཻ་ཏྲི་པ། དེ་དག་གི་ལོ་རྒྱུས་ཁྲིད་ཞལ་གདམས་ཀུན་གྲུབ་ཐོབ་ཆེན་པོ་གླིང་གིས་མཛད་པ་དེའི་བརྒྱུད་པ་ནི། 
4-429
རྗེ་བཙུན་ནཱ་རོ། མཻ་ཏྲི། མར་པ་ལོ་ཙ། དེས་མཚུར་དབང་ངེ་། ཞེས་ཕོ་བ་སྤྱི་རྡོལ་བ་སྐུ་མཆེད་གཉིས་ལ། དེས་འཇད་ཕུ་རྒྱ་རས། དེས་སྟོད་ལུང་འགར་རས། སློབ་དཔོན་ཉི་མ་ལུང་པ། བདེ་ལེགས་རིན་ཆེན། གླིང་། བཞི་ཀ་ཚང་བ་མཚུར་གྱིས། མྱགས་སྒོམ་དགེ་ཆུང་། ཁོང་གིས་དགས་པོ་གདུང་རྩེ། དེས་ཉི་མ་ལུང་པ་ལ། དེས་བདེ་ལེགས་རིན་ཆེན། གླིང་རས། ཉི་མ་ལུང་པས་མེས་ཀྱི་བསྲེ་བ་གསུམ་ཡང་གནང་ངོ་། །གླིང་གིས་ཆོས་རྗེ་རྒྱ་རས། དེས་དབོན་རས། དེས་རྒོད་ཚང་པ། ཡང་དགོན། སྤྱན་སྔ་བ། ཟུར་ཕུག་པ། འབའ་ར་བ། སྙན་རས། རྒྱལ་དབང་རྗེ། ངག་གི་དབང་པོ། པདྨ་དཀར་པོའམ། འབའ་ར་བ་ནས་རིན་ཚུལ་པ། མི་ཉག་གྲག་རིན། སྤྱོད་པ་སངས་རྒྱས་དཔལ། ཀུན་སྤངས་རྗེ། པདྨ་དཀར་པོའོ། །གསང་འདུས། དགྱེས་རྡོར། མཱ་ཡཱ། གདན་བཞི་ཕུགས་གངས་པའི་རྫོགས་རིམ་གྱི་སྤྱི་སྡོམ། སོ་སོ་ལ་གཞུང་འགྲེལ་པ་རེ། འཕོ་བའི་ཞལ་གདམས་ཏེ་ཤོག་དྲིལ་དགུ་པར་གྲགས་པ། བརྒྱུད་པ། ནཱ་རོ་པ། མར་པ། མཚུར་དབང་ངེ་། འཁོན་གད་པ་ཀིརྟི། དབུས་པ་འགྲར་སྟོན། རིན་ཆེན་སེང་གེ། ངོར་རྗེའམ་མཚུར་དབང་ངེ་། སྤུག་ཐམས་ཅད་མཁྱེན་པ། སྤུག་རྡོ་རྗེ་སེམས་དཔའ། དེ་དང་ངོར་རྗེ་གཉིས་ལ། ཇོ་བསྟན་གཉལ་པ། བླ་ཆེན། བདེ་བ་ཅན་པ། སེང་རྒྱལ། གར་ཐིག་པ། ཐེལ་མཁན་པོ་ཤེས་རབ་རྡོ་རྗེ། 
4-430
བླ་མ་ཆོས་དཔལ་ཤེས་རབ། གྲགས་རྡོར་བ། གྲགས་དོན། རྔོག་བྱང་ཆུབ་དཔལ། རྒྱལ་དབང་རྗེ། ངག་དབང་རྗེ། པདྨ་དཀར་པོ། ཡང་རྗེ་མར་པའི་ཤོག་དྲིལ་བཅོ་ལྔ་པར་གྲགས་པ་ལ། བདེ་ཆེན་རྡོ་རྗེའི་ཤོག་དྲིལ། སྐྱེ་མེད་རྡོ་རྗེའི། འདོད་ཆགས་རྡོ་རྗེའི། ཕྲག་དོག་རྡོ་རྗེའི། གཏི་མུག་རྡོ་རྗེའི། སྒྱུ་འཕྲུལ་རྡོ་རྗེའི། ལས་ཀྱི། ཞེ་སྡང་རྡོ་རྗེའི། ང་རྒྱལ་རྡོ་རྗེའི། འཇིགས་བྱེད་རྡོ་རྗེའི། སེར་སྣ་རྡོ་རྗེའི། གྲོང་འཇུག་གི་དུས་སྦྱོར་ཐུན་ཕྱེད་ཀྱི། དུད་སོལ་གྱི། ཁོལ་པོ་དར་ཐོད་ཅན་གྱི་ཤོག་དྲིལ་ཏེ་བཅོ་ལྔ། རྗེ་བཙུན་མར་པས་སྲས་མཁར་དུ་གཏེར་དུ་སྦས། ཕྱིས་བྱ་བྲལ་ཞིག་གིས་ཐོན་ཀྱང་ཆོས་བདག་གུ་རུ་ཆོས་དབང་ཡིན་པས་དེས་རྒྱ་མ་ཞིག་པ་ཆོས་དབང་ལ་ཕུལ་བ་ཡིན། མར་པ་ལོ་ཙ། གུ་རུ་ཆོས་དབང་། སྲས་པདྨ་དབང་ཆེན། ཆོས་ཀྱི་རྒྱལ་མཚན། སངས་རྒྱས་ཀུན་སྒྲོལ། ཆོས་ཀྱི་རྡོ་རྗེ། ནོར་བུ་འཛིན་པ། རྒྱལ་སྲས་ཀུན་དགའ། གནོར་བུ་དོན་གྲུབ། ནོར་བུ་བཟང་པོ། བཤེས་གཉེན་ཆོས་རྒྱལ། སྒྲ་ཕན་ནོར་བུ་རྒྱལ་མཚན། གྲུབ་ཆེན་ཀུན་དགའ་རྒྱལ་འཕེལ། འཇམ་དབྱངས་ཆོས་ཀྱི་གྲགས་པ། ཀུན་སྤངས་རྗེ། པདྨ་དཀར་པོའོ། ། ཡང་རྔོག་གི་ཟབ་ཆོས་གླེག་བམ་ན། དགྱེས་རྡོར་གྱི་རྫོགས་རིམ་ལམ་དགུ་ཕྲུགས་སུ་གྲགས་པ་མཻ་ཏྲི་ལུགས་དང་། དཔལ་ཞི་བ་བཟང་པོ་ལུགས་ཀྱི་དགྱེས་པ་རྡོ་རྗེའི་རྫོགས་རིམ་བརྒྱུད་པ་རྔོག་མན་བསྲེ་འཕོ་དང་འདྲའོ། །
4-431
ཡང་དགྱེས་རྡོར་རིམ་པ་ལྔར་བཀྲལ་བ་དང་། བདུད་བཞི་འཇོམས་བའི་མན་ངག་ཅེས་བྱ་བ་དགྱེས་རྡོར་གྱི་རྫོགས་རིམ། མེས་ལུགས་ངོ་མཚར་ཅན་གཉིས། མར་པ། མེས་ཚོན་པོ། རྒྱལ་མཁར་ཞང་སྟོན། རྔོག་མདོ་སྡེ་མན་རིན་ཆེན་རྒྱན་འདྲ་དང་མཐུན་ནོ། །ལ་བ་པའི་ཚིག་བསྡུས་སུ་གྲགས་པ། ཕག་མོ། ཤར་ཕྱོགས་ལ་བ་པ། དེའི་སློབ་མ་རཀྵི་ཏ། དེས་མར་པ། མི་ལ། དྭགས་པོ། དཔལ་ཕག་མོ་གྲུ་པ། དེས་ཁྲིད་ཡིག་ལ་སོགས་པ་རྒྱས་པར་མཛད། གྲུབ་ཐོབ་གླིང་། ཆོས་རྗེ། དབོན། གཞོན་ནུ། ཉི་མ། རྡོར་གླིང་པ། སྤོས་སྐྱ་པ། བཅུ་གསུམ་པ། ཀུན་དགའ་སེང་གེ །མཁན་ཆེན། བློ་གྲོས་སེང་གེ །མཁྱེན་བརྩེ་རྟོགས་ལྡན། གྲུབ་ཆེན་གྲོ་གྲོས་མཆོག་ལྡན། འཁྲུལ་ཞིག་རིན་པོ་ཆེ། རྒྱལ་དབང་རྗེ། གྲུབ་ཆེན་ཤཱཀྱའི་མཚན། ངག་གི་དབང་པོ། གཅུང་རིན་པོ་ཆེ། པདྨ་དཀར་པོའོ། །རྗེ་མི་ལའི་ཉ་ཆོས་དྲུག་བརྒྱུད་པ་དེ་དང་མཐུན། ཕག་གྲུ་ལ་དམ་པས་སྩལ་བ་ཞི་བྱེད་རྨང་ལམ་མ་ཕག་གྲུ་མན་འདྲ། རྒྱལ་དབང་རྗེ་ལ་ཨུ་རྒྱན་གྱིས་སྩལ་བའི་པདྨ་སྙིང་ཐིག །དམ་པས་སྩལ་བའི་ཞི་བྱེད། ཕག་མོས་སྩལ་བའི་མོ་ཁྲིད་གསང་ལམ་ངོ་མཚར་ཆེ་བ་གསུམ་གྱི་གསང་ལམ། རྒྱལ་དབང་རྗེའི་ཡུམ་གོས་དཀར་མོ། སྤས་ཆོས་ཀྱི་གྲགས་པ། ཀུན་སྤངས་རྗེ། པདྨ་དཀར་པོ། རིང་བརྒྱུད་ཞིག་ཀྱང་འདུག །གཞན་རྣམས་རྒྱལ་དབང་རྗེ་ནས་ངག་གི་དབང་པོ་ལའོ། །
4-432
མན་ལུང་གུ་རུའི་དུས་འཁོར་གྱི་སྙན་བརྒྱུད་དུ་གྲགས་པ་རྙིང་མ་དང་མཐུན་ཤས་ཆེ། བསྲེ་འཕོ་སྙན་རྒྱུད་དུ་གྲགས་པ་བྱ་བཏང་ཤེས་རབ་པའི་ཐུགས་རྩོམ་ཐོབ།། །།
༄། །ཐབས་སྐོར་གྱི་བརྒྱུད་ཡིག།
༄༅། །ཐབས་སྐོར་གྱི་བརྒྱུད་ཡིག །ཆགས་ཅན་ཆགས་པ་ཆེན་པོའི་ལམ་ཉིད་ཀྱིས། །སྒྲིབ་བྲལ་མཛད་ལ་རིག་མའི་བརྟུལ་ཞུགས་ཀྱི། །ཕ་མཐར་བྱོན་བའི་རྒྱ་བོད་རྟོགས་ལྡན་པ། །བདེ་བའི་གསོ་སྐྱོང་ལ་ཞུགས་རྣམས་ལ་འདུད། །འདིར་དམར་ཞབས་སུ་གྲགས་པའི་ཐབས་ལམ་ཡི་གེ་གསར་རྙིང་ཁ་ལག་ཚང་པར་ཐོབ་པའི་བརྒྱུད་པ་ནི་མཁའ་འགྲོ་མ་སེང་གེ་གདོང་། ལོ་ཡི་པའི་སློབ་མ་གྲུབ་ཐོབ་སེེང་གེ་གྲགས། ཨ་ཙརྱ་དམར་པོ་ཞབས། སྐྱོ་སྒོམ་འོད་འབྱུང་། དམ་པ་རྒྱ་ཞིག །གཉལ་གྱི་རོང་ཀ་བ་བློ་གྲོས་གསུམ། སྟང་སྟོན་ཆོས་ཉིད། དེས་སྟང་སྟོན་སྐྱེ་མེད། དེས་ཞང་སྟོན་ཞིག་པོ། རྡོ་རྗེ་གདན་པ། མཉེ་མདོ་པ་ཀུན་དགའ་དོན་གྲུབ། ཀརྨ་པ་རང་བྱུང་པ། གཡུང་སྟོན་པ། མཁས་གྲུབ་དར་རྒྱལ། མཁའ་སྤྱོད་པ། དེ་བཞིན་གཤེགས་པ། ཀུ་ཅོར་རྟོགས་ལྡན། སྤྱོད་པ་སངས་རྒྱས་དཔལ། ཆོས་རྗེ་སངས་བསམ་པ། གོང་མ་ཆོས་ཀྱི་གྲགས་པ། ཀུན་སྤངས་རྗེ། རོལ་པའི་རྡོ་རྗེའམ། ལས་སྟོད་པ་ཤེས་རབ་མགོན་པོ། རྒྱ་བོད་ཀྱི་བླ་མ་བསྟེན་པ་རྣམས་ཀྱིས་ཐབས་ལམ་ཕྱོགས་གཅིག་ཏུ་སྡེབས་པ་ཐབས་ལམ་བརྒྱ་རྩར་གྲགས་པ་ལ། རིན་ཆེན་བཅུད་བསྡུས། རིན་ཆེན་སྤུངས་པ། 
4-433
གསུང་བགྲོས་བདུད་རྩིའི་ཆུ་རྒྱུན་རྣམས་གྱི་བརྒྱུད་པ། རོལ་པའི་རྡོ་རྗེ། ཇོ་མོ་གྲགས་རིན་མ། བྱང་སྒྲོན་མ། ཁྲག་འཐུང་མ། རྡ་ལ་མེ་འབར། འཕགས་ཆེན་བསོད་སེང་། འཕགས་ཆེན་བསོད་རྒྱལ། སྤྱོད་པ་སངས་རྒྱས་དཔལ། སངས་རྒྱས་བསམ་གྲུབ་མན་འདྲ། ཤཱནྟི་པའི་ལཉྪ་ཆོག་གྱུར་གྱི་བརྒྱུད་པ། རྡོ་རྗེ་འཆང་། ཏིལླི། ནཱ་རོ། ཤཱནྟི་པ། ཇོ་བོ། སྙེ་ཐང་པ། རོག་ཤེས་རབ་འོད། སྲས་འཁྲུལ་ཞིག་དར་མ། གྲུབ་ཐོབ་མེ་ལོང་རྡོ་རྗེ། རིན་ཆེན་རྡོ་རྗེ། རྟོགས་ལྡན་ཤེས་རབ་རྒྱལ་མཚན། རྒྱལ་མཚན་དཔལ། ཀུན་བཟང་ཡེ་ཤེས། རི་ཁྲོད་པ། མཁའ་སྤྱོད་དབང་པོ། རྫ་སྒོམ་ཆོས་ཡེ་ཤེས། དབོན་སྒོམ་བསོད་ནམས་རིན་ཆེན། དྷརྨ་བྷ་དྲ། སངས་རྒྱས་བསམ་གྲུབ། ཆོས་ཀྱི་གྲགས་པའོ། །ཕོ་ཁྲིད་མ་འཛངས་བུ་ཁྲིད། དེའི་མོ་ཁྲིད་གསང་ལམ་ཆེན་མོར་གྲགས་པ་གཙང་འགྲིག་ཐོབ་པའི་བརྒྱུད་པ། ཡེ་ཤེས་ཀྱི་ཌཱ་ཀི་གུཔྟ། མི་ཏྲ་ཛོ་ཀི། བེན་དྷརྨཱ་པཱ་ལ། མང་ཡུལ་གྱི་གྲོང་དུ་འཁྲུངས་པའི་གྲུབ་ཐོབ་ཉི་རྡོར། ལྷ་གདོང་དུ་འཁྲུངས་པའི་རོལ་པའི་རྡོ་རྗེ། བྱང་ཆུབ་སྒྲོན་མ། དུང་མཚོ་རས་པ། ཉི་མ་འབུམ། འགྲོ་མགོན་ཆོས་དབྱིངས་དབང་ཕྱུག་འཇམ་དབྱངས་ཉི་མ་འོད་ཟེར། འཁྲུལ་ཞིག་ནམ་མཁའི་རྣལ་འབྱོར། རྒྱལ་དབང་རྗེ། གྲུབ་ཆེན་ཤཱཀྱའི་མཚན། གྲུབ་ཆེན་ཀུན་དགའ་རྒྱལ་འཕེལ། འཇམ་དབྱངས་ཆོས་གྲགས། ཀུན་སྤངས་རྗེ། པདྨ་དཀར་པོ། རྡོ་རྗེ་ཚིག་འབྱེད་རྒྱ་གར་གྱི་སློབ་དབོན་ཨ་མོ་གྷ་བཛྲས་མཛད་ཟེར་ཡང་། 
4-434
སྨད་འབྲུག་གི་མཁས་པ་འཇམ་དབྱངས་མགོན་པོའི་རྣམ་ཐར་ཉིད་ཀྱིས་མཛད་པར། ཐབས་ལམ་ལ་རྡོ་རྗེ་ཚིག་འབྱེད་རྩ་འགྲེལ་ཞལ་གདམས་དང་བཅས་པ་བརྩམས་སོ་གསུངས་པ་དེའི་རྗེས་སུ་འབྲངས་པ་བརྒྱུད་པ་ཟབ་དོན་ཐུགས་སྙིང་དང་གཅིག །སྤང་ལུང་པའི་སྦ་བཞི་ཐོབ་པའི་བརྒྱུད་པ། མཁའ་འགྲོ་མ། ས་ར་ཧ། མི་ཏྲ། ཀུན་དགའ་བཟང་པོ། ཀུན་དགའ་དར། བྲམ་པ་བཀའ་བཅུ་པ། ཆོས་རྗེ་ནམ་མཁའ་ལྷུན་གྲུབ། འཇམ་དབྱངས་ཆོས་གྲགས། ཀུན་སྤངས་རྗེ། ཀ་མ་ལ་ཤཱི་ལའི་འོག་སྒོའི་གདམས་པ། མི་ཏྲ་ཛོ་ཀིའི་རྩ་ཁྲིད་སོགས་མང་དག་བླ་མ་དམ་པ་ཨ་ཝ་དྷཱུ་ཏི་པ་བཙུན་མོ་ཅན་ལ་ཐོས་སོ། །རྟག་ཏུ་ངུའི་བཅུད་ལེན། རྒྱ་བན། མངའ་བདག་གི་གཏེར་བྱུང་སོགས་བཅུད་ལེན་དཀའ་ཐུབ་བྱ་བའི་རིགས་མང་པོ་ཐོབ་པའང་རྗེ་བཙུན་དེའི་སྤྱན་སྔར་ཡིན་གྱི་བརྒྱུད་པ་སོ་སོ་བགྲང་མ་འཚལ་ལོ། །དཔལ་རྒ་ལོའི་ཞག་བདུན་མ་མེ་དབང་རྩ་འགྲེལ་དང་བཅས་པའི་ཁྲིད། ཙ་མུཎྜི། རྒྭ་ལོ། ཕག་གྲུ་མན་རི་ཆོས་བཞིན།། །།
༄། །སེམས་ཁྲིད་ཡིད་བཞིན་ནོར་བུའི་བརྒྱུད་ཡིག།
༄༅། །སེམས་ཁྲིད་ཡིད་བཞིན་ནོར་བུའི་བརྒྱུད་ཡིག །དགེ་སློང་འཚོ་བྱེད་ཅེས་པ་བྱང་ཕྱོགས་བརྒྱུད། །སྟོན་པ་གཉིས་པར་ལུང་བསྟན་སྒམ་པོ་པ། །ཟླ་འོད་གཞོན་ནུ་ཇི་བཞིན་རེ་པ་རྣམས། །བདུད་རྩིས་སྐྱོང་བ་དེ་ལ་ཕྱག་འཚལ་ལོ། །ཆོས་ཀྱི་རྒྱལ་པོ་ཟླ་འོད་གཞོན་ནུའི་ཞལ་སྔ་ནས་ཀྱི་ཁྲིད་ཆོས་སུ་གྲགས་པ། 
4-435
སེམས་ཁྲིད་ཡིད་བཞིན་ནོར་བུ་འགྲོ་མགོན་དུང་མཚོ་རས་པའི་གཏེར་མ་འདི་ལ། བརྒྱུད་པའི་ལོ་རྒྱུས། ཁྲིད་ཡིག་ནོར་བུ་གསལ་བྱེད། ཁྲིད་ཡིག་རྩ་བའི་ཞལ་ཤེས་ནོར་བུ་གསལ་བྱེད། ལོ་རྒྱུས་དམུས་ལོང་མིག་འབྱེད། རྒྱབ་ཆོས་ནོར་བུ་སྤུངས་པ། ཁྲིད་ཡིག་ཞལ་གདམས་ཉི་མའི་སྙིང་པོ། རྟོགས་པ་དོན་གྱི་གསོལ་འདེབས་ཆོས་དབྱིངས་སྤྲོས་བྲལ་མ། ལུས་མེད་མཁའ་འགྲོའི་གཞུང་། བར་དོ་གནད་ཀྱི་ལྡེ་མིག་གི་ས་བཅད། ཆ་ལག་བར་དོ་གནད་ཀྱི་ལྡེ་མིག །འཕོ་བ། འཕོ་བའི་ཞལ་ཤེས། རྡོ་རྗེ་རྣལ་འབྱོར་མའི་གཏོར་དབང་། ཏྲག་ཤད་ཐལ་མོ་བརྡབས་ཆོག་རྣམས་ཐོབ་པའི་བརྒྱུད་པ་ནི། རྡོ་རྗེ་འཆང་། དཔལ་ལྡན་ལུས་མེད་མཁའ་འགྲོ། ཏེ་ལོ་ཤེས་རབ་བཟང་པོ། མཁས་པ་ནཱ་རོ་པཎ་ཆེན། སྒྲ་བསྒྱུར་མར་པ་ལོ་ཙ། དབང་ཕྱུག་མི་ལ་རས་པ། སྒམ་པོ་ཟླ་འོད་གཞོན་ནུ། སྐྱེས་བུ་ཡེ་ཤེས་རྡོ་རྗེ། དུང་མཚོ་རས་པ། བྱ་བྲལ་ཆོས་རྗེ། འགྲོ་མགོན་ཆོས་དབྱིངས་དབང་ཕྱུག །འཇམ་དབྱངས་ཉི་མ་འོད་ཟེར། འཁྲུལ་ཞིག་ནམ་མཁའི་རྣལ་འབྱོར། མཚུངས་མེད་རྒྱལ་དབང་ཆོས་རྗེ། གྲུབ་ཆེན་ཤཱཀྱའི་མཚན་ཅན། གྲུབ་པའི་དབང་ཕྱུག་ཀུན་དགའ་རྒྱལ་འཕེལ། འཇམ་ངབྱངས་ཆོས་ཀྱི་གྲགས་པ། ཀུན་སྤངས་སྒྱུ་མའི་གར་མཁན། དེས་པདྨ་དཀར་པོ་ལའོ། །དུང་མཚོ་རས་པ་ནས་སྔགས་འཆང་ཤཱཀྱ་དཔལ་བ། མཚུངས་མེད་རིན་ཆེན་གཞོན་ནུ། སྤྱན་སྔ་བསོད་ནམས་རྒྱལ་མཚན། 
4-436
མཁན་ཆེན་རིན་ཆེན་བཟང་པོ། དཔལ་ལྷུན་གྲུབ་བདེ་ཆེན་པ། ཆོས་རྗེ་འཇམ་དཔལ་ལྷུན་གྲུབ། བླ་མ་ཐུགས་རྗེ་ལྷུན་གྲུབ། སློབ་དཔོན་རིན་པོ་ཆེ་བྲག་སླེ་བ། པདྨ་དཀར་པོ་ལའོ།། །།
༄། །བླ་མ་ཞང་གི་ཟབ་ཆོས་བཀའ་རྒྱ་བཀའ་འབུམ་དང་བཅས་པའི་གསན་ཡིག།
༄༅། །བླ་མ་ཞང་གི་ཟབ་ཆོས་བཀའ་རྒྱ་བཀའ་འབུམ་དང་བཅས་པའི་གསན་ཡིག །དེ་ཉིད་ཆང་གིས་མོས་པའི་བརྟུལ་ཞུགས་རླབས། །དངོས་སྣང་རྫུན་ལ་སུན་འབྱིན་ཐེར་ཟུག་པ། །ཉམས་མྱོང་སྐྱུགས་པ་ཕྱོགས་བཅུར་འཐོར་གང་ལ། །བླ་མ་ཞང་ཞེས་ཀུན་གྱིས་རི་མོར་བྱས། །འདིར་འགྲོ་བའི་མགོན་པོ་གཡུ་བྲག་པ་ཞེས་པ། བླ་མ་མང་པོའི་གདམས་པས་ཐུགས་ཀྱི་མཛོད་གང་ཡང་ཆོས་ཐམས་ཅད་ཀྱི་གནས་ལུགས་མ་གཟིགས་ནས། རྗེ་སྒམ་པོ་པ་ཚུལ་ཁྲིམས་སྙིང་པོ་ལ་རྗེས་སུ་འཛིན་པར་གསོལ་བ་བཏབ་པས། ཕྱག་རྒྱ་ཆེན་པོའི་རྟོགས་པ་ཤར་བ་ལ་ཆོས་སྐུ་ཡེ་ཤེས་ཀྱི་མཁའ་འགྲོ་མ་ལ་སོགས་པས་དངོས་སུ་གདམས་པ། ཞང་གི་བཀའ་རྒྱར་གྲགས་པའི་ཆོས་ལ། ཞང་རིན་པོ་ཆེའི་གསང་བའི་རྣམ་ཐར་ལ་གསོལ་བ་འདེབས་པ་མཐོང་གྲོལ་བདེ་ཆེན་རྒྱ་མཚོ། གསང་བའི་རྣམ་ཐར། བཀའ་རྒྱ་མའི་དཀར་ཆགས་གསལ་བའི་མེ་ལོང་། དར་ཕུག་མའི་ཞུས་ལན། དབོན་དར་མ་གཞོན་ནུའི་ཞུ་ལན། གཉིས་པ། བླ་མ་སྐུ་གསུམ་དུ་སྒྲུབ་པའི་ཞལ་གདམས། བཀའ་རྒྱའི་སྤྱི་ཆིངས་མ། བླ་མའི་བཀའ་བབས་ལོ་རྒྱུས། ཞལ་གདམས་བཀའ་བབས་ལོ་རྒྱུས། བླ་མའི་བྱིན་རླབས་ཡེ་ཤེས་དབང་གི་བཀའ་རང་བབས། 
4-437
བླ་མའི་བྱིན་རླབས་ཡེ་ཤེས་དབང་གི་ལྡེ་མིག །སྔོན་འགྲོ་བྱིན་རླབས། དབང་བཞི་ལྷ་ངོ་བསྟན་པ། རྦ་རླབས་ལྡེ་མིག །རིག་པའི་རྩལ་དབང་། ཕྱག་རྒྱ་ཆེན་པོ་ལུས་བརྡའི་གདམས་ངག་གི་ཆིངས། རྡོ་རྗེ་གསང་རྒྱུད་ཀྱི་ལོ་རྒྱུས། འདི་ནས་མོན་གདོང་མ་རྡོ་རྗེ་གསང་རྒྱུད་བཀའ་རྒྱ་མ། མོན་གདོང་མ་ཐབས་ལམ་མཁའ་འགྲོའི་འཁྲུལ་འཁོར་བཀའ་རང་བབས་ཀྱི་གྲོལ་ས། རྡོ་རྗེ་གསང་རྒྱུད་ཀྱི་གྲོལ་ས་ཡང་ཟེར། ཡི་དམ་ལྷས་བརྡ་དོན་གསུངས་པའི་འགྲེལ་པ། མིང་རུས་སེམས་གསུམ་འཚོལ་བའི་ཁྲིད། གསང་བ་ངོ་སྤྲོད། ལུས་བརྡའི་བསྲེ་བ་སྐོར་ལྔ། བླ་མ་སྤྱིའི་དབང་བསྐུར། ཡར་བསྐུར་བའི་དབང་བཞི། ཞལ་གདམས་བི་ཛ་དྷ་ར་བླ་མ་སྒྲུབ་པའི་དབང་། འཁོར་ལོ་བཞིར་བླ་མ་བསྒྲུབ་པ། འཁོར་ལོ་བཞིའི་མན་ངག་ལྡེ་མིག་གི་ཞལ་གདམས། བླ་མ་སྒྲུབ་བའི་ཕྱག་རྒྱའི་དོན། ལམ་ཟབ་བླ་མའི་ལམ་ཆོས་དབྱིངས་མ་གཙང་སྟོན་རྣལ་འབྱོར་གྱི་ཟིན་བྲིས། འཕྲིན་ལས་བཞིས་མཆོག་སྒྲུབ་པའི་རྩ་བ། དེའི་ལྡེ་མིག །ཕྱག་རྒྱ་བཞིའི་ཚུལ་དུ་སྒྲུབ་པ། ཌཱ་ཀི་མངོན་རྟོགས་གསང་བ། དོན་ལྡན་མ། ཧེ་རུ་ཀ་མགོན་པོའི་བཀའི་གནས་བསྟན་པ་ལྔ། རྒྱལ་པོ་ཆེན་པོ་བཞིས་གནས་ལུགས་བསྟན་པ། དྲང་སྲོང་བསྲུང་བའི་བཀའ་བབས་གནས་ལུགས་བསྟན་ནས་བསྟན་གྱི་རྩ་བ། དྲང་སྲོང་སྲུང་བའི་ལྡེ་མིག །འཕོ་བའི་གདམས་པ། འདི་ནས་སྤྱི་ཁོངས་མ་ཡོང་། 
4-438
སྤྱི་ཁོངས་མའི་བཀའ་རང་བབས་ཞལ་གདམས། འཁྲུགས་བཞིས་གདམས་པ། བཀའ་རང་བབས་དག་པ་བཞིའི་རྒྱས་བཤད། སྤྱི་ཁོངས་མའི་མན་ངག །འཁྲུས་དག་བྱེད་ཀྱི་མན་ངག །ཚོགས་མཆོད་དང་ལག་མཆོད་བཀའ་རྒྱ་མ། གཏོར་མ་བཀའ་རྒྱ་མ། དགོས་འདོད་རེ་སྐོང་མའི་ལོ་རྒྱུས། གཡུ་བྲག་འཁྲུལ་འཁོར། འཁྲུལ་འཁོར་མ་རྩ་བ་བཀའ་རྒྱ་གསང་བདུན་མ། ནད་ལམ་ཁྱེར། འདི་ནས་བསམ་ཡས་མ། རྣམ་ཐར་བསམ་ཡས་མ་རི་ཤྭ་བ་བཀའ་རང་བབས་སོ། ། ལོ་རྒྱུས་ལྡེ་མིག །རྣམ་ཐར་བསམ་ཡས་མ། འཆིང་བུ་ལྷ་བཙན་མ། གདམས་པ། འཇམ་དཔལ་ཁོང་སྙིང་དར་ཕུག་མ། འཆིང་ཕུ་མའི་དབང་། གདམས་ངག་གོ །འཆིང་ཕུ་མའི་ཞལ་གདམས། འདི་ནས་གཡའ་ལུང་འབྲོང་ཕུ་མ་རྡོ་ལ་ཞབས་རྗེས་བྱུང་བའི་ལོ་རྒྱུས། སྤྱོད་པ་བོགས་འདོན་གཡའ་ལུང་ལྷ་ས་མ། སྡོམ་པ་རྒྱ་མཚོའི་རྒྱུད་ཚིག་འདི་ཡང་རྒྱུད་ཚིག་གོ། གཡའ་ལུང་འབྲོང་བུ་མའི་ཞལ་གདམས། ལྷ་ས་མའི་བཀའ་རང་བབས་བཀའ་རྒྱ་མ། ལྷ་ས་མའི་དབང་། གསང་སྔགས་རྡོ་རྗེ་ཐེག་པའི་རྣམ་ཐར་གསང་ལམ་རྡོ་རྗེ་ཐེག་པ་སྦས་པ་མ་ཟེར་རོ། །གདམས་ངག །ས་བཅད། མཐོང་སྣང་སྣ་ཚོགས་པ། གཡའ་ལུང་མའི་གདམས་ངག །ལྷ་ས་མའི་སྤྱི་ཆིངས། ལྷ་ས་མའི་ཉམས་ལེན། དེའི་མན་ངག་ལག་ལེན། ཉོན་མོངས་ལམ་དུ་སློང་བ། སྒྲུབ་པའི་བློ་སྟོད་ཞལ་གདམས། སྦྱོར་ཐབས་བཞི། རྡོ་རྗེ་ཆུ་འཐུང་། 
4-439
ཉོན་མོངས་ལམ་དུ་སློང་བའི་གནད་ཀྱི་མན་ངག །གཟིམས་ཆུང་མའི་ཞལ་གདམས། འདི་འབྲིང་པོ་ལོ་ཞིག་གི་ལུགས། གདམས་ངག་བཀའ་རྒྱ་མ། གཙང་སྟོན་རྣལ་འབྱོར་ལུགས་ཀྱི་གདམས་ངག །བཀའ་རྒྱ་མ་བསྡུས་པའི་ཞལ་གདམས། ཞལ་དྲིལ་གནད་ཀྱི་ལྡེ་མིག །ས་བཅུ་རྒྱུན་གྱི་མཐའ་མའི་ཆོས་ལ་སོགས་པའི་མན་ངག །དཀར་ཆགས་བཀའ་མའི་ཆོ་ག་རྣམས། བཀའ་རྒྱ་བསམ་ཡས་མ་དང་ལྷ་ས་མའི་དབང་བཀའ་སྟེ། བཀའ་རྒྱ་མའོ། འདི་རྣམས་ཀྱི་བརྒྱུད་པ་ནི། འགྲོ་བའི་མགོན་པོ་གཡུ་བྲག་པ། འདུལ་པ་འོད་རོལ་པའི་རྡོ་རྗེ། འཕོ་བ་ལུང་པ། ཀུན་དགའ་རྒྱལ་མཚན། སངས་རྒྱས་རིན་ཆེན། སྤྲུལ་སྐུ་ཤཱཀྱ་འབུམ། ཤཱཀྱ་བསོད་ནམས། ཆོས་ཀྱི་བཟང་པོ། སྤྲུལ་སྐུ་གྲགས་པ་དོན་གྲུབ། བྱང་ཆུབ་དཔལ། མཁས་གྲུབ་རིན་པོ་ཆེ་རྒྱལ་དབང་ཆོས་རྗེ། དྲིན་ཅན་སངས་རྒྱས་བསམ་གྲུབ། འཇམ་དབྱངས་ཆོས་ཀྱི་གྲགས་པ། ཀུན་སྤངས་སྒྱུ་མའི་གར་མཁན། དེས་པདྨ་དཀར་པོའོ། །ཡང་དབང་བྱིན་རླབས་རྣམས་ཀྱི་བརྒྱུད་པ་ནི། ཞང་རིན་པོ་ཆེ། སངས་རྒྱས་རས་པ། སངས་རྒྱས་ལྷ་དགེ །དབོན་ཆོས་དཔལ་བཟང་པོ། ལྷ་རི་གཞོན་ནུ། དྲུང་ཆེན་སྨོན་ལམ་རྡོ་རྗེ། བརྩོན་འགྲུས་བཟང་པོ། དཔལ་ལྡན་རྒྱལ་མཚན། གྲགས་པ་བསོད་ནམས། དགེ་འདུན་དཔལ་ལྡན་པ། སྤྱན་སྔ་གྲགས་པ་རྒྱ་མཚོ། རིན་པོ་ཆེ་ངག་དབང་རྒྱ་མཚོ། རྡོ་རྗེ་འཛིན་པ་ཆོས་ཀྱི་མགོན་པོ། དེས་པདྨ་དཀར་པོ་ལའོ། །
4-440
ཡང་དེ་ཉིད་ཀྱི་བཀའ་རྒྱ། བཀའ་འབུམ་ལྷག་ཆད་མེད་པར་ཐོབ་པའི་བརྒྱུད་པོ་ནི། ཞང་རིན་པོ་ཆེ། མཉམ་མེད་ཤཱཀྱ་ཡེ་ཤེས། སངས་རྒྱས་སྙིང་པོ། སངས་རྒྱས་གཞོན་ནུ། གསེར་ཁང་སྟེངས་པ་ཀུན་དགའ་རྒྱལ་མཚན། སངས་རྒྱས་རིན་ཆེན། སྤྲུལ་སྐུ་ཤཱཀ་འབུམ། ལྷ་བཙུན་ཤཱཀྱ་བསོད་ནམས། དེའི་དབོན་ལྷ་བཙུན་དྷརྨ་བྷ་དྲ། ཆོས་རྗེ་གྲགས་དོན་པ། གུ་རུ་པུ་ཎྱ་སིདྷ། རྗེ་གྲགས་པའི་མཚན། །བླ་མ་རྟོགས་ལྡན་པ། ལྷུན་བདེ་བ་འོད་གསལ་ཀློང་ཡངས། རྗེ་རིན་པོ་ཆེ་ངག་དབང་ཆོས་རྒྱལ། རྒྱལ་ཚབ་དམ་པ། །དེས་པདྨ་དཀར་པོ་ལའོ།། །།
༄། །འབྲི་ཁུང་པའི་ཟབ་ཆོས་དགོངས་གཅིག་གི་གསན་ཡིག་བཞུགས་སོ།།
༄༅། །འབྲི་ཁུང་པའི་ཟབ་ཆོས་དགོངས་གཅིག་གི་གསན་ཡིག་བཞུགས་སོ། །འཕགས་ཡུལ་ཤིང་རྟ་ཆེན་པོ་ཀླུ་སྒྲུབ་གང་། །བཀའ་བརྒྱུད་བསྟན་པ་རྒྱས་ཕྱིར་འབྲི་ཁུང་པ། །འཇིག་རྟེན་གསུམ་གྱི་མགོན་པོར་བྱོན་པའི་གཏམ། །བསླུ་མེད་སྒྲོལ་མ་དགྲ་བཅོམ་ལུང་གིས་གྲུབ། །ཆོས་ཀྱི་རྒྱལ་པོ་དེ་བཞེད་འདིའོ་ཞེས། །རྡོ་རྗེའི་གསུང་གི་དྲིལ་སྒྲོག་དེ་ཡི་དབོན། །གཞན་གྱིས་འདི་སུབ་སྙམ་ཡང་ས་ལས་ནི། །ཆུ་ཀླུང་བཞིན་དུ་ལུགས་འཛིན་གྲངས་མེད་བརྡོལ། །འདིར་མགོན་པོ་ཀླུ་སྒྲུབ་དུ་རྗེ་བཙུན་སྒྲོལ་དཀར་དང་། སིངྒ་ལའི་དགྲ་བཅོམ་པས་ལུང་བསྟན་པ། ཆོས་ཀྱི་རྒྱལ་པོ་འབྲི་ཁུང་པ། །གཞན་གྱི་སྡེ་ལུགས་གཉིས་ཀྱིས་གནོན་པ་ལ་གྲགས་པའི་རྔ་ལན་བརྒྱར་བརྡུང་བ། རིན་ཆེན་དཔལ་གྱི་བཞེད་པ་དེ་ཉིད་ཀྱི་དབོན་ཤེས་རབ་འབྱུང་གནས་ཀྱིས་ཟིན་བྲིས་སུ་བཏབ་པའི་རྡོ་རྗེའི་གསུང་། 
4-441
དགོངས་པ་གཅིག་པར་རྟོགས་པའི་ཆོས་སྡེ་ལ། ཁུ་དབོན་གཉིས་ཀྱི་རྣམ་པར་ཐར་པ། དགོངས་གཅིག་ཁོག་བུབ། གསུང་བཞི་བཅུ་པ། འགྲེལ་པ་ལ་རོང་ཤེ་མ་དང་རིན་བྱང་མ་གཉིས་ལས་དང་པོ། ལྟ་སྒོམ་སྤྱོད་པའི་ཚོམས། འདུལ་བ་སོ་ཐར་ཚོམས། བྱང་སེམས་བསླབ་བྱའི་ཚོམས། གསང་སྔགས་རིག་འཛིན་གྱི་ཚོམས། ཆོས་ཀྱི་འཁོར་ལོའི་ཚོམས། རྟེན་འབྲེལ་གནད་བསྡུས་ཀྱི་ཚོམས། སངས་རྒྱས་ཀྱི་སའི་ཚོམས། གཏམ་རྒྱུད། དགོངས་གཅིག་གི་ས་དཔྱད་རྣམས་ཐོབ་པའི་བརྒྱུད་པ་ནི། འཇིག་རྟེན་གསུམ་མགོན། དབོན་ཤེས་རབ་འབྱུང་གནས། བཤེས་གཉེན། རྡོ་རྗེ་ཤེས་རབ། རྗེ་ཙ་རི་བ། དགོངས་གཅིག་པ་ཆེན་པོ། མཁན་ཆེན་རིན་རྒྱལ་བ། རྟོགས་ལྡན་དགེ་འདུན་རྒྱལ་མཚན། བླ་མ་ཚུལ་རིན་པ། བླ་ཆེན་རིན་ཆེན་གཞོན་ནུ། སྤྱན་སྔ་ལྷ་གཟིགས་རས་པ། མཁན་ཆེན་ཀུན་དགའ་རྒྱལ་མཚན། མཁས་གྲུབ་ནམ་མཁའ་བློ་གྲོས། མཚུངས་མེད་དྭགས་པོ་པཎ་ཆེན། འབུམ་རབ་འབྱམས་པ་རིན་ཆེན་ཆོས་དབང་། སློབ་དཔོན་རིན་པོ་ཆེ་བྲག་སླེ་བ། དེས་པདྨ་དཀར་པོ་ལའོ།། །།
༄། །སྟག་ལུང་ཐང་པའི་ཆོས་སྐོར་གྱི་གསན་ཡིག།
༄༅། །སྟག་ལུང་ཐང་པའི་ཆོས་སྐོར་གྱི་གསན་ཡིག །བཀྲ་ཤིས་ཀུན་གྱིས་འགྲོ་དྲུག་བདེ་ལེགས་དཔལ། །རྒྱ་མཚོས་བསྐྱངས་པའི་གྲགས་ལྡན་སྟག་ལུང་པ། །རྫོགས་པའི་སངས་རྒྱས་མི་གཟུགས་མཛད་དེ་ཡང་། །རྣམ་པ་ཀུན་ཏུའང་བདག་གི་བཀུར་སྟིའི་འོས། །སྟག་ལུང་པའི་ཆོས་དྲུག་ཡིད་བཞིན་ནོར་བུ་ཐོབ་པའི་བརྒྱུད་པ་ནི། 
4-442
རྡོ་རྗེ་འཆང་། ཏིལླི། ནཱ་རོ། མར་མི་དྭགས་གསུམ། དཔལ་ཕག་གྲུ། སྟག་ལུང་ཐང་པ་ཆེན་པོ། སངས་རྒྱས་སྒོམ་པ། བླ་མ་མཁས་པ། ཆོས་རྗེ་མངྒལ་གུ་རུ། རཏྣ་གུ་རུ། རཏྣ་ཀ་ར། རིན་ཆེན་དཔལ་བཟང་། འབལ་རིན་ཆེན་སེང་གེ །འབལ་སྨོན་ལམ་དཔལ་འབྱོར། སྟག་ལུང་རིན་པོ་ཆེ་ངག་དབང་གྲགས་པ། འབྲུག་པ་རིན་པོ་ཆེ་ངག་དབང་ཆོས་ཀྱི་རྒྱལ་པོ། གཅུང་རིན་པོ་ཆེ། དེས་པདྨ་དཀར་པོ་ལའོ། །ཐང་པ་སྔ་ཕྱིའི་བཀའ་འབུམ་ཡོངས་སུ་རྫོགས་པ་ཐོབ་པའི་བརྒྱུད་པའང་དེ་ཡིན། སྟག་ལུང་པ་ཕྱི་མས་བསྒྲིགས་པ་ཆོས་སྐྱོང་གི་གསེར་པོད་དུ་གྲགས་པ་ཐོབ་པའི་བརྒྱུད་པ། རྡོ་རྗེ་འཆང་། མགོན་པོ་ཀླུ་སྒྲུབ། ཨཱརྱ་དེ་ཝ། སློབ་དཔོན་རྟ་དབྱངས། རྡོ་རྗེ་གདན་པ། ཙ་མི་སངས་རྒྱས་གྲགས་པ། དཔལ་ཆེན་རྒྭ་ལོ། །འགྲོ་མགོན་ཕག་གྲུ། སྟག་ལུང་ཐང་པ་མན་གོང་བཞིན། ཡང་འབྲི་ཁུང་འཇིག་རྟེན་མགོན་པོ། སྤྱན་སྔ་བ། རྒྱལ་བ་རིན་པོ་ཆེ། དེས་བླ་མ་འོལ་ཁ་བ། དེས་དགེ་སློང་རིན་རྒྱལ་བ། དེས་སློབ་དཔོན་བཛྲ་རཏྣ། དེས་སློབ་དཔོན་མགོན་གཞོན་པ་ལ། དེས་ཡར་ཀླུངས་པ་སེང་གེ་རྒྱལ་མཚན། དབོན་པོ་རྒྱལ་མཆོག །ས་སྐྱ་པའི་བདག་པོ་གྲགས་བློ་ལ། སྟག་ལུང་རིན་པོ་ཆེ་ངག་དབང་གྲགས་པ་མན་འདྲའོ།། །།
༄། །ས་སྐྱ་པའི་ལམ་འབྲས་བུ་དང་བཅས་པའི་གདམས་ངག་ལས་ཕག་གྲུ་ལུགས་ཀྱི་གསན་ཡིག།
༄༅། །ས་སྐྱ་པའི་ལམ་འབྲས་བུ་དང་བཅས་པའི་གདམས་ངག་ལས་ཕག་གྲུ་ལུགས་ཀྱི་གསན་ཡིག །
4-443
གནས་བརྟན་ཆེན་པོ་དཔལ་ལྡན་ཆོས་སྐྱོང་དེ། །བདག་མེད་ལྷ་མོས་བྱིན་རླབས་བརྟུལ་ཞུགས་མཚན། །བི་རུ་པཀྵ་ས་གསུམ་འདི་སྐྱོབ་པ། །མཐུ་སྟོབས་དབང་ཕྱག་ཞབས་ལ་ཕྱག་འཚལ་ལོ། །འཇམ་མགོན་ཐུགས་རྗེ་སྦར་བའི་དྡྷིཿཡིག་ཧཱུྃ། །ཁ་བ་ཅན་མཚོའི་པདྨོའི་དཔྱིད་ཆགས་པ། །ཐུབ་བསྟན་སྣང་བ་མཆོག་ལས་མཆོག་བགྱིད་མཁན། །ས་སྐྱའི་རྗེ་བཙུན་རྣམས་ལ་ཕྱག་བགྱིའོ། །དཔལ་ཀྱེེ་རྡོ་རྗེའི་རྫོགས་རིམ་རྡོ་རྗེ་ཐེག་པ་ལ་རིམ་པར་བཀྲི་བའི་སྒོ །ལམ་འབྲས་བུ་དང་བཅས་པ་རྣལ་འབྱོར་གྱི་དབང་ཕྱུག་བིརྦ་པའི་དབང་བཞིའི་གདམས་ངག །ནག་པོ་པའི་དོན་དུ་བདག་མེད་མའི་གསུང་ཐོ་ཡིག་ཏུ་བཀོད་པ་པཎྜི་ཏ་ཆེན་པོ་ག་ཡ་དྷ་རས་ཇི་ལྟ་བ། བླ་མ་ཆེན་པོ་འབྲོག་མི་ལོ་ཙ་བ་ལ་སྩལ་ལ། རྩ་བ་དེ་མེད་བའི་ལམ་གྱི་ཆིངས་མཐུན་པ་ཞིག་འགོས་ཁུག་པ་ལྷ་བཙས་ལ་གནང་། དང་པོ། འཇམ་པའི་དབྱངས་ཀྱི་སྤྲུལ་པ་དཔལ་ས་སྐྱ་པ་ཆེན་པོ་ཀུན་དགའ་སྙིང་པོས་ཞང་ཆོས་འབར་ཞེས་པ། སྦས་པའི་རྣལ་འབྱོར་པ་ཞིག་ལ་གསན་ཏེ་རྒྱས་པར་མཛད་པ་དེ་ཉིད་དང་། དེའི་གསུང་སློབ་མས་ཟིན་བྲིས་སུ་བྲིས་པ་ཇི་སྙེད་པ་ལས། བདེ་བར་གཤེགས་པ་ཆེན་པོའི་ཟིན་བྲིས་འདི་ས་ཆེན་གྱིས་མཆོག་ཏུ་བསྔགས་ཤིང་འོན་ཀྱང་གསལ་དྲགས་པས་དཔེ་མཛོད་དུ་སྦོས་ཤིག་པར་གདམས་པ་ལས་དཔེ་མཛོད་མར་གྲགས་པ། 
4-444
འདི་ལྟ་བུ་ཟབ་ཅིང་གསལ་བས་དོན་དུ་གཉེར་བ་ཐམས་ཅད་དམ་པ་འདིའི་དྲུང་དུ་བསྙགས་དོགས་ནས་དེ་སྐད་གསུངས་སོ་ཟེར་པ་ནི་བླུན་པོའི་ཚིག་གོ །བདེ་གཤེགས་ཆེན་པོ་འདིའི་སློབ་མའི་མཁས་ཤོས་མཐོང་ལམ་གྱི་རྟོགས་པ་ཐོབ་པར་གསུང་པ་ཡིན། ཕྱིས་སྒམ་པོར་བྱོན། དེ་ནས་བླ་མའི་སྤྱན་སྔར་བྱོན་དུས་སྤྱན་སྤྲིན་འགྱུར་བ་གཟིགས་པ་ལ། གཞན་དག་སྒམ་པོ་པའི་སློབ་མ་བྱས་པ་ལ་མ་མཉེས་པས་སོ་ཡང་སྙམ། གླེང་ཡང་གླེང་ངོ་། །མཚན་ཉིད་དང་ལྡན་པའི་བླ་མ་དག་ལ་དེ་འདྲ་ག་ལ་སྲིད། གང་གིས་འདུལ་བ་དང་། གང་ལས་སེམས་ཅན་ལ་ཕན་ཐོགས་ཆེ་བ་ལ་དེ་དག་ཆེད་དུ་སྦྱོར་བ་མཛད་པའི་ཕྱིར་རོ། །བླ་མ་སྤོང་ལེན་ལྟ་བུར་སེམ་པ་ནི་ཇོ་གདན་ཆང་བཟིའི་གཏམ་དཔེ་ཉིད་དོ། །དེ་ཡང་རྗེ་ཕག་གྲུ་ཉིད་ཀྱིས་བླ་མ་ཡུན་རིང་དུ་མི་བཞུགས་པའི་མཚན་མར་གསུངས་པ་ལྟར་ཐོག་ཏུ་བབ་བོ། །དེ་ལྟ་བུའི་ཕག་གྲུའི་ལུགས་ཀྱི་གླེགས་བམ་ལ། བིརྦ་པའི་ལོ་རྒྱུས། རྡོ་རྗེའི་ཚིག་རྐང་། འགྲེལ་ཆེན་དཔེ་མཛོད་མ། ཐུན་མོངས་གསལ་བྱེད་ཀྱི་ཡི་གེ །རླུང་སྦྱོར་བདུན་གྱི་ཁྲིད། ལམ་འཇུག་ལྡོག །ཕྱག་རྒྱ་འཇུག་ལྡོག །ཕྱི་ནང་གི་མཛད་པ་བཅུ་གཉིས། གེགས་སེལ་འཁྲུལ་འཁོར། རླུང་སྦྱོར་གྱི་གེགས་བསལ་བ། ཡན་ལག་ལྔ་སྦྱོང་། འཕྲིན་ལས་སོ་གཉིས། བསམ་གཏན་དོར་བའི་འཕྲང་བདུན། 
4-445
གེགས་སེལ་བྱུང་རྒྱལ་དུ་མི་བཏང་བའི་གནད་བཞི། གནད་བཅུ་གཅིག་གི་ཡི་གེ །ཞལ་གདམས་གནད་ཀྱི་གདམས་པ་གསུམ་པ། གེགས་སེལ་ཞལ་གདམས་གསུམ་པ། བིརྺ་པའི་གསང་རྒྱུད་སོགས་ཀྱི་བརྒྱུད་པ་ནི། རྡོ་རྗེ་འཆང་། བདག་མེད་མ། བིརྺ་པ། ནག་པོ་པ། ཌ་མ་རུ་པ། ཨ་ཝ་དྷཱུ་ཏཱི་པ། ག་ཡ་དྷ་ར། འབྲོག་མི་ལོ་ཙ་བ། སེ་མཁར་ཆུང་བ། ཞང་དགོན་པ་བ། བླ་མ་ས་སྐྱ་པ་ཆེན་པོ། དཔལ་ཕག་མོ་གྲུ་པ། གླིང་རས། རྒྱ་རས། དབོན་རས། གཞོན་ནུ། རྡོར་གླིང་པ། སྤོས་སྐྱ་པ། བཅུ་གསུམ་པ། ཀུན་དགའ་སེང་གེ །བསམ་རྒྱལ་ཁ་ཆེ། བློ་གྲོས་སེང་གེ། མཁྱེན་བརྩེ་རྟོགས་ལྡན། ཡེ་ཤེས་རིན་ཆེན། ནམ་མཁའི་རྣལ་འབྱོར། རྒྱལ་དབང་རྗེ། ངག་དབང་ཆོས་ཀྱི་རྒྱལ་པོ། རྒྱལ་ཚབ་དམ་པ། པདྨ་དཀར་པོའམ། སྐྱོབ་པ། སྤྱན་སྔ་རིན་པོ་ཆེ། བཅུ་གཉིས་རིན་པོ་ཆེ། སློབ་དཔོན་དབང་བསོད། སྤྱན་སྔ་གྲགས་ཤེ། སློབ་དཔོན་ཚུལ་རྒྱལ། སྤྱན་སྔ་གྲགས་བྱང་། སྤྱན་སྔ་ཀུན་སྤངས། གྲགས་པའི་མཚན་ཅན། བླ་མ་རྟོགས་ལྡན་པ། ལྷུན་བདེ་རབ་འབྱམས་པ། འཇམ་དཔལ་ལྷུན་གྲུབ། ཤེས་རབ་དབང་པོ། ཆོས་ཀྱི་གྲགས་པ། སྒྱུ་མའི་གར་མཁན། པདྨ་དཀར་པོ། ཡང་། སྤྱན་སྔ་གྲགས་ཤེ་ནས། ཆོས་དཔལ་ཤེས་རབ། བླ་མ་རིན་བསོད། བླ་མ་སྨོན་ལམ་དཔལ་འབྱོར། སྟག་ལུང་ངག་དབང་གྲགས་པ། འབྲུག་པ་རིན་པོ་ཆེ་ངག་དབང་ཆོས་ཀྱི་རྒྱལ་པོའོ། །
4-446
རྗེ་བཙུན་སྐུ་མཆེད་ཀྱིས་མཛད་པའི། དག་ལྗོན་སྤྱི་གསུམ། འཕགས་པའི་རྒྱུད་མཆན། ཐེག་ཆེན་ཆོས་རྗེའི་དགའ་ལྡན་སྙེ་མ་རྣམས་ཀྱི་བརྒྱུད་པ། རྗེ་བཙུན་རྩེ་མོ། རྗེ་བཙུན་གྲགས་པ། ས་པཎྜི་ཏ། འགྲོ་མགོན་ཆོས་རྒྱལ་འཕགས་པ། ཚོགས་སྒོམ་པ་བསོད་ནམས་དཔལ། ཉན་ཆེན་པ། ན་བཟའ་བྲག་ཕུག་པ། བླ་མ་དམ་པ་བསོད་ནམས་རྒྱལ་མཚན། ཐེག་ཆེན་ཆོས་རྗེ། ལུང་རིགས་རྒྱ་མཚོ། མཁན་ཆེན་སེང་གེ་དཔལ་བ། ཆོས་རྗེ་བསོད་ནམས་བཟང་པོ། རྡོ་རྗེ་གདན་པ་ཀུན་དགའ་རྣམ་རྒྱལ། འབྲི་ཁུང་མཁན་པོ་ཞོ་ར་བ། མཁན་ཆེན་ཆོས་གྲུབ་སེང་གེ། འབུམ་རབ་འབྱམས་པ་རིན་ཆེན་ཆོས་དབང་། སློབ་དཔོན་རིན་པོ་ཆེ་ཆོས་རྒྱལ་ལྷུན་གྲུབ། དེས་པདྨ་དཀར་པོ་ལའོ།། །།
༄། །མ་ཅིག་གི་སྐོར་ཇི་ཙམ་ཐོབ་པའི་གསན་ཡིག་བཞུགས།
༄༅། །མ་ཅིག་གི་སྐོར་ཇི་ཙམ་ཐོབ་པའི་གསན་ཡིག་བཞུགས། རྣམ་ཐར་སྒོ་ཡི་གྲུ་གསུམ་གཏིང་ཟབ་པར། །གཟུང་འཛིན་དགྲ་བགེགས་འབྲུབ་པའི་རྣལ་འབྱོར་མ། །ལབས་ཀྱི་སྒྲོན་མ་བརྟུལ་ཞུགས་དོན་གཉེར་བའི། །ལམ་ལ་སྣང་བ་ཆེ་ལས་ཆེན་པོར་གྱུར། །འདིར་ཨ་མ་ལབས་ཀྱི་སྒྲོལ་མའི་གདམས་ངག་ཤེས་རབ་ཀྱི་ཕ་རོལ་ཏུ་ཕྱིན་པའི་གདམས་པ་ཟབ་མོ་བདུད་སྤྱོད་ཚུལ། སྨད་འབྲུག་པའི་དགེ་བའི་བཤེས་གཉེན་འཇམ་དབྱངས་མགོན་པོའི་ཟིན་བྲིས། མཛད་པ་ཟབ་དོན་ཐུགས་ཀྱི་ཉིད་ཁུ་འདི་ལ། ཐོག་མར་སྤྱོད་ཀྱི་ལོ་རྒྱུས། དབང་བསྐུར་ཆོས་ཀྱི་སྒོ་འབྱེད། ཉམས་ལེན་བྱིན་རླབས་སྒོ་འབྱེད། 
4-447
ངོ་སྤྲོད་ནམ་མཁའ་སྒོ་འབྱེད། སྒྲུབ་ཐབས་དངོས་གྲུབ་སྒོ་འབྱེད། བར་དོ་འོད་གསལ་སྒོ་འབྱེད། གེགས་སེལ་རྟེན་འབྲེལ་སྒོ་འབྱེད། རྨི་ལམ་ཉི་ཟླ་སྒོ་འབྱེད། འཕོ་བ་ཐར་པའི་སྒོ་འབྱེད། གཞན་དོན་འཕྲིན་ལས་སྒོ་འབྱེད། གྲུབ་མཐའ་ཁྱད་འཕགས་སྒོ་འབྱེད། ཟབ་དོན་གྱི་གཞུང་། དེའི་བསྡུས་དོན་སྤྱི་ཁྲིད་དུ་བཤད་པ། ཉམས་ཁྲིད་དུ་བསྐྱང་བ། གཞན་དོན་འཕྲིན་ལས་སྒོ་འབྱེད་ལ། ཞི་བའི་ལས། རྒྱས་པའི་ལས། དབང་གི་ལས། དྲག་པོའི་ལས་དང་བཞི་ལས། མཛེ་གསོ་བ། ཁམས་འདུས་ཅན་གསོ་བ། སྲིའུ་གསོ་པ། དེ་རྣམས་ཐོབ་པའི་བརྒྱུད་པ་ནི། ཡུམ་ཆེན་མོ། ཤཀྱ་ཐུབ་པ། འཇམ་དཔལ་སྨྲ་སེང་། འཕགས་མ་སྒྲོལ་མ། སུ་ཀ་སིདྡྷི། ཨཱརྱ་དེ་ཝ། དམ་པ་སངས་རྒྱས། བསོད་ནམས་བླ་མ། མ་གཅིག་ལབས་སྒྲོན། ཙི་སྟོན་དར་མ། དགེ་བཤེས་གཉལ་པ། མལ་གྲོ་བླ་མ། གྲུབ་པ་འབའ་རེ། སྤང་པོ་ཁ་པ་ཡོན་ཏན་འོད་ཟེར། དབོན་པོ་ཤཱཀྱ་བླ་མ། སངས་རྒྱས་རས་པ། སྲས་རིན་ཆེན་གཞོན་ནུ། སྒྲོས་སྟོན་བདུད་རྩི་གྲགས་པ། མཁས་པ་འཇམ་དབྱངས་མགོན་པོ། འཇམ་དབྱངས་མགོན་པོའི་རྣམ་ཐར་ན། བླ་མ་དབུས་པ་ལ་གསན་གསུང་བ་འདུག་པ་དེ་ཁའོ། །དེ་ནས་ཁྱུང་སྟོན་བླ་མ། སངས་རྒྱས་སེངྒེ་། བསོད་ནམས་རིན་ཆེན། ཆོས་ཀྱི་གྲགས་པ། རྒོད་ཕྲུག་རས་པ། ཁམས་སྟོན་པ། བླ་མ་སྤྱོད་པ། ལྷུན་བདེ། དཔལ་འབྱོར་རྒྱལ་མཚན། 
4-448
རྗེ་འཇམ་དཔལ་ལྷུན་གྲུབ། གྲུབ་ཆེན་ཐུགས་རྗེ་ལྷུན་གྲུབ། སློབ་དཔོན་རིན་པོ་ཆེ་ཆོས་རྒྱལ་ལྷུན་གྲུབ། པདྨ་དཀར་པོའོ། །མ་ཁྲིད་ཆེན་མོ་དང་། སྟན་ཐོག་གཅིག་མ་ཐོབ་པའི་བརྒྱུད་པ་ནི། མ་གཅིག་ནས་རྒྱལ་བ་དོན་གྲུབ། འཇམ་དབྱངས་མགོན་པོ། ཁུ་སྒོམ་ཆོས་སེང་། དོལ་པ་ཟང་ཐལ། རྒྱ་ནག་གཅེར་བུ། སངས་རྒྱས་རབ་སྟོན། རྟོགས་ལྡན་དགེ་སློང་པ། ཞེན་མེད་རས་པ། སངས་རྒྱས་སྟོན་པ། མཁས་གྲུབ་ཆོས་རྗེ། བཀྲ་ཤིས་མཚན་ཅན། རྡོ་རྗེའི་མཚན་ཅན། ཀུན་དགའི་མཚན་ཅན། ཆོས་ཀྱི་རྒྱ་མཚོ། རྒོད་ཕྲུག་རས་པ། སངས་རྒྱས་མཚན་ཅན། གྲགས་པའི་མཚན་ཅན། གྲུབ་རིངས་པ་བྱང་ཆུབ་ཉི་མ། གྲུབ་ཆེན་ཀུན་དགའ་རྒྱ་འཕེལ། ཀུན་སྤངས་རྗེ། དེས་པདྨ་དཀར་པོའོ། །ཡང་སྤྱོད་ཡུལ་སེང་གེ་རྣམ་པར་རྩེ་བ་ཞེས་པ་ལབས་ཀྱི་སྒྲོལ་མས་ཨ་ཝ་དྷཱུ་ཏི་པ་བཙུན་མོ་ཅན་ཉིད་ལ་གདམས། དེས་བདག །འདི་ལས་འཕོ་བ་ནམ་མཁའ་གོ་འབྱེད་རྩ་ཁྲིད་ཞེས་པའང་གསན་ཏེ། དེ་ཡང་ཐོབ་བོ།། །།
༄། །སྐྱེས་རབས་གཉིས་ཀྱི་གསན་ཡིག་བཞུགས་སོ།།
༄༅། །སྐྱེས་རབས་གཉིས་ཀྱི་གསན་ཡིག་བཞུགས་སོ། །བདུད་ཀྱི་སྡེ་བཅོམ་བྱང་ཆུབ་མཆོག་བསྙེས་ནས། །བསྙོན་མེད་དམ་པའི་ཆོས་བསྟན་ཚོགས་བསྡུས་པས། །ཟས་གཙང་སྲས་དེ་འབའ་ཞིག་བདག་ཅག་ལ། །ལན་བློན་མི་ནུས་བཀའ་དྲིན་སྐྱོང་བའི་གཉེན། །འདིར་སྟོན་པ་ཟས་གཙང་སྲས་ཀྱི་སྐྱེས་པའི་རབས་སོ་བཞི་པ། སློབ་དཔོན་དཔའ་བོས་མཛད་པ་ཉིད་དང་། 
4-449
ལྷག་མ་རང་བྱུང་རྡོ་རྗེས་མཛད་ནས་བརྒྱ་རྩར་གྲགས་པ་ཐོབ་པའི་བརྒྱུད་པ་ནི། དཔའ་བོ། ཟླ་གྲགས། རིག་པའི་ཁུ་བྱུག །གཞོན་ནུ་བུམ་པ། དྷརྨ་སུ་མ་ཏི། ཛ་ཡ་ཨཱ་ནནྡ། ཁུ་ལོ་ཙ་བ། གཙང་ནག་པ། གཤེར་ཆུ་སྐོར་བ། གཙང་པ་ཇོ་ནག །འོད་ཟེར་མགོན་པོ། འཇམ་དབྱངས་ཤཱཀ་གཞོན། རྗེ་རང་བྱུང་རྡོ་རྗེ། བླ་མ་གཡུང་སྟོན་པ་རྗེ་རོལ་པའི་རྡོ་རྗེ། ཆོས་རྗེ་མཁའ་སྤྱོད་དབང་པོ། དེ་བཞིན་གཤེགས་པ། སོག་དཔོན་ཀ་བཞི་བ་རིག་པའི་རལ་གྲི། མཐོང་བ་དོན་ལྡན། གུ་ཤཱི་དཔལ་འབྱོར་དོན་གྲུབ། ཆོས་གྲགས་རྒྱ་མཚོ། ཀརྨཱས་སི་ཏུ་བཀྲ་ཤིས་དཔལ་འབྱོར། སྨྱུག་ལ་ཆོས་རྗེ་ངག་དབང་གྲགས་པ། འབུམ་རམ་པ་རིན་ཆེན་ཆོས་དབང་། ཐེལ་མཁན་ཆེན་ཆོས་རྒྱལ་ལྷུན་གྲུབ། པདྨ་དཀར་པོ་ལའོ། །རྒྱལ་པོ་དགེ་དབང་ཞེས་པ་རྒྱ་གར་ཤར་ཕྱོགས་ཀྱི་སྙན་ངག་མཁན་ཆེན་པོས་མཛད་པའི་དཔག་བསམ་འཁྲི་ཤིང་། རྟོག་བརྗོད་བརྒྱ་དང་བདུན། དེའི་སྲས་ཟླ་དབང་གིས་མཛད་པའི་སྤྲིན་གཞོན་གྱི་རྟོགས་བརྗོད། བརྒྱ་རྩ་བརྒྱད་བཞུགས་པ་ཐོབ་པའི་བརྒྱུད་པ། སྙན་ངག་མཁན་ཆེན་པོ་ལ་ཀྵི། ཤོང་རྡོ་རྗེ་རྒྱལ་མཚན། སྤང་བློ་གྲོས་བརྟན་པ། བསོད་ནམས་རྩེ་མོ། གྲགས་པ་རྒྱལ་མཚན། བོ་དོང་པ་ཆོས་ཀྱི་རྒྱལ་མཚན། སྟག་ལུང་པ་ངག་དབང་གྲགས་པ། རྣམ་རྒྱལ་གྲགས་པ། རྣམ་རྒྱལ་བཀྲ་ཤིས། འབྲུག་པ་གཅུང་རིན་པོ་ཆེ་དེས་པདྨ་དཀར་པོའོ། །
4-450
སྒྲ་ཀ་ལཱ་པའི་གཞུང་། སྙན་ངག་མེ་ལོང་། འཆི་མེད་མཛོད། སྡེབས་སྦྱོར་རིན་ཆེན་འབྱུང་གནས་རྣམས་ཀྱི་བརྒྱུད་པ་ཡང་སྔ་མ་དང་འདྲ། ཡང་མེ་ལོང་ནི། སྙེ་ཐང་བློ་བརྟན། རྒྱལ་དབང་རྗེ། འདིས་དོན་རྒྱན་གྱི་འགྲེལ་པ་མཛད། དེ་ནས་འབྲུག་པ་རིན་པོ་ཆེ་ངག་དབང་ཆོས་ཀྱི་རྒྱལ་པོ། དེ་ཡང་ཐོས་སོ།། །།
༄། །དུད་སོལ་དང་རྒྱུད་གུར་རྗེ་བློན་གྱི་བརྒྱུད་ཡིག།
༄༅། །དུད་སོལ་དང་རྒྱུད་གུར་རྗེ་བློན་གྱི་བརྒྱུད་ཡིག་གོ། འདོད་པའི་དོན་གཉེར་ཡོངས་འདུ་ས་བརྟོལ་དང་། །བར་ཆད་འཇོམས་ལ་རོ་ལངས་ལྕེའི་རལ་གྲི། །ཐར་པའི་དགའ་སྟོན་དཔལ་གྱི་འབྱུང་གནས་མ། །དུད་སོལ་མཁའ་འགྲོའི་གཙོ་མོ་དེ་ལ་འདུད། །འདིར་རྗེ་ནཱ་རོ་པས་མར་པ་ལོ་ཙ་ཞེས་སྙན་པའི་གདུགས་དཀར་པོ་ས་གསུམ་ན་བསྒྲེང་བ་ལ་བོད་གངས་ཅན་འདི་ན་མཚུངས་པ་མ་བྱུང་བ་དེ་ལ་གདམས་པའི་བསྟན་བསྲུང་དུད་སོལ་གྱི་དབང་(ཤིན་ཏུ་གསང་།)[*]དང་རྗེས་གནང་ཐོབ་པའི་བརྒྱུད་པ་ནི། རྡོ་རྗེ་འཆང་། དུད་སོལ། བིརྺ་པ། ནག་པོ་སྤྱོད་པ། རྣམ་རྒྱལ་ཞབས། ཏིལླི་པ། ནཱ་རོ་པ། མར་པ། རྔོག་ཆོས་རྡོར། མདོ་སྡེ། ཀུན་དགའ། གཟི་བརྗིད་གྲགས་པ། རིན་ཆེན་བཟང་པོ། ཆོས་ཀྱི་རྒྱལ་མཚན། དོན་གྲུབ་དཔལ། བྱང་ཆུབ་དཔལ་སྟེ་རྔོག་བདུན་བརྒྱུད། རྒྱལ་དབང་རྗེ། དགེ་སློང་རིན་ཆེན་རྣམ་རྒྱལ། འཇམ་དབྱངས་ཆོས་ཀྱི་གྲགས་པ། རྗེ་མཐུ་སྟོབས་ཞབས། པདྨ་དཀར་པོ། ཡང་ན། བྱང་ཆུབ་དཔལ་ནས། 
4-451
བྱང་ཆུབ་དཔལ་གྲུབ། དྲུང་ནས་ནམ་མཁའ་ལྷུན་གྲུབ། རྡོ་རྗེ་གླིང་པ་ཡོན་ཏན་ཡེ་ཤེས་སོ། །དེའི་ཆོས་སྐོར་ལ། རྒྱུད་དངོས་གྲུབ་འབྱུང་བ་དང་། མེ་ལྕེ་འབར་མ། ནང་སྒྲུབ་ཀྱི་གཞུང་དང་གསང་སྒྲུབ་ཀྱི་གཞུང་གཉིས་ནཱ་རོ་པས་མཛད་པ། དེ་གཉིས་ཀྱི་འགྲེལ་པ་དང་ས་སྤྱད་མར་པས་མཛད་(འགའ་ཞིག་ཏུ་ཞེ་སྡང་རྡོ་རྗེས་མཛད་ཟེར་བའང་སྣང་ངོ་།)[*]པ། བསྙེན་པའི་མན་ངག །རྨི་ལམ་བརྟག་པ། མངོན་ཤེས་སྒྲུབ་པ། ཡང་སྙིང་བསོལ་བ། སོལ་བ་ཅན་གྱི་སྒྲུབ་ཐབས། སོལ་བ་ཅན་གྱི་སྒྲུབ་ཐབས་རྡོ་བའི་མདེའུ། སྒྲུབ་ཐབས་ལས་སྦྱོར་པྲ་དབབ། ལྟས་ངན་དབབ་པ། ལས་ཚོགས་ཚེ་སྤེལ་བ། བསོད་ནམས་སྤེལ་བ། ནད་ཞི་བ། གཏོར་ཆོག་སྟེ་ཕལ་ཞེ་སྡང་རྡོ་རྗེས། ལས་བྱང་རྒྱ་མཚོ་གསལ་སྒྲོན། དེར་མ་ཐུས་པའི་མན་ངག་ཞལ་རྒྱུན་ཏུ་བཞུགས་པ། བསྟོད་པ་སོགས་ཚང་བར་ཐོབ་པའི་བརྒྱུད་པ་ནི། བྱང་ཆུབ་དཔལ་ནས། རྔོག་བསོད་ནམས་དོན་གྲུབ། རྔོག་བསོད་ནམས་ལྷུན་པོ། རྡོ་རྗེ་འཛིན་པ་ཆོས་ཀྱི་མགོན་པོ། དེས་པདྨ་དཀར་པོ་ལའོ། ། ཡང་ན་མར་པ་ནས། ཚུར་སྟོན་དབང་གི་རྡོ་རྗེ། ཁོན་གད་པ་ཀཱིརྟི། རྒྱ་ཕོ་བ་ལུང་པ། བླ་མ་བཙན་འཕྲེང་བ། སློབ་དཔོན་དཔལ་ལྡན་སེང་གེ །ཁམས་པ་ཡེ་ཤེས་བརྩོན་འགྲུས། རྡོ་རྗེ་བཀྲ་ཤིས། སློབ་དཔོན་བཟང་པོ་དཔལ། རྔོག་རིན་པོ་ཆེ་བྱང་ཆུབ་དཔལ་མན་འདྲ། 
4-452
འདི་རྗེས་གནང་སྒྲུབ་ཐབས་གཉིས་ཀྱི་བརྒྱུད་པ་ཡིན་ནོ། །ཡང་དེ་ཉིད་ཀྱི་བརྒྱུད་པ་(བྱ་བའི་སྤུ་གྲི་སྐོར་གསུམ་གྱི་ལྷ་མོའི་བརྒྱུད་པ་འདི་ཡིན། གསེར་ཀྱི་སྤུ་གྲི་རྙིང་མའི་སྤུ་གྲི་སྐོར་གསུམ་དུ་འབྱུང་བ་དང་མི་མཐུན་ནོ། །)[*]ལུགས་གཅིག་ལ། རྔོག་མདོ་སྡེ། རྒྱ་གསར་པ་རིན་ཆེན་འབུམ། རྒྱ་བསོད་ནམས་འབུམ། བྱ་ནག་རིན་ཆེན་འོད། བྱ་ཇོ་སྲས། བྱ་མངའ་བདག་པ། ཆོ་རྒྱལ་དཔལ་བཟང་། བསེ་ཆོས་རྒྱལ། ལྷོ་པ་སྔགས་འབུམ། བླ་མ་བཀྲ་ཤིས་བཟང་པོ། བླ་མ་བཀྲ་ཤིས་ཚངས་པ། རིག་འཛིན་ནམཁའ་རྡོ་རྗེ། གོང་མ་ཆོས་ཀྱི་གྲགས་པ། དེས་བྱ་བཀྲ་ཤིས་རྣམ་རྒྱལ་དང་རྗེ་མཐུ་སྟོབས་ཞབས་གཉིས་ལ། དེ་གཉིས་ཀ་ལ་པདྨ་དཀར་པོས་སོ། །རྒྱུད་གུར་གྱི་རྗེས་གནང་སྒྲུབ་ཐབས། ལྷ་མོའི་དབང་བརྒྱུད་དང་གཅིག། །།
༄། །རྫོགས་པ་ཆེན་པོའི་རྒྱུད་ཀྱི་ཐོབ་ཡིག་བཞུགས་སོ།།
༄༅། །རྫོགས་པ་ཆེན་པོའི་རྒྱུད་ཀྱི་ཐོབ་ཡིག་བཞུགས་སོ། །མཆོག་གི་གདུལ་བྱ་བཻ་ཌཱུརྱ་ཡི་གཞི། །རྒྱལ་བའི་ཡོན་ཆོས་ཏན་རི་མོས་གང་བྱེད་མཁན། །དང་པོའི་རྡོར་སེམས་ལྷ་ཡི་ལྷ་དབང་ནི། །རིག་འཛིན་ཀུན་གྱི་གཟུགས་དེར་ཕྱག་འཚལ་ལོ། །རྡོ་རྗེ་ཐེག་རྩེར་མཚུངས་ཀྱང་བོད་ཡུལ་བས། །གསང་ཆེན་རྙིང་མ་ཞེས་བྱར་རིས་བཅད་པའི། །རྒྱུད་སྡེའི་ཕུལ་འདི་ཐོས་བཟོད་སྐལ་བཟང་སྙམ། །བདག་ནི་རང་གི་བསོད་ནམས་བསྔགས་པར་བགྱི། །བཀའ་རྫོགས་པ་ཆེན་པོའི་རྒྱུད་འབུམ་ཕྲག་དྲུག་ཅུ་རྩ་བཞི་ལས། གསང་བ་ཡང་བཅུད་དུ་ཕྱུང་བ་རྒྱུད་བཅུ་བདུན་ཏེ། 
4-453
རྒྱ་མཚོ་ལྟ་བུའི་རྒྱུད་རིག་པ་རང་ཤར། ༡ ཉི་མ་ལྟ་བུའི་རྒྱུད་ཉི་ཟླ་ཁ་སྦྱོར། ༢ སེང་གེ་ལྟ་བུའི་རྒྱུད་རྡོ་རྗེ་སེམས་དཔའ་སྙིང་གི་མེ་ལོང་། ༣ རི་རྒྱལ་ལྟ་བུའི་རྒྱུད་སེང་གེ་རྩལ་རྫོགས། ༤ འཁོར་ལོ་ལྟ་བུའི་རྒྱུད་བཀྲ་ཤིས་མཛེས་ལྡན། ༥ ལྡེ་མིག་ལྟ་བུའི་རྒྱུད་ཡི་གེ་མེད་པ། ༦ རལ་གྲི་ལྟ་བུའི་རྒྱུད་སྒྲོན་མ་འབར་བ། ༧ གསེར་ཞུན་ལྟ་བུའི་རྒྱུད་ནོར་བུ་ཕྲ་བཀོད། ༨ མེ་ལོང་ལྟ་བུའི་རྒྱུད་ངོ་སྤྲོད་སྤྲས་པ། ༩ མུ་ཏིག་ལྟ་བུའི་རྒྱུད་མུ་ཏིག་འཕྲེང་བ། ༡༠ སྦྲུལ་མདུད་གྲོལ་བ་ལྟ་བུ་རིག་པ་རང་ཤར། ༡༡ ཆུ་རྒྱུན་ལྟ་བུའི་རྒྱུད་རྫོགས་པ་རང་བྱུང་། ༡༡ རྒྱལ་པོ་ལྟ་བུའི་རྒྱུད་སྐུ་གདུང་འབར་བ། ༡༣ བང་མཛོད་ལྟ་བུའི་རྒྱུད་རིན་ཆེན་སྤུངས་པ། ༡༤ གསལ་ཤིང་ལྟ་བུའི་རྒྱུད་ཀུན་ཏུ་བཟང་པོ་ཐུགས་ཀྱི་མེ་ལོང་། ༡༥ ཁྱུང་ཆེན་ལྟ་བུའི་རྒྱུད་ཀུན་བཟང་ཀློང་ཆེན་དྲུག་པ། ༡༦ ལྕགས་རི་ལྟ་བུའི་རྒྱུད་སྒྲ་ཐལ་འགྱུར་རོ། །༡༧ རྒྱུད་དེ་དག་ལས། རིག་པ་རང་ཤར་དང་རང་གྲོལ་གཉིས་བཤད་རྒྱུད་དེ། དེས་ལོ་འདབ་རྒྱས་པའི་ཚུལ་དུ་བཤད། རིན་ཆེན་སྤུངས་པ་དང་སྐུ་གདུང་འབར་བ་གཉིས་ཡན་ལག་གི་རྒྱུད་དེ། དེ་གཉིས་ཀྱིས་རྒྱ་མཚོ་ལ་གཟའ་སྐར་ཤར་བ་བཞིན་བཤད། སྒྲ་ཐལ་འགྱུར་དང་བཀྲ་ཤིས་མཛེས་ལྡན་གཉིས་ལུང་རིགས་གསལ་བའི་རྒྱུད་དེ། 
4-454
དེ་གཉིས་ཀྱིས་མེ་ཏོག་ཁ་འབྱེད་པའི་ཚུལ་དུ་བཤད། མེ་ལོང་རྣམ་གཉིས། ངོ་སྤྲོད་སྤྲས་པ། མུ་ཏིག་འཕྲེང་བ་བཞི་མན་ངག་གི་རྒྱུད་དེ། དེས་འབྲས་བུ་སྨིན་པའི་ཚུལ་དུ་བཤད། གློང་དྲུག །སྒྲོན་འབར། ཉི་ཟླ་ཁ་སྦྱོར། ཡི་གེ་མེད་པ་བཞི་དགོངས་པ་རང་གནས་ཀྱི་རྒྱུད་དེ། དེས་མཐོང་བྱེད་མིག་གི་ཚུལ་དུ་བཤད། སེང་གེ་རྩལ་རྫོགས་ནོར་བུ་ཕྲ་བཀོད་གཉིས་འཇུག་པ་རང་གྲོལ་གྱི་རྒྱུད་དེ། དེས་དྲན་གཞི་སྙིང་གི་ཚུལ་དུ་བཤད། ཅེས་གསུངས་ལ། ཆོས་སྲུངས་ཁྲོས་ནག་གི་རྒྱུད་བསྣན་ནས། དེས་མེལ་ཚེ་བྱེད་པའི་ཚུལ་དུ་བཤད་དོ། ། རྒྱུད་དེ་དག་ལ་མན་ངག་དུ་ཡོད་ཅེ་ན། རིག་པ་རང་ཤར་རྒྱུད་ལ་མ་བུ་བདུན། ༡ སྙིང་གི་མེ་ལོང་མ་བུ་བཞི། ༢ སེང་གེ་རྩལ་རྫོགས་ལ་མ་བུ་བཅུ། ༣ ཡི་གེ་མེད་པ་ལ་མ་བུ་ལྔ། ༤ བཀྲ་ཤིས་མཛེས་ལྡན་ལ་མ་བུ་དགུ། ༥ ཐལ་འགྱུར་ལ་མ་བུ་བདུན། ༦ ཐུགས་ཀྱི་མེ་ལོང་ལ་མ་བུ་དྲུག །༧ སྒྲོན་མ་འབར་བ་ལ་མ་བུ་ལྔ། ༨ ནོར་བུ་ཕྲ་བཀོད་ལ་མ་བུ་བདུན། ༩ ཉི་ཟླ་ཁ་སྦྱོར་ལ་མ་བུ་དྲུག །༡༠ ངོ་སྤྲོད་སྤྲས་པ་ལ་མ་བུ་བཅོ་ལྔ། ༡༡ མུ་ཏིག་འཕྲེང་བའི་རྒྱུད་ལ་མ་བུ་གསུམ། ༡༢ རིག་པ་རང་གྲོལ་ལ་མ་བུ་བཞི། ༡༣ རྫོགས་པ་རང་བྱུང་ལ་མ་བུ་བཅུ་གཉིས། 
4-455
༡༤ གློང་ཆེན་དྲུག་ལ་མ་བུ་ལྔ། ༡༥ སྐུ་གདུང་འབར་བའི་རྒྱུད་ལ་མ་བུ་བདུན། ༡༦ རིན་ཆེན་སྤྲངས་པ་ལ་མ་བུ་དྲུག །༡༧ དེའི་ཕྱིར་སེམས་སྡེ་ཀློང་སྡེ། མན་ངག་གི་སྡེ་ཐམས་ཅད་ཀྱི་རྩ་བར་གྱུར་པ་ཞེས་སྔ་རབས་པ་རྣམས་འཆད་ལ། སློབ་དཔོན་ཆེན་པོ་ཀློང་ཆེན་རབ་འབྱམས་པས། སྒྲ་ཐལ་འགྱུར་རྩ་རྒྱུད་དུ་མཛད་དེ། གཞན་རྣམས་བཤད་རྒྱུད་ལྟ་བུར་སྦྱར་ནས་འགྲེལ་པ་ཐེག་མཆོག་མཛོད་ཅེས་པ་མཛད་དེ། དེ་ལྟ་བུའི་རྒྱུད་དེ་སུས་གསུངས། རིག་འཛིན་རྣམས་ལ་ཇི་ལྟར་བརྒྱུད། མན་ངག་གི་བརྒྱུད་པ་གང་དུ་བྱུང་ཞེ་ན། རྒྱལ་བའི་བཀའ་དྲི་མ་མེད་པ་ཡིན་པའི་ཕྱིར་རྒྱལ་བ་དགོངས་པས་བརྒྱུད་པ། གསང་སྔགས་ངེས་པའི་དོན་ཡིན་པའི་ཕྱིར་རིག་འཛིན་བརྡའི་བརྒྱུད་པ། རྒྱ་བོད་སྦྲེལ་བའི་མན་ངག་གི་བརྒྱུད་པ་ཟམ་མ་ཆད་པའི་ཕྱིར། གར་ཟག་སྙན་ཁུང་དུ་བརྒྱུད་པ་གསུམ། དང་པོ་ནི། སྟོན་པ་ཆོས་སྐུས་སྤྲུལ་པའི་སྐུ་དང་། འཁོར་ས་ལ་གནས་བའི་བྱང་ཆུབ་སེམས་དཔའ་ལ་ལོངས་སྐུའི་ཚུལ་གཟུང་། རང་གི་ངོ་བོའི་སྒོ་ནས་བཤད། དེ་ནས་ལོངས་སྐུ་དེས་མེ་ཏོག་པདྨའི་སྟེང་དུ་རང་བྱུང་རྡོ་རྗེ་སེམས་དཔའ་སྤྲུལ་པའི་སྐུར་བྱོན་ནས། ལྷ་གནས་རྣམ་པ་གསུམ་དུ་འཁོར་རྣམ་པ་བཞི་ལ་གདམས་པ་རིན་པོ་ཆེ་རྣམ་པ་གསུམ་བཤད། དེས་འཁོར་རྣམས་ཀྱི་ཐེ་ཚོམ་གྱི་སྤྲོས་པ་བཅད་དོ། །
4-456
དེ་ཡང་ཀུན་གསལ་ལས། གང་ཟག་བློས་བྱས་མ་ཡིན་པ། །སངས་རྒྱས་དགོངས་པ་བརྒྱུད་པ་བཤད། །ཞལ་ནས་གསུངས་པ་ཡིད་ཆེས་འགྱུར། །ཅེས་གསུངས། གཉིས་པ་ནི། རྡོ་རྗེ་སེམས་དཔའི་ཞལ་ལན་གསུམ་དུ་གཟིགས་པ། གསུང་ལན་གསུམ་དུ་གསན་པ། ཐུགས་ལེན་གསུམ་དུ་མཁྱེན་པ། རིག་འཛིན་གྱི་གཙོ་བོ་དགའ་རབ་རྡོ་(ཨུ་རྒྱན་གྱི་རྒྱལ་པོའི་སྲས་ཡབ་མེད། པྲཛྙཱ་བྷ་ཝ། དགའ་རབ་རྡོ་རྗེ། རོ་ལངས་བདེ་བ་ཅེས་མཚན་བཞི།)[*] རྗེས་རྒྱ་ནག་(འགའ་ཞིག་དུར་ཁྲོད་བསིལ་བ་ཚལ་ཟེར།)[*] བཀྲ་ཤིས་ཁྲི་སྒོཪ་འཇམ་དཔལ་བཤེས་(རྒྱ་གར་ནུབ་ཕྱོགས་རིམ་པ་གཉིས་པའི་གྲོང་ཁྱེད་དུ་འཁྲུངས་པ།)[*]གཉེན་ལ་བཤད། དེས་རྒྱ་གར་རྡོ་རྗེ་གདན་(འདི་ལུགས་ལ་སྔ་ཕྱི་གཉིས་འདི་སྔ་མ་ཕྱི་མའང་འདིའི་སྤྲུལ་པར་འདོད། རྡོ་རྗེ་གདན་ནས་ནུབ་བྱང་སོ་ས་གླིང་གི་དུར་ཁྲོད་ད་ལྟའི་ཙ་རིར།)[*]དུ་ཤྲཱི་སིངྷ་(རྒྱ་ནག་ཤོ་ཆའི་གླིང་དུ་འཁྲུངས།)[*]ལ་བཤད། དེས་དུར་ཁྲོད་བསིལ་བའི་ཚལ་(རྒྱ་ནག་བཀྲ་ཤིས་ཁྲི་སྒོར་ཛྙཱ་ན་པུ་ཏྲ་དང་། རྒྱ་གར་ཤར་ཕྱོགས་དུར་ཁྲོད་བྷ་སིང་གི་ནགསུ་ཛྙཱ་ན་པུ་ཏྲ་ལ་གསན་དགོས་བྱུང་།)[*]དུ་བི་མ་ལ་མི་ཏྲ་(རྒྱ་གར་ནུབ་ཕྱོགས་བླ་བའི་ཚལ་དུ་འཁྲུངས།)[*]ལའོ། །དེ་ཡང་ཀུན་གསལ་ལས། ངེས་པ་དོན་གྱི་འཁོར་ཡིན་པས། །རིག་འཛིན་བརྡའི་བརྒྱུད་པ་བཤད། །ལྡེམ་པའི་དོན་དགོངས་མ་ཡིན་པར། །
4-457
ངེས་པའི་དོན་དུ་ཡིད་ཆེས་འགྱུར། །གསུམ་པ་ནི། རྒྱལ་པོ་ཁྲི་སྲོང་ལྡེ་བཙན་ཀྱིས་བི་མ་ལ་སྤྱན་དྲངས། རྒྱལ་པོ་བརྟག་པའི་ཕྱིར་རྒྱུ་འབྲས་ཀྱི་ཆོས་བསྟན་པས་ཐུགས་མ་ཆེས་ཏེ། རྟ་ངང་པ་གསེར་སྒོང་ལ་དར་ཟབ་ཀྱི་སྟན་དང་དངུལ་གྱི་སྒ་ལ་གསེར་གྱི་པ་ཏྲ་སྟབ་པ་ཞིག་གཏང་ནས། དར་ཟབ་གྱི་ཐུར་བྱས་གསེར་སྐྱོགས་དངུལ་སྐྱོགས་གསེར་བསིལ་མས་བཀང་ཕུལ་ནས་ཞུས་པས། བསམ་ཡས་འཆིང་བུ་སྒྱིའུ་རུ། ཕྱི་ནང་གསང་བའི་དབང་དང་གདམས་ངག་གནང་། རྗེ་དང་གཉགས་ཛྙཱ་ན་དང་། མྱང་ཏིང་འཛིན་བཟང་པོ་གསུམ་ལ་རྒྱུད་ཕྱི་མ། དེ་གཉིས་ཀྱིས་ཚེ་འདི་ཉིད་ལ་གྲུབ་པ་མཐར་ཕྱིན། དེ་ནས་དཔེ་རྒྱུད་དང་སྙན་རྒྱུད་གཉིས་སུ་གྱེས། དཔེ་རྒྱུད་ཞའ་ཀེ་ཚང་དུ་སྦས། སྙན་རྒྱུད་ཉང་ཏིང་འཛིན་གྱིས་སྦས་བློ་གྲོས་དབང་ཕྱུག་ལ་བཤད། དེས་(ཁ་ཅིག་ཏུ་འདི་གཉིས་དཔོན་སློབ་ག་ལོག །)[*]འབྲོམ་རིན་ཆེན་འབར་བ་ལ་བཤད། དེས་ལྡང་མ་ལྷུན་གྱི་རྒྱལ་མཚན་ལ་བཤད། ལྡང་མས་ཀ་བའི་གསེབ་ནས་ཁ་བྱང་རྙེད་ནས་བཏོན། དེས་གཏེར་རྒྱུད་དང་སྙན་རྒྱུད་གཉིས་འཛོམ། ཁོང་གིས་ལས་ཅན་དུ་གཟིགས་ནས་ལྕེ་བཙུན་སེང་གེ་དབང་ཕྱུག་ལ་བཀའ་གཏེར་གཉིས་ཀ་བཤད། དེས་སྙན་བརྒྱུད་ཀྱི་མན་ངག་མང་དུ་སྤེལ། གཏེར་བརྒྱུད་ཆད་པ་རྟག་ཆད་དུ་སྦས། ལྕེ་བཙུན་གྱིས་སྙན་བརྒྱུད་ཀྱི་སྐོར་བླ་མ་འ་སྒོམ་ཀླུ་པོ་ལ་གནང་། 
4-458
ཁོང་གིས་ཀྱང་གྲུབ་པ་ཐོབ། དེས་བླ་མ་ཤེས་རབ་གྲགས་པ་ལ་གནང་། དེས་རྗེ་བརྩོན་ཟླ་བ་ལ་གནང་། དེས་རྒྱལ་བ་ཞང་སྟོན་ལ་གསུངས། དེས་གསང་བ་བླ་མེད་ཀྱི་གཏེར་འཐོན། གཏེར་བརྒྱུད་དང་བཀའ་བརྒྱུད་དུ་འཛོམ་མོ། །དེས་བླ་མ་ཉི་མ་འབུམ་ལ་གསུངས་ཏེ། དེས་དབོན་པོ་ཇོ་བེར་ལ་གསུངས། དེས་འཁྲུལ་ཞིག་སེང་གེ་རྒྱ་བ། དེས་གྲུབ་ཆེན་ཟླ་བ་མུན་སེལ། དེས་རིག་འཛིན་ཀུ་མཱ་ར། དེས་ཀློང་ཆེན་རབ་འབྱམས་པ། དེ་ནས་མཁས་གྲུབ་དྷརྨ་ཀཱིརྟི། མཁས་བཙུན་ཉི་མ་འོད་ཟེར། བྱང་སེམས་ཀུན་དགའ་རྒྱལ་མཚན། སྤྲུལ་སྐུ་ཆོས་དབྱིངས་གྲགས་པ། ལྷུན་སྡེ་རབ་འབྱམས་པ། དེའི་དབོན་ཐུགས་རྗེ་ལྷུན་གྲུབ་པ། དེའི་དབོན་ཐེལ་མཁན་ཆེན་ཆོས་རྒྱལ་ལྷུན་གྲུབ། དེས་པདྨ་དཀར་པོ་ལའོ། །ཡང་ན་ཀློང་ཆེན་པ་ནས། འཁྲུལ་ཞིག་ཆེན་པོ། ཀུན་བཟང་རྡོ་རྗེ། བྱ་བཏང་ཆེན་པོ། དཔལ་ལྷུན་བདེ་བའོ། །དེ་ཡང་ཀུན་གསལ་ལས། མ་འོངས་དུས་སུ་གང་ཟག་སྙན་བརྒྱུད་བཤད། །བརྒྱུད་པ་འབྲེལ་མ་ཆད་པ་ཡིད་ཆེས་འགྱུར། །ཅེས་གསུངས་སོ།། །།
༄། །སྒྲུབ་པ་ཆེན་པོ་བཀའ་བརྒྱད་བཀའ་བསྲུངས་དང་བཅས་པའི་གསན་ཡིག།
༄༅། །སྒྲུབ་པ་ཆེན་པོ་བཀའ་བརྒྱད་བཀའ་བསྲུངས་དང་བཅས་པའི་གསན་ཡིག །སྐུ་གསུང་ཐུགས་ཡོན་འཕྲིན་ལས་དྲག་སྔགས་དང་། །མ་མོ་འཇིག་རྟེན་འདུས་དང་བྱེ་བྲག་པའི། །དཀྱིལ་འཁོར་ཞལ་དབྱེ་དངོས་གྲུབ་ཆེ་གྲུབ་བའི། །གསང་ཆེན་རྙིང་མའི་རིག་འཛིན་ཀུན་ལ་འདུད། །ཀུན་བཟང་གིས་དགོངས་རྒྱལ་བ་རྣམས་བཞེད་ནས། །
4-459
ཁྲོ་བོར་བཞེངས་གསུངས་རྡོ་རྗེ་ཆོས་ཀྱིས་སུ། །བསྡུས་ཏེ་མཁའ་འགྲོ་མར་གཏད་གཅེས་པའི་གཏེར། རྒྱ་བོད་བླ་མས་བཏོན་གང་ཐོས་ཚུལ་འདིའོ། །དེ་ཡང་གསང་སྔགས་བླ་ན་མེད་པའི་རིགས། བྱེ་བྲག་པ་དང་འདུས་པའི་དཀྱིལ་འཁོར་ཆེན་པོ་དངོས་གྲུབ་དང་འཕྲིན་ལས་སྒྲབ་པའི་སྒོ་དུ་མར་བྱེ་བ་སྒྲུབ་པ་ཆེན་པོ་བཀའ་བརྒྱད་ཅེས་གྲགས་པ་འདི། །སྟོན་པ་དཔལ་(རྒྱལ་བ་དགོངས་བརྒྱུད།)[*]ཀུན་ཏུ་བཟང་པོས་དགོངས་པར་བཞུགས། རྒྱལ་བ་རྣམས་ཀྱིས་བཞེད་པ་གཅིག་ཏུ་དྲིལ་ནས། ཁྲོ་བོའི་དཀྱིལ་འཁོར་ཆེན་པོར་(རིག་འཛིན་བརྡའི་བརྒྱུད་པ་)[*]མངོན་སུམ་དུ་བསྟན་ཏེ་འཇིག་རྟེན་ལས་འདས་པ་དང་། འཇིག་རྟེན་པའི་འཁོར་དང་མ་འོངས་པ་འདུལ་བའི་ཕྱིར་བསྟན་པ། རིག་འཛིན་རྡོ་རྗེ་ཆོས་ཀྱིས་བསྡུས་ཏེ་རྒྱུད་ལུང་མན་ངག་ཏུ་ཕྱེ་ནས་གླེགས་བམ་དུ་བྱས། མཁའགྲོ་མ་(མཁའ་འགྲོ་བཏད་རྒྱའི་བརྒྱུད་པ་)[*]རྣམས་དང་ལྷ་མ་སྲིན་སྡེ་བརྒྱད་ལ་གཏད་དེ། དེ་ནས་མཁའ་འགྲོ་མ་དང་སྡེ་བརྒྱད་རྣམས་ཀྱིས་ཆེ་མཆོག་གི་རྒྱུད་ལུང་མན་ངག་གསེར་གྱི་སྒྲོམ་བུར་བཅུག །ཡང་དག་དངུལ་གྱི་སྒྲོམ་བུར། གཤིན་རྗེ་ལྕགས་ཀྱི་སྒྲོམ་བུར། པདྨ་ཟངས་ཀྱི་སྒྲོམ་བུར། ཕུར་པ་གཡུ་ཡི་སྒྲོམ་བུར། དྲག་སྔགས་གཟིའི་སྒྲོམ་བུར། མ་མོ་བསེའི་སྒྲོམ་བུར། འཇིག་རྟེན་འཆོང་གི་སྒྲོམ་བུར། རིན་པོ་ཆེ་སྣ་བརྒྱད་ཀར་བྱས་པའི་སྒྲོམ་བུར་བཀའ་བརྒྱད་གཅིག་ཏུ་འདུས་པའི་རྒྱུད་ལུང་མན་ངག་རྣམས་བཅུག་སྟེ་གར་སྦ་བ་བགྲོས་པས་མ་འཆམ། 
4-460
དེར་མཁའ་འགྲོ་ལས་ཀྱི་དབང་མོ་ཆེ་བྱོན་ནས་དུར་ཁྲོད་ཆེན་པོ་བསིལ་བའི་ཚལ་གྱི་མཆོད་རྟེན་བདེ་བྱེད་བརྩེགས་ཀྱི་ནང་དུ་སྦོས་ཤིག་པར་གདམས་པ་ལ་ཉན་ཏེ་དེར་སྦས་མ་མོ་དང་། མཁའ་འགྲོ་སྡེ་བརྒྱད་རྣམས་ཀྱིས་མཆོད་པ་ཆེན་པོ་རྒྱུན་མི་འཆད་པར་ཕུལ་ལོ། །དེ་ནས་རིང་པོར་མ་ལོན་པ་ཞིག་ན་དུར་ཁྲོད་ཆེན་པོ་བརྒྱད་ན་སློབ་དཔོན་ཆེན་པོ་བརྒྱད་དགོངས་པ་ལ་ཞུགས་པ་མཐུན་པའི་གཟིགས་སྣང་ལ་དུར་ཁྲོད་ཆེན་པོ་དེ་ན། ཉིན་བཞིན་རླུང་དང་འཚུབ་མ་དང་ཐོག་དང་སེར་བ་འབབ། མཚན་འོད་དང་མེད་འབར་གློག་འཁྱུག་པའི་ཆོ་འཕྲུལ་སྣ་ཚོགས་བྱུང་བས་བཀའ་བགྲོས་ཏེ་འདི་ན་འཇིག་རྟེན་གྱི་ཁམས་འཚེངས་པའི་ཆོས་འོང་། འོན་ཏེ་འཇིག་རྟེན་ཕུང་བའི་ངན་སྔགས། འོན་ཏེ་འཇིག་རྟེན་ཁམས་འཚེངས་པའི་ནོར་འོང་བས་འབྱིན་པར་ཞལ་འཆམ་མོ། །དེ་ནས་མ་མོ་མཁའ་འགྲོ་སྡེ་བརྒྱད་རྣམས་རྒྱུན་དུ་སྐོར་བ་བྱེད་པ་ལ་སློབ་དཔོན་རྣམས་ཀྱི་མཐུན་པའི་རྫས་ནི་བྱིན་རླབས་བཀའ་བདེན་པའི་ཆོས་བཤད། དགོངས་པ་རྒྱ་བསྐྱེད་ནས་དབང་དུ་བསྡུས་པས་དགུང་བདུན་གྱི་ནུབ་མོ་(ལས་ཀྱི་དབང་མོ་ཆེ་སོགས།)[*]གཏེར་སྐྱོང་རྣམས་ཀྱི་སྒྲོམ་བུ་རྣམས་ལས། གསེར་གྱི་སྒྲོམ་བུ་སློབ་དཔོན་བི་མ་ལ་ལ། དངུལ་ཧཱུྃ་ཀ་ར། ལྕགས་འཇམ་དཔལ་བཤེས་གཉེན། ཟངས་ཀླུ་སྒྲུབ་སྙིང་པོ། གཡུ་པདྨ་འབྱུང་གནས། 
4-461
བསེ་དྷ་ན་སཾ་ཀྲྀ་ཏ་ལ། འཆོང་རོང་པོ་གུ་ཧྱ་དེ་ཝ་ཙནྡྲར། གཟི་ཤནྟ་གརྦྷ་ལ་གཏད། རིན་པོ་ཆེ་སྣ་བརྒྱད་ཀྱི་སྒྲོམ་བུ་སློབ་དཔོན་རྣམས་ཀྱི་དབུས་སུ་ཕུལ་ལོ། །སློབ་དཔོན་རྣམས་ཀྱིས་རང་རང་གི་སྒྲོམ་བུ་ཁ་ཕྱེ་ནས། བི་མ་ལས་འདུད་རྩི་རོལ་པའི་རྒྱུད་སོགས་བདུད་རྩི་ཡོན་ཏན་གྱི་སྐོར་གྱི་བཀའ་བྱེ་བྲག་པ་ཧཱུྃ་ཀ་རས་ཡང་དག་གི་རྒྱུད་ཧེ་རུ་ཀ་གལ་པོ་སོགས་ཡང་དག་ཐུགས་ཀྱི་སྐོར། འཇམ་དཔལ་བཤེས་གཉེན་གྱིས་འཇམ་དཔལ་གྱི་གསང་རྒྱུད་སྡིག་པ་སྙིང་འཇིགས་སོགས་གཤིན་རྗེའི་སྐུའི་སྐོར། ཀླུ་སྒྲུབ་ཀྱིས་རྟ་མཆོག་རོལ་པའི་རྒྱུད་སོགས་པདྨ་གསུང་གི་སྐོར། པདྨས་ཕུར་པ་རྩ་ལྟུང་སོགས་འཕྲིན་ལས་ཕུར་པའི་སྐོར། ཤནྟི་གརྦྷས་རྡོ་རྗེ་གཙུག་ལག་ལ་སོགས་དམོད་པ་དྲག་སྔགས་ཀྱི་སྐོར། དྷ་ན་སཾ་ཀྲྀ་ཏས། མ་མོ་སྲིད་པའི་བེམ་ལས་སོགས་པ་མ་མོ་རྦོད་གཏོང་གི་སྐོར། རོང་བུ་གུ་ཧྱེ་དེ་ཝས་འཇིག་རྟེན་མཆོད་སྟོད་ཀྱི་སྐོར་རྣམས་ཕྱུང་(རིག་འཛིན་རྡོ་རྗེ་ཆོས་ལ་རིག་འཛིན་བླ་མ་ག་ན།)[*]སྟེ། བཀའ་བབས་བཞིན་ཉམསུ་བཞེས་སོ། །དེ་ནས་རིན་པོ་ཆེ་སྣ་བརྒྱད་ཀྱི་སྒྲོམ་བུ་དེ་ཁ་མ་ཕྱེད་ནས་སླར་དུར་ཁྲོད་ཆེན་པོ་བསིལ་བའི་ཚལ་རང་དུ་སྔར་བཞིན་གཏེར་དུ་བཅུག་གོ། །དེ་ནས་སློབ་དཔོན་ཆེན་པོ་པདྨ་འབྱུང་གནས་ཀྱིས་རིག་འཛིན་བདུན་ལ་གསན། 
4-462
ལྷག་པར་མ་མོ་མཁའ་འགྲོ་མ་རྣམས་མཆོད། ལྷ་སྲིན་སྡེ་བརྒྱད་ལ་མཐུན་པའི་དམ་རྫས་བྱིན་ནས་སྣ་བརྒྱད་པའི་སྒྲོམ་སླར་བཏོན་པས་སྒྲོམ་བུ་ཁ་རང་བྱེ་བ་ཉིད་ལས་བདེ་གཤེགས་འདུས་པ་འོ་མའི་རྒྱ་མཚོ་ལྟ་བུ། གསང་བ་ཡོངས་རྫོགས་མར་གྱི་ཉིང་ཁུ་ལྟ་བུའི་ཆོས་སྐོར་རྣམས་འཐོན་ཏེ་བལ་ཡུལ་གྱི་སའི་ཆ་ཡང་ལེ་ཤོད་ཀྱི་བྲག་ཕུག་ཏུ་རང་ཉིད་ལ་བཀའ་བབས་པར་དགོངས་ཏེ་རིགས་བསྡུས་པའི་དཀྱིལ་འཁོར་ཆེན་པོ་ཞལ་ཕྱེ་བསྒྲུབས་པས་ཕྱག་རྒྱ་ཆེན་པོའི་དངོས་གྲུབ་བརྙེས་སོ། །དེ་ནས་བོད་ཡུལ་འདིར་ཇི་ལྟར་བྱོན་པ་ནི། ཆོས་ཀྱི་རྒྱལ་པོ་ཁྲི་སྲོང་ལྡེ་བཙན་གྱིས་དཔལ་གྱི་ཟན་གཡང་ལྷུན་གྱིས་གྲུབ་པའི་གཙུག་ལག་ཁང་འདེབས་པར་བརྩམས། ཟ་ཧོར་གྱི་མཁན་པོ་བོ་དྷི་སཏྭ་སྤྱན་དྲངས་ས་དྲས་བརྩིགས་པ་མཉིན་བརྩེགས་པ་ནུབ་ལྷ་འདྲེས་བཤིག་པས་རྒྱལ་པོ་ཐུགས་མུག་སྟེ་མཁན་པོ་ལ་གསོལ་བས། བོད་འདྲེ་སྲིན་གདུག་བ་ཅན་གྱི་ཡུལ་ཡིན་པས་དེ་དག་གིས་བར་དུ་བཅོད་པ་བརྩམས་པའི་སྐྱོན། དེ་དག་གིས་མི་ཚུགས་པར་བྱེད་པ་ལ། ད་ལྟ་འཛམ་བུའི་གླིང་ན་རིག་སྔགས་འཆང་ལ་ཆེ་བ་ཨུ་རྒྱན་གྱི་སློབ་དཔོན་པདྨ་སམྦྷ་ཝ་བལ་པོར་བྱོན་ཡོད་པས། དེ་སྤྱན་དྲོངས་ཞེས་ལུང་བསྟན་པ་ལྟར་རྒྱལ་པོས་སྤྱན་དྲངས། སློབ་དཔོན་གྱིས་འདྲེ་སྲིན་གདུག་པ་ཅན་ཐམས་ཅད་ཟིལ་གྱིས་མནན། 
4-463
དམ་ལ་བཏགས། བཀའི་འབངས་སུ་བཅུག་པས་བསམ་ཡས་མཐར་ཕྱིན་རབ་ཏུ་གནས་པ་མཛད་པ་ཡིན། སློབ་དཔོན་ལ་མངའ་བདག་རྒྱལ་པོས་གསོལ་བ་བཏབ། རྗེ་འབངས་ཉི་ཤུ་རྩ་ལྔ་ལ་རྡོ་རྗེ་ཕུར་པ་སོགས་དབུ་རྩེ་བར་ཁང་དུ་བསྟན་ལྷག་པར་ཐུགས་ཀྱི་སྲས་གཅེས་པ་བརྒྱད་ལ་འཆིང་བུ་དགེ་གོང་དུ་སྒྲུབ་པ་ཆེན་པོ་བཀའ་བརྒྱད་རིགས་བསྡུས་པའི་དཀྱིལ་འཁོར་ཞལ་དབྱེ་དབང་བསྐུར་(གང་ཟག་སྙན་ཁུང་རྒྱུད་པ།)[*]བའི་ཚེ། མངའ་བདག་རྒྱལ་པོ་ཉིད་ཀྱི་མེ་ཏོག་དབུས་ཀྱི་ཆེ་མཆོག་ལ་ཕོག ། སྣུབས་ནམ་མཁའ་སྙིང་པོའི་མེ་ཏོག་ཤར་གྱི་ཡང་དག་ལ། སངས་རྒྱས་ཡེ་ཤེས་རིན་པོ་ཆེ་ལྷོའི་འཇམ་དཔལ། ངན་ལམ་རྒྱལ་བ་མཆོག་དབྱངས་ཀྱི་ནུབ་པདྨ་དབང་ཆེན། མཁར་ཆེན་བཟའ་མཚོ་རྒྱལ་གྱིས་བྱང་ཕུར་པ་ལ། འབྲོག་མི་དཔལ་གྱི་ཡེ་ཤེས་ཀྱི་ཤར་ལྷོ་མ་མོ། གླངས་དཔལ་གྱི་སེང་གེའི་ནུབ་བྱང་འཇིག་རྟེན་མཆོད་བསྟོད། སྤ་གོར་བཻ་རོ་ཙ་ནའི་མེ་ཏོག་བྱང་ཤར་དྲག་སྔགས་ལ་བབས། དཀྱིལ་འཁོར་ལ་ལྷོ་ནུབ་ཏུ་རིག་འཛིན་བླ་མ་བཀོད་པས་དཀྱིལ་འཁོར་དགུར་སོང་། དེ་དག་སོ་སོའི་རིགས་ཀྱི་ལྷར་མཁྱེན་ནས་བཀའ་བབས་དང་བསྟུན་ནས་སོ་སོར་ཡང་བཤད། དེ་དག་གྲུབ་པའི་ཚུལ། མངའ་བདག་གིས་ཚེ་ཟད་པ་ལོ་ལྔ་ཕྱིར་བསྲིང་ཤེས། ནམ་མཁའ་སྙིང་པོས་ཉི་ཟེར་ལ་ཞོན་ཤེས། སངས་རྒྱས་ཡེ་ཤེས་ཀྱིས་དྲག་ལ་ཕུར་པ་འདེབས་ཤེས། 
4-464
རྒྱལ་བ་མཆོག་དབྱངས་ཀྱིས་སྤྱི་གཙུག་ནས་རྟ་མགོ་བཏོན་ནས་རྟ་སྐད་ཐེངས་གསུམ་འདོན་ཤེས། མཚོ་རྒྱལ་གྱིས་བསད་པ་གསོ་ཤེས། འབྲོག་མི་དཔལ་གྱི་ཡེ་ཤེས་ཀྱིས་མཁའ་འགྲོ་མ་དངོསུ་འཁོལ་ཤེས། གླངས་དཔལ་གྱི་སེང་གེས་སྡེ་བརྒྱད་བྲན་དུ་བཀོལ་ཤེས། བཻ་རོ་ཙ་ནས་ལྷ་སྲིན་དབང་དུ་བསྡུ་ཤེས་སོ། །དེ་ནས་ཕྱི་རབས་ཀྱི་དོན་དུ་ལྡན་མ་རྩེ་མངས་ཀྱིས་ཡི་གེ་མཁན་བྱས། བདེ་གཤེགས་འདུས་པ་ཆོས་ཀྱི་ཆ་ལག་ཚང་པ་ལྔ་ཚན་དུ་སྡེབས་ཏེ། རྒྱལ་པོ་ཁྱོད་ལས་དང་སྐལ་བར་ལྡན་ཡང་གཡེང་བ་ཆེ་བས་དུས་འདི་ལ་ཉམས་སུ་མི་ལོན། སྐྱེ་བ་ཕྱི་མ་གཅིག་ལ་ཆོས་འདི་ཉམས་སུ་ལོན་པ་ཞིག་ཏུ་སྐྱེས། དེའི་དུས་ན་ཆོས་འདི་དང་འཕྲད་དེ་མཆིས། དེ་བར་གཞན་ལ་སྤེལ་བའི་གནས་མེད་རིན་པོ་ཆེ་སའི་གཏེར་དུ་སྦོས་གསུངས་ནས་གཏེར་དུ་སྦས། ཕྱིས་མངའ་བདག་རྒྱལ་པོའི་སྐྱེ་བ་ཡིན་པས་མངའ་བདག་རུས་མྱང་། །དབུལ་རལ་པས་ཆེ་བས་མྱང་རལ་པ་ཅན། མཚན་ཉི་མ་འོད་ཟེར་ཞེས་གྲགས་པ་ལྷོ་བྲག་བཙན་གྲོར་འཁྲངས་པ་དེས་བཏོན། གསང་བ་ཡོངས་རྫོགས་དེ་ཉིད་ཀྱི་སྤྲུལ་པའི་སྐུ་ལྷོ་ལ་ཡག་ཏུ་འཁྲུངས། རུས་སྤང་ཡིན་པ། མཚན་ཆོས་ཀྱི་དབང་ཕྱུག་སྟེ་གཏེར་བཏོན་ཆེན་པོ་གུ་རུ་ཆོས་དབང་དུ་གྲགས་པ། དེས་མངའ་བདག་གི་སྲས་ཤེས་རབ་བློ་ལྡན་དང་མི་བསྐྱོད་རྡོ་རྗེ་གཉིས་ལ་བདེ་གཤེགས་འདུས་པ་གསན། 
4-465
དེའི་སྙིང་པོ་འདི་ཡིན་པས་དེ་ཡང་འདིར་འདུ། དེས་ན་འདི་ཐོབ་པས་དེའི་དབང་ལུང་སྒྲུབ་པ་ལ་དབང་བར་དགོངས་ནས་མངའ་བདག་མྱང་དང་སྲས་གཉིས་བརྒྱུད་པ་ལ་བཅུག །གཞན་ཨུ་རྒྱན་གྱི་མཁན་པོ་པདྨ་འབྱུང་གནས་རང་ནས་གུ་རུ་ཆོས་ཀྱི་དབང་ཕྱུག །དེ་ཁས་སྤྱན་དྲངས་བའི་གསང་བ་ཡོངས་རྫོགས་ཀྱི་ཆོས་ཚན་ལ། རྒྱུད་ཆེན་ལེའུ་ཞེ་གསུམ་པ་དེའི་དོན་གཏན་ལ་འབེབས་པའི་ཆོས་ཚན་བརྒྱ་དང་སོ་ལྔ། དེ་ཡང་མ་ཧཱ་ཡོ་ག་དང་མཐུན་པའི་ཆོས་སྡེ་ཉི་ཤུ། ཨ་ནུ་ལུང་དང་མཐུན་པའི་ཆོས་སྡེ་དགུ། ཨ་ཏི་དོན་དང་མཐུན་བའི་ཆོས་སྡེ་བརྒྱད། ཡོངས་རྫོགས་ཐུན་མོང་གི་སྐོར་གྱི་ཆོས་སྡེ་གོ་བརྒྱད་དོ། །རྩ་བ་ཞི་ཁྲོ་ཡོངས་རྫོགས་བསྒྲུབ་ཆེན་པོ། །སྤྲོས་བཅས་ཚོམ་བུར་སངས་རྒྱས་བསྒྲུབ་ཆེན་ཡིན། །སྤྲོས་པ་ཉེར་བསྡུས་ཡོངས་རྫོགས་དྲིལ་བསྒྲུབ་ནི། །རྣལ་འབྱོར་བདག་དོན་ནུས་པ་བསྙེན་བསྒྲུབ་ཡིན། །ཞི་རྐྱང་ཁྲོ་རྐྱང་སྐུ་གསུང་ཐུགས་དྲིལ་བསྒྲུབ། །ཆགས་སྡང་གཉེན་པོ་གང་ཟག་དགོས་སྒྲུབ་ཡིན། །བདུད་རྩི་བསྒྲུབ་ཆེན་ལ་སོགས་འཆོང་དང་བཅས། །འབྱོར་པ་དྲུག་བརྒྱས་ཡོན་ཏན་ཡོངས་རྫོགས་ཡིན། །བཀའ་བརྒྱད་ཡང་སྙིང་དྲག་སྔགས་བསྒྲུབ་ལུགས་བརྒྱད། །རིག་འཛིན་བརྒྱད་ཀྱིས་གདོང་བརྒྱད་བསྡུས་པ་ཡིན། །དཔལ་དགུའི་དམོད་པ་གདབ་སྔགས་ཕུར་བསྒྲུབ་ནི། །དྲག་སྔགས་ཡོངས་རྫོགས་ཕུར་སྒྲུབ་སྒྲུབ་པ་ཡིན། །ཀུན་དྲིལ་ཡང་སྙིང་ཡོངས་རྫོགས་ཧཱུྃ་སྒྲུབ་ཡིན། །
4-466
ཡི་དམ་རྒྱུན་ཁྱེར་རྣལ་འབྱོར་མནོག་ཆོས་ཡིན། །ཁྲོ་རྒྱལ་སྟོབས་འདུལ་དྲག་སྔགས་སོ་ལྔ་པ། །རལ་གྲི་ཁྱུང་བརྡེག་རྣལ་འབྱོར་མཚོན་ཆ་ཡིན། །མ་ཧཱ་སྒོམ་ཁོག་དེ་དག་ཀུན་གྱི་སྡོམས། །སྔགས་བྱང་འཛབ་དགོངས་དམ་ཆེན་ཉམས་ལེན་ཡིན། །གཞལ་ཡས་དོན་སྟོར་བྱིན་འབེབས་ཆེན་མོ་དང་། །ལས་བྱང་བསྟོད་བསྐུལ་རྒྱུན་བཤགས་ཀུན་ལ་གཅེས། །པྲ་ཁྲིད་སྲོག་གཟེར་ཡང་གཅེས་སྙིང་ལ་གབ། །བསྒྲུབ་པའི་ལུགས་དགུ་ཆ་རྐྱེན་བཅུ་གཅིག་གོ ། མ་ཧཱ་རྒྱུད་དང་མཐུན་པའི་ཆོས་སྡེ་ཡིན། །ཨ་ན་ལུང་དང་མཐུན་པའི་ཆོས་སྐོར་དགུ། །ཨ་ནུའི་རྫོགས་རིམ་སྒོམ་རིམ་རྩ་བ་སྟེ། །ལུས་ལ་དཀྱིལ་འཁོར་ཡོངས་རྫོགས་ངོ་སྤྲོད་ཡིན། །རྩ་ཡི་མན་ངག་ལུས་གནད་རྩ་རྣམས་སྟོན། །རླུང་གི་མན་ངག་རིག་པ་དབུ་མར་འཇུག །ཐིག་ལེ་འབར་འཛག་གཏུམ་མོ་བདེ་དྲོད་སྤོར། །སྦྱོར་ལམ་བདེ་མཆོག་འདོད་ཆགས་ལམ་དུ་འཁྱེར། །རིགས་ལྔ་ཡོངས་རྫོགས་གསང་སྔགས་ཀུན་གྱི་གནད། །པྲ་ཁྲིད་མདོ་དོན་དཔེ་ཆུང་སྙིང་ཏིག་ཡིན། །དེ་ལྟ་རྩ་གཅིག་ཆ་རྐྱེན་མན་ངག་སྦྱར། །ཨ་ནུ་ལུང་དང་མཐུན་པའི་ཆོས་སྐོར་ཡིན། །མན་ངག་ཨ་ཏིར་ཐུག་པའི་ཆོས་སྐོར་བརྒྱད། །དཀྱིལ་འཁོར་སེམས་རྫོགས་ངོ་སྤྲོད་རྩ་བ་སྟེ། །ཨ་ཏི་དོན་ཁྲིད་ཉམས་ལེན་གནད་ཀྱི་ཆོས། །ལྟ་སྒོམ་སྒྲུབ་སྐོར་དེ་ཡི་རྒྱབ་སྐྱོར་ཡིན། །འཆི་བ་བརྟག་བླུ་འཕོ་འཇུག་བར་དོ་སོགས། །ཨ་ཏི་དོན་དང་མཐུན་པའི་ཆོས་སྐོར་བརྒྱད། །
4-467
ཡོངས་རྫོགས་ཐུན་མོངས་ཆོས་སྐོར་གོ་བརྒྱད་ལ། །ཡོངས་རྫོགས་དབང་གསུམ་རྩ་འགྲེལ་དམ་ཚིག་བཅས། །གསང་སྔགས་ཀུན་གྱི་དབང་རིམ་མ་མོ་ཡིན། །ཡོན་ཏན་རྫོགས་སོ་བདུད་རྩི་སྨན་སྒྲུབ་དང་། །དངོས་གྲུབ་ཡོངས་རྫོགས་རྣམ་དག་བམ་སྒྲུབ་དང་། །བཅུད་ལེན་ཡོངས་རྫོགས་ཚེ་ཡི་སྒྲུབ་པ་གསུམ། །གསང་སྔགས་སྦིར་གཅེས་སྒྲུབ་ཆེན་སྐོར་གསུམ་ཡིན། །ན་རག་བཤགས་དང་མཆོད་རྫས་བམ་ཆེན་མདངས། །ཡོངས་རྫོགས་གླིང་བཞི་སྲིད་པ་སྤྱི་མདོས་གསུམ། །རྣལ་འབྱོར་རྐྱེན་བཟློག་ཉམས་ཆགས་སྐོང་གསུམ་ཡིན། །སྐུ་གསུམ་ཡོངས་རྫོགས་ལྷ་ཁང་བཞེང་ཐབས་དང་། །རྟེན་གསུམ་ཡོངས་རྫོགས་ཚ་ཚ་གདབ་ཐབས་དང་། །རྟེན་གསུམ་བྱིན་རླབས་རབ་གནས་ཡོངས་རྫོགས་གསུམ། །ཇི་སྲིད་འགྲོ་འདུལ་བསྟན་པའི་རིམ་གྲོ་ཡིན། །བདེ་གཤེགས་བཀའ་འཁོར་གནོད་སྦྱིན་སྲོག་འཁོར་དང་། ཀུན་གྱི་སྟོབས་འགྱེད་རླུང་གི་འཁོར་ལོ་གསུམ། །རྣལ་འབྱོར་སྐྱོབ་དང་རྐྱེན་བསྒྲུབ་ཆོས་གསུམ་ཡིན། །ཆར་འབེབས་ཤྭ་སེར་ཆུ་དམག་བཟློག་ཐབས་དང་། །སྦྱིན་སྲེག་དང་གསུམ་གསོན་ལ་ཕན་འདོགས་ཡིན། །བདུན་ཚིགས་རོ་བསྲེག་གཤིན་འདོན་ཚ་ཚ་གསུམ། །ཚེ་འདས་རྗེས་འཛིན་གཤིན་ལ་ཕན་འདོགས་ཡིན། །ཕོ་ཉ་ཡོངས་རྫོགས་བསད་མཐུན་མནན་པ་གསུམ། སངས་རྒྱས་སྤྱི་བསྟན་བསྲུང་བའི་མན་ངག་ཡིན། །བསྲུང་བ་རྡོ་རྗེའི་ཕུག་ཆེན་གོ་ཆའི་ཁྲབ། །བཟློག་པ་གནམ་ལྕགས་ཨུར་མོ་ཐོག་གི་དར། །བསད་པ་དུག་གི་རྣོ་སྦལ་གསུམ་པོ་འདི། རྣལ་འབྱོར་སྒོས་དགྲ་ཉམས་པའི་གཤེད་མ་ཡིན། །
4-468
ནད་འདོན་སྔོ་དང་གཏོར་བཟློག་དྲག་པོ་གསུམ། ནད་གདོན་བར་ཆད་བཟློག་པའི་ཐབས་གསུམ་ཡིན། །ཐུན་མོངས་ཉིད་ལ་ཁྱད་འཕགས་སྒྲུབ་ཆེན་བརྒྱད། །ལས་ཀུན་སྒྲུབ་བྱེད་རིལ་བུ་མཁའ་སྤྱོད་དང་། །རྐང་མགྱོགས་ས་གཏེར་སྤྱོད་པའི་བསྒྲུབ་པ་དང་། །མངོན་ཤེས་སྒྲིབ་ཤིང་གསེར་འགྱུར་རྩི་སྒྲུབ་དང་། །ཚེ་སྒྲུབ་ལ་སོགས་སྒྲུབ་ཆེན་ཆོས་སྐོར་ཡིན། །བསོད་ནམས་ཚོགས་ཆེན་ཆོས་སྤྱོད་ཉི་ཤུ་ལ། །དཀོན་མཆོག་མཆོད་དང་ཆ་གསུམ་གཏོར་མ་དང་། །ལྡང་བའི་རྣལ་འབྱོར་ཁྲུས་དང་མཎྜལ་དང་། །གསོལ་འདེབས་གཏོར་མ་ཆུ་སྦྱིན་ཟ་ཚོགས་དང་། །འགྲོ་འཆག་ཉལ་འདུག་བསྐོར་བའི་རྣལ་འབྱོར་དང་། ཉམས་གསོ་ཚ་ཚ་སྐྱབས་ཆོས་ཟང་ཟིང་སྦྱིན། །རྣམ་པ་ཉི་ཤུ་བྱང་ཆུབ་ཚོགས་བསགས་ཡིན། །སྒྲུབ་ཆེན་སྡེ་དྲུག་དམ་ཅན་དགོས་སྒྲུབ་དྲུག །བཀའ་བསྲུངས་སྡེ་བརྒྱད་ཤོག་དྲིལ་དྲག་སྔགས་བརྒྱད། །མ་མགོན་མ་ནིང་ཆིག་ཤུར་ཅོག་རྡུངས་གསུམ། །དེ་ལྟར་བཅུ་དྲུག་ཡོངས་རྫོགས་ཆོས་སྲུངས་ཏེ། །དུག་གི་སྤུ་གྲི་གནམ་ལྕག་ཐོག་དང་འདྲ། །མདོར་ན་ཡོངས་རྫོགས་ཆེན་པོ་བརྒྱ་སོ་ལྔ། །མཐར་ཐུག་ཡིན་ནོ་སྙིང་གི་དཀྱིལ་དུ་ཆོངས། །དེ་ལྟར་དཀར་ཆག་དང་མཐུན་པ་དབང་རྒྱུད་མན་ངག་དང་བཅས་ཡོངས་སུ་རྫོགས་པ་ཐོབ་པའི་བརྒྱུད་པ་ནི། གཏེར་བཏོན་རང་ནས། ཆོས་ལྡན་པ་མགོན་པོ་རྡོ་རྗེ། །སྨན་ལུང་པ་མི་བསྐྱོད་རྡོ་རྗེ། །དགས་སྟོན་པ། ཚར་སྟེངས་པ། སེ་སྡིངས་པ་སངས་རྒྱས་དཔལ། 
4-469
སྲས་ཡོན་ཏན་བཟང་པོ། མཁའ་གློང་ཡངས་པ་དཔལ་ལྡན་ཆོས་སྐྱོང་། སྐུ་བསྲུངས་པ་རྒྱལ་མཚན་ལྷུན་གྲུབ། སྲས་ཚེ་བདག་བཀྲ་ཤིས། དེས་པདྨ་དཀར་པོ་ལའོ། །ཡང་ན་ཡོན་ཏན་བཟང་པོ་ནས། ཆོས་སྐུ་འོད་ཟེར། སྒམ་པོ་པ་དཔལ་འབྱོར་དབང་ཕྱུག །སྐུ་བསྲུངས་པ་ཆེན་པོ། ཡང་ན། ཆོས་སྐུ་བ་ནས། སྒྲུབ་ཆེན་དར་བཟང་། བླ་མ་ཡོན་རིན་པ། རྡོ་རྗེ་འཛིན་པ་ཡོན་ཏན་ཡེ་ཤེས། སྔགས་འཆང་ཚེ་བདག་བཀྲ་ཤིས་སོ། །སྡེ་དཔོན་སུམ་ཅུའི་དབང་ལ། ཆོས་དབང་། ཡར་ཀླུངས་སྤྲུལ་སྐུ། གྲུ་སྟོན་ཤཱཀྱ་འབུམ། ཤཱཀྱ་སེང་གེ། བྱང་ཆུབ་རྡོ་རྗེ། ནོར་བུ་དཔལ། པཎ་ཆེན་འབུམ་ཕྲག་གསུམ་པ། ཤེས་རབ་རྒྱལ་མཚན། གྲུབ་ཆེན་ཀུན་དགའ་རྒྱ་འཕེལ། འཇམ་དབྱངས་ཆོས་གྲགས། སྐུ་བསྲུངས་པ་ཡབ་སྲས་སོ།། །།
༄། །གཏེར་ཆོས་གཞན་ཐོབ་པའི་རྒྱུད་ཡིག།
༄༅། །གཏེར་ཆོས་གཞན་ཐོབ་པའི་རྒྱུད་ཡིག །ཨེ་མ་གསེར་གྱི་པདྨའི་མངལ། །སྨིན་ལས་ཚངས་པ་གསར་པ་ཞིག །འཇིག་རྟེན་ཕན་བདེའི་འབྱུང་གནས་སུ། །བྱོན་ལ་དད་པས་ཕྱག་འཚལ་ལོ། །འདིར་སློབ་དཔོན་ཆེན་པོ་པདྨ་སམྦྷ་ཝ་ཞེས་བྱ་བ་སངས་རྒྱས་ཀུན་གྱི་སྤྱི་གཟུགས་པ་དེས་དངོས་ཀྱི་གདུལ་བྱ་རྣམས་ལས་མཆེད་པར་མི་འོས་ནས་སྦས། མ་འོངས་པ་དག་གི་བསོད་ནམས་ཀྱི་ཉོས་པས་སྤྱད་ཆོག་པ། གང་གི་དངོས་སློབ་དེ་དག་གི་སྤྲུལ་པའི་སྐུ་དེ་དང་དེ་ལ་འདོན་པར་གདམས་པ་དག་ལས་ཉུང་ཤས་ཞིག་ཐོས་པར་བགྱིས་པ་ནི། 
4-470
གཏེར་བཏོན་གྲུབ་ཐོབ་དངོས་གྲུབ་ཏུ་གྲགས་པ་དང་མངའ་བདག་ཁྲི་སྲོང་ལྡེ་བཙན་གྱི་སྤྲུལ་པའི་སྐུ་ཉང་ཉི་མ་འོད་ཟེར་གྱིས་བཏོན་པའི་སྤྱན་རས་གཟིགས་ཀྱི་ཆོས་སྡེ། རྒྱལ་པོ་བཀའ་འབུམ་དུ་གྲགས་པའི་དབང་ལུང་དཔེ་མཁྱུད་དུ་མ་ལུས་པ་ཚང་པར་ཐོབ་པའི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། །སྤྲུལ་སྐུ་སྲོང་བཙན་སྒམ་པོ། ཨུ་རྒྱན་པདྨ་འབྱུང་གནས། གཏེར་བཏོན་དངོས་གྲུབ། མངའ་བདག་མྱང་། སྲས་མི་བསྐྱོད་རྡོ་རྗེ། ཤཱཀྱ་བཟང་པོ། ལྷ་རྗེ་དགེ་འབུམ། སངས་རྒྱས་ལྕམ་མོ། གྲུབ་ཐོབ་སྨུ་སྒོམ། མཐའ་བཞི་བྱ་བྲལ། བསོད་ནམས་སེང་གེ །བཀྲ་ཤིས་རྒྱལ་མཚན། འཕགས་པ་ནོར་བཟངས། སངས་རྒྱས་སྐྱབས། ཆོས་རྗེ་གངས་པ། མཁས་བཙུན་ཆོས་རྗེ། རས་ཆེན་དཔལ་འབྱོར་བཟང་པོ། །དྲན་མཆོག་ཤེས་རབ་དབང་པོ། གོང་མ་ཆོས་ཀྱི་གྲགས་པ། ཀུན་སྤངས་སྒྱུ་མའི་གར་མཁན། པདྨ་དཀར་པོ་ལའོ། །ཡང་། འཕགས་པ་ནོར་བཟངས་ནས། བྱང་ཆུབ་བཟང་པོ། དཔལ་ལྡན་གྲགས་པ། འཕགས་མཆོག་ཆོས་རྗེ། སྐུ་ཞང་ཀུན་དགའ་སྙིང་པོ། དུས་ཞབས་པ་ཤཱཀྱ་དབང་ཕྱུག །གོང་མ་ཆོས་ཀྱི་གྲགས་པའམ། ཡང་ན། བཀྲ་ཤིས་རྒྱལ་མཚན་ནས། བསོད་ནམས་བཟང་པོ། རྒོད་ཕྲུག་གྲགས་པ་འབྱུང་གནས། མ་ཏི་བཛྲ། ཆེན་པོ་བསོད་བཀྲས། ལྷུན་བདེ་རབ་འབྱམས་པ། དེའི་དབོན་ཐུགས་རྗེ་ལྷུན་གྲུབ། དེའི་དབོན་ཆོས་རྒྱལ་ལྷུན་གྲུབ། དེས་པདྨ་དཀར་པོ་ལའོ། །
4-471
ལྷོ་གཏེར་སྔ་མའི་བླ་སྒྲུབ་ལ། ཕྱི་གསོལ་འདེབས། ནང་དངོས་གྲུབ། གསང་བ་དྲག་སྔགས་བདེ་གཤེགས་འདུས་པའི་སྐོར་གསུམ་སྣང་བའི་སྔ་མ་གཉིས་མ་འཚལ། ཕྱི་མའི་དབང་གཉིས། ཐེམ་ཅན་ཐེམ་མེད་ཀྱི་ཆོས་སྡེ་ཀུན་ཐོབ་པའི་བརྒྱུད་པ་ནི། ཨུ་རྒྱན་རིན་པོ་ཆེ། ཡེ་ཤེས་མཚོ་རྒྱལ། ཉང་ཉི་མ་འོད་ཟེར། སྲས་འགྲོ་མགོན། ཆོས་སེང་། གྲུབ་ཐོབ་མེ་ལོང་རྡོ་རྗེ། སྲས་ཧ་རི་རྡོ་རྗེ། བླ་མ་བསོད་ནམས་འོད་ཟེར། ཆོས་རྗེ་ནམ་མཁའ་རྡོ་རྗེ། གོང་མ་ཆོས་ཀྱི་གྲགས་པ། རྗེ་བཙུན་མཐུ་སྟོབས་ཞབས། པདྨ་དཀར་པོའོ། །ཡང་ན། སྲས་འགྲོ་མགོན་ནས། མདོ་པོ་རས་པ། གུ་རུ་སངས་རྒྱས། དཀོན་མཆོག་བཤེས་གཉེན། མི་བསྐྱོད་རྡོ་རྗེ། ཡེ་ཤེས་རྒྱལ་མཚན། གུ་ཎ་མངྒ་ལ། ཀུན་དགའ། དོན་གྲུབ་རྒྱལ་མཚན། གོང་མ་ཆོས་ཀྱི་གྲགས་པའོ། །གཏེར་ཁ་དེའི་ཐང་ཡིག་ཐོབ་པའི་བརྒྱུད་པའང་དེའོ། །དེ་ཡང་རྒྱལ་དབང་རྗེས་གསལ་རྗེ་གངས་ཀྱི་ར་བར་གུ་རུ་ཞི་བ་ཞལ་གཟིགས་རྫོགས་པ་ཆེན་པོ་སྙིང་པོར་སྒྲིལ་བ་རྙེད་པ་བདག་གིས་ཡི་གེ་རིས་སུ་བཏབ་པ་པདྨ་སྙིང་ཐིག་དང་། གོང་མཆོས་ཀྱི་གྲགས་པ་ལ་རྒྱ་འདྲེའི་བར་ཆད་མངོན་སུམ་དུ་བྱུང་ནས་ཐུ་བ་ལ། ཉང་ལུགས་ཀྱི་དྲག་པོ་དམར་ཆེན་སྒྲུབས་པས། དང་པོར་སྡིག་པའི་ཆར་བབས། དེའི་རྗེས་སུ་ལྕགས་སྡིག་མགོ་དགུ་གཡག་ཤད་ཙམ་ཞིག་བྱུང་བ་ཕྱག་གིས་འཇུས་ནས། 
4-472
དེ་གུ་རུ་དྲག་པོ་དངོས་སུ་བྱོན་ནས་བྱིན་གྱིས་བརླབས་བར་ཆད་ལས་རྒྱལ་བས་འདིའི་ཆོས་སྐོར་གུ་རུ་ཉིད་ལ་བརྒྱུད་པས་ཆོག་གསུངས། བདག་ཀྱང་རྨི་ལམ་དུ་སྔོན་གྱི་བག་ཆགས་ལས་རྨི་ལམ་དུ་རང་གཟུགས་གུ་རུ་དྲག་པོ་ཉིད་དུ་གྱུར་པ་དང་། ཕྱིས་གཉལ་ཡངས་པ་ཅན་གྱི་ལྗོངས། དཔལ་གྱི་རིའི་ངོགས། རྡོ་རྗེ་གདན་གྱི་གཙུག་ལག་ཁང་དུ་ཡོད་དུས་རྨི་ལམ་དུ་སློབ་དཔོན་ཆེན་པོའི་ཕོ་ཉས་ལུང་སྩལ་རྗེས་སློབ་དཔོན་ཉིད་དྲག་པོ་ཀི་ལ་ཡར་གྱུར་པ་མཐོང་བ་ནས་བགེགས་ཀྱི་བར་ཆད་བརྩམས་པ་ཀུན་ཞིའོ། །གཏེར་ཁ་དེའི་རྡོ་རྗེ་གཙུག་ལག་གི་རྒྱུད་ཀྱི་བདེ་མཆོག་དམར་པོ་ཐོབ་པའི་བརྒྱུད་པ། མདའ་བདག་བཅུ་གསུམ་པ་ནས། རིག་འཛིན་ལེགས་ལྡན་པ། ཚེ་བདག་བཀྲ་ཤིས། པདྨ་དཀར་པོའོ།། །།
༄། །དྲང་སྲོང་གཟའི་སྒྲུབ་ཐབས་བརྒྱུད་ཡིག།
༄༅། །དྲང་སྲོང་གཟའི་སྒྲུབ་ཐབས་བརྒྱུད་ཡིག །དྲེགས་པ་ཀུན་གྱི་ཡང་རྗེ་ཉམས་པའི་སྲོག །ཧུར་ཐུམས་མཛད་པའི་ཉི་ཟླའི་ཁམ་ཟན་ཅན། །དྲང་སྲོང་ཆེན་པོ་རཱ་ཧུ་ལ་དེ་ལ། །ཕྱག་བྱས་དེ་བསྒྲུབ་ཐོབ་པའི་རིམ་པ་འབྲི། །པདྨ་ལས་འགྲེལ་རྩལ་གྱིས་དངས་ལྷ་ཕྲ་མོ་བྲག་གི་གཏེར་མ་གཟའ་བདུད་དུག་གི་སྤུ་གྲིའི་སྐོར་ལ། སྲོག་དབང་། ལས་བྱང་། གསོལ་ཁ། བསྟོད་བསྐུལ། གཟའ་བདུད་ནང་ལྟར་བསྐང་བ། གཟའ་རྒོད་ཡེ་ཤེས་སེམས་དཔའི་གསོལ་ཁ། ཕྱི་ལྟར་བསྐང་བ། བསྐང་མདོས། དུག་དབྱུང་། གསང་བསྒྲུབ་རྩ་བ། 
4-473
སྔགས་ཀྱི་འབྲུ་ཐེམས། བསྲུང་བ་ཡིད་བཞིན་ནོར་བུ། བླ་རྡོ། སྟོད་གནོན། ཨོལ་དགག །སྒབ་འདྲེ་གཅོད་པ། ཤིས་བསྟན་ལ། གནད་ལ་དབབ་པ། གཅེས་གནད་དྲུག །ཆོ་འཕྲུལ་ལྔ། སྤྲོ་ཐོང་མ། གདོང་གཏད། ཤོར་འཛིན། ལས་སྦྱོར། བརྡབ་ལས་རྒྱས་པ། གཟའ་བརྒྱད་བསྐུལ། ཕུར་ཐུན་བླ་གནས། སྟབ་པ། སྲེག་ཟོར། མནན་པ། ས་སྤྱད་ཡིད་བཞིན་ནོར་བུའི་སྒྲུབ་ཐབས་ཏེ་དཔེ་སྣ་སོ་གཉིས་ཐོབ་པའི་བརྒྱུད་པ་ནི། ཕྱག་རྡོར། ཨུ་རྒྱན། མཚོ་རྒྱལ། ལས་འབྲེལ་རྩལ། རྒྱལ་སྲས་ལེགས་པ། སེ་སྡིངས་པ་སངས་རྒྱས་དཔལ། སྲས་ཡོན་ཏན་བཟང་པོ། རིན་པོ་ཆེ་ཆོས་སྐུ་འོད་ཟེར ། སྒམ་པོ་པ་དཔལ་འབྱོར་དབང་ཕྱུག །སྐུ་བསྲུངས་པ་རྒྱལ་མཚན་ལྷུན་གྲུབ། སྔགས་འཆང་ཚེ་བདག་བཀྲ་ཤིས། དེས་པདྨ་དཀར་པོ་ལའོ། །ཡང་། ལས་འབྲེལ་རྩལ་ནས། རིན་ཆེན་གླིང་པ། བླ་མ་ཤཱཀྱ་བ། རིན་པོ་ཆེ་ཆོས་སྐུ་འོད་ཟེར་ལའོ། །ཡང་ན་སྲས་ཡོན་ཏན་བཟང་པོ། །ཁམས་པ་ཤེས་རབ་རྒྱ་མཚོ། །སྐུ་བསྲུང་བ་རྒྱལ་མཚན་ལྷུན་གྲུབ་པ། གཟའི་དབང་བརྒྱུད་ལུགས་གཅིག་ལ། ཕྱག་རྡོར། དགའ་རབ་རྡོ་རྗེ། འཇམ་དཔལ་བཤེས་གཉེན། ཤྲཱི་སིངྷ། ཛྙཱ་ན་སུ་ཏྲ། བི་མ་ལ། མྱང་། སྤུ་སྒོམ། འབྲོམ་སྟོན་རིན་འབར། ལྡངས་མ་ལྷུན་རྒྱལ། ལྕེ་བཙུན། ཞང་སྟོན། ཉི་འབུམ། གུ་རུ་ཇོ་བེར། སེང་གེ་རྒྱབ་པ། ཟླ་བ་མུན་སེལ། རིག་འཛིན་ཀུ་མ་ར་ཙ། ཀློང་ཆེན་པ། དྷརྨ་ཀཱིརྟི། 
4-474
ཉི་མ་འོད་ཟེར། ཀུན་དགའ་རྒྱལ་མཚན། ཆོས་དབྱིངས་གྲགས་པ། ཐུགས་རྗེ་ལྷུན་གྲུབ། ཆོས་རྒྱལ་ལྷུན་གྲུབ། པདྨ་དཀར་པོའོ། །བྱ་ནག་ལུགས་ཀྱི་གཟའ་བདུད་དུག་གི་སྤུ་གྲིའི་དབང་། གཙོ་བོ་དང་གདོང་མོའི་སྒྲུབ་ཐབས་ལས་མཐའ་དང་བཅས་པའི་བརྒྱུད་པ་ནི། ཀུན་བཟང་། པདྨ། འཁོན་ཀླུ་དབང་། ཤེས་རབ་ཡོན་ཏན། ཚུལ་ཁྲིམས་རྒྱལ་པོ། །གཙུག་ཏོར་ཤེས་རབ། དགེ་སྐྱབས། དགེ་ཐོང་། བལ་པོ། ཤཱཀྱ་བློ་གྲོས། ཤེས་རབ་ཚུལ་ཁྲིམས། འཁོན་དཀོན་མཆོག་རྒྱལ་པོ། ས་ཆེན་གཤེན་རྡོ་རྗེ་སེང་གེ །བྱ་ནག་རིན་ཆེན་འོད། དེས་བྱ་ཇོ་སྲས། དེས་བྱ་མངའ་བདག །དེས་བྱ་ཆོས་རྒྱལ་དཔལ་བཟང་། དེས་སེ་ཆོས་རྒྱལ། དེས་ལྷོ་པ་སྔགས་འབུམ། དེས་བླ་མ་བཀྲ་ཤིས་བཟང་པོ། །དེས་བླ་མ་བཀྲ་ཤིས་ཚངས་པ། དེས་རིག་འཛིན་ནམ་མཁའ་རྡོ་རྗེ། དེས་བྱ་ཆོས་ཀྱི་གྲགས་པ། དེས་བྱ་བཀྲ་ཤིས་རྣམ་རྒྱལ་དང་། ཡོན་ཏན་ཡེ་ཤེས་གཉིས་ལ། དེ་གཉིས་ལ་པདྨ་དཀར་པོས་སོ། །གཟའི་ནོར་བསྒྲུབ། གདོང་གཏད། ཐོག་སྲུང་། བསྲུང་སྐུད་རྣམས། ཨུ་རྒྱན། རྒྱ་ཞང་ཁྲོམ། ཆོས་རྗེ་སྒྲོལ་མ་བ། འུག་པ་ལུང་པ། དཔལ་ལྡན་བཟང་པོ། །རྟོགས་ལྡན་ཆོས་སེང་། ནམ་མཁའ་རྡོ་རྗེ། རྗེ་གོང་མ་ཆོས་གྲགས།། །།
༄། །ཞིང་སྐྱོང་གི་སྒྲུབ་ཐབས་སྐོར་གསུམ་གྱི་གསན་ཡིག།
༄༅། །ཞིང་སྐྱོང་གི་སྒྲུབ་ཐབས་སྐོར་གསུམ་གྱི་གསན་ཡིག །བསྟན་དགྲ་སྒྲོལ་བར་རྦད་པའི་ཚེ། །གཞན་ཀྱིས་མི་བཟློག་དྲག་ཤུལ་ཅན། །ཁྲོ་རྒྱལ་སེང་གེའི་གདོང་བརྙན་ལ། །
4-475
ཕྱག་བྱས་དེ་བསྒྲུབ་ཐོབ་ཚུལ་བྲི། །དཔལ་ཞིང་སྐྱོང་པའི་དབང་པོ་སེང་གེའི་གདོང་པ་ཅན་རྙིང་མ་ལུགས་སྐོར་གསུམ་དུ་གྲགས་པ་ལས། དང་པོ་ཙཱ་རི་ཟིལ་ཆེན་ནས་པདྨ་ལས་འབྲེལ་རྩལ་གྱིས་གཏེར་ནས་བཏོན་པའི་ཆོས་སྡེ་ལ། རྡོ་རྗེ་ཐོད་འཕྲེང་རྩལ་གསང་བའི་ཐུགས་སྒྲུབ་འཕྲིན་ལས་བཞིའི་ལས་ཚོགས་དང་བཅས་པ། ཞིང་སྐྱོང་གི་ལོ་རྒྱུས། །རྒྱུད་སྤུ་གྲི་རེག་གཅོད་ལེའུ་བཅོ་བརྒྱད་པ། དཀར་པོ་ཡེ་ཤེས་པའི་སྒྲུབ་ཐབས། ནག་པོ་ལས་ཀྱི་མགོན་པོའི་སྒྲུབ་ཐབས། ལས་ཚོགས་ལ། ཚེ་སྒྲུབ་པ། མི་ནོར་ཟས་གསུམ་དབང་དུ་བསྡུད་པ། བསྲུང་འཁོར། །བཟློག་པ་ཡིད་བཞིན་ནོར་བུ། གཏོར་སྒྲུབ་རིན་ཆེན་འཕྲེང་བ། པར་བུ་ཐོད་པ་ཁ་སྦྱར་གྱི་སྒྲུབ་པ། བསད་པ་ལས་བཞིའི་མན་ངག །སྦྱིན་སྲེག་མེའི་སྤུ་གྲི། སྦྱིན་སྲེག་ཡང་ཟབ། ཡུམ་གྱི་དབང་བསྡུད། དམ་བདར་དམོད་བྱང་། འགྱུ་དུས། སྔགས་སྒྲིགས། གནད་ཡིག །མཚན་གྱི་རྣམ་གྲངས། ཡིག་ཆུང་བདུན། ཟ་ཡིག་མ་ལྔ། བུ་བརྒྱད། དབང་བསྡུད་ཡབ་ཡུམ། འཁོར་ལོ་གཉིས། སྲོག་འཁོར་གཉིས། ནོར་སྒྲུབ་འཁོར་ལོ་གཉིས། བླ་རྡོའི་འཁོར་ལོ་གཉིས། སྡེ་བརྒྱད་ཡང་ཡུམ་ལྟོ་འཁོར་གཉིས། བསྲུང་བཟློག་འཁོར་ལོ་གཉིས། གསང་འཁོར། ནོར་སྒྲུབ། དབད་སྡུད། བླ་རྡོ། ཕོ་འཁོར་མོ་འཁོར། རྗེས་གནང་དཔེ་རིས། སྦྱིན་སྲེག་འཁོར་ལོ། མཚོན་བསྲུང་། འཁོར་ལོ་སོགས་བཅུ་དྲུག །ཕྱག་དར། རྟེན་གཏོར། དབང་རྫས་དཔེ་རིས། མདོས་ཀྱི་པྲ་ཁྲིད། 
4-476
མདོས་གྱེར་བར་ཆད་ཀུན་སེལ། ཕྱི་མ་གཉིས་རྒྱལ་སྲས་ལེགས་པས་མཛད། དབང་རྣམས་ཐོབ་པའི་བརྒྱུད་པ་ནི། གསང་བའི་བདག་པོ། སློབ་དཔོན་དྷ་ན་སཾ་ཀྲྀ་ཏ། སློབ་དཔོན་པདྨ། གཏེར་བཏོན་ལས་འབྲེལ་རྩལ། ཤོའི་སྔགས་ཆང་རྒྱལ་སྲས་ལེགས་པ། ཀུན་མཁྱེན་དྲི་མེད་འོད་ཟེར། འཇམ་དབྱངས་གྲགས་པ་བཟང་པོ། ཆོས་རྗེ་ཟླ་བ་གྲགས་པ། རྫོགས་ཆེན་པ་བློ་གྲོས་རིན་ཆེན། རིག་འཛིན་ནམ་མཁའ་རྡོ་རྗེ། འཇམ་དབྱངས་ཆོས་ཀྱི་གྲགས་པ། རྡོ་རྗེ་འཛིན་པ་ཡོན་ཏན་ཡེ་ཤེས། རྡོ་རྗེ་འཛིན་པ་ཆོས་ཀྱི་མགོན་པོ། དེས་པདྨ་དཀར་པོ་ལའོ། །རྗེ་ཡོན་ཏན་ཡེ་ཤེས་རང་ལ་དབང་ཐོབ། གཉིས་པ་ཆོས་རྒྱལ་རིན་ཆེན་གླིང་པའི་སྐོར་ལ། གུ་རུ་སེང་གེ་སྒྲ་སྒྲོག་གི་སྒྲུབ་ཐབས། ཞིང་སྐྱོང་གི་མཚན་ཉིད། སྒྲུབ་ཐབས་ཞལ་གདམས་བཅུ་གསུམ་མ། སྲོག་འཁོར་གནད་ཀྱི་གདམས་པ། སྦྱིན་སྲེག་ཞལ་ཧོམ། བཾ་རོ་ཕོ་མོའི་སྒོས་སྒྲུབ། ཟ་ཡིག་བཞི། དགག་འདྲི་མནན་ཐབས་རྣམས་སོ། །དེ་དག་ཐོབ་པའི་བརྒྱུད་པ་ནི། རིག་འཛིན་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། གཏེར་བཏོན་ཆོས་རྒྱལ་རིན་ཆེན་གླིང་པ། རྩ་ནང་པ་ཆོས་ཀྱི་རྒྱལ་པོ། །བླ་མ་ཆེར་རྫོང་སྤྲུལ་སྐུ། རིག་འཛིན་ནམ་མཁའ་རྡོ་རྗེ་མན་གོང་བཞིན་ནོ། །གསུམ་པ་ཀུན་སྐྱོང་གླིང་པའི་སྐོར་ལ། བདུད་མགོན་ཡབ་ཡུམ་གྱི་གསང་རྟེན་ཅིག་དྲིལ། མན་ངག་གནད་བདུན་མ། 
4-477
མངའ་གསོལ་གྱི་བཅའ་ལུགས། འགྱུ་དུས། སྤོས་སྦྱོར། ཁྱི་ནག་ཁ་གཏོད་དམ་ཉམས་པ་སྒྲལ་པའི་ལས་མྱུར་ཡང་ཟེར། རྒབ་འདྲེ་མནན་ཐབས་རྣམས་སོ།། །། དེ་དག་ཐོབ་པའི་རྒྱུད་པ་ནི། སློབ་དཔོན་པདྨ། མཁའ་འགྲོ་ཡེ་ཤེས་མཚོ་རྒྱལ། རིག་འཛིན་རྒོད་ཀྱི་ལྡེམ་སྒྲོ། གཏེར་བཏོན་ཀུན་སྐྱོང་གླིང་པ། གཙང་པ་ཆོས་ཀྱི་རྡོ་རྗེ། བླ་མ་བློ་གྲོས་རིན་ཆེན། རིག་འཛིན་ནམ་མཁའ་རྡོ་རྗེ་མན་འདྲའོ།། །།མཱདྒལཾ༎ །།

